隨住連加特既「埋齋」，曼聯以得失球差壓過車路士成為英超三名，除咗能夠重返歐聯之外，曼聯亦都好似喺復賽後，搵到進攻既方程式，可算是曼聯球迷期待已久既一個成果。今次就同大家總結一下今季曼聯英超既表現。另外小編亦都開咗一個 YouTube channel，分享小編對曼聯既意見，分析比賽，等等。呢個Channel亦都會分享小編喺英國曼徹斯特既日常生活以及喺曼聯工作既分享等。
如果有興趣既球迷都歡迎大家訂閱。 <<<可點擊
嚟緊除咗會講曼聯之外，亦都會開一個 Fantasy Premier league既 Private League 同大家玩遊戲，如果多人參加的話，小編亦都會喺英國既球會買番幾份禮物，送比League來季表現好既參加者。至於送幾多份就要就要睇番有幾多朋友參加。希望大家有遊戲玩，有競爭對手之餘，仲有競爭樂趣，可能有好多球迷都唔知 Fantasy Premier League係乜，所以小編遲啲亦都會出番篇文教下大家。事不宜遲，立即進入今日既主題。
今季曼聯既英超表現可以用八個字形容，峰迴路轉。除咗係峰迴路轉之餘，就係意想不到。首先英超第一輪，曼聯就要主場大戰車路士，以為曼聯開季第一場就已經會遇到好大既阻力。點知第一場就大炒車路士4:0。可惜開咗個靚頭既曼聯，喺大戰之後接住三場竟然失咗七分。先係作客和左比狼隊，再喺主場輸比水晶宮，然後作客去到聖瑪麗球場對住修咸頓再一次和波。終於要去到英超第五輪比賽，曼聯先憑住一球十二碼，主場擊敗李斯特城。以為贏番場之後，曼聯會有好轉，點知接下來再一口氣輸比韋斯咸、紐卡素以及賽和阿仙奴同利物浦。連續四場失分之後曼聯終於對諾域治攞到三分，令曼聯球迷都定落嚟。但係定咗一個星期曼聯又一次輸比弱隊般尼茅夫。之後嗰場雖然贏左白禮頓，但接住又係曼聯失分既時候，先賽和錫菲聯，再和阿士東維拉。
當大家見到曼聯連續多場失分之後，除咗冇再諗冠軍之外，連歐聯資格都開始唔敢再諗。大家除咗失望之前既比賽之餘，亦都好擔心之後既英超比賽。因為接住係要對熱刺、曼城、愛華頓呢啲傳統勁旅。點知曼聯竟然先贏熱刺，再喺曼城主場擊敗對手。曼聯將兩隊Big6既球隊擊敗之後，帶住氣勢去到下一場比賽，可惜未能成功取得三連勝，只可以賽和愛華頓。但球迷見到呢三場既對手以及曼聯既表現，大家都覺得球隊漸入佳景。大家都希望之後個聖誕快車期會有一啲好表現，令球迷有份好既聖誕禮物。點知聖誕快車期既第一場作客下游球隊屈福特竟然輸2:0。當時大家除咗對呢場波好失望之外，亦都擔心緊下一場會唔會又對住紐卡素失分。點知四日後既曼聯好似脫胎換骨咁，喺主場大勝紐卡素4:1，一報首輪一敗之仇，再喺般尼主場擊敗對手。以31分排第五完成2019年既英超比賽。而當時聯賽績分榜成績如下：
終於到達2020年，新一年以為曼聯會精精精神，對住往績唔好既阿仙奴，應該能夠得到場勝仗啦，點知曼聯竟然以兩球敗走酋長球場，以兩勝兩負成績結束聖誕快車期。接住曼聯對諾域治再一次輕鬆擊敗對手，一洗頹風。之後曼聯就要去到晏菲路球場大戰死敵利物浦，最終如賽前預期一樣，以兩球輸咗場雙紅會。接住曼聯又開始失分潮，先喺主場輸0:2比般尼，再喺狼隊既賽事入面打和，最後錄得三場只有一分落袋既尷尬成績。