修夫基決定辭去英格蘭領隊一職，家下係我飛你，唔係你飛我。帶隊接近八年，佢帶隊既戰績絕對唔差，詳情如下：
2018 世界盃 第四名
2020 歐國盃 亞軍
2022 世界盃 八強
2024 歐國盃 亞軍
點解縱使今年拎到亞軍，而佢都決定要請辭呢？個人估計其一係覺得自己歐國盃兩屆入決賽但都未能奪冠，怕且都已經去到樽頸位；二則係由今屆歐國盃決賽周開始到完結，每一場都被球迷同名宿口誅筆伐話佢比賽風格沉悶、手執咁多好進攻好手都踢得咁保守同戰術用人一成不變；第三就係自己係後防出身，帶隊思路都唔會有改變，就不如等下個試下。估勿論佢點諗，佢都已經劈左炮，但今屆賽事輸左，責任又是否全在佢度？又或者咁講，從今屆賽事睇，下任領隊有咩問題會面對？
《進攻球員兼容問題》
修夫基今屆係攻擊線重用比寧咸、科頓、簡尼同薩卡，7場賽事都試過唔同既陣式（4-2-3-1/3-4-2-1），但踢出黎既效果都未如理想，呢幾個球員踢出黎既化學作用接近零，明顯係兼容性出現問題，咁下任領隊有冇方法解決呢？
先講簡尼，今屆佢既踢法已經同上屆好唔同，上屆修夫基將熱刺既進攻模式套落國家隊，用簡尼做墮後派牌核心，以防反為主要進攻手段；今屆修夫基為左遷就科頓同比寧咸，已經將簡尼從組織核心變為以射門終結為主既正前鋒，盡量留守禁區等機會。今屆賽事佢都入左三球，全隊加埋都只係入左八球，從數字上黎睇，我又唔覺得佢真係好差，反而問題會唔會係輸送彈藥唔夠呢？
科頓貴為今季英格蘭足球先生，基本上正選位係走唔甩，佢係曼城多數踢左翼或者擔任3-4-2-1既左攻擊中場。科頓亦踢慣曼城既positional play，絕對可以話係體系球員。佢係曼城左路進攻既策動點，有閘位後上佢就移入中間用波，冇就拉邊等支援，而中間只會有夏蘭特係禁區，迪布尼則會係右路隨時準備，中路甚少出現疊位塞車既情況。
比寧咸係皇馬都係大熟大勇，佢係皇馬出任攻擊中場，前面有雲尼素斯同洛迪高呢兩個跑動靈活，擅於走邊路做個人突破既可翼可鋒球員，後場又有卻奧斯或摩迪組織，中場執漏亦有華維迪，所以比寧咸係皇馬踢得非常自由，並冇太多區域限制，任佢前場左中右周圍走，完美解放左佢進攻才華。
呢兩個都係中場既核心，但一個係體系球員，一個就要踢得自由奔放，兩個對戰術既理解都會有唔同，情況同葡萄牙既般奴費南迪斯同賓拿度施華好相似。我唔相信下任領隊會抽起其中一人打後備，所以到底點樣先可以兼容二人並令到兩個都有表現，會係下任領隊要解決既問題，亦係修夫基解決唔到而要請辭既主因。
《足球要講平衡，後場問題都不可乏略》
足球除左攻，亦要講防守。面對西班牙高位逼搶，門將碧福特既用波能力完全比對面既西蒙比下去。西班牙一逼，碧福特就自動比個波人，令英軍好快就失控球權。呢個位置都需要執執。
另外，修夫基寧願帶傷左既梳爾都唔揀其他正宗左閘，或者係修夫基頑固，但英軍左閘缺人問題都係要正視。右閘則相對多選擇，仍有阿奴同列斯占士可用。今屆中堅缺少麥佳亞，起用古希都正路，但見到佢能力上未達頂級，而干沙同鄧克只屬於陪練之人。史東斯欠缺一個可信任拍檔，導致佢唔能夠好似係曼城咁放膽用波前壓，都係今屆見到既問題。兩年後係世界盃，獲加、查比亞同麥佳亞既年紀都唔細，係時候要搵人接班。
《總結》今屆決賽面對西班牙，修夫基主打防守都要先失一球，唔通鬥攻就贏到？ 其實，英軍望落手牌係好靚，但整隊前中後都有隱憂。修夫基選擇以唔輸為前題，唔可以話佢錯。球迷角度就梗係又要贏波又要好睇啦，但問題係呢隊有冇條件兩樣都要晒先？我就覺得冇啦。另外，修夫基都係時候要換，因佢真係到左樽頸，但英撚們千其唔好諗住下個上任就會拎到冠軍，除非佢解決到上述既問題，或者又爆幾個新人出黎，否則足球都係未番到屋企住！
