《甘賓尼忠於踢法；坦克選擇妥協》
般尼領隊甘賓尼算係師承哥帥，將地面控傳踢法注入般尼。今場防守時係前場選擇用4-4-2，到打低位防守時則改為4-1-4-1；進攻時則將二閘收入中路改踢2-3-5。同熱刺極為相似，熱刺係前場有核心麥迪臣佔據中路同左面half-space位置；般尼則缺少一個用波異常突出既球員，所以整隊則倚重兩翼既突破去啟動進攻，中場則靠古倫控制節奏。
曼聯領隊坦克繼上場慘負拜仁三比四後，或者受體能加傷兵影響，佢放棄忠於自己果套，選擇妥協地放棄前場高位逼搶，重心放係中後場既低位防守，再靠前場福仔同海倫打突擊。馬天尼斯既受傷令35歲既伊雲斯粉墨正選登場；麥湯文尼亦受惠於卡斯美路既跌watt而獲得正選；漢尼拔亦因球隊欠缺右翼下得到正選機會，將般奴改踢右翼位置。球隊亦改踢番4-2-3-1，放棄菱形陣式，利用平排防中去保護防線。
《般尼入唔到波只能怪自己把握力；曼聯一個機會就領先》
上半場般尼基本上係控制戰局，有接近6成控球主導球賽；曼聯則係對方三閘線純企位遮線，主要靠攔截對方向前傳送打反擊為主。呢個踢法對福仔同海倫係幾好，前場有空間去跑去衝，反而般奴就比較吃力了。般尼上半場六射二中，亦有一下極黃金機會但射門中柱彈出。機會創造到但就係唔夠質素擺個波入網，相當可惜。曼聯只得五射二中，不過就真係質素搭夠。般奴一腳邊走邊射既窩利，就收死般尼門將查福特。整個上半場曼聯基本上係冇章法，後場只能中堅傳門將、門將傳中堅，等到人地開始逼，就靠安拿拿大腳向前踢。除左中場缺乏連接點外，後場缺乏出球點亦係原因，所以曼聯係進攻組織係零。淨計呢場波就發覺用迪基亞去踢既話係冇分別，原因不在於龍門用唔用到波，而係中後場球員用唔到啊！上半場格局係般尼圍攻曼聯，曼聯就等反擊，最後又真係入到波就完半場！
《般尼始終都係質素有限；曼聯換人因為傷》
下半場雙方都冇調動，兩隊係踢法戰術上亦唔見得有太大既改變，反而曼聯就嘗試將般奴同福仔對調，試圖用福仔去恰對方左閘泰萊。數據上，下半場般尼都係有六成控球，攻門亦六射二中，可惜都係過唔到安拿拿既十指關。曼聯則只得五射二中，都冇乜波要查福特撲。甘賓尼係73分鐘開始換人加強攻力，但換入既貝加、文路同積洛迪古斯始終質素有限，對戰局改變不大；坦克則係79分鐘同89分鐘換入華拉尼同安拉拔，換人絕不是戰術或陣式上改變，而係列古朗受傷與及伊雲斯撞列個頭需要被換。列古朗睇落就應該少傷，可能一星期或幾日後都可能踢到；伊雲斯則希望佢冇咩事，咪又冇多個就真係冇得換啦！最後，安拿拿接實對方既射門後，球證都吹雞完場，曼聯少勝一球拎三分走人。
《總結》
般尼整場既表現絕對有交代，球員之間亦有好多互動，有小組配合，亦知自己俾完波要走咩位，邊個去支援等，踢落似係一隊波。可惜既係球員質素不足，擺唔到個波入網就踢到曉飛都冇用。睇下甘賓尼有冇辦法解決球員射唔入既問題。
曼聯同般尼相比，就只係十一個球員係場上踢波。相互間冇配合，流於個人突破。你走位我就交，明買明賣缺乏拉扯。入波果下都係靠伊雲斯既精準長傳，配合般奴個人走位同射門能力勁先有得入。冇傳控唔緊要，踢反擊岩晒你地啦掛，但反擊既走位錯，俾波既時機差，令到反擊既質素唔高。咁又好難怪球員，睇睇正選陣容，有五個球員都係今季先加盟，另有三個之前都係後備居多，踢波都係要夾先有默契既，唯有寄望佢地彼此間盡快建立到，短時間都有排捱。補充一點，麥湯文尼今場係中場掃蕩不俗，除非卡斯美路重拾上季既狀態，否則都會繼續見到麥湯出現係防守中場位置，換然之球隊係進攻組織勢必大打節扣。其實都可以擺安拉拔拍胖虎，前題可能要左閘有球員回歸先得。列古朗、梳爾同馬拉仔都受傷下，只剩番艾華路費南迪斯，坦克今場被逼 要用安拉拔客串。睇下坦克夠唔夠膽起用年輕人了。下禮拜三凌晨主場對水晶宮（聯賽盃）或者呢場都需要輪換部分球員，以仿體力透支太多。
