係未答呢條問題之前，先重溫一下我係上年11月撰寫過一篇文章（曼市呢個光頭佬又夠鐘落鑊?https://s.fanpiece.com/DebuVlI
當時主要既研究對象係利物浦同阿仙奴，今篇就想同大家先探討一下曼城近年既皇朝係點黎，然後再答呢條問題！
曼城如何重建？
要追溯番曼城幾時開始重建就要知阿聯酋油王係幾時入主，佢地係2008年9月收購曼城。當時既領隊係馬克曉士，陣容上比較有名氣要數到羅賓奴、基雲同甘賓尼等。曉士係果季最後只能以第十名完成。由08年到依家，可以分為三個時代-文仙尼、柏歷堅尼同哥迪奧拿。
文仙尼年代
2009-2010:
當年佢地先換左文仙尼做領隊，然後買入泰維斯、艾迪巴約、辛達告魯斯、防中巴里、中堅列史葛同高路托尼，配合埋羅賓奴、比拿美同甘賓尼等人，當年已經拎到頭五。
2010-2011:
佢地引入迪斯高、耶耶托尼、大衛施華、巴路迪利呢堆技術型球員，配合埋高拉洛夫、占士米拿等爛打型球員，跟住果年已經拎到頭三，準備挑戰聯賽冠軍。
2011-2012:
曼城再換血引入阿古路、拿斯尼、比沙路同基歷治。結果果年就憑阿古路補時階段絕殺QPR拎左聯賽冠軍。從呢幾年，你可以見到曼城引入既球員除左身價有番咁上下，球員既特性普遍大多都係技術流。
2012-2013:
曼城閂水喉，只係引入左老化既馬
干、查維加西亞同積洛維。結果該季衛冕失敗屈居第二，隨後柏歷堅尼就取代左文仙尼做領隊。
柏歷堅尼年代
2013-2014:
曼城引入費蘭甸奴、捷西斯拿華斯、祖維迪、尼格度同迪米捷利斯。呢年最後重奪聯賽冠軍。
2014-2015:
曼城最貴係買左中堅曼加拉、史雲斯前鋒邦尼、中場費蘭度同門將甘巴尼路。右閘沙格拿就免簽，中場林伯特則係外借。呢年最後不敵車路士屈居第二名。
2015-2016:
曼城重金引入迪布尼、史達寧、奧達文迪同戴夫。雖然呢季最後拎第四，而柏歷堅尼亦係完季後被哥迪奧拿取代。你可以用呢季既陣容同2008年當時既陣容去比較。
2008年正選陣容：
基雲
薩巴列達 甘賓尼 鄧尼 哥路卡
伊蘭奴 尼祖迪莊 米高莊臣
艾利蘭 比拿美 羅賓奴
2016年正選陣容：
祖赫特
薩巴列達 甘賓尼 奧達文迪 基歷治
大衛施華 費蘭甸奴 耶耶托尼
拿斯尼 阿古路 史達寧
事隔8年既陣容由一隊較為粗支大葉既球隊但都見到開始引入技術流球員，變成擁有一支黃金中場，加前場數糊力極強既阿古路，再加當時好撚勁既史達寧同技術型拿斯尼，大打地面進攻足球。到哥迪奧拿接手果陣，基本上呢隊波既文化已經變左傳控進攻型球隊。
哥迪奧拿年代
佢帶左8年就真係確立左一個皇朝，贏左6次英超聯賽冠軍、4次聯賽盃冠軍、2次英國超級盃冠軍、2次足總盃冠軍、1次歐聯冠軍、1次世界冠軍球會盃冠軍同1次歐洲超級盃冠軍。當中有一年仲係三冠王，再加破記錄既英超四連霸。回顧番哥帥未黎之前果8年，曼城係好有方向地去打造球隊，引入既球員都係明顯以技術流為主。哥帥一入主就用左兩億去建構防線，而曼城中前場既人腳本身就已經好適合佢教，絕對可以話前人種樹，後人乘涼。你亦都不得不讚佢有創新既戰術思維，買既人未必好貴，但通通都好實用，變水貨要賤賣既真係唔多。加上青訓開始收成，而哥帥亦好肯用，例如：科頓、歷高利維斯、彭馬同波比等都上左位。
曼聯既後費格遜年代又如何？
