原諒小編咁遲先出呢個賽後感，因為能夠第一次坐喺奧脫福主場睇波，真係好激動同埋好難忘。今次呢篇文章會少啲講曼聯對布魯日既比賽，因為主要想比大家感受多啲，奧脫福同埋入場睇波既經歷。
有睇開小編既文章，都知道小編曾經講過依加住喺曼徹斯特，其實仔細啲咁講，小編住既地方隔條河就已經係奧脫福，所以有時奧脫福入波都會聽到歡呼聲。雖然住得好近，但因為主場既英超比賽始終都唔平，仲要可能係山頂位，所以一直都冇入場睇過，但去奧脫福買野、參觀就多不勝數。今場點解小編會睇，其實只係心血來潮想睇下幾錢一場。一入到官網，發現£30（HKD大概300$）一張飛。再噤入去睇，睇下坐咩位，點知超近，小編二話不說就決定同女朋友一齊買飛入場。點知噤咗幾次，都係話買唔到喎。想放棄之際先發現原來£30只係比曼聯會員買。咁再睇唔係會員又幾錢呢？原來都只係£36，所以最後就衝咗入奧脫福睇波喇。
啱啱都提及到，因為小編住得近所以行過去都得，但係如果係住喺香港既朋友，想去奧脫福都唔係太難既。雖然，奧脫福同曼城主場唔同，曼城主場有Metrolink直接到門口，但奧脫福就未有。雖然係咁，不過始終係曼聯主場，點可能冇交通工具直接到主場呀，所以依加都準備緊一條新既線，係經奧脫福既。如果大家嚟緊想去既話，都唔怕，一樣搭Metrolink之後行大概十五分鐘就到，小編就推薦大家用Citymapper呢個App，簡單易用，喺好多國家同城市都用到。
如果超鐘意曼聯既球迷可以試下早少少到，圍住奧脫福行一圈你就會見到有個位，架設咗少少圍欄係比球迷同曼聯球員接觸，比大家影下相、握下手。當然，呢個機會就唔會太大，因為好似今場咁，架隊巴就泊正喺曼聯通道門口，不過大家都可以碰下運氣既。
之後當然唔少得既就係買啲野飲野食入場啦，但入場之前記得預留番15分鐘去攞飛。攞飛既位置有好大個牌寫住，如果唔知或者唔想搵既球迷，求其問個人都得㗎喇。攞咗飛之後就真係入去感受下奧脫福既氣氛喇。
今次小編雖然買咗兩張平飛，不過位置都非常靚喎。唔係山頂不突止，仲要喺龍門後面。有個CAM仲要喺我地頭頂，可想而知個角度係幾咁靚。睇完熱身之後就即刻開波，咁開波之前全場企喺度就緊㗎啦，因為之前去睇韋斯咸主場大戰般尼茅夫都係咁，到開波就自自然然坐低啦。點知原來我嗰邊長期企喺度睇，我以為成個奧脫福都係咁啦，再周圍望望原來得我呢邊係咁。雖然企足90分鐘，不過全場咁好氣氛，又有好波睇，企夠180分鐘都冇所謂啦。
因為小編隔嚟就係布魯日既球迷區，所以都感受到喺比利時嚟既球迷嗰種熱血沸騰，嘈到拆天，氣氛仲好過曼聯球迷。不過當比數愈嚟愈大之後，氣氛明顯就減弱咗好多。完場嗰陣，所有布魯日既球迷都唔走，等布魯日球員過嚟拍手以謝支持。同小編上次去睇韋斯咸對般尼茅夫相比，簡直係天淵之別。好記得上次睇到韋斯咸3:0大勝緊般尼茅夫，球迷已經開始走人。去到完場幾乎冇曬人，但今場輸到5:0，兼大局一早已定，球迷都仍然留到最後一刻，小編都忍唔住讚一讚隔嚟嗰班布魯日球迷。
完場之後，大家都可以去番小編啱啱提及既隊巴位置等球員走。雖然等到球員既機會都唔大，但能夠近距離見到一兩個球員，或者已經係小確幸。小編就有幸見到馬達、恩哈路、鍾泰希、拜利、連迪洛夫、費特、占士、格連活同蘇斯克查。其中馬達同恩哈路仲好親民喎。恩哈路走埋嚟影咗幾相張同簽咗幾個名，馬達就直頭逐個球迷簽名同影相。其餘嗰啲球員就係咁椅Say個Bye就算。
