《達洛治牌手榴彈》
上半場都唔係好知隊波踢緊乜，後場被人逼兩逼就向前斬，人地頂完又斬番過去，個波就係空中度飛黎飛去，賓福特高佬多就自然有優勢，但曼聯你攪乜要跟住人地黎踢，冇乜點試過擺個波落地下踢咪益人地。不過擺到落地下踢都冇用，中前場個個都各有各踢咁，特別係古拿，今日唔知做乜勁想自己carry隊波，隊友走晒位又唔交，下下都自己去，但自己又唔fit。唯一見到新戰術，就係「達洛治牌手榴彈」，難怪佢岩岩復操就要出佢。想問下曼聯歷代領隊有邊個係會玩呢套戰術？
下半場賓福特贏住你兩球就選擇縮多少少係後場，曼聯先開始用到下個波，叫做開始控制到球賽。不過要創造到黃金機會就真係冇乜。入第一球都係靠錫斯高自己反應快執到，而另一下就係搏到十二碼果個組織。有樣野要讚係，唔知係球員自己執生還是教練指示（當係後者先），下半場古拿係有球進攻時明顯更自由，容許佢更多時間係中路，或俾佢去右邊。安保姆則更多時間係中間，同錫斯高接近踢兩個前鋒。搏到十二碼果下，正正係古拿去左右路插入half-space，安保姆係中路搶前柱，先搏到十二碼。十二碼射唔入係曼聯唔能夠打和或反勝既關鍵，但更關鍵或者係球證同VAR既判決。哥連斯係冇機會可以「玩波」既情況下用手拉低安保姆，係禁區內破壞對手既一個明顯入球機會，即係Dogso，但竟然球證只係俾左黃牌，而VAR房亦「冇人」糾正錯誤。呢下真係完全顛覆我對Dogso既定義！如果當時仲有廿分鐘既情況下打多個，就算十二碼唔入，曼聯點都應該會創造多幾個埋門機會掛！
《輸波梗係搵戰犯》
第一球失波都幾肯定係麥佳亞要負責，裝越位失敗令到泰亞高單刀對住比恩迪亞。泰亞高射腳近柱衝網頂，都非龍門所能挽救。當然，前場古拿疑似被犯規冇吹，都可能係輸呢球既關鍵。BTW，古拿人前波後加少少失平衡下，呢下唔罰我又覺得合理。
第二球輸得又係非常攪笑，雲丹貝治放一個高波俾泰亞高停。先係迪列特完全失位，令泰亞高用心口照俾係左面既舒哈迪落底，後係達洛治你攪乜春啊？人地高波斬去你果邊，就算過左你頭，你都應該追番對位既翼鋒啦吓話，但你竟然跑入中間要麥佳亞補你位？然後你跑入中間又唔係填番麥佳亞個空位，令到比恩迪亞救到既波，正正跌番落衝入去既泰亞高腳前，俾佢幾連擊射入。人地兩個進攻球員就攪掂你曼聯四個防守球員，條防線形同虛設！
第三球就冇咩好講啦，大軍壓上搏追多粒，但明奴係中間交失波俾人打反擊。人地兩三下就到禁區，俾後備入替既贊臣怒抽破網。雖然佢呢下係中間都open得幾緊要，但佢都係鳩射中間，比恩迪亞救唔到就真係級數問題。不過呢球都唔怪你啦，要不是你早段救幾次，一早已經俾人入左兩三球。
《總結》
成日都講輸波唔係問題，但要睇下輸俾邊隊同踢成點。賓福特今年已經好差下，我相信會係中下游球隊，但你連中下游球隊都輸，仲要係場面上都輸埋，就認真難攪。對車路士冇人估你贏，偏偏就打多個拎到三分（都係踢得差架啦）；今場係要贏，就踢到pat屎咁。望落班球員唔似係逼宮架wor，但最後係輸三比一，係咪呀摩你個套真係唔work呀？ 呢場一輸，
阿摩被炒賠率即刻熱到飛起，我會話如果下場贏唔到新特蘭，我肯定佢要執包袱。如傳聞中真係有完左一季唔駛賠錢的話，只要下場輸埋俾黑貓，咁佢帶到夠期就會同佢講拜拜。
