首先，小編想喺呢度借個機會，呼籲大家記得帶番個口罩，注重身體，個人冇事先做到世界冠軍㗎嘛！另外，亦都多謝各位網友既評語，無論係正評或是負評，小編都一一記在心中，令文章變得更好。
啱啱踢完曼市打吡，雖然無緣決賽，但點講都係一場勝仗，相信對嚟緊硬仗連場既曼聯嚟講，會係一支幾重要既強心支。雖然係一場勝仗，但係對有睇直播既曼聯球迷嚟講，都唔值得太開心。一嚟就係冇機會攞盃，其次一定係曼聯仍然打得好差。
喺入正題前，都先淺淡呢場既比賽，正選陣容同以往一樣，以防守為主，戰術同打法依舊不變。用人方面都唔太驚訝，繼續用連加特取替馬達。上半場初段都係比曼城噤住嚟打，迪基亞救咗好多球靚波。比賽去到35分鐘，曼聯得到一個死球機會，斬入禁區，曼城球員解圍不遠，皮球落咗喺馬迪腳下，窩利射入。呢球波，難度都幾高㗎，要噤低個波之餘，仲要攞到個非常刁鑽既角度，刷柱而入。而入球者竟然係馬迪，令小編不禁醒起之前對水晶宮喺禁區外既拉埋去嗰球同埋嚇到蘇馬O曬嘴既入球。以下兩條片，比大家重溫下馬迪兩球世界波。https://youtu.be/vLbZmkNg7KIhttps://youtu.be/w6El86sO0Dg及後，曼城都有好多入球機會，可惜未能把握，包括幾球越位。一直控制住比賽節奏既曼城喺下半場中段，開始施壓。攻勢開始愈嚟愈入肉，唔知喺咪因為連加特打得太差呢....點解咁講？因為喺58分鐘既時候，蘇斯克查怒插連加特，“Jesse, one more time and you’re f*cking off!”。好快之後，安迪亞斯皮里拉就入替連加特。
https://streamable.com/u7jva
76分鐘，曼聯有一次罕有既進攻，但係輕易地比曼城解除連隨打反擊。身上已有黃牌既馬迪侵犯對方，以解除呢次既快速進攻，令球證再一次出示黃牌，兩黃一紅既情況下被逐。打少一個既曼聯仍然冇放棄，收起梳爾換入馬達，打番4個後防。72分鐘，曼聯新隊長哈利麥佳亞喺後場一次大失誤，差啲令曼聯失球。然而，曼城唔能夠將機會轉成入球，令曼聯仲有一線生機。比賽尾段，曼城既奧達文迪喺禁區外一次魯莽犯規，令曼聯獲得罰球。迪布尼見隊友如此魯莽，都非常勞氣。曼聯中場球員費特主射罰球，可惜射中人牆。最後曼聯以0:1小勝曼城，總比數3:2，曼城晉級，將與阿士東維拉爭奪冠軍。https://youtu.be/iIN9Nih3PsQ
比賽焦點看似落喺馬迪身中，因為成也馬迪敗也馬迪。但小編認為最大責任「又」係蘇斯克查。點解用「又」呢個字，因為小編對上兩篇既文章都已經不斷談論佢。今場波，一樣係因為老毛病，換人好慢令到球員兩黃一紅。點解咁講？先講番馬迪其實喺53分鐘已經攞左張黃牌。然後，蘇斯克查閙完連加特之後好快就收起佢，用皮里拉打三個防中。之後去到馬迪攞第二張黃牌之前，其實鏡頭已經影過準備緊既馬達，好明顯已經準備換人，小編都深信係換馬迪。因為三個小論點，第一，曼聯一直都係打兩個防中。第二，曼聯前場既占士喺下半場先開始踢，馬斯亞、費特又一定唔會換。數數下其實得番馬迪。第三，喺馬迪被逐之後，蘇斯克查即刻停咗個換人，好明顯就因為本身想換嗰個，已經走咗。當然啦，呢啲只不過係小編一廂情願諗出嚟，真與假，都係得曼聯球員同領隊知。但如果早啲換馬迪既話，係咪又可以避免咗呢個結果呢？另外，雖然場波就贏咗，但係都係晉唔到級。到底，又係咪要打得咁保守，唔嘗試放手一博呢？進攻方面仍然冇任何板斧，睇落去曼聯好似冇膽識去贏場波咁。
不過，都幫蘇斯克查講番幾句好說話啦，下半場開波前已經收起咗格連活特，之後再因為連加特打得太差，蘇斯克查閙完之後，都逼不得已換走佢。得番一個換人名額，確實係要緊慎小小既，不過我覺得如果係摩連奴既話，佢一早換走咗。呢個都係舊任領隊同新任領隊既最大分別。換人既決斷性，蘇斯克查確實比較慢。
總結呢幾季既比賽，到底曼聯應該點先可以重回正軌。換隊領，換班主，講到口都臭埋。今次想講啲新做法。
