《盧頓今場踢法進取到嚇親你》
賽前都預計盧頓會有前冇後同你對攻，今場佢地仲先讓你曼聯兩球。可惜，完場雞一響都係未能追平。睇番今場數據，盧頓全場佔有58%控球權，全場有22次射門4次中框，亦有33次傳中。淨係睇數字未必見到佢地有幾進取，但睇一睇佢地失既第一球波就見到。由卡斯美路求其大腳解圍果一刻計，場區十名球員都壓過左中場線，而比爾係接近曼聯三閘線回追到後場先送禮派膠俾海倫射入。當時只係講緊開波第38秒，成隊人係晒前場進攻，真係有前冇後，打死罷就。另外，盧頓今場令曼聯總共有21次犯規，仲拎左5面黃牌，拎牌既球員全部係中後場球員，就知道今場盧頓中前場球員幾勇猛。
左翼衞達堤傳中質素高速度快，左路基本上靠佢一個；右面則靠晒又快又好體能既奧賓尼做突破同側擊。中場一攻一守既有巴克利同盧干加，巴克利級數係有既，中場調度分波成熟；盧干加則勤力防守搭夠。可惜，今季入左9球既前鋒艾迪巴奧因傷缺陣，所以前場就算有機會都欠缺左有質素既球員擺個波入網。今場咁多腳射門都只係得4次中框，球員埋門把握力始終都係差少少。以今場佢地既表現黎睇，最後如果唔駛降班都有一定程度既說服力，咁既班費踢到咁，超額完成啦！
《曼聯贏得認真狼狽》
相比起盧頓，曼聯既表現就完全唔合格。全場僅得42%控球，大部分時間都處於捱打狀態。全場射門22次有9次中框，只入得兩球。全場有13次反擊，當中有4次單刀黃金機會都係未能擺個波入網，而個別球員係最後一傳既決定同傳球質素都係未如理想，特別係隊長般奴費南迪斯，狀態非常飄忽。老實說，打陣地戰入波對曼聯既難度遠遠比開放式對攻足球高，但曼聯今場除左一開波把握到對方送禮及係7分鐘帶點幸運成份既門前撞入外，球員係把握唔到反擊機會。另外，領先後既曼聯亦一如上場一樣，唔能夠保持控球去消耗對方既體能，反之係有空位就攻但又唔能夠以射門作終結，結果中前場一斷就又俾人打攻守轉換，導致防守球員容易面對面被突破從而要拎牌阻止對方推進。
今場波曼聯只有頭10分鐘因對手慢熱而稍稍叫做有球賽主導權，並把握兩個機會（叫做）而領先兩球，但盧頓冇亂陣腳並且憑速率同簡單直接既兩翼側擊，就已經令到曼聯要㩒爆平安鐘。中場完全失勢既原因係速率問題。當中前場四人打反擊斷纜後，明奴同卡斯美路兩個既要應付巴克利同盧干加，亦要兼顧防守內收入中路既阿創(Chong)同活祖，二人係速率屬偏慢既球員，根本跟唔到對方咁快既節奏。呢樣坦克要諗計解決，前場係快，但中後場跟唔上，導致隊波斷開兩截，而你中後場既單防能力又唔係好超班，除左平均年齡大，速率又唔夠，就令到整條防線備受壓力。
《總結》
盧頓既表現絕對值得至少拎到一分，主場出擊完全冇死守既打算，望住三分黎踢。就算咁早失兩球都冇自亂陣腳，亦冇埋怨隊友，踢出一場節奏極快既進攻足球。
曼聯則贏得極其狼狽，前場把握力之差真係嚇親人。開放式對攻足球，十三次反擊，廿腳射門只係入得兩球，係完全唔合格，都唔好講整場比賽既控球率完敗俾對方。坦克著重控制比賽既理念係近兩場賽事發揮唔到，反而愈黎愈追求簡單直接既進攻。進攻戰術變係冇問題，但後防線又可唔可以承受到失控球被圍攻或被反擊既風險呢！另外，門將安拿拿失果球波又係咪一定要咁樣封位就留俾大家討論！小弟就認為呢下唔出或者唔駛輸。下場對富咸，睇下曼聯又有冇咩改善同進步啦！
