雙方出場陣容
蘇B繼續排出4-2-3-1，龍門迪基亞，防線左至右係梳爾、麥佳亞、連迪路夫、雲比沙加。一對防中係麥湯文尼拍費特，左右翼係華舒福同格連活特。前線由般奴後上支援C朗拿度。
高普繼續排出4-3-3，龍門艾利臣，防線左至右係羅伯臣、雲迪克、干拿迪、阿諾。逗後防中為軒達臣，左右中場係基達同占士米拿。前線三個係沙拿左、費明奴居中、祖達右。
雲比沙加既判斷失誤就失第一球
未失波前，曼聯破解前場逼搶。般奴係禁區無人看管下，射左個藍天射門。絕對係把握力既分野，你連龍門都唔中時，人地就一槍致命。踢到5分鐘，左閘羅伯臣拎波，雲比沙加決定離開自己崗位上去搶波，但明顯對方係有充裕時間睇定黎傳俾前場球員。此一舉動，令到連迪路夫要移右防守祖達，麥佳亞再右移防守現身拎波既費明奴，沙拿從左路再移入中路攻擊麥佳亞，令到梳爾要再收中去包麥隊長之餘亦要防守沙拿。當時曼聯既一對防守中場球員企既位置係比米拿同基達前，整條防線亦企到接近中場線，後面係有極多空位俾利記去踢。福仔係左路既角度應該可以發現到基達係中路插緊入禁區，但佢係冇起步嘗試回追基達。利物浦係由羅伯臣一拎波果下，前場已經係人多打人少。雲比沙加仲要選擇向前標波，更令後場空位大增。個波一俾到祖達即刻再彈俾策應既費明奴，已經知道呢球波死得。麥隊長冇選擇向後移，而係嘗試係原地遮線，睇下可唔可以遮到費仔傳俾沙拿既線路，而梳爾選擇cover麥隊長而非向前裝越位，當然麥隊長係遮唔到啦。沙拿接應傳送後，加上基達直插入禁區，已經形成二對一狀態，計埋後上既羅伯臣係三打一。沙拿斜傳俾基達就變成單刀，輕鬆射入。先係雲比沙加未有留意隊友企位，魯莽衝前逼搶，再有麥湯文尼費特回防稍慢，後有福仔係中場線冇幫手回追基達去幫梳爾補位，就先失一球。
麥隊長又派膠送禮
失第二球就係麥隊長派膠送禮。羅伯臣左路傳中，個波本身就冇乜威脅，但麥隊長唔知點解唔解圍，反而同梳爾炒埋一碟。個波落左基達腳下，佢就咁交俾後上既阿諾望空地波傳中。麥隊長同梳爾都回追不及，連迪路夫亦包唔到，就俾祖達係尾柱剷射，又入一球。發波瘟咁樣自己炒埋一碟，已經唔係講唔講戰術陣式問題。最諷刺係如改踢三中堅，又係麥佳亞撞落梳爾度，最多係泰利斯有機會出現係阿諾後上既位置。
中場組織乏力既缺點面對利物浦既前場逼搶再一次被無限放大
利物浦由一開波就已經係高位不停施壓逼搶，針對麥費組合控球組織力既不足，多次係前場成功搶斷並立刻係前場進攻。蘇B係兩翼選擇用福仔同綠木，相信係知道利記必然會大軍壓前逼搶，想嘗試用長波用速度攻擊對方二閘同中堅身後空間。但利記球員埋位對波時間之快狠準，逼使曼聯後防未能有足夠既時間去思考點做波已經要解圍或者回後，莫講話依靠長傳去搵前鋒球員進攻。中場既麥費組合亦冇足夠既能力去護波引夾擊再分，更唔好講話要突破對手再向前推進。呢個問題其實係未開季前已經知道（請看今季既完結就係下一季既開始 （展望曼聯下季陣容）https://s.fanpiece.com/kXwPWHv）加上周中歐聯賽事之疲憊亦令到呢班球員體能速率明顯下跌，更加令中場失勢。
第三球輸運只係其次，重點係成個陣形已經散左