般尼領隊甘賓尼算係師承哥帥，將地面控傳踢法注入般尼。今場防守時係前場選擇用4-4-2，到打低位防守時則改為4-1-4-1；進攻時則將二閘收入中路改踢2-3-5。同熱刺極為相似，熱刺係前場有核心麥迪臣佔據中路同左面half-space位置；般尼則缺少一個用波異常突出既球員，所以整隊則倚重兩翼既突破去啟動進攻，中場則靠古倫控制節奏。
曼聯領隊坦克繼上場慘負拜仁三比四後，或者受體能加傷兵影響，佢放棄忠於自己果套，選擇妥協地放棄前場高位逼搶，重心放係中後場既低位防守，再靠前場福仔同海倫打突擊。馬天尼斯既受傷令35歲既伊雲斯粉墨正選登場；麥湯文尼亦受惠於卡斯美路既跌watt而獲得正選；漢尼拔亦因球隊欠缺右翼下得到正選機會，將般奴改踢右翼位置。球隊亦改踢番4-2-3-1，放棄菱形陣式，利用平排防中去保護防線。
《般尼入唔到波只能怪自己把握力；曼聯一個機會就領先》
上半場般尼基本上係控制戰局，有接近6成控球主導球賽；曼聯則係對方三閘線純企位遮線，主要靠攔截對方向前傳送打反擊為主。呢個踢法對福仔同海倫係幾好，前場有空間去跑去衝，反而般奴就比較吃力了。般尼上半場六射二中，亦有一下極黃金機會但射門中柱彈出。機會創造到但就係唔夠質素擺個波入網，相當可惜。曼聯只得五射二中，不過就真係質素搭夠。般奴一腳邊走邊射既窩利，就收死般尼門將查福特。整個上半場曼聯基本上係冇章法，後場只能中堅傳門將、門將傳中堅，等到人地開始逼，就靠安拿拿大腳向前踢。除左中場缺乏連接點外，後場缺乏出球點亦係原因，所以曼聯係進攻組織係零。淨計呢場波就發覺用迪基亞去踢既話係冇分別，原因不在於龍門用唔用到波，而係中後場球員用唔到啊！上半場格局係般尼圍攻曼聯，曼聯就等反擊，最後又真係入到波就完半場！
《般尼始終都係質素有限；曼聯換人因為傷》
下半場雙方都冇調動，兩隊係踢法戰術上亦唔見得有太大既改變，反而曼聯就嘗試將般奴同福仔對調，試圖用福仔去恰對方左閘泰萊。數據上，下半場般尼都係有六成控球，攻門亦六射二中，可惜都係過唔到安拿拿既十指關。曼聯則只得五射二中，都冇乜波要查福特撲。甘賓尼係73分鐘開始換人加強攻力，但換入既貝加、文路同積洛迪古斯始終質素有限，對戰局改變不大；坦克則係79分鐘同89分鐘換入華拉尼同安拉拔，換人絕不是戰術或陣式上改變，而係列古朗受傷與及伊雲斯撞列個頭需要被換。列古朗睇落就應該少傷，可能一星期或幾日後都可能踢到；伊雲斯則希望佢冇咩事，咪又冇多個就真係冇得換啦！最後，安拿拿接實對方既射門後，球證都吹雞完場，曼聯少勝一球拎三分走人。
《總結》
般尼整場既表現絕對有交代，球員之間亦有好多互動，有小組配合，亦知自己俾完波要走咩位，邊個去支援等，踢落似係一隊波。可惜既係球員質素不足，擺唔到個波入網就踢到曉飛都冇用。睇下甘賓尼有冇辦法解決球員射唔入既問題。
曼聯同般尼相比，就只係十一個球員係場上踢波。相互間冇配合，流於個人突破。你走位我就交，明買明賣缺乏拉扯。入波果下都係靠伊雲斯既精準長傳，配合般奴個人走位同射門能力勁先有得入。冇傳控唔緊要，踢反擊岩晒你地啦掛，但反擊既走位錯，俾波既時機差，令到反擊既質素唔高。咁又好難怪球員，睇睇正選陣容，有五個球員都係今季先加盟，另有三個之前都係後備居多，踢波都係要夾先有默契既，唯有寄望佢地彼此間盡快建立到，短時間都有排捱。補充一點，麥湯文尼今場係中場掃蕩不俗，除非卡斯美路重拾上季既狀態，否則都會繼續見到麥湯出現係防守中場位置，換然之球隊係進攻組織勢必大打節扣。其實都可以擺安拉拔拍胖虎，前題可能要左閘有球員回歸先得。列古朗、梳爾同馬拉仔都受傷下，只剩番艾華路費南迪斯，坦克今場被逼 要用安拉拔客串。睇下坦克夠唔夠膽起用年輕人了。下禮拜三凌晨主場對水晶宮（聯賽盃）或者呢場都需要輪換部分球員，以仿體力透支太多。
請按此登錄後留言。未成為會員? 立即註冊