曼聯帶住一個非常差既往績落去倫敦面對車路士，大家都以為曼聯應該都會再失分喇掛，點知又同預期既諗法有出入，唔洗輸波之餘仲成功擊敗對手，喺英超聯賽入面雙殺車路士。接住再喺主場成功復仇，以三球輕取屈福特。見曼聯近兩場波除咗贏波之餘，仲好似識入球咁，大家都好期待下場對愛華頓有好表現。但可惜曼聯喺對愛華頓既賽事，又好似打回原形，全場都冇乜攻勢下賽和對手。接下來既賽事就係曼市打吡，曼聯雖然上場失分，但往績確實唔算差，而曼城當時都經常失分，同上一季既表現可算係判若兩人，所以曼聯都有好多球迷投下信心既一票，最終曼聯真係能夠喺主場再次擊敗對方，今季英超雙殺車路士之餘，再雙殺曼城，而呢一場亦都係英超停賽既一場。
順帶一提，呢一場比賽，亦都係小編第一次為曼聯工作既賽事，一路工作一路聽住球迷既歡呼聲，仲要一齊望住皮球飛入網，同球迷打成一片既感覺真係好奇妙。
隔咗三個月，英超終於重開，曼聯第一場就對住熱刺，最終憑住普巴博得既十二碼，打和一比一，攞番一分。之後曼聯就迎來今季英超最好既時期，連勝四場之餘更係四場都淨勝對手三球。轉眼間英超嚟到最後四場比賽，球迷都好希望能夠將呢個咁好既趨勢帶落去，可惜曼聯球員明顯喺密質質既賽程入面，體能應付不下，最終只能夠以兩勝兩和既戰績完成最後四場比賽。
由季初表現反反覆覆到季尾漸入佳景，穩定落嚟，曼聯最終以第三名完成賽季。雖然分數同榜首相差非常遠，但總結表現還算係可以。畢竟喺季初真係失咗好多分，能夠喺停賽後反彈，確實已經令球迷們非常欣慰。一個武漢肺炎令所有球員都踢得好辛苦，不論係有輪換既球隊還是冇輪換既球隊，都明顯見到有疲態既問題，表現都回落咗好多。而身為其中一支冇輪換既球隊，曼聯喺復賽後既表現可以話係超額完成。
我知道好多球迷都只會理會結果係點，但小編偏偏認為過程係最重要。講緊既就係蘇斯克查既安排、決定等等。雖然今季最終以第三名完成，無論係球隊、球員定還是球迷都非常滿意，但事實上曼聯始終有一個最大問題冇解決過，小編認為下一季必定要解決。呢樣就係蘇斯克查既安排，不論係比賽中換人既速度、決策定係輪換方面，佢真係必須要改善。好多球迷會話蘇斯克查都冇太多選擇，所以做唔到太多換人或者做唔到太多調動安排。但小編認為呢一個論點，只不過係幫蘇斯克查搵緊藉口。事實上佢可以做既事，實在係太多。
由輪換講起，其實蘇斯克查真係要有輪換既習慣，球隊絕對唔可以永遠依賴同一班人，由球季開始到球季結束。因為球員始終都會有攰既一日，都會有冇狀態既一日。但蘇斯克查比小編既感覺就係，曼聯就只有呢一班人識踢波，其餘既球員就只係得個擺字。自從英超復賽之後，好多球隊都會有輪換既安排，好多球迷會話曼聯板凳深度冇其他隊伍高，確實曼聯對比曼城以及利物浦，板凳深度方面係比較遜色。但我地睇下車路士、阿仙奴甚至狼隊都有做輪換既安排，難道阿仙奴板凳深度好高？小編認為輪換唔係要好似曼城咁，一換就大半隊一齊換，但起碼一場換一兩個球員啦，但曼聯一直都冇咁做。
其實球隊入面，好多後備球員都值得有正選，好似拜利、麥湯文尼、馬達、占士，恩哈路等等，但係復賽之後，以上既球員好似多過兩場正選都冇。難道佢地真係差成咁？季中既時候，占士都曾經打過正選，難道佢真係差到之後場場要後備？麥湯文尼受傷之前一直都係球隊既正選，難道佢又真係好差？曾經拜利都好穩陣，上一兩季冇受傷既時候，可以話係必然正選，真係唔可以出多啲佢？其實曼聯未有般奴嗰陣，都係咁踢既姐，真係要場場出佢，難道佢傷咗曼聯就唔識踢波？就算係，曼聯都要去學習冇般奴既踢法呀話？馬達真係完完全全做唔到佢既工作？唔係要求馬達做到十足，做到六成都夠掛？然而蘇斯克查冇比過機會馬達咁制。
