英超揭幕戰，曼聯主場憑舒克斯後備入替建功一比零擊敗富咸，係聯賽先拎到三分排榜首（J左先）。
一如我所料，坦夏排出4-2-4陣式。龍門係安拿拿。後防由左至右係達洛治-馬天尼斯-麥佳亞-馬沙拉奧。平排防中係卡斯美路同明奴。前場四個左至右係華舒福-般奴費南迪斯-曼治-迪亞路。
比賽戰況
頭十五分鐘，富咸比曼聯早入局，除左有一次黃金機會被馬沙拉奧破壞，亦有迪提係禁局頂射門被撲走。不過十五分鐘後，就開始係曼聯既天下。半場入唔到波完完全全係關球員既把握力事。下半場戰況相對平均，你一段我一段。中段要不是麥佳亞係一打二既情況下成功攔截對手，曼聯分分鐘先落後。尾段就有舒克斯搶點快射入波，最後一比零氣走富咸。
曼積聯開始見到初型
曼聯係高位逼搶上比起上季有明顯進步，球員係對位同遮線上都明顯有目標。上半場多次逼到富咸要大腳向前踢，再利用麥佳亞既身高優勢搶番控球權，亦有一次逼到利奴傳失波，只係般奴果下既埋門處理又差少少，未能先開記錄。特別要讚既係曼治係高位逼搶同被人打穿後靠佢回追既頻率係非常高，真係不停搶不停逼，減少左富咸係後場諗點出波既時間。除左整隊高位逼搶能力提高左外，組織攻勢失控球後既反搶都明顯有下苦功，除左圍波既頻率快左，亦唔會見到有球員「行」住逼，係做到同步「跑」住搶。
防守進步左，進攻都進步左好多，開始有「阿積士」影子，雖然今場僅僅入左一球，但見到球隊係創造機會既能力係強左。球隊唔只係靠般奴既致命傳送，開始見到球員係小組推進上有連結，互相之間都知道個波要擺去邊個心臟地帶，多左one-touch傳送去提升進攻速度，甚有坦克年代阿積士既影子。上半場後段福仔單刀果腳既組織相信係上季從未見過，射唔入就係另一件事。另外，當兩側準備傳中時，亦見到禁區唔淨只得一點，所以今場都有唔少兩側既傳中，入果一球都係右路傳中先入到。
讚既地方有唔少，但彈既地方亦有。下半場整隊體能下降，做唔到上半場中後段圍住對方黎踢，有少少前後場斷開左，令到對方係transition方面拎左唔少優勢，只係富咸人腳質素所限，先冇乜考驗俾到安拿拿。另外，曼治同般奴同場時，有時會同時墮後拎波，令到最前點係完全冇人，所以今場都經常見到
持球者舉手屌鬼話向前走冇得俾，而門前把握力繼續係一大問題，雲佬睇黎有排執！
重點簡評下幾位球員
今場最佳球員絕對係卡斯美路，狀態拍得住前年剛加盟時。今場攻守兼備，度度都見到佢既影子。如果今季保持到的話，曼聯重返前四相信問題不大。
第二個就必定要數馬沙拉奧。睇完呢場波，完全理解唔到點解拜仁會放走佢。雖然佢唔係果類經常壓前沉底出波既球員，但佢係用波方面比達洛治係高級好多。幫波既意識夠強，大大加強左右路組織力。防守位置感亦有，單防能力亦有。呢個收購真係非常好！
麥佳亞今場亦係無名英雄，完全做到坦夏安排俾佢既任務，高空爭奪目測係冇輸過，仲有一下極極重要攔截成功！進攻亦主動將波交俾馬天尼斯發動，自己主力踢對角長傳為主。今場冇得彈！
最後想講下曼治。上文都提及過曼治係防守時既貢獻，而係進攻上都開始見到佢既融入，參與度比上季高。但，佢需要改變一下踢法，需要更多向前走位為主。畢竟隊波既用波核心係般奴，曼治需要放棄更多球權，主力去做後上入楔埋門既職責，咪兩個一齊墮後，翼鋒又冇走入中路，前場就永遠冇俾波目標。
總結
開季第一場，小弟對球隊表現絕對收貨，起碼見到唔再係同對手五五開。陣地戰進攻開始有紋路，高位逼搶見到系統同成效。都想讚下坦克，今場佢係60分鐘已經㩒制，比起上季早左好多，見到球隊板凳有深度，佢係會提早換人。80分鐘換入一對中堅則係普通輪換。83分鐘換入麥湯文尼，加多個後上入球能力強既中場都見到佢想贏既決心。今季多左幾個新援，之後或者仲有，如果今季冇成績，坦夏都幾難交代！
