喺正文開始之前，容許小編喺到講幾句廢話，唔想睇請由第三段開始睇。唔經唔覺又冇出文個幾月，最近懶咗少少，只係得閒睇吓其他小編既文章，自己都冇乜心機去寫。不過最近喺Facebook睇到一篇關於曼聯普巴既文章，嗰位小編比人不斷問候，又頓時激起小編寫文既衝動。其實比人問候又有乜好怕喎，小編自己打咗足足50篇文章，幾乎有七成既文章，都會比球迷反對。小則就比球迷話盲反，大則就比人話唔識波、冇睇過曼聯、呃稿費。喺到都想勉勵比人問候既嗰位小編，我自己一開始都比人問候得多，但當自己既文章喺未來既日子成為自己既預言，或者講啱咗大家將來既想法，都會有種打閱者臉既感覺，其實都幾爽㗎。起初都好在意呢啲留言，因為講緊一篇文章，由選主題到資料搜集到分析到整合，講緊起碼兩三個鐘，都仲未計睇波既時間。因為小編每一篇文都非常之長，每一篇都寫咗好多自己既睇法，同其他專欄唔同。因此用時相對地會比其他作家長得多。但經時間既洗禮，以及讀者既反應，令到自己對寫文既熱誠都漸漸減退。
喺到想借機會同所有讀者講，其實每一個人都可以喺呢個平台入面，分享自己既睇法，打自己想打既文章，既然大家唔同意文章既見解，又覺得啲稿費好易「呃」既時候，大家又不妨試吓設身處地，寫下文章體驗下呢種感受。本人冇收過任何廣告費，去推薦大家一齊寫文，純粹有啲睇唔過眼某啲讀者既說話。希望各位讀者可以將心比己，珍惜每一位作者。因為稿費真係唔多，其實好多作者都係抱住嗰份熱誠先繼續出文，情況就好似早排ViuTV既節目「又要威又要帶頭盔」，講體記一樣。如果讀者們真係仍然要抱住以上既心態，只會令到文章愈嚟愈少，大家想討論既地方或者主題亦都相對減少。
廢話講完就正式開始講今日既主題人物，連迪洛夫喇。佢係近呢幾季，比曼聯球迷最常問候既其中一位。因為佢喺場上既魯莽、大意、企位以及身型，都對曼聯百害無一利咁制。令到今時今日曼聯既球迷喺每場賽前見到正選陣容，都會忍唔住留言，講番句「又係連迪洛夫」。
其實連迪洛夫喺場上既表現，又唔係每場都強差人意，有時都偶有佳作，特別係當曼聯對強隊既時候，連迪洛夫都可以喺防守上做得非常好，有時更係封到對手一棟都冇。但可惜呢啲表現，始終唔能夠保持，令到曼聯球迷對連迪洛夫既信心一直下降。咁到底點解連迪洛夫會遇強愈強呢？咁我地就要從佢既身型講起。
連迪洛夫(Victor Lindelöf)
年齡：26歲(1994年7月17日)
身高：187CM
國家：瑞典
慣用腳：右腳
位置：中堅
連迪洛夫雖然擁有187cm既身高，對於一個中堅嚟講，算係一個唔錯既高度，但可惜佢唔算十分大隻，由其是對比起英超球隊傳統既前鋒球員，佢就更顯得特別單薄。喺身型上本來已經有輸蝕既情況下，想喺英超上立足就更要懂得運用戰術去彌補自己既先缺條件不足呢一點。喺踢法上，近年連迪洛夫喺曼聯入面，從來都冇一個十分顯眼既角色，呢一點都唔係佢自己既問題。因為喺曼聯陣中，中堅一直都冇劃分邊一個做邊一樣野，每當曼聯面對非強隊，即正常戰術既時候，中堅既指引都係有波到你嗰到，就解圍；有對手喺你面前，就對番住。