大家成日話下季曼聯買番啲球員就解決咗個問題，咁難道曼聯要將整個後備名單既球員換曬佢？小編認為最大問題唔係班球員有幾多斤両，而係領隊需要比機會球員喺比賽中表現自己。如果唔係，就算曼聯真係換曬成班後備，都係治標唔治本既做法，除非到時班後備個個都有番曼城嗰堆咁勁。
另一點喺整季英超入面見到既就係蘇斯克查既針對性部署以及戰術調動或調整。無論蘇斯克查喺比賽中或者係賽前，都見到佢冇太多針對性既方法或者即時解決既方法。
以復賽兩場大戰做例子，首先係熱刺對曼聯既比賽。上半場整個打法以及戰術基本上都比摩連奴完完全全破解曬，搞到攻又攻唔入，守又守到手忙腳亂。直至去到下半場，甚至去到60分鐘，先有換人調動以及戰術調動去對付熱刺。
講到英超最後一場，李斯特城對曼聯既比賽，曼聯賽前以及前幾場已經非常明顯地因為疲態而跌Watt，但佢仍然選擇用同一班球員，用同一套戰術以及打法，導致上半場曼聯球迷不斷噤平安鐘，如果李斯特城把握好啲，上半場基本上已經揸住一球喺手入間衣室。其實曼聯喺賽前就一早可以避免呢個問題既發生，而唔需要靠運氣搭救。曼聯一直有打防守反擊既打法，而對曼城、利物浦呢啲強隊，都經常咁樣打。咁點解對李斯特城唔可以咁打呢？第一可以解決體能下降既問題，因為唔需要打原本既打法，唔需要不斷既無球走動。第二，曼聯唔需要壓前，令李斯特城最擅長既防守反擊打唔到成效出嚟。李斯特城既前鋒華迪最利害既除咗佢既把握能力之外，就係佢既速度。而曼聯一對中堅就出名慢，仲要場場出足，點計曼聯都係蝕底啲。如果曼聯打防守反擊，就唔會怕李斯特城打防守反擊啦。加上李斯特城今季最大威脅既幾位球員當中，就只剩下華迪，其他球員例如捷維爾、列卡度皮里拉、占士麥迪臣等等都冇得出，進攻力已經大打折扣，睇復賽之後李斯特城既表現就知道佢地既攻力冇乜，大可以放心比佢地控球，破曼聯既密雜防線。再者曼聯有一班有速度既前場球員，又有長傳準繩既普巴，可以話天時地利人和都好合適曼聯咁打。但偏偏蘇斯完查就堅持打自己既足球，令上半場曼聯控住個波，想攻入去又攻唔到太入肉，相反一面對反擊就表現得驚惶失措。
最後一個問題就係後場既組織能力以及中場同後場既連繫。曼聯今季好刻意想貫徹蘇斯克查既作風，打控球、打組織，希望運用大量傳控做到入球。踢法上無疑地非常華麗，相信好多球迷都好鐘意呢種打法，但難聽啲講，現時既蘇斯克查以及曼聯既後防球員真係未夠班貫徹呢一個打法。
首先呢一個打法係好需要後防球員有一定既腳下功夫，但我地見到隊長麥佳亞對車路士嗰幾下Solo既表現，就知道咩事。另外再講中場與後場既連繫，完全唔足夠，試問喺呢兩個範疇都未做好既情況下，學咩人喺後場組織上去。小編曾經整過一段影片，關於曼聯喺後場組織既問題，但奈何因為YouTube既版權問題，未能夠比大家睇。但大家都可以上網睇番兩場比賽既失球，研究一下。(小編喺文章尾段都會提供小編出既YouTube 片段做一個簡單分析)，分別係復賽後對般尼茅夫，拜利輸十二碼嗰球以及復賽後對修咸頓既比賽，普巴失嗰球波。兩球雖然明顯地都係球員既失誤而失波。但大家可以留意下，首先係般尼茅夫嗰場，馬迪回傳彈到九樓咁高，之後令到拜利手球。但當馬迪未掂到波之前，有冇其他球員幫到佢？佢嗰球就只有一個選擇，就係回傳比拜利。而對修咸頓嗰球，普巴亦都只有回傳比連迪洛夫一個選擇。
