《坦克係戰術上有想法；迪沙比輪換球員備戰歐霸盃》
坦克今場改踢4-4-2菱形中場，兩閘用上進攻力較強既達洛治同列古朗，中堅仍然係馬天尼斯拍連迪路夫；中場卡斯美路逗後，麥湯文尼同艾歷臣踢兩個八號位，般奴費南迪斯踢攻擊中場；前鋒由華舒福同海隆踢雙箭頭。相信係主場出擊關係，坦克唔想縮係後面泊巴士，選擇係前場踢高位逼搶。其他隊對白禮頓都會選擇踢4-4-2或4-3-3去逼，但礙於白禮頓中場既控場能力強，後防兩名中堅亦能用波下，都好難逼得甩，所以坦克嘗試中路用三名中場去overload對方，前場用兩名前鋒壓逼一對中堅，見到戰術上係有想法，而起用出擊力較強既兩個閘位球員，就係因為菱形中場下，需要二閘支配整條邊路，所以雲比沙加都需要坐板。坦克呢場係希望可以前場搶到控球權去主導比賽，用進攻去減輕後防壓力。
迪沙比則開始為歐霸盃作準備，下周中主場要迎戰AEK雅典，所以佢都輪換部分主力球員。史迪爾復任正選，左閘收起艾斯度甸恩改用林迪，其餘三人都係雲希格、鄧克同費文；中場收起基摩，改用達荷特拍戈斯；三笘薰則聯同取代左馬治既艾迪嘉踢兩翼，攻中拉蘭拿代替安斯素支援韋碧克。踢法同之前冇太大分別，後場地波build-up，利用邊路兩翼推進或透過後場搓傳打穿對方中場線再利用空位進攻。
《未失波前既曼聯唔差；白禮頓一下進攻就攪掂》
曼聯係未失波前既形勢其實算好，多次係中前場成功搶到控球權，立刻打transition進攻，亦多次利用福仔進攻費文同雲希格既空位係左路大做文章。右路既達洛治亦頻頻出擊，而右中場中既麥湯亦多次插入禁區，曼聯有第二個進攻點，令海隆唔需要經常被二人夾擊。 點解開賽初段經常搶到波用？第一個原因係今場白禮頓球員入局較慢，正選亦輪換左部分球員，而達荷特、林迪同艾迪嘉係個人能力上比起正選球員係有少少差距，同隊友既默契亦差少少，所以係傳控方面有失誤；第二則係曼聯球員企位令鄧克同雲希格難直接用直線打穿曼聯中場線，曼聯兩名中場中以企位為主，而唔係man-mark對方，務求逼對方要用二閘推進。費文推進較差，以駁腳為主，所以林迪會較多機會向前，但曼聯安排麥湯踢右中場中，就正好利用佢既速率去追番林迪，所以未失波前既曼聯機會係比白禮頓多。白禮頓則明顯估唔到曼聯既防守模式，中場被overload，所以係用波方面有失誤，從而被曼聯有機會靠transition進攻。不過白禮頓機會唔駛多，一針最緊要見血。廿分鐘，艾迪嘉沉底傳中cut-back，拉蘭拿靚漏造就韋碧克輕鬆射入。由雲希格直線打穿俾韋碧克回後，戈斯再分邊，呢一下就已經見到出事。胖虎既企位，令艾歷臣要內收入中間嘗試截雲希格既直線，從而再失位令邊路既費文空晒。列古朗冇選擇後移追番拉邊既艾迪嘉，令馬天尼斯要一個守兩個，而列古朗既企位係明顯遮唔到費文斜線傳俾韋碧克既線路。當艾迪嘉傳中，曼聯防線已係三個打三個，而胖虎亦冇跟實韋碧克，完全走甩左佢亦係關鍵。入波後既白禮頓愈踢愈有信心就開始完全主導賽事。曼聯及後只能以福仔既個人能力去爆去突破埋門，但今場佢射定俾既決定都係比較一般。尾段海隆亦食左次詐糊，而果次則係全憑福仔既個人努力。
《曼聯輸到二比零要放手一搏；白禮頓開始換人收工》
半場雙方都冇換人，戰情亦同上半場中後段冇分別。白禮頓憑出色既搓傳輕鬆破解曼聯逼搶，但亦不急於進攻，繼續控球為主；曼聯則撲黎撲去都搶唔到，加上體能消耗得快，速率節奏都有所下降。53分鐘，白禮頓一次左路進攻，林迪一個無心插柳既橫傳，戈斯行入禁區無人看管下，一個假射避開馬天尼斯，再輕鬆射成二比零。麥湯見到三笘薰拎波就衝去夾擊，令卡斯美路要補位，令到戈斯可以輕鬆行入去接應。如果三笘薰既對位係雲比沙加會有呢球入波出現嗎？64分鐘，坦克放手一搏，用馬斯亞入替海隆，漢尼拔入替卡斯美路，拉後般奴踢防中；白禮頓則換入祖奧柏度同安素法迪，開始輪換球員。