今場仲好好彩親眼目睹般奴射十二碼同曼聯大炒對手。事不宜遲即刻同大家分享下呢場小編既賽後感想。
首先，最想讚一讚既係梳爾，喺電視或者直播上面見到既梳爾好似跑好少，但其實今場佢真係走上走落，同雲比沙加一樣。但點解想讚梳爾多啲，係因為大家都覺得佢好似成日行行企企，進攻又冇乜作為。但其實佢都好時常走上前做Over Lap或者跑動拉散對方防守。另一個要讚既係馬達，大家可能話點可能冇般奴，其實般奴既作用真係好明顯同好有效，但係馬達不斷既無球走動先係最重要。喺呢場比賽入面，馬達不斷四圍走動去支援隊友，同埋佢用球既冷靜以及技術，真係令小編嘆為觀止。球迷們成日話般奴激活咗馬達，計我話係馬達激活咗般奴就真。
另外，想談論下呢場有正選踢既恩哈路，呢場波恩哈路都踢得非常之好。小編喺恩哈路啱啱宣佈由中超既上海申花加盟英超曼聯既時候，確實有啲擔心，因為始終恩哈路喺中超踢咗一日，闊別咗英超或者高水平賽事咁耐，難以再次適應呢啲高水準少少既比賽。但呢場明顯話比小編同其他球迷知，佢既能力仍然足夠應付得到。能夠經常以一敵二去控制個波，連盧卡古同馬斯亞都未必做得好既野，佢呢場竟然做得咁好。難怪佢入咗波之後蘇斯克查咁興奮。另外，不得不提格連活既能力，有球九樓跌落嚟既波，佢用大脾一控就已經喺佢自己既控制範圍內，即刻令小編講咗句，你有夏蘭特，我有格連活。
能夠目睹呢場大勝既比賽，真係想講番句，「有今生，冇來世呀」，如果大家真係想一睹曼聯風彩，又唔想捱超貴飛既話，嘗試下睇歐霸既比賽，價錢一定平過英超，當然決賽除外啦。
最後身處於異地既小編想同各位講，齊上齊落，大家小心！加油，聽日有曼聯大戰愛華頓。
有睇開小編既文章，都知道小編曾經講過依加住喺曼徹斯特，其實仔細啲咁講，小編住既地方隔條河就已經係奧脫福，所以有時奧脫福入波都會聽到歡呼聲。雖然住得好近，但因為主場既英超比賽始終都唔平，仲要可能係山頂位，所以一直都冇入場睇過，但去奧脫福買野、參觀就多不勝數。今場點解小編會睇，其實只係心血來潮想睇下幾錢一場。一入到官網，發現£30（HKD大概300$）一張飛。再噤入去睇，睇下坐咩位，點知超近，小編二話不說就決定同女朋友一齊買飛入場。點知噤咗幾次，都係話買唔到喎。想放棄之際先發現原來£30只係比曼聯會員買。咁再睇唔係會員又幾錢呢？原來都只係£36，所以最後就衝咗入奧脫福睇波喇。
啱啱都提及到，因為小編住得近所以行過去都得，但係如果係住喺香港既朋友，想去奧脫福都唔係太難既。雖然，奧脫福同曼城主場唔同，曼城主場有Metrolink直接到門口，但奧脫福就未有。雖然係咁，不過始終係曼聯主場，點可能冇交通工具直接到主場呀，所以依加都準備緊一條新既線，係經奧脫福既。如果大家嚟緊想去既話，都唔怕，一樣搭Metrolink之後行大概十五分鐘就到，小編就推薦大家用Citymapper呢個App，簡單易用，喺好多國家同城市都用到。
如果超鐘意曼聯既球迷可以試下早少少到，圍住奧脫福行一圈你就會見到有個位，架設咗少少圍欄係比球迷同曼聯球員接觸，比大家影下相、握下手。當然，呢個機會就唔會太大，因為好似今場咁，架隊巴就泊正喺曼聯通道門口，不過大家都可以碰下運氣既。