其實喺中堅位置入面，角色以及職責上大概可以細分為兩至三類。學術少少咁講，曼聯兩個中堅既角色就好似NCB咁(No-nonsense Centre Back)，而喺職責上兩個中堅都係一樣，佢地係主張防守(Defend)，而唔係阻截(Stopper)甚至協防(Cover)。喺到都簡單地係咁椅講下NCB同CB既分別，NCB就係見到波就清，好少做策劃或者引個波上去，做進攻就第一點。而CB雖然都係中堅，但有時就會用埋波，好似利物浦既雲迪克、皇馬既沙治奧拉莫斯咁，有時候又會引波上前場，有時候又會放長傳比隊友。記得當摩連奴帶領曼聯既時候，連迪洛夫既角色其實就好似一個CB咁，佢會帶個波上去或者放長傳，而喺職責上就分得更明顯，佢會係做協防既工作。
承上兩段講到防守嗰方面，其實連迪洛夫明顯地喺一對一既時候，係比較差。不論佢係面對住一啲高高大大既前鋒，好似紐卡素既卡路爾或者韋斯咸既安東尼奧，定係面對住一啲靈活有速度既球員，好似曼城既阿古路、加比爾捷西斯或者係前曼聯球員查維亞靴南迪斯。呢兩大類球員，其實連迪洛夫都會好容易輸比佢地，因為連迪洛夫既身型唔係十分好而靈活或者速度又唔係特別高。因此每當連迪洛夫做防守既工作，佢就好容易出洋相。相反喺摩連奴時代，連迪洛夫負責協防既工作，因為簡單，唔洗單對單面對進攻球員，相反著重於執漏、包位，就令到連迪洛夫既弱點冇咁容易出現。所以喺摩連奴時期既連迪洛夫，明顯地係比較好，相反喺蘇斯克查帶領既期間，佢就明顯地有下游既現象。
其實摩連奴當時決定買連迪洛夫既原因，相信都唔會係因為佢單對單表現出色，因為當時其實已經有拜利、史摩寧等等既球員做一對一，所以摩連奴唔需要再多一個同職責同角色既中堅。而連迪洛夫出色既地方，就係佢喺長傳方面，喺佢仍然為賓菲加效力既期間，佢既長傳準確度已經頗高，而當佢剛加盟，為曼聯效力期間，都時常長傳比隊友。因此明顯地摩連奴係睇中佢長傳能力，希望佢可以成為進攻既起點，做一個CB既角色。但蘇斯克查帶領之下，曼聯既中堅職責以及角色，變得统一，而喺進攻方面都用少咗好多長傳，令到連迪洛夫其中一樣比較值錢既地方，「長傳」都變得愈嚟愈唔值錢。另外，引球推進呢一點，蘇斯克查亦都搵咗個比佢更遲鈍，反應更慢以及轉數更慢既麥佳亞代替。令到連迪洛夫既優點幾乎完全被抹殺，相反仲令到麥佳亞既缺點放大。好多球迷或者對中堅引球推進有疑問，喺呢一篇文章我就不作分析，但中堅引球推進喺面對密集防守時，確實係有用。
講咗咁多連迪洛夫既缺點，不如又講下連迪洛夫既優點。其實連迪洛夫都幾好路數㗎，好多時都能夠睇通睇透對手下一步既決定，可惜喺搶波或者做攔截嗰方面，就唔係十分出眾，所以睇落去講到路數方面，好似雲比沙卡好好多咁。但有細心留意連迪洛夫既朋友，都應該知道其實好多時佢都喺一個正確既位置入面包到位。喺文章開頭，小編都曾經講過，連迪洛夫經常遇強愈強，但原因到底又係乜呢？
曼聯每當面到強隊，好似英超既曼城、利物浦、車路士呢啲球隊既時候，曼聯領隊蘇斯克查都會採用352或者叫532呢個陣式，總之點都好一定係放三中堅喺到。中堅搭檔一定係拍住麥佳亞加連迪洛夫，而另一個就會睇情況嚟安排，冇受傷既話就會出拜利，當拜利受傷後備而中堅又信唔過既時候，就會搵梳爾出任中堅一職。而中場方面，都會主張喺防守方面，所以正常嚟講都會安排費特以及麥湯文尼做防守中場呢個位置。喺咁多個防守球員喺場上面，就令到曼聯既中堅工作減少咗好多。喺唔打三中堅既情況下，中堅需要面對中鋒，需要同中鋒爭頂頭槌，需要緊貼對手唔比對手輕易轉身。但當曼聯打三中堅既情況下，好多時防中已經做咗呢一啲工作，所以中堅既工作變相減少咗好多，由其是連迪洛夫既工作就少得多。因為講到身型以及壓迫力都係麥佳亞比較高，因此當呢個工作有時候就算防中做唔到，都變咗麥佳亞或者另一個中堅去做，而連迪洛夫就只需要做最簡單既野，塞位、包波以及解圍。
