今場贏到啦掛(賽前預測陣容-曼聯對修咸頓)

Hea談曼聯 於 12/02/2022 發表 收藏文章
前一場被英冠米杜士堡係足總盃淘汰出局;上一場又慘被榜尾般尼逼和痛失兩分;今次難得既早場對戰修咸頓誓要贏波而回。近五次兩隊互相對碰下,曼聯拎到兩勝三和既成續,往績都算食住修咸頓。修咸頓暫時排係聯賽榜第十位,相信降班未輪到佢但亦唔會爭到歐洲賽事既資格。修咸頓近五場拎到三勝一和一負既成績,除左係主場成功逼和曼城夠叻仔之外,上場更熱血反勝熱刺三比二,相信令球員增強唔小信心。隊中華特包斯會係曼聯既惡夢,佢既死球技術絕對會令曼聯後防非常頭痛,所以曼聯都係減少輸罰球角球為佳。
曼聯係近三場賽事只能入得三球。攻勢係有,機會都創造到出黎,但係中前場球員射極都入唔到網。前鋒C朗拿度更連續5場未能入波,陷入入球荒。狀態同跑動速率都比剛轉會曼聯時跌左唔少。上場蘭sir都想輪換等佢差下電,但都係要佢踢半個鐘仲要無功而回,認真失策。第四名歐聯席位爭得相當激烈,曼聯對住中下游球隊完全冇失分空間,冇輪換既條件下必定要以強陣出戰。預測正選陣容會同上場接近。迪基亞把守最後一關,防線泰利斯復任正選,中堅華拉尼拍麥佳亞,右閘係達洛治。中場三寶係普巴、麥湯文尼、般奴費南迪斯。左右翼係辛祖同華舒福。前鋒係C朗拿度。

預測曼聯正選陣容(4-3-3
迪基亞
達洛治 華拉尼 麥佳亞 泰利斯
普巴 麥湯文尼 般奴費南迪斯
華舒福 C朗拿度 辛祖

如果喜歡我們的文章,請即分享到︰

標籤: 曼聯  修咸頓  英超  

留言


請按此登錄後留言。未成為會員? 立即註冊
    快捷鍵:←
    快捷鍵:→