阿迪達排出4-4-1-1。藍斯度出任門將。防線由左至右係薛真高-加比爾-沙列巴-賓韋治。中場線由左至右係馬天尼利-沙加-柏迪-薩卡。攻擊中場奧迪哥特支援前鋒尼基迪亞攻堅。
坦克排出4-2-3-1。門將係迪基亞。防線由左至右係梳爾-馬天尼斯-華拉尼-雲比沙加。麥湯文尼拍艾歷臣踢防中。左右翼係華舒福同安東尼。攻擊中場般奴費南迪斯支援前鋒韋賀斯爭取入球。
《達叔做足功課；坦克想搏上半場》
達叔有一星期俾佢備戰呢場賽事，果然做足功課。佢預計坦克會係上半場踢高位逼搶，務求有氣有力既情況下取得領先，所以佢今場指示隊員係後場多作地面猜傳，引曼聯中前場球員上前逼搶，再嘗試以地波經柏迪、沙加同奧迪哥特去打穿對方壓迫。拎到波唔好胡亂搏波，亦唔好投入過多人手入禁區，所以沙加上半場都甚少入禁區參與進攻。防守時既高位逼搶亦有針對性部署。薩卡同尼基迪亞形成雙箭頭壓迫一對中堅，而左閘梳爾則交俾賓韋治。奧迪哥特反而墮後少少守艾歷臣；沙加則壓迫麥湯文尼，留番柏迪追截般奴。沙列巴則順移追華舒福。高位逼搶亦唔係由開波搶到完場，發動時間除左係曼聯開龍門死球外，就係曼聯行軍至中場要回後到三閘線先會再向前逼，如果曼聯一推進至中場線，並可以控制皮球下，整隊就會縮番落中場線後防守，逼曼聯踢陣地戰，以堵塞中路空間為主。上半場控球率係51:49，大家控球不相伯仲，就係戰術運用下既結果。
卡斯美路停賽下，坦克起用麥湯文尼代替。坦克嘗試高位逼搶踢曼聯較有效率既轉守為攻，亦出左安東尼同福仔踢兩翼，希望球隊可以透過反擊係兩翼製造威脅。如果抽起安東尼出費特而將般奴踢邊，中場控制力則會嚴重不足，而般奴踢右再加上韋賀斯踢正選，就會令前場及右路速度不足，反擊套路只得福仔一點會令阿仙奴易於防守。小弟相信呢個係坦克既想法。陣地戰，坦克嘗試將艾歷臣拖後幫手係後場出波，麥湯則留守中路做第一重攔截，球隊進攻節奏由艾歷臣掌控，而唔係好似上場咁可以更多後上插入禁區。另外，坦克係陣地防守時，亦指示翼鋒要多留守中場等反擊，反而般奴則要更多參與防務。
《坦克真係搏到一球；達叔臨危不亂照踢就追番》上半場早段大家踢得比較均勢，互有攻守。17分鐘，曼聯係前場逼搶令阿仙奴後場出現傳球失誤。福仔轉守為攻，係左路通左柏迪坑渠後，再推大位射近柱建功。又真係俾坦克搏到一球。但老實說，福仔除左呢下入波之外，其餘時間踢得相對沉，推波亦經常扭螺絲而失控球，更多時間嘗試自己去而非尋找隊友，我認為佢有受傷病困擾。阿仙奴冇自亂陣腳，因曼聯兩翼會留守中場，兩側既空間慢慢就被阿仙奴搵到並進攻。薛真高閘位內切，沙加壓前，加埋馬天尼利開始overload對方右閘位。僅6分鐘後，阿仙奴就成功追平。阿仙奴係左路獲得角球，角球開短後，經一輪猜傳，沙加成功係左路傳中到尾柱。因當時本身係防守角球，雲比沙加被安排到左閘位置作區域防守。雲比掛住望波，令到佢後面既尼基迪亞可以輕鬆楔前接應傳中頂入。雲比沙加要負極大責任。追平後，戰況比較膠著，阿仙奴後場猜傳甚為穩陣，曼聯既逼搶唔太能夠令對方犯錯，兩隊後防都冇乜失誤，雙方都冇乜黃金機會去埋門。半場，完。
《達叔大舉壓前湊效；坦克唔知做乜收埋後備唔出》
