蘭sir排出4-2-3-1。龍門迪基亞。防線由左至右係泰利斯-華拉尼-連迪路夫-達洛治。中場線由左至右係華舒福-麥湯文尼-馬迪-伊蘭加。攻擊中場般奴費南迪斯支援前鋒C朗拿度。
杜曹繼續3-4-2-1。文迪把守最後一關。防線左至右係魯迪加-泰亞高施華-艾斯比列古達。佐真奴同簡迪踢一對防中。左右翼衛係列斯占士同馬高斯阿朗素。攻中夏維斯同蒙特支援添姆華拿攻堅。
上半場盡是車仔攻勢 要不是迪基亞⋯
雖然曼聯主場出擊，但上半場完全係被車路士反客為主。車仔兩翼衛拉盡球場闊度，只要一逼使對方二閘走出邊線防守翼衛，同邊攻中就即刻再插入閘位同邊中堅既身後再拉中堅離開中路位置，華拿再加入係邊路經常形成3打2係邊路瘋狂側擊。當曼聯翼鋒球員有回後防守翼衛，二閘收中保護中堅。車仔就再經佐真奴或者回後俾邊中堅長傳轉方向，係另一邊立刻形成一打一，再以翼衛單挑防守力弱既曼聯二閘，車仔多次成功係邊路輕鬆傳中。好彩車仔前鋒把握力弱，加上迪基亞繼續高水準演出，上半場先叫做頂得住半場。蘭sir明顯冇針對性部署對方呢個簡單既進攻套路。當曼聯受壓至中後場時，因人數較多同翼鋒都有回防下，球場空間較少都算可以限制到對方既傳中；但當曼聯前場球員向前施壓，甚至嘗試係高位逼搶時，就會前場同中後場出現斷層。只要馬迪同二閘冇同時跟上，車仔三中堅拉闊，逼福仔同伊蘭加防守兩中堅，輕鬆傳俾兩邊翼衛再經雙攻中向前推進，甚至兩翼衛自己單對單推上去。前後場整隊不同步，呢個情況係屢見不鮮。更有時發生前場多達5-6名球球係高位「企」，但冇對持球者施壓，經一經佐舒服個波轉兩下就可以直接進攻後防線。見到C朗經常抑手推前防線同叫隊友上去逼，但係場上完全睇唔到係有部署去針對陣式上本身既問題，亦見唔到蘭sir既高位逼搶係有套路。一跑向前就有空位俾人猜兩板又壓住你半場，轉你兩下方向就又係邊路形成一對一。當見到二閘既單對單防守，就諗起點解蘇B既勝利十一人有梳爾同雲比沙加。個波被車路士主導，曼聯就難講進攻。大賽隱形球員般奴繼續隱形，C朗好努力，但對住魯迪加同施華，要做反擊第一支點非常吃力。伊蘭加好勤力亦好快，但往往要逗到咁深協防閘位，再要跑一大段打反擊就唔係咁易。福仔防守上冇逗咁深，想利用佢既速度突襲，但一黎後場搶完放長傳唔準，二黎佢拎住個波連艾斯比列古達都推唔甩就知佢不論狀態同信心都跌入低谷。半場，仲頂得住。
邱仔：輸得容易追得快
半場出番黎，蘭sir只將伊蘭加同福仔互換位置，靠伊蘭加自身既協防能力去針對番列斯占士既強大個人進攻力。戰況都係一如上半場，車路士繼續主攻，曼聯反擊乏力。車仔繼續主打邊線，個波繼續係迪基亞門面掠門而過。踢到60分鐘終於失守，右路列斯占士傳中，夏維斯係中間撐龍舟，個波撐左去尾柱俾阿朗素頭不著地左腳窩利射入。 整個攻勢由佐真奴一傳俾簡迪再指住右路，車路士已經overload左曼聯左路。般奴再決定移入中路去逼簡迪，就令到艾斯比列古達同蒙特加埋占士overload泰利斯同伊蘭加。其實般奴一出腳攔唔到，就應該加速追番艾斯比列古達，咁伊蘭加就未必需要完全放棄列斯占士出去逼艾斯比列古達，就令列斯占士可以睇定定黎出。當占士出波一刻，尾柱仲有個華拿係完全冇人守。就算達洛治冇走甩阿朗素，只要阿朗素讓開唔要波，華拿一樣可以任射。曼聯由打反擊失敗到番黎半場防守，莫講話對位錯中場線散亂，甚至係唔夠人守波，點可能唔輸呢！兩分鐘後，曼聯一次前場壓迫，連迪路夫成功攔截再俾到馬迪。馬迪第一下交波俾簡迪截到，但幸運拎番再一下靚絕挑傳俾到C朗。佢係窄位一痴一ban就追番球，盡顯把握力同功架。完全唔係甚麼戰術配合，全憑兩人既個人能力，就追成平手。