咁到底連迪洛夫點樣先可以令到球迷重新得到信任呢，其實情況就好似費特咁。將佢地既工作變得單一化，以及最重要既一點就係將佢既優點放番大，而弱點就縮小。將個話題拉開小小，用費特做例子。現時費特就係只做掃蕩既工作，對比以前要佢喺中場做分波，或者創造機會，確實喺工作量上係少咗好多，令到佢可以專注做自己最強既一瓣，又唔洗成日洗洋相。當然，費特始終係一個中場，有時候做下啲駁腳都係少不免，因此費特仍然經常犯錯，但對比前幾年，佢確實係好咗唔少。而連迪洛夫其實都係有異曲同工之妙，如果只係要佢專注做塞位、包波、解圍既話，相信佢係絕對可以勝任。
但講真，打兩個中堅又點可以經常分得咁清晰，邊一個做啲咩工作，當個波真係嚟到，喺電光火石之間，唔通仲諗咁多野，仲分邊個做啲乜好咩？所以小編第二個諗法就係除咗佢要工作量減少之外，陣式以及戰術上都要配合一下。曼聯現時最常打既陣式就係4231，而當遇到強隊既話就會用352，所以理論上曼聯對352呢個陣式，都尚算係比較熟悉。如果真係將352呢個陣式，變成佢地最主要既陣式，相信都唔難。而最緊要既係除咗喺防守上變得更穩固以及連迪洛夫既工作變得簡單化之外，喺進攻上都唔會減弱。用上一季既錫菲聯以及現時杜曹帶領既車路士做例子，佢地既成績以及表現都唔差。咁到底呢個戰術係點運作既呢？防守上小編就唔多講，因為現時每當曼聯打352既時候，幾乎每場有80分鐘都係防守，喺防守上都做得好好，如果大家都想知道點做，其實只要睇番之前既比賽就得。相反我想講一下喺進攻方面，因為曼聯打352既時候，都只會用防守反擊嚟做進攻，或者只有防守反擊先可以攻破對手，所以接落嚟就講下點樣用352嚟做進攻。
首先就係三個中堅，兩個中堅喺進攻既時候拉到邊線，令到左右兩翼衛推前，然後兩個中場，就墮後去番中堅前少少，塞番左右中堅拉開咗既空位，然後呢兩個中場就負責派波，仲有一個中場就負責曬整個中間，做駁腳或者放波，前場兩位球員就個支點幫番兩翼。喺呢一個戰術上，曼聯就會比較主張喺兩邊發展，多過現時既中路發展。呢一點雖然同蘇斯克查既作風有出入，但小編認為改革變成著重兩翼都冇乜太大分別。因為曼聯好多時喺中路做滲入，都做唔到太多效果，由其是面對一啲比較弱既球隊，就顯得有啲老鼠拉龜，相反喺兩翼進攻更有威脅。
假設曼聯真係採取呢一個陣式，首先連迪洛夫既弱點就會減少咗好多，因為當喺防守上面，已經有好多球員幫連迪洛夫，令到連迪洛夫既工作減少好多，以及只需要專注做自己最叻既事。而喺進攻上，連迪洛夫亦都可以再一次令到佢自己既優點「長傳」可以繼續發揮。講埋其餘幾個位置，假設普巴係其中一個墮後既中場，佢亦都可以發揮到佢既長傳以及視野威力，另外兩翼就可以有更多既支援，之前都講過其實曼聯幾個翼鋒都好需要隊友支援，去拉開對手令到自己有更多空位，不論係推大位起腳定係彈入中間做配合。一個戰術，講緊可能係一大半球員受惠，令到佢地既優點放大。
