《坦克正選陣容既嘗試有成功有失敗》
坦克今場都有作出輪換，起用左韋賀斯踢攻擊中場；般奴費南迪斯改踢左翼；馬拿斯亞代替達洛治踢左閘。先講般奴，印象中佢並唔係第一次踢左翼，冇記錯係第二或第三次，但效果並唔理想，今場亦唔例外。主要原因係佢速度唔高，亦缺乏盤扭能力，難以一個假身或插花就沉底用左腳出波，佢肯定係要用右腳撥番大位再做波。佢亦欠奉盤扭能力，難以內切中路射門，變左佢打左翼既變化不大；相反如擺佢去右路，咁佢一拎完波就唔駛修正，可以直接出波。有好幾場當坦克係下半場要強攻對手時，都會擺佢踢右邊，今場要遷就安東尼就擺佢踢左邊。韋賀斯今場踢得幾積極，除左係高位逼搶防守懷斯，進攻亦多次幫到手停波駁腳，亦有跑動入禁區拉扯，等福仔有時會拉去左路，等般奴移入中路較炮組織，提供到「跑」既元素，等其他人都一齊走位。佢亦貢獻兩腳中框射門，佢黎講算好好架啦！馬拉仔就仍需努力啦，仲後生潛能應該仲有，今場要防守保雲唔可以壓太上可以理解，防守細節技巧都要向梳爾偷師。達洛治就可能要抖抖掛，所以就俾馬拉仔試下，咪正路都應該係佢踢既。
《上半場又唔係咁差既；下半場預左冇力》
睇番數據，曼聯半場有65%控球，射門次數係11射1中，都有幾個半黃金機會，起碼射門係open望空，但成隊都腳風唔順又中柱又網側，有時果場唔順都冇計。27分鐘，迪基亞一次明顯既失誤，令曼聯要先落後下就更加難踢。要知道韋斯咸呢班波本身就唔應該要護級，人腳實力肯定係中上游爭歐霸席位。加上賽前睇下個傷兵名單，點知懷斯、蘇捷同艾奧特都落到場，真係要講句「陷家富貴，你出術陰我」。椰子上半場甚少係前場壓迫，擺明車馬穩守突擊。安東尼奧開路；賓哈馬同保雲後上。機會唔係特別多，但威脅極大。
下半場，早段韋斯咸都有嘗試係前場壓，睇下可唔可以搏多一球，不過都係無功而還；曼聯繼續保持近幾場情況-「體能跌watt」，前場球員走位欠奉，兩翼鮮有突破，攻勢疲憊。坦克相繼換入馬斯亞、辛祖同沙碧沙加強攻力。後備球員出黎有活力，都帶動左球隊進攻，最後都有幾腳似樣既射門，但都過唔到法比安斯基。最後，曼聯再次一球惜敗俾對手，但都仲領先第五位既利物浦一分兼少賽一場。
《總結》
坦克或者想韋賀斯係中場施壓俾懷斯，係前場高位逼搶令懷斯較易出現失誤，亦想直接利用福仔速度打奧邦拿同艾奧特既身後。不過，椰子放棄後場猜傳，盡量令後場冇機會俾你逼甩，再整隊踢中低位防守，亦令福仔冇空間哨。戰術部署都叫「食」住曼聯。坦克不嬲係換人方面都唔夠果斷，57分鐘換第一次人算快架啦。有時都唔可以要求整隊太多，今季傷兵不停有，賽程之密冠絕所有球隊，再加上世界盃同其他國際賽賽事，球員體能吃不消一早已經見到，加上今場作客仲要周車勞頓…..呢場要不是迪基亞犯錯，本身既形勢係愈黎愈似入波，但當先失波再要入兩球，難度對依家呢隊曼聯就太大啦。餘下四場波，三場主場一場作客，只要贏晒就保到頭四，最難果關可能會係作客般尼茅夫。曼聯，繼續加油！