71分鐘，白禮頓再次輕鬆係後場搓散曼聯所謂既高位逼搶，左路林迪怒放一段cut-back地波搵到祖奧柏度，佢「再再次」無人看管下射入。睇番林迪接波前，麥湯文尼係知道林迪將會接波，而佢係揚手提隊友，究竟係戰術上，佢揚手係示意達洛治要追？因為失波過程唔見麥湯有全力回追林迪，究竟係部署上係邊個要追林迪，就真係球員同領隊先知。當然，係當刻達洛治係冇條件上黎逼林迪，因為已經被三笘薰拉走左。兩分鐘後，漢尼拔係禁區頂射入破蛋，算係挽回些少面子。77分鐘，迪沙比再換入基摩同米拿，及後換入費格遜都係入黎跑下步。坦克則係去到85分鐘先換入雲比沙加、加拿祖同柏利斯迪，改踢3-1-4-2都係交下差，已經對戰局冇乜大幫助，呢個時間先換同唔換都係一樣。最後，曼聯主場三比一輸比白禮頓，聯賽兩連敗。
《總結》
白禮頓愈戰愈勇，成熟既體系加上合適既球員，令到隊波冇話冇左邊個就唔得。都係果句，今季行到幾遠，要睇下後備力量提供到幾多。暫時黎睇，個人認為後備既能力同正選都仲差少少（半班），但佢地後生仍有進步空間。
曼聯技不如人，輸係無話可說。今場戰術上見到坦克有想法既，但去到細節位仍未做得夠仔細。或者主場包袱，令坦克唔敢泊巴士，但對攻或選擇擺大個頭又係咪真係有著數？明知對面有三千分都唔用雲比沙加，直接令右路變成放題，最令人摸不著頭腦。中場卡斯美路既狀態由開季至今都極差，冇壓力下多次傳送失誤，對位拍波亦比上季慢左唔止一拍。整隊輸兩邊傳中cutback多不勝數，呢點係急需改善。猶幸見到列古朗係左路幾有活力，不過防守就認真一般，而前鋒海隆黎講衝刺活力跑動都有，亦有一定既停球能力，但有幾下控波轉身既決定明顯同頂級有一段距離，上身力量不足亦令佢錯失左一次入波機會，但都已經比入黎散步既馬斯亞好（可能輸緊兩球冇心機掛），海生起碼肯跑肯衝。下場硬打拜仁，睇黎三連敗機會甚大。Good luck！
坦克今場改踢4-4-2菱形中場，兩閘用上進攻力較強既達洛治同列古朗，中堅仍然係馬天尼斯拍連迪路夫；中場卡斯美路逗後，麥湯文尼同艾歷臣踢兩個八號位，般奴費南迪斯踢攻擊中場；前鋒由華舒福同海隆踢雙箭頭。相信係主場出擊關係，坦克唔想縮係後面泊巴士，選擇係前場踢高位逼搶。其他隊對白禮頓都會選擇踢4-4-2或4-3-3去逼，但礙於白禮頓中場既控場能力強，後防兩名中堅亦能用波下，都好難逼得甩，所以坦克嘗試中路用三名中場去overload對方，前場用兩名前鋒壓逼一對中堅，見到戰術上係有想法，而起用出擊力較強既兩個閘位球員，就係因為菱形中場下，需要二閘支配整條邊路，所以雲比沙加都需要坐板。坦克呢場係希望可以前場搶到控球權去主導比賽，用進攻去減輕後防壓力。
迪沙比則開始為歐霸盃作準備，下周中主場要迎戰AEK雅典，所以佢都輪換部分主力球員。史迪爾復任正選，左閘收起艾斯度甸恩改用林迪，其餘三人都係雲希格、鄧克同費文；中場收起基摩，改用達荷特拍戈斯；三笘薰則聯同取代左馬治既艾迪嘉踢兩翼，攻中拉蘭拿代替安斯素支援韋碧克。踢法同之前冇太大分別，後場地波build-up，利用邊路兩翼推進或透過後場搓傳打穿對方中場線再利用空位進攻。
《未失波前既曼聯唔差；白禮頓一下進攻就攪掂》
曼聯係未失波前既形勢其實算好，多次係中前場成功搶到控球權，立刻打transition進攻，亦多次利用福仔進攻費文同雲希格既空位係左路大做文章。右路既達洛治亦頻頻出擊，而右中場中既麥湯亦多次插入禁區，曼聯有第二個進攻點，令海隆唔需要經常被二人夾擊。 點解開賽初段經常搶到波用？第一個原因係今場白禮頓球員入局較慢，正選亦輪換左部分球員，而達荷特、林迪同艾迪嘉係個人能力上比起正選球員係有少少差距，同隊友既默契亦差少少，所以係傳控方面有失誤；第二則係曼聯球員企位令鄧克同雲希格難直接用直線打穿曼聯中場線，曼聯兩名中場中以企位為主，而唔係man-mark對方，務求逼對方要用二閘推進。