半場出黎，達叔先用富安健洋入替有黃牌在身既賓韋治。此舉絕對合理，換人時間亦好。達叔守完半場就開始推快行軍節奏進攻曼聯。曼聯明顯下半場一出黎就跌watt，如同上場一樣，跑動速率完全跟唔上對方。下半場一開波，阿仙奴就已經㩒住曼聯黎踢。曼聯跌watt最嚴重既非艾歷臣莫屬。53分鐘，薩卡右路持球，奧迪哥特走overlap拉走梳爾，薩卡對住艾歷臣即刻內切推大位射尾柱入網。艾歷臣腳步追唔切薩卡，迪基亞飛盡都摸唔到，被阿仙奴反超前。59分鐘，曼聯左路角球開出，藍斯度手鎚打出不遠，被馬天尼斯魚躍龍門式頭鎚攻門，拋物線頂入空門追成平手。追和後，曼聯完全冇能力去反撲，基本上係被阿仙奴圍住黎砌。曼聯前場停唔到波係其中一個大問題。71分鐘，坦克終於肯用費特換入冇乜貢獻既安東尼，加強中場截擊力，將般奴改踢右路，純粹係諗住守到尾。前場韋賀斯作用係零，不論上半場兩側冇傳中俾佢去撞，亦冇係禁區現身作支點同隊友配合；下半場被圍攻下亦唔能夠係前場停到個波等隊友回氣。你停唔到波，回唔到波俾中場踢兩邊亦令福仔冇得「跑」。福仔係反擊上亦受制於富安健洋既防守，係速度上佔唔到便宜。曼聯後備席有加拿祖同伊蘭加，但坦克都冇換佢地入黎，等佢地係前場用速度牽制對方。韋賀斯除左勤力逼搶，進攻全無建樹下，都可以踢足全場，我認真諗唔明。達叔見你唔換人，就係82分鐘換入杜沙特加強攻力。賽事末段，曼聯後防可以話係風聲鶴唳（準確黎講由下半場一開始已經㩒緊平安鐘）。兩側頻頻被傳中，前場停唔到波，兩翼協防又不足，被阿仙奴圍攻。守到90分鐘都係要失守，薛真高左路沉底地波cut-back傳中，奧迪哥特將波撞被門前既尼基迪亞虎尾腳撥入，再度領先。失波後，坦克先換入加拿祖；達叔都換入賀定守到尾。最後，曼聯以二比三輸左比阿仙奴。
《總結》
阿仙奴踢出部署，先留力半場，再係下半場大踢進攻足球。除左達叔戰術成功，亦見到阿仙奴青春風暴既成果。小馬天、薩卡仔、尼基迪亞都非常年輕；當然仲有奧隊係進攻既串連同參與；薛真高閘位內切既成熟同出色既用波能力，加上沙加同柏迪呢對中路拍擋支撐起整隊攻守。整隊踢出黎非常成熟。
坦克今場則要負上責任，雖然俾佢搏到先入一球，但可惜好快就被人追和。佢見到球隊下半場球員斷電既情況，冇嘗試諗方法去應對，只係望天打卦落場球員可以捱到尾。如早早用加拿祖換入韋賀斯，則可以舒緩一下左路受壓情況，亦可以擺福仔係最前用速度牽制對方中堅及防中；又或者換入馬拿斯亞，將梳爾縮入去踢三中堅又得；再唔係換入麥佳亞改踢三中堅，都可以係被圍攻下加強一下防守。呢幾場球隊往往係下半場就斷電，見到球隊陣容深度不足，但有時反而係你唔敢用多過佢踢唔到。麥湯文尼今場係防務上參與度其實好多，不論係防守角球還是係中路同人身體碰撞都見到佢，佢亦有幾下番入禁區攔截對方既cut-back傳中。當然佢用波就認真嚇親你，但起碼佢係守方面交到功課。最大問題係艾歷臣體能消耗得極快，佢明顯冇可能場場踢正選仲要踢足。坦克真係要諗諗計，點樣係冇佢情況下，隊波仍可以係進攻組織上冇太大走樣，仍然可以係後場運到個波俾般奴去做。球隊仍然踢緊「4」條戰線，人腳係真係冇可能踢到。早早放棄歐霸盃，全力聯賽爭取頭四，再係盃仔上尋求冠軍，或會係一個對整隊較好既方向。聯賽爭標？咪玩啦，繼續努力頭四啦！