去到37分鐘，利物浦後場持球。此時福仔走左上去前鋒位，C朗逗左落去攻中位，般奴移左去左路。阿諾拎波立即引左般奴去到中場線埋波。但留意梳爾係冇跟進到向邊路走出黎既費明奴。費仔係左路無人看管接應傳送。佢一拎波又引到費特埋去遮線，中路形成4打2。佢回後俾軒達臣就走位，再策動攻勢。沙拿再係中路引左麥隊長出黎打個1-2，費仔已經推進到禁區頂。因費特被拉出邊路，中間只得麥湯一人，要面對對方幾個球員，被打穿中路亦冇辦法。費仔再俾從邊路走入中路既祖達再回傳跟進既沙拿。沙拿一射省到麥隊長，個波彈左去左閘位置。因梳爾要縮窄防線，所以跟左沙拿入中路，導致個波一彈左去邊路就冇人係度。基達執到再傳地波俾前點既沙拿就輕鬆入多一球。由省到人再回追，一定係前鋒俾後衛快，亦能望住龍門黎射。呢球當然有幸運成份，但整隊由般奴決定逼阿諾開始已經令到整隊中場線亂左。連迪路夫解圍，但整條防線都冇向前一齊推出，梳爾冇向前追費仔加上般奴失位，費特再選擇出去埋波而非留番係中路等隊友支援就令到麥湯係中間孤立無援。中場線一散，防線被逼收窄，兩閘既空間就被打爆。整隊既防守意識都出現問顯，幾時埋波，有冇人支援一齊逼，防中應否輕率離開位置，整隊人同時出現短路。
C朗惱羞成怒
踢到補時階段，曼聯一下反擊機會。福仔斜傳俾右路澎澎聲跑上黎既綠木。佢再直線塞俾入楔既大師兄。C朗窄位想chip，但俾出迎極快既艾利臣封到。後生仔鐘斯兩步已經波都拎埋再得住個身位。C朗第一下從後想踢個波出黎，但踢唔到波就踢低左人，第二下再踢都可以話聽唔到雞聲嘗試踢個波出黎，第三下再加力踢就已經係腦沖血失左理智。呢球根本可以直紅講拜拜。後面失三球佢已經嬲嬲地，自己窄位射唔入再加少少辣椒，最尾同鐘斯鬥快，明明睇落似佢到先，又唔夠你跑仲要波都拎埋，一上腦就癲左。輸波唔緊要，呢下真係品都輸埋。
第四球都輸到唔知分析到乜
都仲係補時階段，祖達左路chok入去俾中間既費仔。麥隊長竟然俾佢一撥就轉左半邊身入大位，費特咁近距離又搶唔到個波。總共成4個紅衫都掂唔到個波，俾羅伯臣拎到再交俾走入禁區既祖達。本身看管沙拿既梳爾即刻去防守入左大位可以起腳既祖達。祖達見狀再橫傳俾無人看管既沙拿，佢輕鬆射成四比零。麥隊長又係要負責任，呢個波冇可能俾到費仔轉到半邊身，頂住佢要佢回後已經可以。費特呢下又竟然離奇地搶唔到，就埋下輸波伏線。
半場嘗試換人換陣式想追番一球但就再失一球
蘇B下半場就選擇抽起綠木，換入普巴改打4-3-1-2，希望靠普巴既能力幫手調度中場，先搶番控球權，係後場解除逼搶再向前搵般奴再做波上去。蘇B都只能係咁樣換，你又唔會夠膽照踢4-2-3-1安排單防中去拍普巴，又唔會抽起般奴費南迪斯，轉踢4-3-3。踢到48分鐘，呢個問題都係老是常出現。普巴係中圈一上腳，就立即被兩名利物浦球員夾擊。當時麥湯文尼同費特既企位係唔能夠提供到線路等普巴可以交。當然佢上腳都係必然既。軒達臣一搶斷已可立刻發動快攻。沙拿好快已經走麥隊長身後接應神軒既腳面斜線。個波係麥隊長前面彎過就形成單刀。沙拿再次輕鬆射入。第一個就梗係普巴要負責任啦。第二個就係麥隊長係咪真係冇可能包到呢？當然個波既線路力水都靚，把握力之高既沙拿對佢黎講單刀實在太easy。
