哈辛嚇圖排出4-2-3-1陣式。龍門巴素奴。防線由左至右係迪真尼普-沙利素-貝拿高卓普-獲加比達斯。華特包斯同拉維亞踢一對防中，左右翼係岩士唐同艾約路斯聯同攻中阿利保支援前鋒阿當斯爭取入球。
坦克排出4-2-3-1陣式。龍門迪基亞。防線由左至右係馬拿斯亞-馬天尼斯-華拉尼-達洛特。艾歷臣拍麥湯文尼出任防中。左右翼係辛祖同伊蘭加聯同攻擊中場般奴費南迪斯支援前鋒華舒福攻堅。
修咸頓同利物浦兩隊防守模式大不同考起坦克修咸頓唔似利物浦會推前防線到中場，係前場踢高位逼搶，今場佢地由曼聯三閘線開始遮線，後防線大約係自己三閘線，因聖徒後場空間唔夠加上沙利素同貝拿高卓普有一定既速度同身型，令到曼聯後防唔能夠亂咁放長波俾前場球員哨。曼聯需要係後場開始組織，缺少麥隊長，後場用波能力確實有一定程度既影響，少左好多對角大斜線長傳搵翼鋒，令個波必需要經中路艾歷臣或者要搵到再前點既般奴去派牌，但聖徒都重兵守中路，令到曼聯由後場係組織進攻明顯有問題。上半場曼聯除左靠攻守轉換反擊有一兩下叫做好D，只得18分鐘既一輪波子機攻門，與及艾歷臣係邊路一兩腳好獨既傳中較有威脅（但冇人入楔），要巴素奴撲救既次數接近零。曼聯面對密集防守冇乜套路去進攻。聖徒左閘迪真尼普係客串，防守力不嬲都冇乜，又唔見曼聯會去針對呢點去強打；中鋒位亦冇人係禁區搶點捕位，就算傳到中都冇人接應；反而上半場聖徒就靠兩邊側擊傳中，多次成功製造威脅，特別以右路既獲加比達斯加埋艾約路斯為主。阿當斯亦有一兩下射門中目標，可惜被迪基亞沒收。上半場和氣收場。
一個坦克式攻勢就入波
下半場出殷雙方都冇換人調動，戰局亦一如上半場一樣。踢到53分鐘，曼聯突然打到一個坦克理想式進攻。右路伊蘭加持球邊線「加速」內切入中路，吸引左拉維亞同迪真尼普防守。佢直線塞俾係中路現身既辛祖，辛祖再斜線交俾沉底無人看管既達洛特。迪真尼普始終唔係左閘，正常佢只要跟番達洛特就得，但佢掛住望波就被伊蘭加拉左出去，失左位就要沙利素去包，就令整條防線崩潰。交波後既伊蘭加亦「加速」走入禁區。重點係福仔係左路亦「加速」走入十二碼點準備搶點，吸引左右閘獲加比達斯要跟進十二碼位置。般奴係禁區外無人看管，行前兩步接應達洛特既傳中第一時間窩利撞射入網，領先一比零。曼聯下半場到呢個時間只得呢一個攻勢就造成入波。成個攻勢重點係「加速」，由邊線球員持球「加速」內切，同兩三名隊友係小範圍內配合傳送，吸引防守者要縮窄進攻空間，再將波送去弱邊空位等其他隊友完成射門。整個過程除左講求隊友當時企位，互相之間既默契，亦好講「加速」突入既時機。呢類加速短距離小組配合都幾坦克式進攻，亦需要時間去練習去磨合，唔係一時三刻就可以打到出黎。
有驚無險守到完場
哈辛嚇圖見落後緊就係63分鐘換入另一個岩士唐加強攻力。坦克就係5分鐘後換入C朗拿度，嘗試增加前場牽引力。C朗拿度呢半場既表現都較為一般，不過都唔可以全怪佢。因為坦克係賽事中後段相繼換入卡斯美路同費特加強球隊防守力，務求保持勝果。前場僅留佢同福仔兩個試圖打反擊，不過效果較為一般。哈辛嚇圖亦再換入馬拉，係末段換入皮賀同利恩高盡地一煲。可惜，賽事末段，一個近距離頭鎚都被迪基亞以超快反應撲出。曼聯有驚無險守到完場，以一比零勝出比賽，獲得今季二連勝。
總結
果然係同上一場截然不同既賽事，面對高位遮線，縮後壓縮進攻空間既球隊，曼聯暫時未有一套進攻套路有效地撕破對手密集防線。坦克需要時間去灌輸佢既進攻戰術理念俾球員，而佢地既執行力又能唔能夠做到就好睇球員自己既領悟力。呢場波進攻唔夠流暢係事實，球隊拎到三分都係事實，在我而言算係負碌贏，繼續俾時間坦克同球員吧！另外，卡斯美路初次上陣，見佢步頭速率都偏慢，狀態或者未十足，期望佢之後可大大加強中場截擊力。佢既加盟卻激活左麥湯文尼，呢兩場麥湯文尼既表現亦有非常大既改善，睇下麥費又可唔可以係佢身上吸經再進步吧！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