講講下，好似愈講就愈嚟愈遠咁。其實連迪洛夫要重新讓球迷得到信任，首先蘇斯克查真係要重新定位佢既強勢與弱勢，要繼續叫連迪洛夫單對單面對對手，真係只有死路一條。連迪洛夫喺中堅嚟講，呢個歲數絕對唔算老，但若然呢段時間都再唔進步，未來喺曼聯日子既相信都會愈嚟愈暗淡。曾經既費特，被蘇斯克查喺火海入面拯救到出嚟，唔知連迪洛夫又得唔得呢？
喺到想借機會同所有讀者講，其實每一個人都可以喺呢個平台入面，分享自己既睇法，打自己想打既文章，既然大家唔同意文章既見解，又覺得啲稿費好易「呃」既時候，大家又不妨試吓設身處地，寫下文章體驗下呢種感受。本人冇收過任何廣告費，去推薦大家一齊寫文，純粹有啲睇唔過眼某啲讀者既說話。希望各位讀者可以將心比己，珍惜每一位作者。因為稿費真係唔多，其實好多作者都係抱住嗰份熱誠先繼續出文，情況就好似早排ViuTV既節目「又要威又要帶頭盔」，講體記一樣。如果讀者們真係仍然要抱住以上既心態，只會令到文章愈嚟愈少，大家想討論既地方或者主題亦都相對減少。
廢話講完就正式開始講今日既主題人物，連迪洛夫喇。佢係近呢幾季，比曼聯球迷最常問候既其中一位。因為佢喺場上既魯莽、大意、企位以及身型，都對曼聯百害無一利咁制。令到今時今日曼聯既球迷喺每場賽前見到正選陣容，都會忍唔住留言，講番句「又係連迪洛夫」。
其實連迪洛夫喺場上既表現，又唔係每場都強差人意，有時都偶有佳作，特別係當曼聯對強隊既時候，連迪洛夫都可以喺防守上做得非常好，有時更係封到對手一棟都冇。但可惜呢啲表現，始終唔能夠保持，令到曼聯球迷對連迪洛夫既信心一直下降。咁到底點解連迪洛夫會遇強愈強呢？咁我地就要從佢既身型講起。
連迪洛夫(Victor Lindelöf)
年齡：26歲(1994年7月17日)
身高：187CM
國家：瑞典
慣用腳：右腳
位置：中堅
連迪洛夫雖然擁有187cm既身高，對於一個中堅嚟講，算係一個唔錯既高度，但可惜佢唔算十分大隻，由其是對比起英超球隊傳統既前鋒球員，佢就更顯得特別單薄。喺身型上本來已經有輸蝕既情況下，想喺英超上立足就更要懂得運用戰術去彌補自己既先缺條件不足呢一點。喺踢法上，近年連迪洛夫喺曼聯入面，從來都冇一個十分顯眼既角色，呢一點都唔係佢自己既問題。因為喺曼聯陣中，中堅一直都冇劃分邊一個做邊一樣野，每當曼聯面對非強隊，即正常戰術既時候，中堅既指引都係有波到你嗰到，就解圍；有對手喺你面前，就對番住。
其實喺中堅位置入面，角色以及職責上大概可以細分為兩至三類。學術少少咁講，曼聯兩個中堅既角色就好似NCB咁(No-nonsense Centre Back)，而喺職責上兩個中堅都係一樣，佢地係主張防守(Defend)，而唔係阻截(Stopper)甚至協防(Cover)。喺到都簡單地係咁椅講下NCB同CB既分別，NCB就係見到波就清，好少做策劃或者引個波上去，做進攻就第一點。而CB雖然都係中堅，但有時就會用埋波，好似利物浦既雲迪克、皇馬既沙治奧拉莫斯咁，有時候又會引波上前場，有時候又會放長傳比隊友。記得當摩連奴帶領曼聯既時候，連迪洛夫既角色其實就好似一個CB咁，佢會帶個波上去或者放長傳，而喺職責上就分得更明顯，佢會係做協防既工作。