杜曹：要拎三分啊 ； 蘭sir：打和當贏啦
追成平手既曼聯冇話士氣爆升再向前壓，都係繼續俾車仔壓住踢。杜曹係70分鐘換入佩列錫同盧卡古，希望加強邊路既進攻速度同係禁區內加入支點，改變進攻模式。效果唔算太突出，除左佩列錫一下高速沉底傳中，都係較依靠占士右路側擊。蘭sir見狀就係70分鐘換入鍾斯同馬達，將陣式改做5-2-3。三中堅就對番人地三箭頭，翼衛對翼衛，全場一對一防守。馬達則拍住麥湯文尼鎮守中路。呢個調動見到泰利斯同達洛治都冇咁慌失失，起碼後場人數一定夠，仲多左個中堅幫手包，進攻仲可以放膽壓出去踢，踢落形勢比未變陣前好。杜曹再係82分鐘換入龍虎切加強中場後上能力，不過曼聯一轉左三中堅陣再縮係後面守，就冇空位俾你攻，亦冇咁容易俾你overload到兩側。最後，一比一，打和super。
總結
明知對面一定係三中堅兩翼衛攻兩側，都見唔到蘭sir係防守上有咩特別部署去應對。班波唔夠人強，就要係戰術上陣式上搵方法去贏人，唔係就咁擺夠11個球員就出去踢先得架。一變三中堅，成隊守得穩好多。馬迪雖然都有一兩下腦筋上犯錯差少少累失波，但整場要靠呢個老將去頂住條中場，麥湯般奴好似失左蹤咁。好彩依家一周一賽，都仲有馬迪頂住，認真難為了叔叔。呢場波和到當贏啦，都算叫止一止血。下季歐洲賽？諗下好啦！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
杜曹繼續3-4-2-1。文迪把守最後一關。防線左至右係魯迪加-泰亞高施華-艾斯比列古達。佐真奴同簡迪踢一對防中。左右翼衛係列斯占士同馬高斯阿朗素。攻中夏維斯同蒙特支援添姆華拿攻堅。
上半場盡是車仔攻勢 要不是迪基亞⋯
雖然曼聯主場出擊，但上半場完全係被車路士反客為主。車仔兩翼衛拉盡球場闊度，只要一逼使對方二閘走出邊線防守翼衛，同邊攻中就即刻再插入閘位同邊中堅既身後再拉中堅離開中路位置，華拿再加入係邊路經常形成3打2係邊路瘋狂側擊。當曼聯翼鋒球員有回後防守翼衛，二閘收中保護中堅。車仔就再經佐真奴或者回後俾邊中堅長傳轉方向，係另一邊立刻形成一打一，再以翼衛單挑防守力弱既曼聯二閘，車仔多次成功係邊路輕鬆傳中。好彩車仔前鋒把握力弱，加上迪基亞繼續高水準演出，上半場先叫做頂得住半場。蘭sir明顯冇針對性部署對方呢個簡單既進攻套路。當曼聯受壓至中後場時，因人數較多同翼鋒都有回防下，球場空間較少都算可以限制到對方既傳中；但當曼聯前場球員向前施壓，甚至嘗試係高位逼搶時，就會前場同中後場出現斷層。只要馬迪同二閘冇同時跟上，車仔三中堅拉闊，逼福仔同伊蘭加防守兩中堅，輕鬆傳俾兩邊翼衛再經雙攻中向前推進，甚至兩翼衛自己單對單推上去。前後場整隊不同步，呢個情況係屢見不鮮。更有時發生前場多達5-6名球球係高位「企」，但冇對持球者施壓，經一經佐舒服個波轉兩下就可以直接進攻後防線。見到C朗經常抑手推前防線同叫隊友上去逼，但係場上完全睇唔到係有部署去針對陣式上本身既問題，亦見唔到蘭sir既高位逼搶係有套路。