坦克排出4-2-3-1陣式。龍門迪基亞。防線由左至右係馬拿斯亞-馬天尼斯-華拉尼-達洛特。艾歷臣拍麥湯文尼出任防中。左右翼係辛祖同伊蘭加聯同攻擊中場般奴費南迪斯支援前鋒華舒福攻堅。
修咸頓同利物浦兩隊防守模式大不同考起坦克修咸頓唔似利物浦會推前防線到中場，係前場踢高位逼搶，今場佢地由曼聯三閘線開始遮線，後防線大約係自己三閘線，因聖徒後場空間唔夠加上沙利素同貝拿高卓普有一定既速度同身型，令到曼聯後防唔能夠亂咁放長波俾前場球員哨。曼聯需要係後場開始組織，缺少麥隊長，後場用波能力確實有一定程度既影響，少左好多對角大斜線長傳搵翼鋒，令個波必需要經中路艾歷臣或者要搵到再前點既般奴去派牌，但聖徒都重兵守中路，令到曼聯由後場係組織進攻明顯有問題。上半場曼聯除左靠攻守轉換反擊有一兩下叫做好D，只得18分鐘既一輪波子機攻門，與及艾歷臣係邊路一兩腳好獨既傳中較有威脅（但冇人入楔），要巴素奴撲救既次數接近零。曼聯面對密集防守冇乜套路去進攻。聖徒左閘迪真尼普係客串，防守力不嬲都冇乜，又唔見曼聯會去針對呢點去強打；中鋒位亦冇人係禁區搶點捕位，就算傳到中都冇人接應；反而上半場聖徒就靠兩邊側擊傳中，多次成功製造威脅，特別以右路既獲加比達斯加埋艾約路斯為主。阿當斯亦有一兩下射門中目標，可惜被迪基亞沒收。上半場和氣收場。
一個坦克式攻勢就入波
下半場出殷雙方都冇換人調動，戰局亦一如上半場一樣。踢到53分鐘，曼聯突然打到一個坦克理想式進攻。右路伊蘭加持球邊線「加速」內切入中路，吸引左拉維亞同迪真尼普防守。佢直線塞俾係中路現身既辛祖，辛祖再斜線交俾沉底無人看管既達洛特。迪真尼普始終唔係左閘，正常佢只要跟番達洛特就得，但佢掛住望波就被伊蘭加拉左出去，失左位就要沙利素去包，就令整條防線崩潰。交波後既伊蘭加亦「加速」走入禁區。重點係福仔係左路亦「加速」走入十二碼點準備搶點，吸引左右閘獲加比達斯要跟進十二碼位置。般奴係禁區外無人看管，行前兩步接應達洛特既傳中第一時間窩利撞射入網，領先一比零。曼聯下半場到呢個時間只得呢一個攻勢就造成入波。成個攻勢重點係「加速」，由邊線球員持球「加速」內切，同兩三名隊友係小範圍內配合傳送，吸引防守者要縮窄進攻空間，再將波送去弱邊空位等其他隊友完成射門。整個過程除左講求隊友當時企位，互相之間既默契，亦好講「加速」突入既時機。呢類加速短距離小組配合都幾坦克式進攻，亦需要時間去練習去磨合，唔係一時三刻就可以打到出黎。
有驚無險守到完場
哈辛嚇圖見落後緊就係63分鐘換入另一個岩士唐加強攻力。坦克就係5分鐘後換入C朗拿度，嘗試增加前場牽引力。C朗拿度呢半場既表現都較為一般，不過都唔可以全怪佢。因為坦克係賽事中後段相繼換入卡斯美路同費特加強球隊防守力，務求保持勝果。前場僅留佢同福仔兩個試圖打反擊，不過效果較為一般。哈辛嚇圖亦再換入馬拉，係末段換入皮賀同利恩高盡地一煲。可惜，賽事末段，一個近距離頭鎚都被迪基亞以超快反應撲出。曼聯有驚無險守到完場，以一比零勝出比賽，獲得今季二連勝。
總結
果然係同上一場截然不同既賽事，面對高位遮線，縮後壓縮進攻空間既球隊，曼聯暫時未有一套進攻套路有效地撕破對手密集防線。坦克需要時間去灌輸佢既進攻戰術理念俾球員，而佢地既執行力又能唔能夠做到就好睇球員自己既領悟力。呢場波進攻唔夠流暢係事實，球隊拎到三分都係事實，在我而言算係負碌贏，繼續俾時間坦克同球員吧！另外，卡斯美路初次上陣，見佢步頭速率都偏慢，狀態或者未十足，期望佢之後可大大加強中場截擊力。佢既加盟卻激活左麥湯文尼，呢兩場麥湯文尼既表現亦有非常大既改善，睇下麥費又可唔可以係佢身上吸經再進步吧！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
請按此登錄後留言。未成為會員? 立即註冊