《新帥新陣式新戰術》
曼聯新任領隊阿摩廉果然起用佢最擅長既陣式3-4-2-1。龍門用安拿拿。三中堅由左至右係伊雲斯、迪列特、馬沙拉維。平排防中係艾歷臣同卡斯美路。左右翼衛係達洛治同迪亞路。兩個攻擊中場則係右般奴左加拿祖支援前鋒華舒福。今場球隊甚少係高位進行逼搶，大多時候都係先係中場mid-block防守，以防反為主。後場龍門build-up會推前中中堅迪列特上禁區頂，等安拿拿連同左右中堅形成一線，中場有三人連成一線係後場組織。兩翼衛推前拉闊球場闊度。球隊後場都好堅持去用地波推進，嘗試靠猜傳破解對方既高位逼搶，所以安拿拿今場既長傳次數比以往明顯係少好多。進攻好多時都係靠後場打穿對方高位防守，前場靠幾腳直線放空位跑，甚少落入陣地戰同圍攻格局，所以都未太睇到球隊如何破解大巴陣。
《上半場曼聯唔輸還神；下半場唔輸就靠安拿拿》
一開波，見到曼聯精神面貌好似真係好唔同，頭幾段跑落去好似幾有力（好似跑馬開閘）。81秒，曼聯攻勢由邊路策動，華舒福接應迪亞路傳中篤入，打破唔知幾多分鐘既入球荒。不過，葉士域治冇自亂陣腳。雖然先失一球，但整隊係用波方面非常有水準。頭15分鐘，多次憑右路既般斯加埋赫捷臣進襲曼聯左路製造攻勢，屢次傳中都好有威脅。阿摩廉只睇左15分鐘，已經叫艾歷臣同卡斯美路互換位置，希望將防守力較高既胖虎調去左邊幫幫達洛治，變動都算幾迅速。解決左路問題又衍生右路問題，輪到史姆迪斯果邊發難，製造左一下極黃金機會俾前鋒戴納近距離怒射，但竟然被安拿拿救到。但都係頂唔到上半場，43分鐘赫捷臣右路扣大位，左腳盪尾袋省中馬沙拉維收死安拿拿。上半場葉士域治七射四中，如果咁都追唔番一球都幾冇天理。
下半場雙方都冇換人，而阿摩廉就將般奴同加拿祖左右對調，睇吓有冇咩改變。戰況都係同上半場接近，主動既係葉士域治。56分鐘，阿摩廉首先用梳爾同烏格迪入替伊雲斯同卡斯美路。多左烏格迪係中場令到隊波係中場防守好左。麥堅拿係65分鐘換人，而阿摩
廉係68分鐘再用海倫同舒克斯入替福仔同艾歷臣，同時間將般奴調落一格踢平排中場。對面體能跌watt，加上曼聯球員位置調動令整隊既控球能力強左，開始用到下個波。不過要講埋門威脅都係主隊較好，要不是安拿拿再次顯身手，加上對方埋門質數唔夠好，曼聯先唔駛再落後。最後，葉士域治主場一比一被曼聯逼和，各得一分。
《曼聯係換完人先開始有野睇》
新帥上任只係操左兩堂就要作客英超球隊，一早預左唔易踢。新陣式明顯所有球員都要適應，而新帥自己都好明顯要搵球隊既最佳陣容。正選陣容想盡出天下兵器，迪亞路同加拿祖齊齊出，但迪亞路要適應新位置，同時將達洛治逼左去踢唔太慣既左路，而加拿祖既特性係攻中位置亦唔太能發揮。前鋒華舒福亦一如所料，未能係前場做到支點停波護波等支援，所以整隊正選踢落去好格格不入。不過都要幫新帥講講說話，兩隻左閘實在太耐冇踢比賽，其他傷兵同踢完國際賽既球員都需要適應同理解新體系既要求，所以新帥係正選陣容上都有考慮呢個層面而選擇將某幾位球員先列後備。當後備球員換入後，球隊表現有起色，一黎對面跌watt，另一方面則係某幾位入替既球員係新陣式新戰術下比正選果班較好。例如：梳爾轉踢左中堅、般奴踢番落一格去拎波做波、海倫係番前場做支點同舒克斯9號半踢法係中前場游走。一如小弟之前講，曼聯球員既特性大都唔符合新陣式同新戰術既要求，新帥係一定要犧牲某堆球員又或者將佢地改造，但改造既時間快定慢就好難預測到，而冬窗又有冇機會比你買幾個「士砵亭」球員加速融入，呢幾點先係對新帥既考驗，亦係對管理層既考驗。
《總結》
麥堅拿黎講應該心有不甘，整場波既優勢都係佢地到，但球員既埋門質素唔夠，令佢地唔能夠贏到呢場波，絕對可以話係痛失兩分。小弟非常希望呢隊波可以護到級，希望佢地做到啦。
阿摩廉第一場就要落筆打三更。由81秒就入波既自信表情，到15分鐘出黎微調人腳位置，到完場果副「咁撚難贏既咩」果個樣，係一場波就表露無遺。英超同葡超分別很大喔！今場正選陣容亦明顯唔係曼聯既最佳陣容，新帥為左保護剛傷癒既球員就將佢地先列後備，相信最強十一人或者會係第三場後會見到。新帥都係僅僅上任兩三個禮拜，小弟唔敢講佢一定失敗，但睇完第一場相信新帥都要「破地獄」咁破舊立新先掂，只係唔知佢有幾多時間破，破完又係咪成功就真係放長雙眼睇啦！