一如我所料，坦夏排出4-2-4陣式。龍門係安拿拿。後防由左至右係達洛治-馬天尼斯-麥佳亞-馬沙拉奧。平排防中係卡斯美路同明奴。前場四個左至右係華舒福-般奴費南迪斯-曼治-迪亞路。
比賽戰況
頭十五分鐘，富咸比曼聯早入局，除左有一次黃金機會被馬沙拉奧破壞，亦有迪提係禁局頂射門被撲走。不過十五分鐘後，就開始係曼聯既天下。半場入唔到波完完全全係關球員既把握力事。下半場戰況相對平均，你一段我一段。中段要不是麥佳亞係一打二既情況下成功攔截對手，曼聯分分鐘先落後。尾段就有舒克斯搶點快射入波，最後一比零氣走富咸。
曼積聯開始見到初型
曼聯係高位逼搶上比起上季有明顯進步，球員係對位同遮線上都明顯有目標。上半場多次逼到富咸要大腳向前踢，再利用麥佳亞既身高優勢搶番控球權，亦有一次逼到利奴傳失波，只係般奴果下既埋門處理又差少少，未能先開記錄。特別要讚既係曼治係高位逼搶同被人打穿後靠佢回追既頻率係非常高，真係不停搶不停逼，減少左富咸係後場諗點出波既時間。除左整隊高位逼搶能力提高左外，組織攻勢失控球後既反搶都明顯有下苦功，除左圍波既頻率快左，亦唔會見到有球員「行」住逼，係做到同步「跑」住搶。
防守進步左，進攻都進步左好多，開始有「阿積士」影子，雖然今場僅僅入左一球，但見到球隊係創造機會既能力係強左。球隊唔只係靠般奴既致命傳送，開始見到球員係小組推進上有連結，互相之間都知道個波要擺去邊個心臟地帶，多左one-touch傳送去提升進攻速度，甚有坦克年代阿積士既影子。上半場後段福仔單刀果腳既組織相信係上季從未見過，射唔入就係另一件事。另外，當兩側準備傳中時，亦見到禁區唔淨只得一點，所以今場都有唔少兩側既傳中，入果一球都係右路傳中先入到。
讚既地方有唔少，但彈既地方亦有。下半場整隊體能下降，做唔到上半場中後段圍住對方黎踢，有少少前後場斷開左，令到對方係transition方面拎左唔少優勢，只係富咸人腳質素所限，先冇乜考驗俾到安拿拿。另外，曼治同般奴同場時，有時會同時墮後拎波，令到最前點係完全冇人，所以今場都經常見到
持球者舉手屌鬼話向前走冇得俾，而門前把握力繼續係一大問題，雲佬睇黎有排執！
重點簡評下幾位球員
今場最佳球員絕對係卡斯美路，狀態拍得住前年剛加盟時。今場攻守兼備，度度都見到佢既影子。如果今季保持到的話，曼聯重返前四相信問題不大。
第二個就必定要數馬沙拉奧。睇完呢場波，完全理解唔到點解拜仁會放走佢。雖然佢唔係果類經常壓前沉底出波既球員，但佢係用波方面比達洛治係高級好多。幫波既意識夠強，大大加強左右路組織力。防守位置感亦有，單防能力亦有。呢個收購真係非常好！
麥佳亞今場亦係無名英雄，完全做到坦夏安排俾佢既任務，高空爭奪目測係冇輸過，仲有一下極極重要攔截成功！進攻亦主動將波交俾馬天尼斯發動，自己主力踢對角長傳為主。今場冇得彈！
最後想講下曼治。上文都提及過曼治係防守時既貢獻，而係進攻上都開始見到佢既融入，參與度比上季高。但，佢需要改變一下踢法，需要更多向前走位為主。畢竟隊波既用波核心係般奴，曼治需要放棄更多球權，主力去做後上入楔埋門既職責，咪兩個一齊墮後，翼鋒又冇走入中路，前場就永遠冇俾波目標。
總結
開季第一場，小弟對球隊表現絕對收貨，起碼見到唔再係同對手五五開。陣地戰進攻開始有紋路，高位逼搶見到系統同成效。都想讚下坦克，今場佢係60分鐘已經㩒制，比起上季早左好多，見到球隊板凳有深度，佢係會提早換人。80分鐘換入一對中堅則係普通輪換。83分鐘換入麥湯文尼，加多個後上入球能力強既中場都見到佢想贏既決心。今季多左幾個新援，之後或者仲有，如果今季冇成績，坦夏都幾難交代！
請按此登錄後留言。未成為會員? 立即註冊