《肯定係諗太多野先變光頭》
國際賽期間，曼聯傷兵名單多達九人。點知一公佈出場陣容，發現好多傷兵都出得場。華拉尼、薩碧沙同華舒福都可以上陣。本身見到正選唔駛出動到mcfred組合，個心都定一定，點知一開波見到球員企位就當堂嚇親。迪基亞繼續把關。華拉尼拍番馬天尼斯踢中堅。左閘係梳爾實屬正路；但右閘竟然起用達洛治，雲比沙加連後備都冇。聯賽盃決賽已經見到達洛治如何被聖麥斯文玩弄，今場肯定又要食救參。右閘正選已經呆一呆，但都唔夠中場咁驚嚇。中場都係麥湯文尼、薩碧沙同般奴費南迪斯，人腳冇問題，但企位上竟然係麥湯踢攻中，而薩碧沙同般奴踢一對平排中場。唯一原因去解釋點解咁樣擺就係麥湯國際賽兩場入四球，所以坦克想推前佢去進攻，再利用佢既攔截力針對性防守基馬利斯，但坦克完全忽略左般奴同薩碧沙既防守力。今季兩對紐卡素，盲既都知艾迪賀維一定係用絞肉機中場同你打身形鬥撞，坦克仲將最撞得果個擺前面，留番兩個不擅身體對抗亦冇持球突破力既中場係中後場，未落場踢都估到會出晒事。係咪真係諗得太多野先變光頭佬？要應付紐記既中場有兩個方法，一係同佢鬥撞鬥身形，用埋韋賀斯同麥湯文尼加埋般奴係中場同佢撞過；二就係用技術加人數優勢去overload中場，索性抽起韋賀斯，用般奴或辛祖打假九同佢打技術，結果係我都唔知坦克諗乜。左右翼則係華舒福同安東尼支援韋賀斯。
《上半場除左迪基亞神勇，仲要多謝紐記球員》
艾迪賀維用絞肉機中場，朗史達夫同基馬利斯加埋韋諾克係中場掃，進攻靠兩翼聖麥斯文同積及梅菲大打側擊，前鋒伊薩打箭頭爭取入球。遇到坦克呢個不倫不類既球員配置，紐卡素進攻可以話係so easy。中前場靠體力踢高位逼搶，進攻不停利用邊路傳中威脅迪基亞。上半場紐記有11腳射門，但只有3腳中目標埋門。真係要多謝紐卡素球員既射門技術，幾次空晒都可以打飛機唔中龍。當中有一下攻門二連擊，除左要讚迪基亞超神反應，亦要多謝韋諾克第二腳埋門射落迪基亞度，否則已經可以先開記錄。再睇睇控球率，紐卡素有52%，傳球成功率有80%，當中有10腳key pass，曼聯咁都唔駛先落後真係可以還神。講下曼聯，中前場踢得最好果個應該算係安東尼，又番黎協防聖麥斯文，進攻又靠佢推個波上前半場。後防則要讚馬天尼斯，夠硬淨，傳送亦維持到一定既質量。整隊攔截只得6個，當中中場三子加埋只係得2個；相反紐卡素中場三個加埋有5個攔截。再睇中場球員傳球成功率，紐卡素最差果個朗史達夫都有80%；曼聯最好果個竟然係有80%既麥湯，般奴直頭得67%，可想而知曼聯條中場線完全輸晒。上半場零比零完，對曼聯黎講真係執番身彩。
《坦克半場知衰；紐卡素終於把握到》
半場出番黎，雙方都冇任何調動，但坦克知衰即刻由4-2-3-1改踢番4-3-3，將麥湯縮番後踢逗後防中，推前番薩碧沙同般奴。經調動後，曼聯係中場截擊同控球率都明顯有所改善，場上形勢由被動變為均勢，起碼冇被紐卡素㩒住黎踢。62分鐘，坦克求變換入辛祖同馬斯亞，換走安東尼同零作用既韋賀斯。安東尼被調走則較令我意外，佢係場上明顯見到佢作用，中前場最有狀態就係佢，反而薩碧沙同福仔係冇態。如果要加強攻力，可以搏少少換走薩碧沙。福仔呢期當旺，唔換都情有可原，搏佢射一腳攪掂。換人既舉動我覺得係岩既，只可惜三分鐘後就被韋諾克係門前頂入，紐卡素領先一比零。梳爾嘗試離開左閘區域，攔截伊薩果下會係一個失波既主因。