一跑向前就有空位俾人猜兩板又壓住你半場，轉你兩下方向就又係邊路形成一對一。當見到二閘既單對單防守，就諗起點解蘇B既勝利十一人有梳爾同雲比沙加。個波被車路士主導，曼聯就難講進攻。大賽隱形球員般奴繼續隱形，C朗好努力，但對住魯迪加同施華，要做反擊第一支點非常吃力。伊蘭加好勤力亦好快，但往往要逗到咁深協防閘位，再要跑一大段打反擊就唔係咁易。福仔防守上冇逗咁深，想利用佢既速度突襲，但一黎後場搶完放長傳唔準，二黎佢拎住個波連艾斯比列古達都推唔甩就知佢不論狀態同信心都跌入低谷。半場，仲頂得住。
邱仔：輸得容易追得快
半場出番黎，蘭sir只將伊蘭加同福仔互換位置，靠伊蘭加自身既協防能力去針對番列斯占士既強大個人進攻力。戰況都係一如上半場，車路士繼續主攻，曼聯反擊乏力。車仔繼續主打邊線，個波繼續係迪基亞門面掠門而過。踢到60分鐘終於失守，右路列斯占士傳中，夏維斯係中間撐龍舟，個波撐左去尾柱俾阿朗素頭不著地左腳窩利射入。 整個攻勢由佐真奴一傳俾簡迪再指住右路，車路士已經overload左曼聯左路。般奴再決定移入中路去逼簡迪，就令到艾斯比列古達同蒙特加埋占士overload泰利斯同伊蘭加。其實般奴一出腳攔唔到，就應該加速追番艾斯比列古達，咁伊蘭加就未必需要完全放棄列斯占士出去逼艾斯比列古達，就令列斯占士可以睇定定黎出。當占士出波一刻，尾柱仲有個華拿係完全冇人守。就算達洛治冇走甩阿朗素，只要阿朗素讓開唔要波，華拿一樣可以任射。曼聯由打反擊失敗到番黎半場防守，莫講話對位錯中場線散亂，甚至係唔夠人守波，點可能唔輸呢！兩分鐘後，曼聯一次前場壓迫，連迪路夫成功攔截再俾到馬迪。馬迪第一下交波俾簡迪截到，但幸運拎番再一下靚絕挑傳俾到C朗。佢係窄位一痴一ban就追番球，盡顯把握力同功架。完全唔係甚麼戰術配合，全憑兩人既個人能力，就追成平手。
杜曹：要拎三分啊 ； 蘭sir：打和當贏啦
追成平手既曼聯冇話士氣爆升再向前壓，都係繼續俾車仔壓住踢。杜曹係70分鐘換入佩列錫同盧卡古，希望加強邊路既進攻速度同係禁區內加入支點，改變進攻模式。效果唔算太突出，除左佩列錫一下高速沉底傳中，都係較依靠占士右路側擊。蘭sir見狀就係70分鐘換入鍾斯同馬達，將陣式改做5-2-3。三中堅就對番人地三箭頭，翼衛對翼衛，全場一對一防守。馬達則拍住麥湯文尼鎮守中路。呢個調動見到泰利斯同達洛治都冇咁慌失失，起碼後場人數一定夠，仲多左個中堅幫手包，進攻仲可以放膽壓出去踢，踢落形勢比未變陣前好。杜曹再係82分鐘換入龍虎切加強中場後上能力，不過曼聯一轉左三中堅陣再縮係後面守，就冇空位俾你攻，亦冇咁容易俾你overload到兩側。最後，一比一，打和super。
總結
明知對面一定係三中堅兩翼衛攻兩側，都見唔到蘭sir係防守上有咩特別部署去應對。班波唔夠人強，就要係戰術上陣式上搵方法去贏人，唔係就咁擺夠11個球員就出去踢先得架。一變三中堅，成隊守得穩好多。馬迪雖然都有一兩下腦筋上犯錯差少少累失波，但整場要靠呢個老將去頂住條中場，麥湯般奴好似失左蹤咁。好彩依家一周一賽，都仲有馬迪頂住，認真難為了叔叔。呢場波和到當贏啦，都算叫止一止血。下季歐洲賽？諗下好啦！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
請按此登錄後留言。未成為會員? 立即註冊