雖然兩球失波都唔只係一個球員，或者只係領隊既犯錯，但明顯見到曼聯根本就唔夠班打呢家波，我地用曼城做例子，佢地每次喺後場組織上前場既時候，每一個球員控波既時候，都有好多個選擇比控球球員選擇，第一個好處就係令到球員可以比較邊一個選擇係最好，第二個好處就係令到一啲腳法唔好，轉數唔高既球員定啲，穩陣啲。第三，就係令到對手冇咁容易用前場壓搶，破解自己喺後場組織既失誤。蘇斯克查都曾經講過，佢放喺前場球員或戰術既時間係大於後防球員或戰術，因為佢曾經係一位前鋒，教前面都會得心應手啲。但現時曼聯最大問題，相信係後場組織上去嗰幾下，大於前場既組織以及配合。如果蘇斯克查真係唔叻呢一點，喺未練好之前係咪應該減少喺後場組織呢？
總結整季英超，曼聯真係仲有好多問題要改善，而呢篇文章只係將三個論點放大以及拉闊咗講畫面嚟講。來季曼聯仲要應付三條戰線，好多今季既小問題下季都一定要解決，如果唔係只會令到球隊賠了夫人又折兵，得不償失。本來可能有機會爭取某啲獎項、賽事，最後可能得個吉。
最後附上小編第一段曼聯既影片，因為唔知道觀眾想條片耐啲、詳細啲，定係短啲、簡潔啲，所以現時片段都會盡量剪成十分鐘以內，變相就冇咁詳細，如果想長少少既話，歡迎留言。另外最近都見到好多同我文章相似既創作以及諗法，小編亦都明白可能真係會有好多意見相同，但如果真係想用小編文章既論點的話，希望都打番個Credit by「洛遊球地」，感謝！
https://www.youtube.com/watch?v=nGtUmuggQVE&t=5s
如果有興趣既球迷都歡迎大家訂閱。 <<<可點擊
嚟緊除咗會講曼聯之外，亦都會開一個 Fantasy Premier league既 Private League 同大家玩遊戲，如果多人參加的話，小編亦都會喺英國既球會買番幾份禮物，送比League來季表現好既參加者。至於送幾多份就要就要睇番有幾多朋友參加。希望大家有遊戲玩，有競爭對手之餘，仲有競爭樂趣，可能有好多球迷都唔知 Fantasy Premier League係乜，所以小編遲啲亦都會出番篇文教下大家。事不宜遲，立即進入今日既主題。
今季曼聯既英超表現可以用八個字形容，峰迴路轉。除咗係峰迴路轉之餘，就係意想不到。首先英超第一輪，曼聯就要主場大戰車路士，以為曼聯開季第一場就已經會遇到好大既阻力。點知第一場就大炒車路士4:0。可惜開咗個靚頭既曼聯，喺大戰之後接住三場竟然失咗七分。先係作客和左比狼隊，再喺主場輸比水晶宮，然後作客去到聖瑪麗球場對住修咸頓再一次和波。終於要去到英超第五輪比賽，曼聯先憑住一球十二碼，主場擊敗李斯特城。以為贏番場之後，曼聯會有好轉，點知接下來再一口氣輸比韋斯咸、紐卡素以及賽和阿仙奴同利物浦。連續四場失分之後曼聯終於對諾域治攞到三分，令曼聯球迷都定落嚟。但係定咗一個星期曼聯又一次輸比弱隊般尼茅夫。之後嗰場雖然贏左白禮頓，但接住又係曼聯失分既時候，先賽和錫菲聯，再和阿士東維拉。
