曼聯今個球季堪稱係災難級，聯賽排第十五名，歐霸盃決賽亦輸左比熱刺，下季與歐聯賽事無緣，只可以競逐本土賽事，可以真正稱得上「砍掉重練」。領隊阿摩廉稱下季會更好，確實好難差得過今季，再差就降班。今季佢亦經常強調自己係中途接手，冇時間操練冇時間教球員去踢「佢家波」。新一季肯定唔炒你，又睇下俾晒時間你，相信球會亦會科水俾佢買下人既情況下，新一季又有冇咩新景象先！
《今季問題真係只係入唔到波咩》
曼聯今季咁既成績，問題肯定係多到九彩。齋睇聯賽數據，今季曼聯只入得44球，排聯賽第16位，全季既expected goal per match係1.57排第7，而scored per match只得1.16排第15，機會唔係創造唔到，但球員既把握力確實係有問題。除左入唔到波外，失球數字亦有54球，排聯賽第11位。全季既expected goal against係1.33排第6名，但goal against係1.42排第11，整條防線連龍門都係有問題。整隊攻守都係未如理想，所以你不能一概而論話今季差既原因就只係因為進攻差，其實係攻守都差。睇深入少少係，阿摩廉上任後，所有比賽都係一律打三中堅五後防，出多左一個後防下，失球數字都係未如理想，防守問題好似比進攻問題為大。
《係咪只買前鋒就得？增兵唔駛諗後防？》
上文提過曼聯今季係攻守都唔掂，但普遍人都會認為今季最急切買人既先後次序係前鋒、中場（翼衛我都計中場）、甚至龍門都先過後防，後防真係唔駛買人？係咪真係夠人用？
阿摩廉既曼聯一踢本土聯賽輸多贏少，對手近乎「隊隊」都會係前場踢高位逼搶，中場多數起用三個人去覆蓋，曼聯既中後場甚少能透過猜傳去撕破對方高位防線，往往只能大踢向前踢俾海倫係前場停，而成效往往不高。一方面係龍門踢高波既落點唔準，另一方面就係海倫冇能力係前場爭贏第一點。阿摩廉體系下，中中堅係後場build-up要推前半格做防中，一對左右中堅則好似平時踢4人防線咁左右拉闊，務求形成3-3-4-1去用波。理論上，呢個做法有別於平時一般三人防線，3-3-4-1確係可以令中場增加人數優勢，但前題係中中堅要有「防中」既用球能力，既能持球擺脫對手，亦要有一定既傳送能力同視野。宏觀曼聯一眾後防，具備「防中」條件只得馬天尼斯，但佢既身高令阿摩廉冇機會擺佢踢呢個位。如果阿摩廉唔改變體系，無論你用麥佳亞還是迪列特，只要一係後場build-up，就會好似踢少左一個人咁，對方自然可以投入較少兵力係前場逼。此消彼長下，就算龍門最後踢長傳踢得準，對方防線人數都唔會少，變咗控球權好易又會俾左人。固此，齋數人頭確係唔駛買，但一計埋適唔適用下，買中中堅既急切性不比前鋒低。當然，阿摩廉可以試下用約羅同希芬，甚至用費特歷臣去試踢呢個位置，但呢個位好需要經驗去帶領防線，拔苗助長未必會係好事！
《買人要睇目標點定》
曼聯下季只得本土聯賽同盃賽要踢，最理想既目標就當然係下季有頭六，重返歐洲賽場啦，但今季講緊排十五位，同第六位既維拉差成廿四分。要係一季追呢個數字，我會覺得係唔實際，下季目標最實際會係去番上半版先。以呢個目標計，前鋒有奧比、海倫同舒克斯，大可以俾多一季時間佢地進步。攻擊中場位置「應該」已經傾掂狼隊既「古拿」。要重整龍脊
，中中堅反而要買先。攪掂左個防守體系，減少後場失波，再由後場去開始用波，先有條件講點樣係前場贏波。中場卡斯美路速率唔夠，艾歷臣又離隊，哥利亞要時間磨練，烏格迪搶得但用波未得要進步，呢個位置極需要增添一個具級數球員。特別係3-4-2-1陣式下，一對防中近乎要全能先踢得掂，所以呢個位置都好急切。如今個轉會窗執得掂中後場，調教到隊波中後場組織到，防守力亦開始穩，就係時候買一個入到波既前鋒。固此，唔計「古拿」，我認為買中中堅同防守中場會比前鋒更急切。當然，賣到人又肯用番筆錢去買人既，就梗係全部都買啦。