普巴既紅牌亦直接中止左場波
踢到60分鐘，曼聯一次進攻，普巴失去控球權下飛剷基達。從直播畫面睇，其實普巴都並不是蓄意想踢傷基達，都係望住個波去。從慢鏡睇，鞋底真係擺得高左少少，所以球證由黃改紅，直接趕左普巴離場，亦令到蘇B黎緊幾場波可以煩少一樣野。蘇B亦隨即換入卡雲尼同達洛特，取代般奴費南迪斯同福仔，改打5-3-1陣式，以唔再失波為目標。利物浦見狀都唔再強攻，最緊要冇傷冇病搓完場。場雞一響，五比零完場。
總結
兩隊既實力水平明顯不在同一檔次，只輸五球要多謝利物浦收油。防守問題之大在於球員既意識，對陣式既理解，隊友既位置，隊友有冇支援，一場波睇晒。用麥費組合預左中場組織乏力，但又不能單防中拍普巴，又不能抽起般奴改踢4-3-3。不如改踢五後防又見到麥隊長防守梳爾，亦會廢左翼鋒球員。改踢5-3-2又可以安排貴價辛祖踢咩位置呢？轉踢5-4-1將般奴移任中場中又能適合佢嗎？球員就係呢堆，中場中路既根本性問題睇落甚難解決，而今場既防守問題絕不只係陣式上，球員既態度、防守警覺性、隊友間既緊密性，都出現極大問題。C朗既加盟仲要解決實行前場逼搶還是縮番係中後場防守。慶幸既係普巴黎緊停賽，少左個球星出場煩惱。破斧沉舟下出雲迪碧克又睇下能否破局，試下出佢我諗會有3成球迷鬧少兩句，再試下用辛祖收起綠木，睇睇效果如何。唔爭在棄用麥隊長出拜利，反正勝利十一人已經唔work，盡地一煲或者能闖出一片天。最後，無論你係反蘇還是撐蘇，低潮期總會有，大家都需要繼續支持球隊！
蘇B繼續排出4-2-3-1，龍門迪基亞，防線左至右係梳爾、麥佳亞、連迪路夫、雲比沙加。一對防中係麥湯文尼拍費特，左右翼係華舒福同格連活特。前線由般奴後上支援C朗拿度。
高普繼續排出4-3-3，龍門艾利臣，防線左至右係羅伯臣、雲迪克、干拿迪、阿諾。逗後防中為軒達臣，左右中場係基達同占士米拿。前線三個係沙拿左、費明奴居中、祖達右。
雲比沙加既判斷失誤就失第一球
未失波前，曼聯破解前場逼搶。般奴係禁區無人看管下，射左個藍天射門。絕對係把握力既分野，你連龍門都唔中時，人地就一槍致命。踢到5分鐘，左閘羅伯臣拎波，雲比沙加決定離開自己崗位上去搶波，但明顯對方係有充裕時間睇定黎傳俾前場球員。此一舉動，令到連迪路夫要移右防守祖達，麥佳亞再右移防守現身拎波既費明奴，沙拿從左路再移入中路攻擊麥佳亞，令到梳爾要再收中去包麥隊長之餘亦要防守沙拿。當時曼聯既一對防守中場球員企既位置係比米拿同基達前，整條防線亦企到接近中場線，後面係有極多空位俾利記去踢。福仔係左路既角度應該可以發現到基達係中路插緊入禁區，但佢係冇起步嘗試回追基達。利物浦係由羅伯臣一拎波果下，前場已經係人多打人少。雲比沙加仲要選擇向前標波，更令後場空位大增。個波一俾到祖達即刻再彈俾策應既費明奴，已經知道呢球波死得。麥隊長冇選擇向後移，而係嘗試係原地遮線，睇下可唔可以遮到費仔傳俾沙拿既線路，而梳爾選擇cover麥隊長而非向前裝越位，當然麥隊長係遮唔到啦。沙拿接應傳送後，加上基達直插入禁區，已經形成二對一狀態，計埋後上既羅伯臣係三打一。沙拿斜傳俾基達就變成單刀，輕鬆射入。先係雲比沙加未有留意隊友企位，魯莽衝前逼搶，再有麥湯文尼費特回防稍慢，後有福仔係中場線冇幫手回追基達去幫梳爾補位，就先失一球。
