好耐冇同大家見面，先喺呢度再次提醒大家，減少外出，勤洗手，希望大家身體健康。事不宜遲，即刻同大家分析一下，呢位幾乎所有曼迷都想佢嚟既球員。
辛祖／山曹(Jadon Sancho)
年齡：20歲 2000年3月25號
身高：180CM
國籍：英格蘭
慣用腳：右腳
位置：右翼、左翼
先同一啲可能對辛祖唔太認識既球迷補充一下先，辛祖之前係屈福特既青年軍，及後加盟咗同市宿敵曼城，為曼城U18效力咗一段時間，接住先去到德國效力蜜蜂軍團。啱啱過去既日子，先係辛祖既20歲生日，可以話係前途無可量限。雖然又好波又年輕，好多曼聯球迷都好想佢嚟奧脫福幫手攞更多獎盃，但到底辛祖係咪適合曼聯呢？
呢位多蒙特既翼鋒喺德甲既數據可以話係屈機，今季總共踢咗23場比賽，21場正選上陣，入咗14球波之外，仲有15個助攻，做出雙雙既驚人數據。雖然係咁，但事實上喺足球比賽入面，數據唔能夠完全反映出一切，尤其是講緊德甲既數據，如果要同英超對比，相信又有少少差別，始終德甲既水平同英超都唔同，而德甲好多時都有好多大比數既賽事出現，當然喺呢到就唔深究原因喇，所以呢兩個數字，絕對唔能夠攞出嚟做比較。但有一個數據就可以同大家分享下，或者嗰個分別就唔會差太大，講緊既就係射門轉化成入球既數據。踢咗23場比賽既辛祖喺德甲既射門次數就只有46次。而公平起見，我地搵一個同辛祖踢咗差唔多場次既華舒福比較一下。華舒福喺今季英超22場比賽當中，射咗74次。射門比起辛祖多於28次但入球同樣係14球。再者，華舒福喺14球入面，有5球係十二碼，而辛祖入既14球入面，冇一球係十二碼。呢個數據完全見到辛祖既轉換入球能力比華舒福高好多。
既然轉化入球率比起曼聯神射手華舒福更多，而踢慣既位置又係右翼，曼聯買佢又係咪完全正確呢？小編又覺得唔一定喎，點解？咁就要講下曼聯依加既翼鋒有幾多球員喇。鍾泰希、格連活特、華舒福、馬斯亞、山齊士、高美斯、占士，總共7個球員可以打翼鋒呢個位置，都未計經常客串右翼既馬達。雖然，講到右翼好似個個打右邊都唔啱佢地，假設辛祖嚟到，係8個翼鋒，共享兩個位置，點分呢？鍾泰希續咗約，又表示想多啲出場機會；格連活特又係最有潛力嗰個，一定唔會放；華舒福唔洗講，更加唔會放；占士就啱啱簽番嚟，又勤力，又唔會賣；馬斯亞份約就仲有好耐，能力又唔差斷估都唔會放；高美斯最近又表示想踢曼聯踢到老，自己又好波，曼聯都應該唔會放佢。講講下得番馬達、山齊士，馬達呢個球員作用好多，又同般奴好夾，應該可以續多一至兩年。蘇斯克查之前又話山齊士番嚟會用佢，計埋辛祖，咁講姐係9個球員共享兩個位。可能有球迷會話，高美斯、鍾泰希可以借出去，山齊士、馬達唔留。小編覺得後者兩個，唔留都講得通，如果高美斯同鍾泰希都借出去，會唔會嘥咗啲呢？再者，假設一年過後，佢地又番嚟曼聯，又再借出去？
其實曼聯前線可以話已經有人滿之患，如果再加埋辛祖，根本只會流失好多冇潛質既球員。球迷成日喺到想像好似打機咁，歐洲賽同其他細盃就一隊，英超同大比賽又一隊，但係呢個諗法根本喺現實世界中，就係行唔通。車路士當年有柏度、夏沙特、韋利安，佢地都總會犧牲一個啦。今季曼城輪換既打法，都話比大家知總會有啲球員少踢冇狀態啦。
