又係一場場面上踢落唔似輸三比零，但最後就係俾人屠左三球。係咪踢得好差？又唔係。至少見到開波頭十五分鐘既圍搶同前壓都做得幾好，亦令少有犯錯既洛迪甚至其他曼城球員都有失誤而去打transition，只係最後一傳或埋門都係做得唔夠好，而下半場頭十分鐘個勢亦係度，踢落係似有機會入波，但一失第二球基本上就可以講拜拜。踢波就係咁，拎到個勢冇用，始終都要擺個波入網先得。
出場排陣就梗係有問題架啦，完全諗唔明點解會出迪亞路同烏格迪。烏格迪都仲還好，可能想隊波踢高位，所以要一個跑得掃得既幫手搶，sofar頭段係做到既；迪亞路就真係…唔駛踢都知佢踢唔掂左邊但照出，結果左路得多古一個好努力咁單打獨鬥。老實講，如有曼治有古拿，般奴確係只能踢中場中較炮，但今場冇佢兩個，你都唔肯推前佢一格再出多個防中守穩，而第一球又係輸佢冇追人（唔係第一次發生），領隊都冇可能冇責任啦。唔係我護隊長，要一個打開free style攻中，去改踢一個防守意識要咁強既位，係強人所難（都唔係少少），而般奴打左攻中亦有佢既問題，只係比較下，好似佢係前面失好過係後面輸咁解。
《三球都係輸梳爾咩？》
今次想拆解下果三球點輸。先睇下第一球，洛迪持球，杜古偶然性出現係右路half-space位現身拎波，同賴達斯有少少重疊左位置，反而係呢度有人數優勢，令到梳爾同多古係兩個對三個；另一邊，夏蘭特企係禁區頂，個波係右邊強邊，但迪列特既位置仍然係中間，令到佢同梳爾中間明顯有空間俾杜古拎波轉身推進。咁究竟係阿摩廉指示迪列特必定需要企係夏撚附近，還是迪列特完全意識唔到佢需要向左移，同梳爾保持緊密，等約羅去看管夏撚，等馬沙拉維後面包。總結係，一個夏撚就牽引左曼聯三個球員去看管，而馬沙拉維係完全冇野做。踢5-4-1令到洛迪可以open play， 烏格迪遮唔到杜古條線，洛迪輕鬆俾波杜古轉身。杜古一fake，梳爾都只能保護中線而棄底線俾佢推進。畫面上梳爾又真係幾流下，好易俾佢過左。如果迪列特一早向左移，梳爾就未必需要讓條底線俾佢沉，因迪列特係中間仲可以做攔截。btw，佢係杜古啊，過你一兩個真係好easy，但都只係落底出波，如中後場有追人有跟人既，科頓都冇頂得咁輕鬆啦，係啊，又係講緊隊長冇跟番人啊！你可以話梳爾點解唔早少少step-up守杜古，咁多古咪縮入黎睇賴達斯，放棄防守右翼施華咪得，但迪列特一樣可以左移去縮窄梳爾距離，形成佢守多古，梳爾繼續跟番賴達斯，多古守施華，約羅守番夏撚等馬沙包，好似係後者比前者更make sense並做到防守多人過對面。總括，呢球係成隊既問題多過梳爾一個食晒。
失第二球個責任反而係約羅身上，點會俾杜古背住你拎波，之後都仲食左你半邊內線身位，再望到條斜線去交。迪列特個企位又係咪一D問題都冇呢？如果佢一開始企出兩步，企係梳爾同約羅既中間，咁杜古俾落去果條線就已經封左。可以由界外球開始睇，迪列特個企位係由頭到尾都唔係企係約羅同梳爾既中間，而係慣性地想跟住夏蘭特。梳爾係後面包，都係追到就追啦，但要追果個係夏蘭特，就算一齊起步，梳爾跑輸都好正常。龍門輸單刀窄位都冇咩好講，只能講當拿龍馬既級數就救左一次俾你睇，而比恩迪亞要救就救唔到囉！
第三球就冇咩討論空間，梳爾控離身，再想回傳既時候傳得細力左，麥佳亞想補飛，但俾人偷到再即放直線。呢球就100%係梳爾責任，令球隊無故失控球被打反擊。
《總結》
輸三球波，只有一球係梳爾必須負全責，其餘兩球都唔完全係佢責任。不過，安拿拿已經遠走他鄉，新戰犯睇黎落左係梳爾身上，而係曼聯搵戰犯已經變左慣常操作。只要有少少行差踏錯，就會被無限放大，睇黎梳爾成功接任呢個位置。英超曼聯又輸一場，下場番主場對車路士，我唔相信阿摩廉會改變佢既陣式同戰術理念，但希望佢係球隊既細節上可以再調較一下。希望古拿同曼治可以盡快復出，古拿真係好撚緊要！