曼聯新任領隊阿摩廉果然起用佢最擅長既陣式3-4-2-1。龍門用安拿拿。三中堅由左至右係伊雲斯、迪列特、馬沙拉維。平排防中係艾歷臣同卡斯美路。左右翼衛係達洛治同迪亞路。兩個攻擊中場則係右般奴左加拿祖支援前鋒華舒福。今場球隊甚少係高位進行逼搶，大多時候都係先係中場mid-block防守，以防反為主。後場龍門build-up會推前中中堅迪列特上禁區頂，等安拿拿連同左右中堅形成一線，中場有三人連成一線係後場組織。兩翼衛推前拉闊球場闊度。球隊後場都好堅持去用地波推進，嘗試靠猜傳破解對方既高位逼搶，所以安拿拿今場既長傳次數比以往明顯係少好多。進攻好多時都係靠後場打穿對方高位防守，前場靠幾腳直線放空位跑，甚少落入陣地戰同圍攻格局，所以都未太睇到球隊如何破解大巴陣。
《上半場曼聯唔輸還神；下半場唔輸就靠安拿拿》
一開波，見到曼聯精神面貌好似真係好唔同，頭幾段跑落去好似幾有力（好似跑馬開閘）。81秒，曼聯攻勢由邊路策動，華舒福接應迪亞路傳中篤入，打破唔知幾多分鐘既入球荒。不過，葉士域治冇自亂陣腳。雖然先失一球，但整隊係用波方面非常有水準。頭15分鐘，多次憑右路既般斯加埋赫捷臣進襲曼聯左路製造攻勢，屢次傳中都好有威脅。阿摩廉只睇左15分鐘，已經叫艾歷臣同卡斯美路互換位置，希望將防守力較高既胖虎調去左邊幫幫達洛治，變動都算幾迅速。解決左路問題又衍生右路問題，輪到史姆迪斯果邊發難，製造左一下極黃金機會俾前鋒戴納近距離怒射，但竟然被安拿拿救到。但都係頂唔到上半場，43分鐘赫捷臣右路扣大位，左腳盪尾袋省中馬沙拉維收死安拿拿。上半場葉士域治七射四中，如果咁都追唔番一球都幾冇天理。
下半場雙方都冇換人，而阿摩廉就將般奴同加拿祖左右對調，睇吓有冇咩改變。戰況都係同上半場接近，主動既係葉士域治。56分鐘，阿摩廉首先用梳爾同烏格迪入替伊雲斯同卡斯美路。多左烏格迪係中場令到隊波係中場防守好左。麥堅拿係65分鐘換人，而阿摩
廉係68分鐘再用海倫同舒克斯入替福仔同艾歷臣，同時間將般奴調落一格踢平排中場。對面體能跌watt，加上曼聯球員位置調動令整隊既控球能力強左，開始用到下個波。不過要講埋門威脅都係主隊較好，要不是安拿拿再次顯身手，加上對方埋門質數唔夠好，曼聯先唔駛再落後。最後，葉士域治主場一比一被曼聯逼和，各得一分。
《曼聯係換完人先開始有野睇》
新帥上任只係操左兩堂就要作客英超球隊，一早預左唔易踢。新陣式明顯所有球員都要適應，而新帥自己都好明顯要搵球隊既最佳陣容。正選陣容想盡出天下兵器，迪亞路同加拿祖齊齊出，但迪亞路要適應新位置，同時將達洛治逼左去踢唔太慣既左路，而加拿祖既特性係攻中位置亦唔太能發揮。前鋒華舒福亦一如所料，未能係前場做到支點停波護波等支援，所以整隊正選踢落去好格格不入。不過都要幫新帥講講說話，兩隻左閘實在太耐冇踢比賽，其他傷兵同踢完國際賽既球員都需要適應同理解新體系既要求，所以新帥係正選陣容上都有考慮呢個層面而選擇將某幾位球員先列後備。當後備球員換入後，球隊表現有起色，一黎對面跌watt，另一方面則係某幾位入替既球員係新陣式新戰術下比正選果班較好。例如：梳爾轉踢左中堅、般奴踢番落一格去拎波做波、海倫係番前場做支點同舒克斯9號半踢法係中前場游走。一如小弟之前講，曼聯球員既特性大都唔符合新陣式同新戰術既要求，新帥係一定要犧牲某堆球員又或者將佢地改造，但改造既時間快定慢就好難預測到，而冬窗又有冇機會比你買幾個「士砵亭」球員加速融入，呢幾點先係對新帥既考驗，亦係對管理層既考驗。
《總結》
麥堅拿黎講應該心有不甘，整場波既優勢都係佢地到，但球員既埋門質素唔夠，令佢地唔能夠贏到呢場波，絕對可以話係痛失兩分。小弟非常希望呢隊波可以護到級，希望佢地做到啦。
阿摩廉第一場就要落筆打三更。由81秒就入波既自信表情，到15分鐘出黎微調人腳位置，到完場果副「咁撚難贏既咩」果個樣，係一場波就表露無遺。英超同葡超分別很大喔！今場正選陣容亦明顯唔係曼聯既最佳陣容，新帥為左保護剛傷癒既球員就將佢地先列後備，相信最強十一人或者會係第三場後會見到。新帥都係僅僅上任兩三個禮拜，小弟唔敢講佢一定失敗，但睇完第一場相信新帥都要「破地獄」咁破舊立新先掂，只係唔知佢有幾多時間破，破完又係咪成功就真係放長雙眼睇啦！
請按此登錄後留言。未成為會員? 立即註冊