承上兩段講到防守嗰方面，其實連迪洛夫明顯地喺一對一既時候，係比較差。不論佢係面對住一啲高高大大既前鋒，好似紐卡素既卡路爾或者韋斯咸既安東尼奧，定係面對住一啲靈活有速度既球員，好似曼城既阿古路、加比爾捷西斯或者係前曼聯球員查維亞靴南迪斯。呢兩大類球員，其實連迪洛夫都會好容易輸比佢地，因為連迪洛夫既身型唔係十分好而靈活或者速度又唔係特別高。因此每當連迪洛夫做防守既工作，佢就好容易出洋相。相反喺摩連奴時代，連迪洛夫負責協防既工作，因為簡單，唔洗單對單面對進攻球員，相反著重於執漏、包位，就令到連迪洛夫既弱點冇咁容易出現。所以喺摩連奴時期既連迪洛夫，明顯地係比較好，相反喺蘇斯克查帶領既期間，佢就明顯地有下游既現象。
其實摩連奴當時決定買連迪洛夫既原因，相信都唔會係因為佢單對單表現出色，因為當時其實已經有拜利、史摩寧等等既球員做一對一，所以摩連奴唔需要再多一個同職責同角色既中堅。而連迪洛夫出色既地方，就係佢喺長傳方面，喺佢仍然為賓菲加效力既期間，佢既長傳準確度已經頗高，而當佢剛加盟，為曼聯效力期間，都時常長傳比隊友。因此明顯地摩連奴係睇中佢長傳能力，希望佢可以成為進攻既起點，做一個CB既角色。但蘇斯克查帶領之下，曼聯既中堅職責以及角色，變得统一，而喺進攻方面都用少咗好多長傳，令到連迪洛夫其中一樣比較值錢既地方，「長傳」都變得愈嚟愈唔值錢。另外，引球推進呢一點，蘇斯克查亦都搵咗個比佢更遲鈍，反應更慢以及轉數更慢既麥佳亞代替。令到連迪洛夫既優點幾乎完全被抹殺，相反仲令到麥佳亞既缺點放大。好多球迷或者對中堅引球推進有疑問，喺呢一篇文章我就不作分析，但中堅引球推進喺面對密集防守時，確實係有用。
講咗咁多連迪洛夫既缺點，不如又講下連迪洛夫既優點。其實連迪洛夫都幾好路數㗎，好多時都能夠睇通睇透對手下一步既決定，可惜喺搶波或者做攔截嗰方面，就唔係十分出眾，所以睇落去講到路數方面，好似雲比沙卡好好多咁。但有細心留意連迪洛夫既朋友，都應該知道其實好多時佢都喺一個正確既位置入面包到位。喺文章開頭，小編都曾經講過，連迪洛夫經常遇強愈強，但原因到底又係乜呢？
曼聯每當面到強隊，好似英超既曼城、利物浦、車路士呢啲球隊既時候，曼聯領隊蘇斯克查都會採用352或者叫532呢個陣式，總之點都好一定係放三中堅喺到。中堅搭檔一定係拍住麥佳亞加連迪洛夫，而另一個就會睇情況嚟安排，冇受傷既話就會出拜利，當拜利受傷後備而中堅又信唔過既時候，就會搵梳爾出任中堅一職。而中場方面，都會主張喺防守方面，所以正常嚟講都會安排費特以及麥湯文尼做防守中場呢個位置。喺咁多個防守球員喺場上面，就令到曼聯既中堅工作減少咗好多。喺唔打三中堅既情況下，中堅需要面對中鋒，需要同中鋒爭頂頭槌，需要緊貼對手唔比對手輕易轉身。但當曼聯打三中堅既情況下，好多時防中已經做咗呢一啲工作，所以中堅既工作變相減少咗好多，由其是連迪洛夫既工作就少得多。因為講到身型以及壓迫力都係麥佳亞比較高，因此當呢個工作有時候就算防中做唔到，都變咗麥佳亞或者另一個中堅去做，而連迪洛夫就只需要做最簡單既野，塞位、包波以及解圍。