先唔好講買球員方針，只睇下自費格遜離開後，球員請左邊堆領隊黎帶。先有九九八十一斬莫耶斯，然後係鳩猜大師雲高爾，之後係防反專家摩連奴，跟住到紅魔名宿蘇斯黑查，再有逼搶大師蘭歷克，最後就到現任光頭領隊坦克。6個領隊，6個不同既領軍風格，自然收購既球員既風格特式都好唔同。基本上每任領隊都要先清上一手遺留落黎既「屎」，再去收購一堆岩自己用既，但往往未換晒血就又俾人炒左，結果就係無限輪迴。都未講經常買入高薪一族，攪到成隊既薪酬架構見晒龍。仲未計每個領隊都會參與管理青訓系統，青訓模式又因換領隊而兩三年就轉一轉，長期都培養唔到可以即插即用既球員。總括而言，球隊冇方向冇方針亦唔肯「等」。
《總結》
有球迷話：「隊隊都傷兵多架啦，坦克帶曼聯帶到咁要炒！」但從足總盃決賽所見，當曼聯有番一對有級數既中堅，打番穩守突擊戰術，隊波係有力同其他強隊一戰，傷兵影響之大係絕對唔能夠低估。再睇番決賽場波，當曼聯要踢防反果陣，球員明顯較為得心應手，原因之一不外乎前兩任領隊都係偏好呢種打法（唔計蘭sir）。咁如果隊波係想轉踢控傳，首先要睇人腳要否適合，次要睇領隊夠唔夠功力，最後就係「時間」。曼城係一個成功既參考，佢地都需要八年後先建立皇朝。我唔介意你依家立刻炒坦克，但麻煩管理層先諗清楚想隊波踢邊一款足球先，然後先搵到一個合適既領隊再炒坦克。再從坦克呢兩年既成績睇，第一年拎聯賽盃冠軍，而聯賽排第三；第二年拎足總盃冠軍，而聯賽排第八。咁既成績你都要炒領隊既話，咁阿迪達要立刻落鑊。小弟認為曼聯應俾多一季時間坦克教，人腳起碼齊到章，先睇下球隊能否做到坦克強調既「快速攻守轉換同控制球賽」呢兩種戰術方向，若果都係冇成績，咪到時唔同坦克續約，再搵一個教開傳控足球既領隊再帶。
當時主要既研究對象係利物浦同阿仙奴，今篇就想同大家先探討一下曼城近年既皇朝係點黎，然後再答呢條問題！
曼城如何重建？
要追溯番曼城幾時開始重建就要知阿聯酋油王係幾時入主，佢地係2008年9月收購曼城。當時既領隊係馬克曉士，陣容上比較有名氣要數到羅賓奴、基雲同甘賓尼等。曉士係果季最後只能以第十名完成。由08年到依家，可以分為三個時代-文仙尼、柏歷堅尼同哥迪奧拿。
文仙尼年代
2009-2010:
當年佢地先換左文仙尼做領隊，然後買入泰維斯、艾迪巴約、辛達告魯斯、防中巴里、中堅列史葛同高路托尼，配合埋羅賓奴、比拿美同甘賓尼等人，當年已經拎到頭五。
2010-2011:
佢地引入迪斯高、耶耶托尼、大衛施華、巴路迪利呢堆技術型球員，配合埋高拉洛夫、占士米拿等爛打型球員，跟住果年已經拎到頭三，準備挑戰聯賽冠軍。
2011-2012:
曼城再換血引入阿古路、拿斯尼、比沙路同基歷治。結果果年就憑阿古路補時階段絕殺QPR拎左聯賽冠軍。從呢幾年，你可以見到曼城引入既球員除左身價有番咁上下，球員既特性普遍大多都係技術流。
2012-2013:
曼城閂水喉，只係引入左老化既馬
干、查維加西亞同積洛維。結果該季衛冕失敗屈居第二，隨後柏歷堅尼就取代左文仙尼做領隊。
柏歷堅尼年代
2013-2014:
曼城引入費蘭甸奴、捷西斯拿華斯、祖維迪、尼格度同迪米捷利斯。呢年最後重奪聯賽冠軍。
2014-2015:
曼城最貴係買左中堅曼加拉、史雲斯前鋒邦尼、中場費蘭度同門將甘巴尼路。右閘沙格拿就免簽，中場林伯特則係外借。呢年最後不敵車路士屈居第二名。