當大家見到曼聯連續多場失分之後，除咗冇再諗冠軍之外，連歐聯資格都開始唔敢再諗。大家除咗失望之前既比賽之餘，亦都好擔心之後既英超比賽。因為接住係要對熱刺、曼城、愛華頓呢啲傳統勁旅。點知曼聯竟然先贏熱刺，再喺曼城主場擊敗對手。曼聯將兩隊Big6既球隊擊敗之後，帶住氣勢去到下一場比賽，可惜未能成功取得三連勝，只可以賽和愛華頓。但球迷見到呢三場既對手以及曼聯既表現，大家都覺得球隊漸入佳景。大家都希望之後個聖誕快車期會有一啲好表現，令球迷有份好既聖誕禮物。點知聖誕快車期既第一場作客下游球隊屈福特竟然輸2:0。當時大家除咗對呢場波好失望之外，亦都擔心緊下一場會唔會又對住紐卡素失分。點知四日後既曼聯好似脫胎換骨咁，喺主場大勝紐卡素4:1，一報首輪一敗之仇，再喺般尼主場擊敗對手。以31分排第五完成2019年既英超比賽。而當時聯賽績分榜成績如下：
終於到達2020年，新一年以為曼聯會精精精神，對住往績唔好既阿仙奴，應該能夠得到場勝仗啦，點知曼聯竟然以兩球敗走酋長球場，以兩勝兩負成績結束聖誕快車期。接住曼聯對諾域治再一次輕鬆擊敗對手，一洗頹風。之後曼聯就要去到晏菲路球場大戰死敵利物浦，最終如賽前預期一樣，以兩球輸咗場雙紅會。接住曼聯又開始失分潮，先喺主場輸0:2比般尼，再喺狼隊既賽事入面打和，最後錄得三場只有一分落袋既尷尬成績。曼聯帶住一個非常差既往績落去倫敦面對車路士，大家都以為曼聯應該都會再失分喇掛，點知又同預期既諗法有出入，唔洗輸波之餘仲成功擊敗對手，喺英超聯賽入面雙殺車路士。接住再喺主場成功復仇，以三球輕取屈福特。見曼聯近兩場波除咗贏波之餘，仲好似識入球咁，大家都好期待下場對愛華頓有好表現。但可惜曼聯喺對愛華頓既賽事，又好似打回原形，全場都冇乜攻勢下賽和對手。接下來既賽事就係曼市打吡，曼聯雖然上場失分，但往績確實唔算差，而曼城當時都經常失分，同上一季既表現可算係判若兩人，所以曼聯都有好多球迷投下信心既一票，最終曼聯真係能夠喺主場再次擊敗對方，今季英超雙殺車路士之餘，再雙殺曼城，而呢一場亦都係英超停賽既一場。
順帶一提，呢一場比賽，亦都係小編第一次為曼聯工作既賽事，一路工作一路聽住球迷既歡呼聲，仲要一齊望住皮球飛入網，同球迷打成一片既感覺真係好奇妙。
隔咗三個月，英超終於重開，曼聯第一場就對住熱刺，最終憑住普巴博得既十二碼，打和一比一，攞番一分。之後曼聯就迎來今季英超最好既時期，連勝四場之餘更係四場都淨勝對手三球。轉眼間英超嚟到最後四場比賽，球迷都好希望能夠將呢個咁好既趨勢帶落去，可惜曼聯球員明顯喺密質質既賽程入面，體能應付不下，最終只能夠以兩勝兩和既戰績完成最後四場比賽。
由季初表現反反覆覆到季尾漸入佳景，穩定落嚟，曼聯最終以第三名完成賽季。雖然分數同榜首相差非常遠，但總結表現還算係可以。畢竟喺季初真係失咗好多分，能夠喺停賽後反彈，確實已經令球迷們非常欣慰。一個武漢肺炎令所有球員都踢得好辛苦，不論係有輪換既球隊還是冇輪換既球隊，都明顯見到有疲態既問題，表現都回落咗好多。而身為其中一支冇輪換既球隊，曼聯喺復賽後既表現可以話係超額完成。