坦克今場都有作出輪換，起用左韋賀斯踢攻擊中場；般奴費南迪斯改踢左翼；馬拿斯亞代替達洛治踢左閘。先講般奴，印象中佢並唔係第一次踢左翼，冇記錯係第二或第三次，但效果並唔理想，今場亦唔例外。主要原因係佢速度唔高，亦缺乏盤扭能力，難以一個假身或插花就沉底用左腳出波，佢肯定係要用右腳撥番大位再做波。佢亦欠奉盤扭能力，難以內切中路射門，變左佢打左翼既變化不大；相反如擺佢去右路，咁佢一拎完波就唔駛修正，可以直接出波。有好幾場當坦克係下半場要強攻對手時，都會擺佢踢右邊，今場要遷就安東尼就擺佢踢左邊。韋賀斯今場踢得幾積極，除左係高位逼搶防守懷斯，進攻亦多次幫到手停波駁腳，亦有跑動入禁區拉扯，等福仔有時會拉去左路，等般奴移入中路較炮組織，提供到「跑」既元素，等其他人都一齊走位。佢亦貢獻兩腳中框射門，佢黎講算好好架啦！馬拉仔就仍需努力啦，仲後生潛能應該仲有，今場要防守保雲唔可以壓太上可以理解，防守細節技巧都要向梳爾偷師。達洛治就可能要抖抖掛，所以就俾馬拉仔試下，咪正路都應該係佢踢既。
《上半場又唔係咁差既；下半場預左冇力》
睇番數據，曼聯半場有65%控球，射門次數係11射1中，都有幾個半黃金機會，起碼射門係open望空，但成隊都腳風唔順又中柱又網側，有時果場唔順都冇計。27分鐘，迪基亞一次明顯既失誤，令曼聯要先落後下就更加難踢。要知道韋斯咸呢班波本身就唔應該要護級，人腳實力肯定係中上游爭歐霸席位。加上賽前睇下個傷兵名單，點知懷斯、蘇捷同艾奧特都落到場，真係要講句「陷家富貴，你出術陰我」。椰子上半場甚少係前場壓迫，擺明車馬穩守突擊。安東尼奧開路；賓哈馬同保雲後上。機會唔係特別多，但威脅極大。
下半場，早段韋斯咸都有嘗試係前場壓，睇下可唔可以搏多一球，不過都係無功而還；曼聯繼續保持近幾場情況-「體能跌watt」，前場球員走位欠奉，兩翼鮮有突破，攻勢疲憊。坦克相繼換入馬斯亞、辛祖同沙碧沙加強攻力。後備球員出黎有活力，都帶動左球隊進攻，最後都有幾腳似樣既射門，但都過唔到法比安斯基。最後，曼聯再次一球惜敗俾對手，但都仲領先第五位既利物浦一分兼少賽一場。
《總結》
坦克或者想韋賀斯係中場施壓俾懷斯，係前場高位逼搶令懷斯較易出現失誤，亦想直接利用福仔速度打奧邦拿同艾奧特既身後。不過，椰子放棄後場猜傳，盡量令後場冇機會俾你逼甩，再整隊踢中低位防守，亦令福仔冇空間哨。戰術部署都叫「食」住曼聯。坦克不嬲係換人方面都唔夠果斷，57分鐘換第一次人算快架啦。有時都唔可以要求整隊太多，今季傷兵不停有，賽程之密冠絕所有球隊，再加上世界盃同其他國際賽賽事，球員體能吃不消一早已經見到，加上今場作客仲要周車勞頓…..呢場要不是迪基亞犯錯，本身既形勢係愈黎愈似入波，但當先失波再要入兩球，難度對依家呢隊曼聯就太大啦。餘下四場波，三場主場一場作客，只要贏晒就保到頭四，最難果關可能會係作客般尼茅夫。曼聯，繼續加油！
請按此登錄後留言。未成為會員? 立即註冊