出場排陣就梗係有問題架啦，完全諗唔明點解會出迪亞路同烏格迪。烏格迪都仲還好，可能想隊波踢高位，所以要一個跑得掃得既幫手搶，sofar頭段係做到既；迪亞路就真係…唔駛踢都知佢踢唔掂左邊但照出，結果左路得多古一個好努力咁單打獨鬥。老實講，如有曼治有古拿，般奴確係只能踢中場中較炮，但今場冇佢兩個，你都唔肯推前佢一格再出多個防中守穩，而第一球又係輸佢冇追人（唔係第一次發生），領隊都冇可能冇責任啦。唔係我護隊長，要一個打開free style攻中，去改踢一個防守意識要咁強既位，係強人所難（都唔係少少），而般奴打左攻中亦有佢既問題，只係比較下，好似佢係前面失好過係後面輸咁解。
《三球都係輸梳爾咩？》
今次想拆解下果三球點輸。先睇下第一球，洛迪持球，杜古偶然性出現係右路half-space位現身拎波，同賴達斯有少少重疊左位置，反而係呢度有人數優勢，令到梳爾同多古係兩個對三個；另一邊，夏蘭特企係禁區頂，個波係右邊強邊，但迪列特既位置仍然係中間，令到佢同梳爾中間明顯有空間俾杜古拎波轉身推進。咁究竟係阿摩廉指示迪列特必定需要企係夏撚附近，還是迪列特完全意識唔到佢需要向左移，同梳爾保持緊密，等約羅去看管夏撚，等馬沙拉維後面包。總結係，一個夏撚就牽引左曼聯三個球員去看管，而馬沙拉維係完全冇野做。踢5-4-1令到洛迪可以open play， 烏格迪遮唔到杜古條線，洛迪輕鬆俾波杜古轉身。杜古一fake，梳爾都只能保護中線而棄底線俾佢推進。畫面上梳爾又真係幾流下，好易俾佢過左。如果迪列特一早向左移，梳爾就未必需要讓條底線俾佢沉，因迪列特係中間仲可以做攔截。btw，佢係杜古啊，過你一兩個真係好easy，但都只係落底出波，如中後場有追人有跟人既，科頓都冇頂得咁輕鬆啦，係啊，又係講緊隊長冇跟番人啊！你可以話梳爾點解唔早少少step-up守杜古，咁多古咪縮入黎睇賴達斯，放棄防守右翼施華咪得，但迪列特一樣可以左移去縮窄梳爾距離，形成佢守多古，梳爾繼續跟番賴達斯，多古守施華，約羅守番夏撚等馬沙包，好似係後者比前者更make sense並做到防守多人過對面。總括，呢球係成隊既問題多過梳爾一個食晒。
失第二球個責任反而係約羅身上，點會俾杜古背住你拎波，之後都仲食左你半邊內線身位，再望到條斜線去交。迪列特個企位又係咪一D問題都冇呢？如果佢一開始企出兩步，企係梳爾同約羅既中間，咁杜古俾落去果條線就已經封左。可以由界外球開始睇，迪列特個企位係由頭到尾都唔係企係約羅同梳爾既中間，而係慣性地想跟住夏蘭特。梳爾係後面包，都係追到就追啦，但要追果個係夏蘭特，就算一齊起步，梳爾跑輸都好正常。龍門輸單刀窄位都冇咩好講，只能講當拿龍馬既級數就救左一次俾你睇，而比恩迪亞要救就救唔到囉！
第三球就冇咩討論空間，梳爾控離身，再想回傳既時候傳得細力左，麥佳亞想補飛，但俾人偷到再即放直線。呢球就100%係梳爾責任，令球隊無故失控球被打反擊。
《總結》
輸三球波，只有一球係梳爾必須負全責，其餘兩球都唔完全係佢責任。不過，安拿拿已經遠走他鄉，新戰犯睇黎落左係梳爾身上，而係曼聯搵戰犯已經變左慣常操作。只要有少少行差踏錯，就會被無限放大，睇黎梳爾成功接任呢個位置。英超曼聯又輸一場，下場番主場對車路士，我唔相信阿摩廉會改變佢既陣式同戰術理念，但希望佢係球隊既細節上可以再調較一下。希望古拿同曼治可以盡快復出，古拿真係好撚緊要！
請按此登錄後留言。未成為會員? 立即註冊