之後當然唔少得既就係買啲野飲野食入場啦，但入場之前記得預留番15分鐘去攞飛。攞飛既位置有好大個牌寫住，如果唔知或者唔想搵既球迷，求其問個人都得㗎喇。攞咗飛之後就真係入去感受下奧脫福既氣氛喇。
今次小編雖然買咗兩張平飛，不過位置都非常靚喎。唔係山頂不突止，仲要喺龍門後面。有個CAM仲要喺我地頭頂，可想而知個角度係幾咁靚。睇完熱身之後就即刻開波，咁開波之前全場企喺度就緊㗎啦，因為之前去睇韋斯咸主場大戰般尼茅夫都係咁，到開波就自自然然坐低啦。點知原來我嗰邊長期企喺度睇，我以為成個奧脫福都係咁啦，再周圍望望原來得我呢邊係咁。雖然企足90分鐘，不過全場咁好氣氛，又有好波睇，企夠180分鐘都冇所謂啦。
因為小編隔嚟就係布魯日既球迷區，所以都感受到喺比利時嚟既球迷嗰種熱血沸騰，嘈到拆天，氣氛仲好過曼聯球迷。不過當比數愈嚟愈大之後，氣氛明顯就減弱咗好多。完場嗰陣，所有布魯日既球迷都唔走，等布魯日球員過嚟拍手以謝支持。同小編上次去睇韋斯咸對般尼茅夫相比，簡直係天淵之別。好記得上次睇到韋斯咸3:0大勝緊般尼茅夫，球迷已經開始走人。去到完場幾乎冇曬人，但今場輸到5:0，兼大局一早已定，球迷都仍然留到最後一刻，小編都忍唔住讚一讚隔嚟嗰班布魯日球迷。
完場之後，大家都可以去番小編啱啱提及既隊巴位置等球員走。雖然等到球員既機會都唔大，但能夠近距離見到一兩個球員，或者已經係小確幸。小編就有幸見到馬達、恩哈路、鍾泰希、拜利、連迪洛夫、費特、占士、格連活同蘇斯克查。其中馬達同恩哈路仲好親民喎。恩哈路走埋嚟影咗幾相張同簽咗幾個名，馬達就直頭逐個球迷簽名同影相。其餘嗰啲球員就係咁椅Say個Bye就算。
今場仲好好彩親眼目睹般奴射十二碼同曼聯大炒對手。事不宜遲即刻同大家分享下呢場小編既賽後感想。
首先，最想讚一讚既係梳爾，喺電視或者直播上面見到既梳爾好似跑好少，但其實今場佢真係走上走落，同雲比沙加一樣。但點解想讚梳爾多啲，係因為大家都覺得佢好似成日行行企企，進攻又冇乜作為。但其實佢都好時常走上前做Over Lap或者跑動拉散對方防守。另一個要讚既係馬達，大家可能話點可能冇般奴，其實般奴既作用真係好明顯同好有效，但係馬達不斷既無球走動先係最重要。喺呢場比賽入面，馬達不斷四圍走動去支援隊友，同埋佢用球既冷靜以及技術，真係令小編嘆為觀止。球迷們成日話般奴激活咗馬達，計我話係馬達激活咗般奴就真。
另外，想談論下呢場有正選踢既恩哈路，呢場波恩哈路都踢得非常之好。小編喺恩哈路啱啱宣佈由中超既上海申花加盟英超曼聯既時候，確實有啲擔心，因為始終恩哈路喺中超踢咗一日，闊別咗英超或者高水平賽事咁耐，難以再次適應呢啲高水準少少既比賽。但呢場明顯話比小編同其他球迷知，佢既能力仍然足夠應付得到。能夠經常以一敵二去控制個波，連盧卡古同馬斯亞都未必做得好既野，佢呢場竟然做得咁好。難怪佢入咗波之後蘇斯克查咁興奮。另外，不得不提格連活既能力，有球九樓跌落嚟既波，佢用大脾一控就已經喺佢自己既控制範圍內，即刻令小編講咗句，你有夏蘭特，我有格連活。
能夠目睹呢場大勝既比賽，真係想講番句，「有今生，冇來世呀」，如果大家真係想一睹曼聯風彩，又唔想捱超貴飛既話，嘗試下睇歐霸既比賽，價錢一定平過英超，當然決賽除外啦。
最後身處於異地既小編想同各位講，齊上齊落，大家小心！加油，聽日有曼聯大戰愛華頓。
請按此登錄後留言。未成為會員? 立即註冊