另外，辛祖同曼聯球員夾唔夾都係一個未知之數。夏沙特今年喺皇馬既表現就話比大家知，唔係所有球星去邊隊都適合。假設，辛祖嚟到曼聯，最後原來踢極都唔夾，嘥咗一大舊錢買佢番嚟之餘，仲放走咗高美斯、鍾泰希呢啲球員，只會係得不償失。如其去冒呢個險，倒不如用番現有既球員啦。至少佢地由青年軍夾到依加嘛。當然，如果佢地係夾，或者會係一個好好既化學作用，但係用一大筆錢去博一舖，點解唔用嗰舊錢買個好中堅呢？或者大家想普巴走既，用一大舊錢買番個好中場都好呀。
加上，曼聯到現時為止，某程度上仲係好依靠兩邊出波做功勢，而辛祖踢咗多蒙特咁耐，入咗33球，一球頭槌入波都冇，到底啱唔啱曼聯真係值得思考。話就話打翼鋒唔洗頂波啫，但係曼聯角球已經冇乜人識頂波，多一個得一個嘛。辛祖雖然喺多蒙特踢得風生水起，但係小編覺得好大原因係因為多蒙特成班波都打得好，好多時都可以好輕易將皮球猜到入兩邊然後明刀明槍咁傳比空咗既隊友。而曼聯前線最缺乏既係一個好似基奧特咁既中鋒而非翼鋒。
大家可以睇下辛祖今季喺德甲既所有入波同助攻
https://www.youtube.com/watch?v=hE1-_7tk4cM
恩哈路到今時今日都未同曼聯傾新合約，換句話說佢喺曼聯既日子就已經無多，如其買一個唔係十足肯定佢踢得好既球員，又同現時曼聯翼鋒作用相同既球員，到底係咪應該放棄而將資金放落中堅、中鋒入面呢？
辛祖／山曹(Jadon Sancho)
年齡：20歲 2000年3月25號
身高：180CM
國籍：英格蘭
慣用腳：右腳
位置：右翼、左翼
先同一啲可能對辛祖唔太認識既球迷補充一下先，辛祖之前係屈福特既青年軍，及後加盟咗同市宿敵曼城，為曼城U18效力咗一段時間，接住先去到德國效力蜜蜂軍團。啱啱過去既日子，先係辛祖既20歲生日，可以話係前途無可量限。雖然又好波又年輕，好多曼聯球迷都好想佢嚟奧脫福幫手攞更多獎盃，但到底辛祖係咪適合曼聯呢？
呢位多蒙特既翼鋒喺德甲既數據可以話係屈機，今季總共踢咗23場比賽，21場正選上陣，入咗14球波之外，仲有15個助攻，做出雙雙既驚人數據。雖然係咁，但事實上喺足球比賽入面，數據唔能夠完全反映出一切，尤其是講緊德甲既數據，如果要同英超對比，相信又有少少差別，始終德甲既水平同英超都唔同，而德甲好多時都有好多大比數既賽事出現，當然喺呢到就唔深究原因喇，所以呢兩個數字，絕對唔能夠攞出嚟做比較。但有一個數據就可以同大家分享下，或者嗰個分別就唔會差太大，講緊既就係射門轉化成入球既數據。踢咗23場比賽既辛祖喺德甲既射門次數就只有46次。而公平起見，我地搵一個同辛祖踢咗差唔多場次既華舒福比較一下。華舒福喺今季英超22場比賽當中，射咗74次。射門比起辛祖多於28次但入球同樣係14球。再者，華舒福喺14球入面，有5球係十二碼，而辛祖入既14球入面，冇一球係十二碼。呢個數據完全見到辛祖既轉換入球能力比華舒福高好多。
