曼聯憑般奴費南迪斯十二碼梅開二度，加上自己邊走邊射再入一粒，再加上達洛治門前撞射埋齋，以四比一大勝皇蘇晉級歐霸盃八強，八強對手將會係里昂。
《阿摩廉既調整》
後防兵源緊絀情況下，阿摩廉大膽起用小將天堂仔希雲出任左中堅，拍住迪列特同馬沙拉維。卡斯美路連續第三場正選拍住般隊長踢防中。達洛治同多古踢番順足翼衞。加拿祖同舒克斯踢左右進攻中場。前鋒海倫復任正選攻堅。今場球隊進攻態度積極，繼續以兩邊側擊為主要進攻手段。球隊係陣地進攻時改踢3-1-1-5，防線連同卡斯美路做rest defense，後場保持三個出球點，而般奴移前一格踢得更自由。加拿祖就改踢最邊，清空half-space位置等達洛治後上，而左面多古就依舊拉邊做單人爆破；舒克斯就係左路同中路周圍串連；前鋒海倫則係禁區入面搵食。經調整下，最大得益莫過於係加拿祖。此子慣左係邊路持球推進突破。今場佢收到既指令就係右路突破同出波，有機會先扣入大位起左腳扣關。另外，左中堅既希雲仔既慣用腳係左腳，順邊順腳情況下，佢更可以幫手後場用波而非簡單交下波。此子都相當有膽色，防守技術亦不俗，絕對有能力站穩正選。球隊今日係進攻方面就真係有侵略性，多次成功製造到黃金機會埋門。雖然整隊計入左四球，但如果把握力再好些少，入夠半打都有機。
《踢得好要讚》
今場贏波絕對需要讚幾位球員。第一個係天堂仔，表現非常稱職。第二個就係多古，基本上佢一個人已經打爆左人地條右路。除此之外，仲搏到一個十二碼，亦有多次突破同落底線傳中。第三個要讚既係舒克斯，今場佢愈踢愈有，進攻時到處都見到佢。特別係佢黐波既技術認真高，同時佢同多古既配合亦做得比加拿祖好。佢中後段都有試過頭頂腳踢攻門，可惜都係略欠運氣。海倫今場亦不負我所望，雖然入唔到波，但起碼係前場做到野，支點護波同捕位埋門都有效果。海倫面對次一級既對手，發揮既機會多左。今場亦有一次助攻同搏到一個十二碼，但如面對高班少少既對手，佢又可唔可以交到表現就要睇過先知。般奴入三球就肯定係今場MvP，而佢入既第三球仲要怒跑幾廿碼，再接應加拿祖妙傳，邊走邊射尾柱確係靚到冇朋友。不過，小弟個人會將MVP交俾無名英雄卡斯美路。今場佢踢出呢季最佳水準，防守方面既貢獻不在話下，進攻時亦見番以前既中距離傳送入禁區，盡顯功架。莫非蛇占既訪問真係激嬲左呢班人，令到佢地發憤圖強？
《總結》
曼聯贏呢場波係應該，因為皇蘇既實力明顯同曼聯係有距離，特別係行軍速率上係有明顯差距。久保建英今場都出晒奶力，但對住大大舊又唔慢既多古，加埋後生仔唔怕死既希雲，佢都冇乜計仔。曼聯今場打出阿摩廉時代既代表作。除左見到球員開始熟習新位置，亦見到阿摩廉既調整，球隊既整體實力係有所上升。不過唔好太開心，英超同歐霸賽事既級數完全唔同，下場作客李斯特城，肯定冇呢場咁易踢。曼聯，繼續加油！
《阿摩廉既調整》
後防兵源緊絀情況下，阿摩廉大膽起用小將天堂仔希雲出任左中堅，拍住迪列特同馬沙拉維。卡斯美路連續第三場正選拍住般隊長踢防中。達洛治同多古踢番順足翼衞。加拿祖同舒克斯踢左右進攻中場。前鋒海倫復任正選攻堅。今場球隊進攻態度積極，繼續以兩邊側擊為主要進攻手段。球隊係陣地進攻時改踢3-1-1-5，防線連同卡斯美路做rest defense，後場保持三個出球點，而般奴移前一格踢得更自由。加拿祖就改踢最邊，清空half-space位置等達洛治後上，而左面多古就依舊拉邊做單人爆破；舒克斯就係左路同中路周圍串連；前鋒海倫則係禁區入面搵食。經調整下，最大得益莫過於係加拿祖。此子慣左係邊路持球推進突破。今場佢收到既指令就係右路突破同出波，有機會先扣入大位起左腳扣關。另外，左中堅既希雲仔既慣用腳係左腳，順邊順腳情況下，佢更可以幫手後場用波而非簡單交下波。此子都相當有膽色，防守技術亦不俗，絕對有能力站穩正選。球隊今日係進攻方面就真係有侵略性，多次成功製造到黃金機會埋門。雖然整隊計入左四球，但如果把握力再好些少，入夠半打都有機。
《踢得好要讚》
今場贏波絕對需要讚幾位球員。第一個係天堂仔，表現非常稱職。第二個就係多古，基本上佢一個人已經打爆左人地條右路。除此之外，仲搏到一個十二碼，亦有多次突破同落底線傳中。第三個要讚既係舒克斯，今場佢愈踢愈有，進攻時到處都見到佢。特別係佢黐波既技術認真高，同時佢同多古既配合亦做得比加拿祖好。佢中後段都有試過頭頂腳踢攻門，可惜都係略欠運氣。海倫今場亦不負我所望，雖然入唔到波，但起碼係前場做到野，支點護波同捕位埋門都有效果。海倫面對次一級既對手，發揮既機會多左。今場亦有一次助攻同搏到一個十二碼，但如面對高班少少既對手，佢又可唔可以交到表現就要睇過先知。般奴入三球就肯定係今場MvP，而佢入既第三球仲要怒跑幾廿碼，再接應加拿祖妙傳，邊走邊射尾柱確係靚到冇朋友。不過，小弟個人會將MVP交俾無名英雄卡斯美路。今場佢踢出呢季最佳水準，防守方面既貢獻不在話下，進攻時亦見番以前既中距離傳送入禁區，盡顯功架。莫非蛇占既訪問真係激嬲左呢班人，令到佢地發憤圖強？
《總結》
曼聯贏呢場波係應該，因為皇蘇既實力明顯同曼聯係有距離，特別係行軍速率上係有明顯差距。久保建英今場都出晒奶力，但對住大大舊又唔慢既多古，加埋後生仔唔怕死既希雲，佢都冇乜計仔。曼聯今場打出阿摩廉時代既代表作。除左見到球員開始熟習新位置，亦見到阿摩廉既調整，球隊既整體實力係有所上升。不過唔好太開心，英超同歐霸賽事既級數完全唔同，下場作客李斯特城，肯定冇呢場咁易踢。曼聯，繼續加油！
請按此登錄後留言。未成為會員? 立即註冊