坦克排出4-2-3-1。門將係迪基亞。防線由左至右係梳爾-馬天尼斯-華拉尼-雲比沙加。麥湯文尼拍艾歷臣踢防中。左右翼係華舒福同安東尼。攻擊中場般奴費南迪斯支援前鋒韋賀斯爭取入球。
《達叔做足功課；坦克想搏上半場》
達叔有一星期俾佢備戰呢場賽事，果然做足功課。佢預計坦克會係上半場踢高位逼搶，務求有氣有力既情況下取得領先，所以佢今場指示隊員係後場多作地面猜傳，引曼聯中前場球員上前逼搶，再嘗試以地波經柏迪、沙加同奧迪哥特去打穿對方壓迫。拎到波唔好胡亂搏波，亦唔好投入過多人手入禁區，所以沙加上半場都甚少入禁區參與進攻。防守時既高位逼搶亦有針對性部署。薩卡同尼基迪亞形成雙箭頭壓迫一對中堅，而左閘梳爾則交俾賓韋治。奧迪哥特反而墮後少少守艾歷臣；沙加則壓迫麥湯文尼，留番柏迪追截般奴。沙列巴則順移追華舒福。高位逼搶亦唔係由開波搶到完場，發動時間除左係曼聯開龍門死球外，就係曼聯行軍至中場要回後到三閘線先會再向前逼，如果曼聯一推進至中場線，並可以控制皮球下，整隊就會縮番落中場線後防守，逼曼聯踢陣地戰，以堵塞中路空間為主。上半場控球率係51:49，大家控球不相伯仲，就係戰術運用下既結果。
卡斯美路停賽下，坦克起用麥湯文尼代替。坦克嘗試高位逼搶踢曼聯較有效率既轉守為攻，亦出左安東尼同福仔踢兩翼，希望球隊可以透過反擊係兩翼製造威脅。如果抽起安東尼出費特而將般奴踢邊，中場控制力則會嚴重不足，而般奴踢右再加上韋賀斯踢正選，就會令前場及右路速度不足，反擊套路只得福仔一點會令阿仙奴易於防守。小弟相信呢個係坦克既想法。陣地戰，坦克嘗試將艾歷臣拖後幫手係後場出波，麥湯則留守中路做第一重攔截，球隊進攻節奏由艾歷臣掌控，而唔係好似上場咁可以更多後上插入禁區。另外，坦克係陣地防守時，亦指示翼鋒要多留守中場等反擊，反而般奴則要更多參與防務。
《坦克真係搏到一球；達叔臨危不亂照踢就追番》上半場早段大家踢得比較均勢，互有攻守。17分鐘，曼聯係前場逼搶令阿仙奴後場出現傳球失誤。福仔轉守為攻，係左路通左柏迪坑渠後，再推大位射近柱建功。又真係俾坦克搏到一球。但老實說，福仔除左呢下入波之外，其餘時間踢得相對沉，推波亦經常扭螺絲而失控球，更多時間嘗試自己去而非尋找隊友，我認為佢有受傷病困擾。阿仙奴冇自亂陣腳，因曼聯兩翼會留守中場，兩側既空間慢慢就被阿仙奴搵到並進攻。薛真高閘位內切，沙加壓前，加埋馬天尼利開始overload對方右閘位。僅6分鐘後，阿仙奴就成功追平。阿仙奴係左路獲得角球，角球開短後，經一輪猜傳，沙加成功係左路傳中到尾柱。因當時本身係防守角球，雲比沙加被安排到左閘位置作區域防守。雲比掛住望波，令到佢後面既尼基迪亞可以輕鬆楔前接應傳中頂入。雲比沙加要負極大責任。追平後，戰況比較膠著，阿仙奴後場猜傳甚為穩陣，曼聯既逼搶唔太能夠令對方犯錯，兩隊後防都冇乜失誤，雙方都冇乜黃金機會去埋門。半場，完。
《達叔大舉壓前湊效；坦克唔知做乜收埋後備唔出》