費文推進較差，以駁腳為主，所以林迪會較多機會向前，但曼聯安排麥湯踢右中場中，就正好利用佢既速率去追番林迪，所以未失波前既曼聯機會係比白禮頓多。白禮頓則明顯估唔到曼聯既防守模式，中場被overload，所以係用波方面有失誤，從而被曼聯有機會靠transition進攻。不過白禮頓機會唔駛多，一針最緊要見血。廿分鐘，艾迪嘉沉底傳中cut-back，拉蘭拿靚漏造就韋碧克輕鬆射入。由雲希格直線打穿俾韋碧克回後，戈斯再分邊，呢一下就已經見到出事。胖虎既企位，令艾歷臣要內收入中間嘗試截雲希格既直線，從而再失位令邊路既費文空晒。列古朗冇選擇後移追番拉邊既艾迪嘉，令馬天尼斯要一個守兩個，而列古朗既企位係明顯遮唔到費文斜線傳俾韋碧克既線路。當艾迪嘉傳中，曼聯防線已係三個打三個，而胖虎亦冇跟實韋碧克，完全走甩左佢亦係關鍵。入波後既白禮頓愈踢愈有信心就開始完全主導賽事。曼聯及後只能以福仔既個人能力去爆去突破埋門，但今場佢射定俾既決定都係比較一般。尾段海隆亦食左次詐糊，而果次則係全憑福仔既個人努力。
《曼聯輸到二比零要放手一搏；白禮頓開始換人收工》
半場雙方都冇換人，戰情亦同上半場中後段冇分別。白禮頓憑出色既搓傳輕鬆破解曼聯逼搶，但亦不急於進攻，繼續控球為主；曼聯則撲黎撲去都搶唔到，加上體能消耗得快，速率節奏都有所下降。53分鐘，白禮頓一次左路進攻，林迪一個無心插柳既橫傳，戈斯行入禁區無人看管下，一個假射避開馬天尼斯，再輕鬆射成二比零。麥湯見到三笘薰拎波就衝去夾擊，令卡斯美路要補位，令到戈斯可以輕鬆行入去接應。如果三笘薰既對位係雲比沙加會有呢球入波出現嗎？64分鐘，坦克放手一搏，用馬斯亞入替海隆，漢尼拔入替卡斯美路，拉後般奴踢防中；白禮頓則換入祖奧柏度同安素法迪，開始輪換球員。71分鐘，白禮頓再次輕鬆係後場搓散曼聯所謂既高位逼搶，左路林迪怒放一段cut-back地波搵到祖奧柏度，佢「再再次」無人看管下射入。睇番林迪接波前，麥湯文尼係知道林迪將會接波，而佢係揚手提隊友，究竟係戰術上，佢揚手係示意達洛治要追？因為失波過程唔見麥湯有全力回追林迪，究竟係部署上係邊個要追林迪，就真係球員同領隊先知。當然，係當刻達洛治係冇條件上黎逼林迪，因為已經被三笘薰拉走左。兩分鐘後，漢尼拔係禁區頂射入破蛋，算係挽回些少面子。77分鐘，迪沙比再換入基摩同米拿，及後換入費格遜都係入黎跑下步。坦克則係去到85分鐘先換入雲比沙加、加拿祖同柏利斯迪，改踢3-1-4-2都係交下差，已經對戰局冇乜大幫助，呢個時間先換同唔換都係一樣。最後，曼聯主場三比一輸比白禮頓，聯賽兩連敗。
《總結》
白禮頓愈戰愈勇，成熟既體系加上合適既球員，令到隊波冇話冇左邊個就唔得。都係果句，今季行到幾遠，要睇下後備力量提供到幾多。暫時黎睇，個人認為後備既能力同正選都仲差少少（半班），但佢地後生仍有進步空間。
曼聯技不如人，輸係無話可說。今場戰術上見到坦克有想法既，但去到細節位仍未做得夠仔細。或者主場包袱，令坦克唔敢泊巴士，但對攻或選擇擺大個頭又係咪真係有著數？明知對面有三千分都唔用雲比沙加，直接令右路變成放題，最令人摸不著頭腦。中場卡斯美路既狀態由開季至今都極差，冇壓力下多次傳送失誤，對位拍波亦比上季慢左唔止一拍。整隊輸兩邊傳中cutback多不勝數，呢點係急需改善。猶幸見到列古朗係左路幾有活力，不過防守就認真一般，而前鋒海隆黎講衝刺活力跑動都有，亦有一定既停球能力，但有幾下控波轉身既決定明顯同頂級有一段距離，上身力量不足亦令佢錯失左一次入波機會，但都已經比入黎散步既馬斯亞好（可能輸緊兩球冇心機掛），海生起碼肯跑肯衝。下場硬打拜仁，睇黎三連敗機會甚大。Good luck！
請按此登錄後留言。未成為會員? 立即註冊