阿摩廉係十一月尾過完國際賽後走馬上任曼聯領隊一職。直到現時為止，佢帶領曼聯獲得4勝1和6負。如果單計聯賽，只係得2勝1和5負，8場波拎得7分。現時曼聯拎住22分排係第14位，距離第18位既葉士域治只有7分差距。依家球隊既目標真係變左要護級，咁究竟點解曼聯會攪到咁？
小弟認為攪成咁既主要罪人並唔係坦夏，唔係球員，亦不是阿摩廉，而係球隊老闆占sir。占sir初時入主曼聯重組管理層，更大手筆從紐卡素手中撬走體育總監丹安史禾夫，希望係建造球隊方面能更有規劃地發展，確實為球迷帶黎唔少希望。今夏球隊先同坦夏續約，再課金買入約羅、馬沙拉維、舒克斯、烏格迪同迪列特等。老實說，上述五人都絕非頂級球員，迪列特同馬沙拉維會係輪換球員，而其他三人買既係潛力而非即戰力。
管理層角度，咁既買人方式不無道理。既然同坦夏續約，咁咪再買幾個潛力兵俾佢練，加埋加拿祖、海倫同文奴，培養年青新一代發展，再慢慢淘汰舊人，方針好明確。可惜，曼聯開季脫腳，係聯賽積分榜上早已無緣爭標。適逢9月賽期，占sir已經要管理層開會傾傾會否炒左坦夏。不過，管理層認為呢個階段唔係炒既好時機，應該俾坦夏繼續帶，但明眼人已經知道占sir睇佢唔順眼。再過多一排，戰績未有明顯改善，而曼聯係呢段時間係甚少輸波，多數都係贏唔到，唯一就係極冤枉輸左俾韋斯咸。
適逢國際賽期又黎，占sir決定手起刀落炒人，然後搵左士砵亭領隊阿摩廉黎教。入正題了，原來丹安史禾夫係占sir請人前係有列舉四個人選俾占sir選擇，包括擁有帶白禮頓既靚CV樸達、今季令富咸眼前一亮既馬高施華、帶紐卡素闖入歐聯既賀維同埋賓福特既法蘭克。前三個領隊都係用開4231或433體系，而法蘭克則限米煮限飯帶賓福特踢到唔錯既足球，佢會睇情況起用4或5人既後防體系，亦有多年英超經驗。我覺得呢四個人選都正路，但占sir唔鍾意，決定向阿摩廉埋手。冇人知當時佢地點傾，依家淨係知阿摩廉只會用5人防線，主要起用3421陣式。經過個幾月既實戰，曼聯大部分球員明顯係完全唔適應呢個陣式，球員落到場完全係迷惘。講緊曼聯大部分球員都係國腳級，但一落場好似成隊唔識踢波咁，連好普通既控傳都做唔到。阿摩廉講明只會堅持自己果套，仲話因為上幾代領隊踢果個系統都贏唔到先搵自己，咁冇理由自己要用佢地果套。依家曼聯一踢就輸，班球員一輸就冇信心，阿摩又好堅持理念，曼聯要贏一場都好難，點會唔跌入降班漩渦！
《總結》
占sir再一次證明俾人知外行管內行注定
失敗。首先，既然重組管理層，就應該信任呢班人既能力，仲要難得請到一個好既體育總監，但自己又要多事管埋一份，最後都攪到佢離職走人。第二，外行就係外行，由四後衞轉三後衞既體系改變需時，占sir肯定認為打機㩒個制就掂啦，又唔分析下隊中既人腳岩唔岩。最後，就係時機問題。季尾炒課水等新帥買人再操，同半季冇得買人，仲要冇時間操練，直接比賽個分別大到一個點。占sir睇黎又唔班解啦！
一月轉會窗到，到底占sir會唔會課水買人俾阿摩，還是由得佢用一班唔岩踢既人繼續捱埋果半季，還是再極端再炒阿摩再搵第二個教，好快就揭曉！話時話，「炒帥效應」隊隊都work，炒一炒拎多幾分就到40分平安線，占sir又不妨諗諗佢啊！