正正就係佢標前，令伊薩可以斜線交俾金馬利斯沉底望空傳去尾柱俾聖麥斯文頭鎚二傳入中間。失波後既曼聯係進攻上都唔見有好大起色，換入既辛祖又要踢左面，將福仔扔番去右路，但辛祖既表現亦未如理想。雖然紐卡素體能有所下降減少左逼搶力度，令曼聯控球增加，但無論中路組織還是邊路推進，都未見銳利同有效果。特別係冇左安東尼後，右路進攻好似癱瘓左。82分鐘，坦克盡地一煲，換入柏利斯迪、費特同連迪路夫，改踢3-3-3-1搏鎚。不過球員係陣式上既改變未能適應，進攻都係冇乜大改善。88分鐘卡林威爾遜接應查比亞右路開出既罰球，係門前輕鬆頂入成二比零，正式終結比賽。最後，紐卡素兩球淨勝曼聯，暫時上番聯賽榜三弟位置。
《總結》
艾迪賀維終於帶領紐卡素贏到曼聯，以場上表現計，正路可以三次都贏晒，但可惜頭兩次都係因球員把握力不足，所以贏唔到。今場終於可以射破迪基亞十指關，拎到寶貴既三分。下季真係再增下兵，呢隊紐卡素真係不容忽視。坦克既曼聯則飽受傷兵困擾，加上卡斯美路既停賽，大大影響佢既排兵佈陣。但論兵源，呢場佢絕對仍有其他球員用或可利用戰術去贏呢場波。佢排左一個九唔搭八既人腳配置絕對要負上一定既責任。另外，兵疲既情況今場又展露出黎。點樣應付今個月餘下8場波先係坦克真正既考驗！寄望艾歷臣可以盡快復出，卡斯美路唔好再拎紅牌，令中場線有番「卡士」先有價講。三日後對賓福特，又係一場豬頭骨，睇下坦克會唔會輪換下球員先！
======================================有興趣睇分析片既朋友都可以follow 以下 Instagram
https://www.instagram.com/hea.talk.manu/
國際賽期間，曼聯傷兵名單多達九人。點知一公佈出場陣容，發現好多傷兵都出得場。華拉尼、薩碧沙同華舒福都可以上陣。本身見到正選唔駛出動到mcfred組合，個心都定一定，點知一開波見到球員企位就當堂嚇親。迪基亞繼續把關。華拉尼拍番馬天尼斯踢中堅。左閘係梳爾實屬正路；但右閘竟然起用達洛治，雲比沙加連後備都冇。聯賽盃決賽已經見到達洛治如何被聖麥斯文玩弄，今場肯定又要食救參。右閘正選已經呆一呆，但都唔夠中場咁驚嚇。中場都係麥湯文尼、薩碧沙同般奴費南迪斯，人腳冇問題，但企位上竟然係麥湯踢攻中，而薩碧沙同般奴踢一對平排中場。唯一原因去解釋點解咁樣擺就係麥湯國際賽兩場入四球，所以坦克想推前佢去進攻，再利用佢既攔截力針對性防守基馬利斯，但坦克完全忽略左般奴同薩碧沙既防守力。今季兩對紐卡素，盲既都知艾迪賀維一定係用絞肉機中場同你打身形鬥撞，坦克仲將最撞得果個擺前面，留番兩個不擅身體對抗亦冇持球突破力既中場係中後場，未落場踢都估到會出晒事。係咪真係諗得太多野先變光頭佬？要應付紐記既中場有兩個方法，一係同佢鬥撞鬥身形，用埋韋賀斯同麥湯文尼加埋般奴係中場同佢撞過；二就係用技術加人數優勢去overload中場，索性抽起韋賀斯，用般奴或辛祖打假九同佢打技術，結果係我都唔知坦克諗乜。左右翼則係華舒福同安東尼支援韋賀斯。
《上半場除左迪基亞神勇，仲要多謝紐記球員》