我知道好多球迷都只會理會結果係點，但小編偏偏認為過程係最重要。講緊既就係蘇斯克查既安排、決定等等。雖然今季最終以第三名完成，無論係球隊、球員定還是球迷都非常滿意，但事實上曼聯始終有一個最大問題冇解決過，小編認為下一季必定要解決。呢樣就係蘇斯克查既安排，不論係比賽中換人既速度、決策定係輪換方面，佢真係必須要改善。好多球迷會話蘇斯克查都冇太多選擇，所以做唔到太多換人或者做唔到太多調動安排。但小編認為呢一個論點，只不過係幫蘇斯克查搵緊藉口。事實上佢可以做既事，實在係太多。
由輪換講起，其實蘇斯克查真係要有輪換既習慣，球隊絕對唔可以永遠依賴同一班人，由球季開始到球季結束。因為球員始終都會有攰既一日，都會有冇狀態既一日。但蘇斯克查比小編既感覺就係，曼聯就只有呢一班人識踢波，其餘既球員就只係得個擺字。自從英超復賽之後，好多球隊都會有輪換既安排，好多球迷會話曼聯板凳深度冇其他隊伍高，確實曼聯對比曼城以及利物浦，板凳深度方面係比較遜色。但我地睇下車路士、阿仙奴甚至狼隊都有做輪換既安排，難道阿仙奴板凳深度好高？小編認為輪換唔係要好似曼城咁，一換就大半隊一齊換，但起碼一場換一兩個球員啦，但曼聯一直都冇咁做。
其實球隊入面，好多後備球員都值得有正選，好似拜利、麥湯文尼、馬達、占士，恩哈路等等，但係復賽之後，以上既球員好似多過兩場正選都冇。難道佢地真係差成咁？季中既時候，占士都曾經打過正選，難道佢真係差到之後場場要後備？麥湯文尼受傷之前一直都係球隊既正選，難道佢又真係好差？曾經拜利都好穩陣，上一兩季冇受傷既時候，可以話係必然正選，真係唔可以出多啲佢？其實曼聯未有般奴嗰陣，都係咁踢既姐，真係要場場出佢，難道佢傷咗曼聯就唔識踢波？就算係，曼聯都要去學習冇般奴既踢法呀話？馬達真係完完全全做唔到佢既工作？唔係要求馬達做到十足，做到六成都夠掛？然而蘇斯克查冇比過機會馬達咁制。
大家成日話下季曼聯買番啲球員就解決咗個問題，咁難道曼聯要將整個後備名單既球員換曬佢？小編認為最大問題唔係班球員有幾多斤両，而係領隊需要比機會球員喺比賽中表現自己。如果唔係，就算曼聯真係換曬成班後備，都係治標唔治本既做法，除非到時班後備個個都有番曼城嗰堆咁勁。
另一點喺整季英超入面見到既就係蘇斯克查既針對性部署以及戰術調動或調整。無論蘇斯克查喺比賽中或者係賽前，都見到佢冇太多針對性既方法或者即時解決既方法。
以復賽兩場大戰做例子，首先係熱刺對曼聯既比賽。上半場整個打法以及戰術基本上都比摩連奴完完全全破解曬，搞到攻又攻唔入，守又守到手忙腳亂。直至去到下半場，甚至去到60分鐘，先有換人調動以及戰術調動去對付熱刺。
講到英超最後一場，李斯特城對曼聯既比賽，曼聯賽前以及前幾場已經非常明顯地因為疲態而跌Watt，但佢仍然選擇用同一班球員，用同一套戰術以及打法，導致上半場曼聯球迷不斷噤平安鐘，如果李斯特城把握好啲，上半場基本上已經揸住一球喺手入間衣室。其實曼聯喺賽前就一早可以避免呢個問題既發生，而唔需要靠運氣搭救。曼聯一直有打防守反擊既打法，而對曼城、利物浦呢啲強隊，都經常咁樣打。咁點解對李斯特城唔可以咁打呢？第一可以解決體能下降既問題，因為唔需要打原本既打法，唔需要不斷既無球走動。第二，曼聯唔需要壓前，令李斯特城最擅長既防守反擊打唔到成效出嚟。李斯特城既前鋒華迪最利害既除咗佢既把握能力之外，就係佢既速度。而曼聯一對中堅就出名慢，仲要場場出足，點計曼聯都係蝕底啲。如果曼聯打防守反擊，就唔會怕李斯特城打防守反擊啦。加上李斯特城今季最大威脅既幾位球員當中，就只剩下華迪，其他球員例如捷維爾、列卡度皮里拉、占士麥迪臣等等都冇得出，進攻力已經大打折扣，睇復賽之後李斯特城既表現就知道佢地既攻力冇乜，大可以放心比佢地控球，破曼聯既密雜防線。再者曼聯有一班有速度既前場球員，又有長傳準繩既普巴，可以話天時地利人和都好合適曼聯咁打。但偏偏蘇斯完查就堅持打自己既足球，令上半場曼聯控住個波，想攻入去又攻唔到太入肉，相反一面對反擊就表現得驚惶失措。