麥隊長又派膠送禮
失第二球就係麥隊長派膠送禮。羅伯臣左路傳中，個波本身就冇乜威脅，但麥隊長唔知點解唔解圍，反而同梳爾炒埋一碟。個波落左基達腳下，佢就咁交俾後上既阿諾望空地波傳中。麥隊長同梳爾都回追不及，連迪路夫亦包唔到，就俾祖達係尾柱剷射，又入一球。發波瘟咁樣自己炒埋一碟，已經唔係講唔講戰術陣式問題。最諷刺係如改踢三中堅，又係麥佳亞撞落梳爾度，最多係泰利斯有機會出現係阿諾後上既位置。
中場組織乏力既缺點面對利物浦既前場逼搶再一次被無限放大
利物浦由一開波就已經係高位不停施壓逼搶，針對麥費組合控球組織力既不足，多次係前場成功搶斷並立刻係前場進攻。蘇B係兩翼選擇用福仔同綠木，相信係知道利記必然會大軍壓前逼搶，想嘗試用長波用速度攻擊對方二閘同中堅身後空間。但利記球員埋位對波時間之快狠準，逼使曼聯後防未能有足夠既時間去思考點做波已經要解圍或者回後，莫講話依靠長傳去搵前鋒球員進攻。中場既麥費組合亦冇足夠既能力去護波引夾擊再分，更唔好講話要突破對手再向前推進。呢個問題其實係未開季前已經知道（請看今季既完結就係下一季既開始 （展望曼聯下季陣容）https://s.fanpiece.com/kXwPWHv）加上周中歐聯賽事之疲憊亦令到呢班球員體能速率明顯下跌，更加令中場失勢。
第三球輸運只係其次，重點係成個陣形已經散左
去到37分鐘，利物浦後場持球。此時福仔走左上去前鋒位，C朗逗左落去攻中位，般奴移左去左路。阿諾拎波立即引左般奴去到中場線埋波。但留意梳爾係冇跟進到向邊路走出黎既費明奴。費仔係左路無人看管接應傳送。佢一拎波又引到費特埋去遮線，中路形成4打2。佢回後俾軒達臣就走位，再策動攻勢。沙拿再係中路引左麥隊長出黎打個1-2，費仔已經推進到禁區頂。因費特被拉出邊路，中間只得麥湯一人，要面對對方幾個球員，被打穿中路亦冇辦法。費仔再俾從邊路走入中路既祖達再回傳跟進既沙拿。沙拿一射省到麥隊長，個波彈左去左閘位置。因梳爾要縮窄防線，所以跟左沙拿入中路，導致個波一彈左去邊路就冇人係度。基達執到再傳地波俾前點既沙拿就輕鬆入多一球。由省到人再回追，一定係前鋒俾後衛快，亦能望住龍門黎射。呢球當然有幸運成份，但整隊由般奴決定逼阿諾開始已經令到整隊中場線亂左。連迪路夫解圍，但整條防線都冇向前一齊推出，梳爾冇向前追費仔加上般奴失位，費特再選擇出去埋波而非留番係中路等隊友支援就令到麥湯係中間孤立無援。中場線一散，防線被逼收窄，兩閘既空間就被打爆。整隊既防守意識都出現問顯，幾時埋波，有冇人支援一齊逼，防中應否輕率離開位置，整隊人同時出現短路。
C朗惱羞成怒
踢到補時階段，曼聯一下反擊機會。福仔斜傳俾右路澎澎聲跑上黎既綠木。佢再直線塞俾入楔既大師兄。C朗窄位想chip，但俾出迎極快既艾利臣封到。後生仔鐘斯兩步已經波都拎埋再得住個身位。C朗第一下從後想踢個波出黎，但踢唔到波就踢低左人，第二下再踢都可以話聽唔到雞聲嘗試踢個波出黎，第三下再加力踢就已經係腦沖血失左理智。呢球根本可以直紅講拜拜。後面失三球佢已經嬲嬲地，自己窄位射唔入再加少少辣椒，最尾同鐘斯鬥快，明明睇落似佢到先，又唔夠你跑仲要波都拎埋，一上腦就癲左。輸波唔緊要，呢下真係品都輸埋。