P.S.：整個故事都係從傳聞整合再加個人推論
小弟認為攪成咁既主要罪人並唔係坦夏，唔係球員，亦不是阿摩廉，而係球隊老闆占sir。占sir初時入主曼聯重組管理層，更大手筆從紐卡素手中撬走體育總監丹安史禾夫，希望係建造球隊方面能更有規劃地發展，確實為球迷帶黎唔少希望。今夏球隊先同坦夏續約，再課金買入約羅、馬沙拉維、舒克斯、烏格迪同迪列特等。老實說，上述五人都絕非頂級球員，迪列特同馬沙拉維會係輪換球員，而其他三人買既係潛力而非即戰力。
管理層角度，咁既買人方式不無道理。既然同坦夏續約，咁咪再買幾個潛力兵俾佢練，加埋加拿祖、海倫同文奴，培養年青新一代發展，再慢慢淘汰舊人，方針好明確。可惜，曼聯開季脫腳，係聯賽積分榜上早已無緣爭標。適逢9月賽期，占sir已經要管理層開會傾傾會否炒左坦夏。不過，管理層認為呢個階段唔係炒既好時機，應該俾坦夏繼續帶，但明眼人已經知道占sir睇佢唔順眼。再過多一排，戰績未有明顯改善，而曼聯係呢段時間係甚少輸波，多數都係贏唔到，唯一就係極冤枉輸左俾韋斯咸。
適逢國際賽期又黎，占sir決定手起刀落炒人，然後搵左士砵亭領隊阿摩廉黎教。入正題了，原來丹安史禾夫係占sir請人前係有列舉四個人選俾占sir選擇，包括擁有帶白禮頓既靚CV樸達、今季令富咸眼前一亮既馬高施華、帶紐卡素闖入歐聯既賀維同埋賓福特既法蘭克。前三個領隊都係用開4231或433體系，而法蘭克則限米煮限飯帶賓福特踢到唔錯既足球，佢會睇情況起用4或5人既後防體系，亦有多年英超經驗。我覺得呢四個人選都正路，但占sir唔鍾意，決定向阿摩廉埋手。冇人知當時佢地點傾，依家淨係知阿摩廉只會用5人防線，主要起用3421陣式。經過個幾月既實戰，曼聯大部分球員明顯係完全唔適應呢個陣式，球員落到場完全係迷惘。講緊曼聯大部分球員都係國腳級，但一落場好似成隊唔識踢波咁，連好普通既控傳都做唔到。阿摩廉講明只會堅持自己果套，仲話因為上幾代領隊踢果個系統都贏唔到先搵自己，咁冇理由自己要用佢地果套。依家曼聯一踢就輸，班球員一輸就冇信心，阿摩又好堅持理念，曼聯要贏一場都好難，點會唔跌入降班漩渦！
《總結》
占sir再一次證明俾人知外行管內行注定
失敗。首先，既然重組管理層，就應該信任呢班人既能力，仲要難得請到一個好既體育總監，但自己又要多事管埋一份，最後都攪到佢離職走人。第二，外行就係外行，由四後衞轉三後衞既體系改變需時，占sir肯定認為打機㩒個制就掂啦，又唔分析下隊中既人腳岩唔岩。最後，就係時機問題。季尾炒課水等新帥買人再操，同半季冇得買人，仲要冇時間操練，直接比賽個分別大到一個點。占sir睇黎又唔班解啦！
一月轉會窗到，到底占sir會唔會課水買人俾阿摩，還是由得佢用一班唔岩踢既人繼續捱埋果半季，還是再極端再炒阿摩再搵第二個教，好快就揭曉！話時話，「炒帥效應」隊隊都work，炒一炒拎多幾分就到40分平安線，占sir又不妨諗諗佢啊！
P.S.：整個故事都係從傳聞整合再加個人推論
請按此登錄後留言。未成為會員? 立即註冊