半場出黎，達叔先用富安健洋入替有黃牌在身既賓韋治。此舉絕對合理，換人時間亦好。達叔守完半場就開始推快行軍節奏進攻曼聯。曼聯明顯下半場一出黎就跌watt，如同上場一樣，跑動速率完全跟唔上對方。下半場一開波，阿仙奴就已經㩒住曼聯黎踢。曼聯跌watt最嚴重既非艾歷臣莫屬。53分鐘，薩卡右路持球，奧迪哥特走overlap拉走梳爾，薩卡對住艾歷臣即刻內切推大位射尾柱入網。艾歷臣腳步追唔切薩卡，迪基亞飛盡都摸唔到，被阿仙奴反超前。59分鐘，曼聯左路角球開出，藍斯度手鎚打出不遠，被馬天尼斯魚躍龍門式頭鎚攻門，拋物線頂入空門追成平手。追和後，曼聯完全冇能力去反撲，基本上係被阿仙奴圍住黎砌。曼聯前場停唔到波係其中一個大問題。71分鐘，坦克終於肯用費特換入冇乜貢獻既安東尼，加強中場截擊力，將般奴改踢右路，純粹係諗住守到尾。前場韋賀斯作用係零，不論上半場兩側冇傳中俾佢去撞，亦冇係禁區現身作支點同隊友配合；下半場被圍攻下亦唔能夠係前場停到個波等隊友回氣。你停唔到波，回唔到波俾中場踢兩邊亦令福仔冇得「跑」。福仔係反擊上亦受制於富安健洋既防守，係速度上佔唔到便宜。曼聯後備席有加拿祖同伊蘭加，但坦克都冇換佢地入黎，等佢地係前場用速度牽制對方。韋賀斯除左勤力逼搶，進攻全無建樹下，都可以踢足全場，我認真諗唔明。達叔見你唔換人，就係82分鐘換入杜沙特加強攻力。賽事末段，曼聯後防可以話係風聲鶴唳（準確黎講由下半場一開始已經㩒緊平安鐘）。兩側頻頻被傳中，前場停唔到波，兩翼協防又不足，被阿仙奴圍攻。守到90分鐘都係要失守，薛真高左路沉底地波cut-back傳中，奧迪哥特將波撞被門前既尼基迪亞虎尾腳撥入，再度領先。失波後，坦克先換入加拿祖；達叔都換入賀定守到尾。最後，曼聯以二比三輸左比阿仙奴。
《總結》
阿仙奴踢出部署，先留力半場，再係下半場大踢進攻足球。除左達叔戰術成功，亦見到阿仙奴青春風暴既成果。小馬天、薩卡仔、尼基迪亞都非常年輕；當然仲有奧隊係進攻既串連同參與；薛真高閘位內切既成熟同出色既用波能力，加上沙加同柏迪呢對中路拍擋支撐起整隊攻守。整隊踢出黎非常成熟。
坦克今場則要負上責任，雖然俾佢搏到先入一球，但可惜好快就被人追和。佢見到球隊下半場球員斷電既情況，冇嘗試諗方法去應對，只係望天打卦落場球員可以捱到尾。如早早用加拿祖換入韋賀斯，則可以舒緩一下左路受壓情況，亦可以擺福仔係最前用速度牽制對方中堅及防中；又或者換入馬拿斯亞，將梳爾縮入去踢三中堅又得；再唔係換入麥佳亞改踢三中堅，都可以係被圍攻下加強一下防守。呢幾場球隊往往係下半場就斷電，見到球隊陣容深度不足，但有時反而係你唔敢用多過佢踢唔到。麥湯文尼今場係防務上參與度其實好多，不論係防守角球還是係中路同人身體碰撞都見到佢，佢亦有幾下番入禁區攔截對方既cut-back傳中。當然佢用波就認真嚇親你，但起碼佢係守方面交到功課。最大問題係艾歷臣體能消耗得極快，佢明顯冇可能場場踢正選仲要踢足。坦克真係要諗諗計，點樣係冇佢情況下，隊波仍可以係進攻組織上冇太大走樣，仍然可以係後場運到個波俾般奴去做。球隊仍然踢緊「4」條戰線，人腳係真係冇可能踢到。早早放棄歐霸盃，全力聯賽爭取頭四，再係盃仔上尋求冠軍，或會係一個對整隊較好既方向。聯賽爭標？咪玩啦，繼續努力頭四啦！
請按此登錄後留言。未成為會員? 立即註冊