第四球都輸到唔知分析到乜
都仲係補時階段，祖達左路chok入去俾中間既費仔。麥隊長竟然俾佢一撥就轉左半邊身入大位，費特咁近距離又搶唔到個波。總共成4個紅衫都掂唔到個波，俾羅伯臣拎到再交俾走入禁區既祖達。本身看管沙拿既梳爾即刻去防守入左大位可以起腳既祖達。祖達見狀再橫傳俾無人看管既沙拿，佢輕鬆射成四比零。麥隊長又係要負責任，呢個波冇可能俾到費仔轉到半邊身，頂住佢要佢回後已經可以。費特呢下又竟然離奇地搶唔到，就埋下輸波伏線。
半場嘗試換人換陣式想追番一球但就再失一球
蘇B下半場就選擇抽起綠木，換入普巴改打4-3-1-2，希望靠普巴既能力幫手調度中場，先搶番控球權，係後場解除逼搶再向前搵般奴再做波上去。蘇B都只能係咁樣換，你又唔會夠膽照踢4-2-3-1安排單防中去拍普巴，又唔會抽起般奴費南迪斯，轉踢4-3-3。踢到48分鐘，呢個問題都係老是常出現。普巴係中圈一上腳，就立即被兩名利物浦球員夾擊。當時麥湯文尼同費特既企位係唔能夠提供到線路等普巴可以交。當然佢上腳都係必然既。軒達臣一搶斷已可立刻發動快攻。沙拿好快已經走麥隊長身後接應神軒既腳面斜線。個波係麥隊長前面彎過就形成單刀。沙拿再次輕鬆射入。第一個就梗係普巴要負責任啦。第二個就係麥隊長係咪真係冇可能包到呢？當然個波既線路力水都靚，把握力之高既沙拿對佢黎講單刀實在太easy。
普巴既紅牌亦直接中止左場波
踢到60分鐘，曼聯一次進攻，普巴失去控球權下飛剷基達。從直播畫面睇，其實普巴都並不是蓄意想踢傷基達，都係望住個波去。從慢鏡睇，鞋底真係擺得高左少少，所以球證由黃改紅，直接趕左普巴離場，亦令到蘇B黎緊幾場波可以煩少一樣野。蘇B亦隨即換入卡雲尼同達洛特，取代般奴費南迪斯同福仔，改打5-3-1陣式，以唔再失波為目標。利物浦見狀都唔再強攻，最緊要冇傷冇病搓完場。場雞一響，五比零完場。
總結
兩隊既實力水平明顯不在同一檔次，只輸五球要多謝利物浦收油。防守問題之大在於球員既意識，對陣式既理解，隊友既位置，隊友有冇支援，一場波睇晒。用麥費組合預左中場組織乏力，但又不能單防中拍普巴，又不能抽起般奴改踢4-3-3。不如改踢五後防又見到麥隊長防守梳爾，亦會廢左翼鋒球員。改踢5-3-2又可以安排貴價辛祖踢咩位置呢？轉踢5-4-1將般奴移任中場中又能適合佢嗎？球員就係呢堆，中場中路既根本性問題睇落甚難解決，而今場既防守問題絕不只係陣式上，球員既態度、防守警覺性、隊友間既緊密性，都出現極大問題。C朗既加盟仲要解決實行前場逼搶還是縮番係中後場防守。慶幸既係普巴黎緊停賽，少左個球星出場煩惱。破斧沉舟下出雲迪碧克又睇下能否破局，試下出佢我諗會有3成球迷鬧少兩句，再試下用辛祖收起綠木，睇睇效果如何。唔爭在棄用麥隊長出拜利，反正勝利十一人已經唔work，盡地一煲或者能闖出一片天。最後，無論你係反蘇還是撐蘇，低潮期總會有，大家都需要繼續支持球隊！
請按此登錄後留言。未成為會員? 立即註冊