唔知你地又點睇呢？買邊個位置最急呢？還是「冇所謂啦，咪一x樣」？
《今季問題真係只係入唔到波咩》
曼聯今季咁既成績，問題肯定係多到九彩。齋睇聯賽數據，今季曼聯只入得44球，排聯賽第16位，全季既expected goal per match係1.57排第7，而scored per match只得1.16排第15，機會唔係創造唔到，但球員既把握力確實係有問題。除左入唔到波外，失球數字亦有54球，排聯賽第11位。全季既expected goal against係1.33排第6名，但goal against係1.42排第11，整條防線連龍門都係有問題。整隊攻守都係未如理想，所以你不能一概而論話今季差既原因就只係因為進攻差，其實係攻守都差。睇深入少少係，阿摩廉上任後，所有比賽都係一律打三中堅五後防，出多左一個後防下，失球數字都係未如理想，防守問題好似比進攻問題為大。
《係咪只買前鋒就得？增兵唔駛諗後防？》
上文提過曼聯今季係攻守都唔掂，但普遍人都會認為今季最急切買人既先後次序係前鋒、中場（翼衛我都計中場）、甚至龍門都先過後防，後防真係唔駛買人？係咪真係夠人用？
阿摩廉既曼聯一踢本土聯賽輸多贏少，對手近乎「隊隊」都會係前場踢高位逼搶，中場多數起用三個人去覆蓋，曼聯既中後場甚少能透過猜傳去撕破對方高位防線，往往只能大踢向前踢俾海倫係前場停，而成效往往不高。一方面係龍門踢高波既落點唔準，另一方面就係海倫冇能力係前場爭贏第一點。阿摩廉體系下，中中堅係後場build-up要推前半格做防中，一對左右中堅則好似平時踢4人防線咁左右拉闊，務求形成3-3-4-1去用波。理論上，呢個做法有別於平時一般三人防線，3-3-4-1確係可以令中場增加人數優勢，但前題係中中堅要有「防中」既用球能力，既能持球擺脫對手，亦要有一定既傳送能力同視野。宏觀曼聯一眾後防，具備「防中」條件只得馬天尼斯，但佢既身高令阿摩廉冇機會擺佢踢呢個位。如果阿摩廉唔改變體系，無論你用麥佳亞還是迪列特，只要一係後場build-up，就會好似踢少左一個人咁，對方自然可以投入較少兵力係前場逼。此消彼長下，就算龍門最後踢長傳踢得準，對方防線人數都唔會少，變咗控球權好易又會俾左人。固此，齋數人頭確係唔駛買，但一計埋適唔適用下，買中中堅既急切性不比前鋒低。當然，阿摩廉可以試下用約羅同希芬，甚至用費特歷臣去試踢呢個位置，但呢個位好需要經驗去帶領防線，拔苗助長未必會係好事！
《買人要睇目標點定》
曼聯下季只得本土聯賽同盃賽要踢，最理想既目標就當然係下季有頭六，重返歐洲賽場啦，但今季講緊排十五位，同第六位既維拉差成廿四分。要係一季追呢個數字，我會覺得係唔實際，下季目標最實際會係去番上半版先。以呢個目標計，前鋒有奧比、海倫同舒克斯，大可以俾多一季時間佢地進步。攻擊中場位置「應該」已經傾掂狼隊既「古拿」。要重整龍脊
，中中堅反而要買先。攪掂左個防守體系，減少後場失波，再由後場去開始用波，先有條件講點樣係前場贏波。中場卡斯美路速率唔夠，艾歷臣又離隊，哥利亞要時間磨練，烏格迪搶得但用波未得要進步，呢個位置極需要增添一個具級數球員。特別係3-4-2-1陣式下，一對防中近乎要全能先踢得掂，所以呢個位置都好急切。如今個轉會窗執得掂中後場，調教到隊波中後場組織到，防守力亦開始穩，就係時候買一個入到波既前鋒。固此，唔計「古拿」，我認為買中中堅同防守中場會比前鋒更急切。當然，賣到人又肯用番筆錢去買人既，就梗係全部都買啦。
唔知你地又點睇呢？買邊個位置最急呢？還是「冇所謂啦，咪一x樣」？
請按此登錄後留言。未成為會員? 立即註冊