最後一個問題就係後場既組織能力以及中場同後場既連繫。曼聯今季好刻意想貫徹蘇斯克查既作風，打控球、打組織，希望運用大量傳控做到入球。踢法上無疑地非常華麗，相信好多球迷都好鐘意呢種打法，但難聽啲講，現時既蘇斯克查以及曼聯既後防球員真係未夠班貫徹呢一個打法。
首先呢一個打法係好需要後防球員有一定既腳下功夫，但我地見到隊長麥佳亞對車路士嗰幾下Solo既表現，就知道咩事。另外再講中場與後場既連繫，完全唔足夠，試問喺呢兩個範疇都未做好既情況下，學咩人喺後場組織上去。小編曾經整過一段影片，關於曼聯喺後場組織既問題，但奈何因為YouTube既版權問題，未能夠比大家睇。但大家都可以上網睇番兩場比賽既失球，研究一下。(小編喺文章尾段都會提供小編出既YouTube 片段做一個簡單分析)，分別係復賽後對般尼茅夫，拜利輸十二碼嗰球以及復賽後對修咸頓既比賽，普巴失嗰球波。兩球雖然明顯地都係球員既失誤而失波。但大家可以留意下，首先係般尼茅夫嗰場，馬迪回傳彈到九樓咁高，之後令到拜利手球。但當馬迪未掂到波之前，有冇其他球員幫到佢？佢嗰球就只有一個選擇，就係回傳比拜利。而對修咸頓嗰球，普巴亦都只有回傳比連迪洛夫一個選擇。
雖然兩球失波都唔只係一個球員，或者只係領隊既犯錯，但明顯見到曼聯根本就唔夠班打呢家波，我地用曼城做例子，佢地每次喺後場組織上前場既時候，每一個球員控波既時候，都有好多個選擇比控球球員選擇，第一個好處就係令到球員可以比較邊一個選擇係最好，第二個好處就係令到一啲腳法唔好，轉數唔高既球員定啲，穩陣啲。第三，就係令到對手冇咁容易用前場壓搶，破解自己喺後場組織既失誤。蘇斯克查都曾經講過，佢放喺前場球員或戰術既時間係大於後防球員或戰術，因為佢曾經係一位前鋒，教前面都會得心應手啲。但現時曼聯最大問題，相信係後場組織上去嗰幾下，大於前場既組織以及配合。如果蘇斯克查真係唔叻呢一點，喺未練好之前係咪應該減少喺後場組織呢？
總結整季英超，曼聯真係仲有好多問題要改善，而呢篇文章只係將三個論點放大以及拉闊咗講畫面嚟講。來季曼聯仲要應付三條戰線，好多今季既小問題下季都一定要解決，如果唔係只會令到球隊賠了夫人又折兵，得不償失。本來可能有機會爭取某啲獎項、賽事，最後可能得個吉。
最後附上小編第一段曼聯既影片，因為唔知道觀眾想條片耐啲、詳細啲，定係短啲、簡潔啲，所以現時片段都會盡量剪成十分鐘以內，變相就冇咁詳細，如果想長少少既話，歡迎留言。另外最近都見到好多同我文章相似既創作以及諗法，小編亦都明白可能真係會有好多意見相同，但如果真係想用小編文章既論點的話，希望都打番個Credit by「洛遊球地」，感謝！
https://www.youtube.com/watch?v=nGtUmuggQVE&t=5s
請按此登錄後留言。未成為會員? 立即註冊