既然轉化入球率比起曼聯神射手華舒福更多，而踢慣既位置又係右翼，曼聯買佢又係咪完全正確呢？小編又覺得唔一定喎，點解？咁就要講下曼聯依加既翼鋒有幾多球員喇。鍾泰希、格連活特、華舒福、馬斯亞、山齊士、高美斯、占士，總共7個球員可以打翼鋒呢個位置，都未計經常客串右翼既馬達。雖然，講到右翼好似個個打右邊都唔啱佢地，假設辛祖嚟到，係8個翼鋒，共享兩個位置，點分呢？鍾泰希續咗約，又表示想多啲出場機會；格連活特又係最有潛力嗰個，一定唔會放；華舒福唔洗講，更加唔會放；占士就啱啱簽番嚟，又勤力，又唔會賣；馬斯亞份約就仲有好耐，能力又唔差斷估都唔會放；高美斯最近又表示想踢曼聯踢到老，自己又好波，曼聯都應該唔會放佢。講講下得番馬達、山齊士，馬達呢個球員作用好多，又同般奴好夾，應該可以續多一至兩年。蘇斯克查之前又話山齊士番嚟會用佢，計埋辛祖，咁講姐係9個球員共享兩個位。可能有球迷會話，高美斯、鍾泰希可以借出去，山齊士、馬達唔留。小編覺得後者兩個，唔留都講得通，如果高美斯同鍾泰希都借出去，會唔會嘥咗啲呢？再者，假設一年過後，佢地又番嚟曼聯，又再借出去？
其實曼聯前線可以話已經有人滿之患，如果再加埋辛祖，根本只會流失好多冇潛質既球員。球迷成日喺到想像好似打機咁，歐洲賽同其他細盃就一隊，英超同大比賽又一隊，但係呢個諗法根本喺現實世界中，就係行唔通。車路士當年有柏度、夏沙特、韋利安，佢地都總會犧牲一個啦。今季曼城輪換既打法，都話比大家知總會有啲球員少踢冇狀態啦。
另外，辛祖同曼聯球員夾唔夾都係一個未知之數。夏沙特今年喺皇馬既表現就話比大家知，唔係所有球星去邊隊都適合。假設，辛祖嚟到曼聯，最後原來踢極都唔夾，嘥咗一大舊錢買佢番嚟之餘，仲放走咗高美斯、鍾泰希呢啲球員，只會係得不償失。如其去冒呢個險，倒不如用番現有既球員啦。至少佢地由青年軍夾到依加嘛。當然，如果佢地係夾，或者會係一個好好既化學作用，但係用一大筆錢去博一舖，點解唔用嗰舊錢買個好中堅呢？或者大家想普巴走既，用一大舊錢買番個好中場都好呀。
加上，曼聯到現時為止，某程度上仲係好依靠兩邊出波做功勢，而辛祖踢咗多蒙特咁耐，入咗33球，一球頭槌入波都冇，到底啱唔啱曼聯真係值得思考。話就話打翼鋒唔洗頂波啫，但係曼聯角球已經冇乜人識頂波，多一個得一個嘛。辛祖雖然喺多蒙特踢得風生水起，但係小編覺得好大原因係因為多蒙特成班波都打得好，好多時都可以好輕易將皮球猜到入兩邊然後明刀明槍咁傳比空咗既隊友。而曼聯前線最缺乏既係一個好似基奧特咁既中鋒而非翼鋒。
大家可以睇下辛祖今季喺德甲既所有入波同助攻
https://www.youtube.com/watch?v=hE1-_7tk4cM
恩哈路到今時今日都未同曼聯傾新合約，換句話說佢喺曼聯既日子就已經無多，如其買一個唔係十足肯定佢踢得好既球員，又同現時曼聯翼鋒作用相同既球員，到底係咪應該放棄而將資金放落中堅、中鋒入面呢？
請按此登錄後留言。未成為會員? 立即註冊