咁到底連迪洛夫點樣先可以令到球迷重新得到信任呢，其實情況就好似費特咁。將佢地既工作變得單一化，以及最重要既一點就係將佢既優點放番大，而弱點就縮小。將個話題拉開小小，用費特做例子。現時費特就係只做掃蕩既工作，對比以前要佢喺中場做分波，或者創造機會，確實喺工作量上係少咗好多，令到佢可以專注做自己最強既一瓣，又唔洗成日洗洋相。當然，費特始終係一個中場，有時候做下啲駁腳都係少不免，因此費特仍然經常犯錯，但對比前幾年，佢確實係好咗唔少。而連迪洛夫其實都係有異曲同工之妙，如果只係要佢專注做塞位、包波、解圍既話，相信佢係絕對可以勝任。
但講真，打兩個中堅又點可以經常分得咁清晰，邊一個做啲咩工作，當個波真係嚟到，喺電光火石之間，唔通仲諗咁多野，仲分邊個做啲乜好咩？所以小編第二個諗法就係除咗佢要工作量減少之外，陣式以及戰術上都要配合一下。曼聯現時最常打既陣式就係4231，而當遇到強隊既話就會用352，所以理論上曼聯對352呢個陣式，都尚算係比較熟悉。如果真係將352呢個陣式，變成佢地最主要既陣式，相信都唔難。而最緊要既係除咗喺防守上變得更穩固以及連迪洛夫既工作變得簡單化之外，喺進攻上都唔會減弱。用上一季既錫菲聯以及現時杜曹帶領既車路士做例子，佢地既成績以及表現都唔差。咁到底呢個戰術係點運作既呢？防守上小編就唔多講，因為現時每當曼聯打352既時候，幾乎每場有80分鐘都係防守，喺防守上都做得好好，如果大家都想知道點做，其實只要睇番之前既比賽就得。相反我想講一下喺進攻方面，因為曼聯打352既時候，都只會用防守反擊嚟做進攻，或者只有防守反擊先可以攻破對手，所以接落嚟就講下點樣用352嚟做進攻。
首先就係三個中堅，兩個中堅喺進攻既時候拉到邊線，令到左右兩翼衛推前，然後兩個中場，就墮後去番中堅前少少，塞番左右中堅拉開咗既空位，然後呢兩個中場就負責派波，仲有一個中場就負責曬整個中間，做駁腳或者放波，前場兩位球員就個支點幫番兩翼。喺呢一個戰術上，曼聯就會比較主張喺兩邊發展，多過現時既中路發展。呢一點雖然同蘇斯克查既作風有出入，但小編認為改革變成著重兩翼都冇乜太大分別。因為曼聯好多時喺中路做滲入，都做唔到太多效果，由其是面對一啲比較弱既球隊，就顯得有啲老鼠拉龜，相反喺兩翼進攻更有威脅。
假設曼聯真係採取呢一個陣式，首先連迪洛夫既弱點就會減少咗好多，因為當喺防守上面，已經有好多球員幫連迪洛夫，令到連迪洛夫既工作減少好多，以及只需要專注做自己最叻既事。而喺進攻上，連迪洛夫亦都可以再一次令到佢自己既優點「長傳」可以繼續發揮。講埋其餘幾個位置，假設普巴係其中一個墮後既中場，佢亦都可以發揮到佢既長傳以及視野威力，另外兩翼就可以有更多既支援，之前都講過其實曼聯幾個翼鋒都好需要隊友支援，去拉開對手令到自己有更多空位，不論係推大位起腳定係彈入中間做配合。一個戰術，講緊可能係一大半球員受惠，令到佢地既優點放大。
講講下，好似愈講就愈嚟愈遠咁。其實連迪洛夫要重新讓球迷得到信任，首先蘇斯克查真係要重新定位佢既強勢與弱勢，要繼續叫連迪洛夫單對單面對對手，真係只有死路一條。連迪洛夫喺中堅嚟講，呢個歲數絕對唔算老，但若然呢段時間都再唔進步，未來喺曼聯日子既相信都會愈嚟愈暗淡。曾經既費特，被蘇斯克查喺火海入面拯救到出嚟，唔知連迪洛夫又得唔得呢？
請按此登錄後留言。未成為會員? 立即註冊