2015-2016:
曼城重金引入迪布尼、史達寧、奧達文迪同戴夫。雖然呢季最後拎第四，而柏歷堅尼亦係完季後被哥迪奧拿取代。你可以用呢季既陣容同2008年當時既陣容去比較。
2008年正選陣容：
基雲
薩巴列達 甘賓尼 鄧尼 哥路卡
伊蘭奴 尼祖迪莊 米高莊臣
艾利蘭 比拿美 羅賓奴
2016年正選陣容：
祖赫特
薩巴列達 甘賓尼 奧達文迪 基歷治
大衛施華 費蘭甸奴 耶耶托尼
拿斯尼 阿古路 史達寧
事隔8年既陣容由一隊較為粗支大葉既球隊但都見到開始引入技術流球員，變成擁有一支黃金中場，加前場數糊力極強既阿古路，再加當時好撚勁既史達寧同技術型拿斯尼，大打地面進攻足球。到哥迪奧拿接手果陣，基本上呢隊波既文化已經變左傳控進攻型球隊。
哥迪奧拿年代
佢帶左8年就真係確立左一個皇朝，贏左6次英超聯賽冠軍、4次聯賽盃冠軍、2次英國超級盃冠軍、2次足總盃冠軍、1次歐聯冠軍、1次世界冠軍球會盃冠軍同1次歐洲超級盃冠軍。當中有一年仲係三冠王，再加破記錄既英超四連霸。回顧番哥帥未黎之前果8年，曼城係好有方向地去打造球隊，引入既球員都係明顯以技術流為主。哥帥一入主就用左兩億去建構防線，而曼城中前場既人腳本身就已經好適合佢教，絕對可以話前人種樹，後人乘涼。你亦都不得不讚佢有創新既戰術思維，買既人未必好貴，但通通都好實用，變水貨要賤賣既真係唔多。加上青訓開始收成，而哥帥亦好肯用，例如：科頓、歷高利維斯、彭馬同波比等都上左位。
曼聯既後費格遜年代又如何？
先唔好講買球員方針，只睇下自費格遜離開後，球員請左邊堆領隊黎帶。先有九九八十一斬莫耶斯，然後係鳩猜大師雲高爾，之後係防反專家摩連奴，跟住到紅魔名宿蘇斯黑查，再有逼搶大師蘭歷克，最後就到現任光頭領隊坦克。6個領隊，6個不同既領軍風格，自然收購既球員既風格特式都好唔同。基本上每任領隊都要先清上一手遺留落黎既「屎」，再去收購一堆岩自己用既，但往往未換晒血就又俾人炒左，結果就係無限輪迴。都未講經常買入高薪一族，攪到成隊既薪酬架構見晒龍。仲未計每個領隊都會參與管理青訓系統，青訓模式又因換領隊而兩三年就轉一轉，長期都培養唔到可以即插即用既球員。總括而言，球隊冇方向冇方針亦唔肯「等」。
《總結》
有球迷話：「隊隊都傷兵多架啦，坦克帶曼聯帶到咁要炒！」但從足總盃決賽所見，當曼聯有番一對有級數既中堅，打番穩守突擊戰術，隊波係有力同其他強隊一戰，傷兵影響之大係絕對唔能夠低估。再睇番決賽場波，當曼聯要踢防反果陣，球員明顯較為得心應手，原因之一不外乎前兩任領隊都係偏好呢種打法（唔計蘭sir）。咁如果隊波係想轉踢控傳，首先要睇人腳要否適合，次要睇領隊夠唔夠功力，最後就係「時間」。曼城係一個成功既參考，佢地都需要八年後先建立皇朝。我唔介意你依家立刻炒坦克，但麻煩管理層先諗清楚想隊波踢邊一款足球先，然後先搵到一個合適既領隊再炒坦克。再從坦克呢兩年既成績睇，第一年拎聯賽盃冠軍，而聯賽排第三；第二年拎足總盃冠軍，而聯賽排第八。咁既成績你都要炒領隊既話，咁阿迪達要立刻落鑊。小弟認為曼聯應俾多一季時間坦克教，人腳起碼齊到章，先睇下球隊能否做到坦克強調既「快速攻守轉換同控制球賽」呢兩種戰術方向，若果都係冇成績，咪到時唔同坦克續約，再搵一個教開傳控足球既領隊再帶。
請按此登錄後留言。未成為會員? 立即註冊