賽前都預計盧頓會有前冇後同你對攻，今場佢地仲先讓你曼聯兩球。可惜，完場雞一響都係未能追平。睇番今場數據，盧頓全場佔有58%控球權，全場有22次射門4次中框，亦有33次傳中。淨係睇數字未必見到佢地有幾進取，但睇一睇佢地失既第一球波就見到。由卡斯美路求其大腳解圍果一刻計，場區十名球員都壓過左中場線，而比爾係接近曼聯三閘線回追到後場先送禮派膠俾海倫射入。當時只係講緊開波第38秒，成隊人係晒前場進攻，真係有前冇後，打死罷就。另外，盧頓今場令曼聯總共有21次犯規，仲拎左5面黃牌，拎牌既球員全部係中後場球員，就知道今場盧頓中前場球員幾勇猛。
左翼衞達堤傳中質素高速度快，左路基本上靠佢一個；右面則靠晒又快又好體能既奧賓尼做突破同側擊。中場一攻一守既有巴克利同盧干加，巴克利級數係有既，中場調度分波成熟；盧干加則勤力防守搭夠。可惜，今季入左9球既前鋒艾迪巴奧因傷缺陣，所以前場就算有機會都欠缺左有質素既球員擺個波入網。今場咁多腳射門都只係得4次中框，球員埋門把握力始終都係差少少。以今場佢地既表現黎睇，最後如果唔駛降班都有一定程度既說服力，咁既班費踢到咁，超額完成啦！
《曼聯贏得認真狼狽》
相比起盧頓，曼聯既表現就完全唔合格。全場僅得42%控球，大部分時間都處於捱打狀態。全場射門22次有9次中框，只入得兩球。全場有13次反擊，當中有4次單刀黃金機會都係未能擺個波入網，而個別球員係最後一傳既決定同傳球質素都係未如理想，特別係隊長般奴費南迪斯，狀態非常飄忽。老實說，打陣地戰入波對曼聯既難度遠遠比開放式對攻足球高，但曼聯今場除左一開波把握到對方送禮及係7分鐘帶點幸運成份既門前撞入外，球員係把握唔到反擊機會。另外，領先後既曼聯亦一如上場一樣，唔能夠保持控球去消耗對方既體能，反之係有空位就攻但又唔能夠以射門作終結，結果中前場一斷就又俾人打攻守轉換，導致防守球員容易面對面被突破從而要拎牌阻止對方推進。
今場波曼聯只有頭10分鐘因對手慢熱而稍稍叫做有球賽主導權，並把握兩個機會（叫做）而領先兩球，但盧頓冇亂陣腳並且憑速率同簡單直接既兩翼側擊，就已經令到曼聯要㩒爆平安鐘。中場完全失勢既原因係速率問題。當中前場四人打反擊斷纜後，明奴同卡斯美路兩個既要應付巴克利同盧干加，亦要兼顧防守內收入中路既阿創(Chong)同活祖，二人係速率屬偏慢既球員，根本跟唔到對方咁快既節奏。呢樣坦克要諗計解決，前場係快，但中後場跟唔上，導致隊波斷開兩截，而你中後場既單防能力又唔係好超班，除左平均年齡大，速率又唔夠，就令到整條防線備受壓力。
《總結》
盧頓既表現絕對值得至少拎到一分，主場出擊完全冇死守既打算，望住三分黎踢。就算咁早失兩球都冇自亂陣腳，亦冇埋怨隊友，踢出一場節奏極快既進攻足球。
曼聯則贏得極其狼狽，前場把握力之差真係嚇親人。開放式對攻足球，十三次反擊，廿腳射門只係入得兩球，係完全唔合格，都唔好講整場比賽既控球率完敗俾對方。坦克著重控制比賽既理念係近兩場賽事發揮唔到，反而愈黎愈追求簡單直接既進攻。進攻戰術變係冇問題，但後防線又可唔可以承受到失控球被圍攻或被反擊既風險呢！另外，門將安拿拿失果球波又係咪一定要咁樣封位就留俾大家討論！小弟就認為呢下唔出或者唔駛輸。下場對富咸，睇下曼聯又有冇咩改善同進步啦！
請按此登錄後留言。未成為會員? 立即註冊