2018 世界盃 第四名
2020 歐國盃 亞軍
2022 世界盃 八強
2024 歐國盃 亞軍
點解縱使今年拎到亞軍，而佢都決定要請辭呢？個人估計其一係覺得自己歐國盃兩屆入決賽但都未能奪冠，怕且都已經去到樽頸位；二則係由今屆歐國盃決賽周開始到完結，每一場都被球迷同名宿口誅筆伐話佢比賽風格沉悶、手執咁多好進攻好手都踢得咁保守同戰術用人一成不變；第三就係自己係後防出身，帶隊思路都唔會有改變，就不如等下個試下。估勿論佢點諗，佢都已經劈左炮，但今屆賽事輸左，責任又是否全在佢度？又或者咁講，從今屆賽事睇，下任領隊有咩問題會面對？
《進攻球員兼容問題》
修夫基今屆係攻擊線重用比寧咸、科頓、簡尼同薩卡，7場賽事都試過唔同既陣式（4-2-3-1/3-4-2-1），但踢出黎既效果都未如理想，呢幾個球員踢出黎既化學作用接近零，明顯係兼容性出現問題，咁下任領隊有冇方法解決呢？
先講簡尼，今屆佢既踢法已經同上屆好唔同，上屆修夫基將熱刺既進攻模式套落國家隊，用簡尼做墮後派牌核心，以防反為主要進攻手段；今屆修夫基為左遷就科頓同比寧咸，已經將簡尼從組織核心變為以射門終結為主既正前鋒，盡量留守禁區等機會。今屆賽事佢都入左三球，全隊加埋都只係入左八球，從數字上黎睇，我又唔覺得佢真係好差，反而問題會唔會係輸送彈藥唔夠呢？
科頓貴為今季英格蘭足球先生，基本上正選位係走唔甩，佢係曼城多數踢左翼或者擔任3-4-2-1既左攻擊中場。科頓亦踢慣曼城既positional play，絕對可以話係體系球員。佢係曼城左路進攻既策動點，有閘位後上佢就移入中間用波，冇就拉邊等支援，而中間只會有夏蘭特係禁區，迪布尼則會係右路隨時準備，中路甚少出現疊位塞車既情況。
比寧咸係皇馬都係大熟大勇，佢係皇馬出任攻擊中場，前面有雲尼素斯同洛迪高呢兩個跑動靈活，擅於走邊路做個人突破既可翼可鋒球員，後場又有卻奧斯或摩迪組織，中場執漏亦有華維迪，所以比寧咸係皇馬踢得非常自由，並冇太多區域限制，任佢前場左中右周圍走，完美解放左佢進攻才華。
呢兩個都係中場既核心，但一個係體系球員，一個就要踢得自由奔放，兩個對戰術既理解都會有唔同，情況同葡萄牙既般奴費南迪斯同賓拿度施華好相似。我唔相信下任領隊會抽起其中一人打後備，所以到底點樣先可以兼容二人並令到兩個都有表現，會係下任領隊要解決既問題，亦係修夫基解決唔到而要請辭既主因。
《足球要講平衡，後場問題都不可乏略》
足球除左攻，亦要講防守。面對西班牙高位逼搶，門將碧福特既用波能力完全比對面既西蒙比下去。西班牙一逼，碧福特就自動比個波人，令英軍好快就失控球權。呢個位置都需要執執。
另外，修夫基寧願帶傷左既梳爾都唔揀其他正宗左閘，或者係修夫基頑固，但英軍左閘缺人問題都係要正視。右閘則相對多選擇，仍有阿奴同列斯占士可用。今屆中堅缺少麥佳亞，起用古希都正路，但見到佢能力上未達頂級，而干沙同鄧克只屬於陪練之人。史東斯欠缺一個可信任拍檔，導致佢唔能夠好似係曼城咁放膽用波前壓，都係今屆見到既問題。兩年後係世界盃，獲加、查比亞同麥佳亞既年紀都唔細，係時候要搵人接班。
《總結》今屆決賽面對西班牙，修夫基主打防守都要先失一球，唔通鬥攻就贏到？ 其實，英軍望落手牌係好靚，但整隊前中後都有隱憂。修夫基選擇以唔輸為前題，唔可以話佢錯。球迷角度就梗係又要贏波又要好睇啦，但問題係呢隊有冇條件兩樣都要晒先？我就覺得冇啦。另外，修夫基都係時候要換，因佢真係到左樽頸，但英撚們千其唔好諗住下個上任就會拎到冠軍，除非佢解決到上述既問題，或者又爆幾個新人出黎，否則足球都係未番到屋企住！
請按此登錄後留言。未成為會員? 立即註冊