上半場都唔係好知隊波踢緊乜，後場被人逼兩逼就向前斬，人地頂完又斬番過去，個波就係空中度飛黎飛去，賓福特高佬多就自然有優勢，但曼聯你攪乜要跟住人地黎踢，冇乜點試過擺個波落地下踢咪益人地。不過擺到落地下踢都冇用，中前場個個都各有各踢咁，特別係古拿，今日唔知做乜勁想自己carry隊波，隊友走晒位又唔交，下下都自己去，但自己又唔fit。唯一見到新戰術，就係「達洛治牌手榴彈」，難怪佢岩岩復操就要出佢。想問下曼聯歷代領隊有邊個係會玩呢套戰術？
下半場賓福特贏住你兩球就選擇縮多少少係後場，曼聯先開始用到下個波，叫做開始控制到球賽。不過要創造到黃金機會就真係冇乜。入第一球都係靠錫斯高自己反應快執到，而另一下就係搏到十二碼果個組織。有樣野要讚係，唔知係球員自己執生還是教練指示（當係後者先），下半場古拿係有球進攻時明顯更自由，容許佢更多時間係中路，或俾佢去右邊。安保姆則更多時間係中間，同錫斯高接近踢兩個前鋒。搏到十二碼果下，正正係古拿去左右路插入half-space，安保姆係中路搶前柱，先搏到十二碼。十二碼射唔入係曼聯唔能夠打和或反勝既關鍵，但更關鍵或者係球證同VAR既判決。哥連斯係冇機會可以「玩波」既情況下用手拉低安保姆，係禁區內破壞對手既一個明顯入球機會，即係Dogso，但竟然球證只係俾左黃牌，而VAR房亦「冇人」糾正錯誤。呢下真係完全顛覆我對Dogso既定義！如果當時仲有廿分鐘既情況下打多個，就算十二碼唔入，曼聯點都應該會創造多幾個埋門機會掛！
《輸波梗係搵戰犯》
第一球失波都幾肯定係麥佳亞要負責，裝越位失敗令到泰亞高單刀對住比恩迪亞。泰亞高射腳近柱衝網頂，都非龍門所能挽救。當然，前場古拿疑似被犯規冇吹，都可能係輸呢球既關鍵。BTW，古拿人前波後加少少失平衡下，呢下唔罰我又覺得合理。
第二球輸得又係非常攪笑，雲丹貝治放一個高波俾泰亞高停。先係迪列特完全失位，令泰亞高用心口照俾係左面既舒哈迪落底，後係達洛治你攪乜春啊？人地高波斬去你果邊，就算過左你頭，你都應該追番對位既翼鋒啦吓話，但你竟然跑入中間要麥佳亞補你位？然後你跑入中間又唔係填番麥佳亞個空位，令到比恩迪亞救到既波，正正跌番落衝入去既泰亞高腳前，俾佢幾連擊射入。人地兩個進攻球員就攪掂你曼聯四個防守球員，條防線形同虛設！
第三球就冇咩好講啦，大軍壓上搏追多粒，但明奴係中間交失波俾人打反擊。人地兩三下就到禁區，俾後備入替既贊臣怒抽破網。雖然佢呢下係中間都open得幾緊要，但佢都係鳩射中間，比恩迪亞救唔到就真係級數問題。不過呢球都唔怪你啦，要不是你早段救幾次，一早已經俾人入左兩三球。
《總結》
成日都講輸波唔係問題，但要睇下輸俾邊隊同踢成點。賓福特今年已經好差下，我相信會係中下游球隊，但你連中下游球隊都輸，仲要係場面上都輸埋，就認真難攪。對車路士冇人估你贏，偏偏就打多個拎到三分（都係踢得差架啦）；今場係要贏，就踢到pat屎咁。望落班球員唔似係逼宮架wor，但最後係輸三比一，係咪呀摩你個套真係唔work呀？ 呢場一輸，
阿摩被炒賠率即刻熱到飛起，我會話如果下場贏唔到新特蘭，我肯定佢要執包袱。如傳聞中真係有完左一季唔駛賠錢的話，只要下場輸埋俾黑貓，咁佢帶到夠期就會同佢講拜拜。
請按此登錄後留言。未成為會員? 立即註冊