艾迪賀維用絞肉機中場，朗史達夫同基馬利斯加埋韋諾克係中場掃，進攻靠兩翼聖麥斯文同積及梅菲大打側擊，前鋒伊薩打箭頭爭取入球。遇到坦克呢個不倫不類既球員配置，紐卡素進攻可以話係so easy。中前場靠體力踢高位逼搶，進攻不停利用邊路傳中威脅迪基亞。上半場紐記有11腳射門，但只有3腳中目標埋門。真係要多謝紐卡素球員既射門技術，幾次空晒都可以打飛機唔中龍。當中有一下攻門二連擊，除左要讚迪基亞超神反應，亦要多謝韋諾克第二腳埋門射落迪基亞度，否則已經可以先開記錄。再睇睇控球率，紐卡素有52%，傳球成功率有80%，當中有10腳key pass，曼聯咁都唔駛先落後真係可以還神。講下曼聯，中前場踢得最好果個應該算係安東尼，又番黎協防聖麥斯文，進攻又靠佢推個波上前半場。後防則要讚馬天尼斯，夠硬淨，傳送亦維持到一定既質量。整隊攔截只得6個，當中中場三子加埋只係得2個；相反紐卡素中場三個加埋有5個攔截。再睇中場球員傳球成功率，紐卡素最差果個朗史達夫都有80%；曼聯最好果個竟然係有80%既麥湯，般奴直頭得67%，可想而知曼聯條中場線完全輸晒。上半場零比零完，對曼聯黎講真係執番身彩。
《坦克半場知衰；紐卡素終於把握到》
半場出番黎，雙方都冇任何調動，但坦克知衰即刻由4-2-3-1改踢番4-3-3，將麥湯縮番後踢逗後防中，推前番薩碧沙同般奴。經調動後，曼聯係中場截擊同控球率都明顯有所改善，場上形勢由被動變為均勢，起碼冇被紐卡素㩒住黎踢。62分鐘，坦克求變換入辛祖同馬斯亞，換走安東尼同零作用既韋賀斯。安東尼被調走則較令我意外，佢係場上明顯見到佢作用，中前場最有狀態就係佢，反而薩碧沙同福仔係冇態。如果要加強攻力，可以搏少少換走薩碧沙。福仔呢期當旺，唔換都情有可原，搏佢射一腳攪掂。換人既舉動我覺得係岩既，只可惜三分鐘後就被韋諾克係門前頂入，紐卡素領先一比零。梳爾嘗試離開左閘區域，攔截伊薩果下會係一個失波既主因。正正就係佢標前，令伊薩可以斜線交俾金馬利斯沉底望空傳去尾柱俾聖麥斯文頭鎚二傳入中間。失波後既曼聯係進攻上都唔見有好大起色，換入既辛祖又要踢左面，將福仔扔番去右路，但辛祖既表現亦未如理想。雖然紐卡素體能有所下降減少左逼搶力度，令曼聯控球增加，但無論中路組織還是邊路推進，都未見銳利同有效果。特別係冇左安東尼後，右路進攻好似癱瘓左。82分鐘，坦克盡地一煲，換入柏利斯迪、費特同連迪路夫，改踢3-3-3-1搏鎚。不過球員係陣式上既改變未能適應，進攻都係冇乜大改善。88分鐘卡林威爾遜接應查比亞右路開出既罰球，係門前輕鬆頂入成二比零，正式終結比賽。最後，紐卡素兩球淨勝曼聯，暫時上番聯賽榜三弟位置。
《總結》
艾迪賀維終於帶領紐卡素贏到曼聯，以場上表現計，正路可以三次都贏晒，但可惜頭兩次都係因球員把握力不足，所以贏唔到。今場終於可以射破迪基亞十指關，拎到寶貴既三分。下季真係再增下兵，呢隊紐卡素真係不容忽視。坦克既曼聯則飽受傷兵困擾，加上卡斯美路既停賽，大大影響佢既排兵佈陣。但論兵源，呢場佢絕對仍有其他球員用或可利用戰術去贏呢場波。佢排左一個九唔搭八既人腳配置絕對要負上一定既責任。另外，兵疲既情況今場又展露出黎。點樣應付今個月餘下8場波先係坦克真正既考驗！寄望艾歷臣可以盡快復出，卡斯美路唔好再拎紅牌，令中場線有番「卡士」先有價講。三日後對賓福特，又係一場豬頭骨，睇下坦克會唔會輪換下球員先！
======================================有興趣睇分析片既朋友都可以follow 以下 Instagram
https://www.instagram.com/hea.talk.manu/
請按此登錄後留言。未成為會員? 立即註冊