第一，就係曼聯一定要有一個Form，咩Form？首先就係將球隊重新定義到底係踢咩風格。好似打機一樣，喺領隊或者球員生涯模式，都會顯示呢隊波究竟係打咩風格。或者好似DSE中文口試咁，要先幫條問題定義一下，如果曼聯繼續唔定下一個Form，每個領隊帶曼聯就用自己嗰套，又不斷換領隊、換打法。球員又點樣去適應呢？適應唔到，領隊就會將球員換。又買入又賣出，咁緊係令到曼聯不斷失敗啦。好多球員其實對某啲領隊嚟講，其實好重要㗎。但領隊一走，嗰個球員就再冇得踢，又要換個新球員，默契又要再夾過。爆炸頭既費蘭尼就係一個好例子。成日講曼聯係水魚，其實球員能力有幾多，根本就唔會因為轉去邊隊而變差。只係領隊以及球隊風格令到球員變得夾唔夾，唔夾既話就冇表現。最後就變咗所謂既水魚，買水貨。如果真係水貨既話，點解所有曼聯球員出咗去其他球隊，又會踢到風生水起呢？
第二，如果冇信心將個戰術打到淋漓盡致的話，Plan B係必須。以前既曼聯攻唔入鐵桶陣都曾經用咗好多高空轟炸，炸死唔少球隊。但相反，今時今日既曼聯就連Plan A都仲未有。換人換極都係呢班波，打極都係打套打法。試問咁既情況下，點樣帶到隊波踢得好。如果冇Plan B既，不況打住一個Plan先，不過問題係，球隊要打到水準。好似曼城、般尼呢啲咁，變化唔洗多，搵到個方法入波，贏到波，就已經足夠。
第三，承上啓下，點樣搵到入波既方法。最重要既一定要知己知彼，認清楚球隊最叻到底係啲咩？今場波，麥佳亞一個大失誤已經完完全全話比大家知，蘇斯克查做唔到呢一點。你要求曼聯喺後場做波上去，咁最重要既係乜呢？最重要就係傳控就得好，夠快夠靈活。你叫麥佳亞咁做，根本就係玩佢啫。加盟初期，佢先比球迷笑，話佢好似包住條毛巾咁跑。哥迪奧拿當年高價換曬成條後防既原因就係因為佢要打傳控，由後場做起所以所有球員都要靈活，用到波。曼聯既後防，迪基亞、連迪洛夫、雲比沙加、麥佳亞、梳爾、威廉斯、達洛治，有幾多個球員可以用到波。小編都唔用獲加既水平去比較，有邊個能力可以高過曼城既史東斯。如果唔多或者冇既話，憑乜野學人打呢家波。再講，曼聯依加最出名就係跑動少到爆，少跑動去用傳球打散對手？我諗亂搵一個踢過波既人去問，都知道根本冇可能啦。所以，最重要係認清自己班波咩料，將球員既缺點收到最細，將優點提升以及善用喺隊波到，呢樣先係真真正正幫到隊波以及幫到球員。
第四，每個球員喺球隊都有一定既作用。有啲球員作用大到喺場內比賽已經見到，好似麥湯文尼咁，有啲就睇唔到，好似連加特咁。但不得不說，如果球員真係一毛不值既話，球隊根本冇可能留佢喺隊中。咁點樣去利用每一個球員既作用令隊波增值，都係重點。
最近宣佈麥佳亞成為曼聯隊長，其實某程度上係話比大家知，曼聯依加既問題好大。點解咁講？因為連球隊既靈魂，都要搵個新加盟既球員去做，呢個唔係重點，重點係連某啲球迷都覺得唔值。冇錯，小編都好認同，麥佳亞根本喺依加階段，就未係時候做曼聯隊長。咁我地又試吓拉闊啲個畫面咁睇，到底邊一個球員值得做。迪基亞、馬達？內劍啲喎，加上西班牙幫嗰幾個，不嬲比人既感覺都係有少少自成一格，要做到熱血或者好似球隊靈魂人物咁，叫佢地做隊長帶起隊波，好似差啲火喉。普巴，更加唔洗講啦。咁仲有邊個球員？麥湯文尼？後生咗啲，要啲老大哥聽佢支笛，都唔易喎。數數下，根本冇一個球員夠班做隊長。如果係咁，其實曼聯係咪需要一啲球員可以帶領到隊波呢？依加連隊長都冇埋喇，冇靈魂既球隊， 又可以踢到啲咩出嚟。賣球員真係唔緊要，但賣完之後隊波會唔會散曬先係重點。如果能力唔係高，或者水平、狀態已經不斷下滑，又係咪一定要賣走而唔可以留低呢。
球迷成日話，賣連加特、賣普巴、賣迪基亞，個個都話要賣，搵華舒福做例子，假設最好朋友既都走曬既話，佢又會唔會愈踢愈沉，愈嚟愈唔開心呢。小編覺得踢開要踢得好，首先要開心先，如果只係為出糧，為踢而踢，唔係由心出發，好極有限。小編覺得費Sir做得最好既就係，佢唔止係教波，都教緊人。姐係點？邊啲球員要閙邊啲唔洗，邊啲要逼一逼或者氹一氹佢先可以進步，呢一點佢做得好好。今時今日，足球已經唔同咗，好多球員一句唔開心，就話要走。總唔會冇一隊唔要呢啲有價值既球員。球隊點樣搵方法，令到班球員開開心心，聽聽話話，踢得好好睇睇都係重點。好似高普咁，個個好似仔咁錫咪教得好囉。呢個除咗領隊既工作，作為隊長既都有呢份使命。點樣令球隊團結一心，齊上齊落。小至球隊，大至國家，都應該向「團結」呢個目標進發，先可以有進步。
小編認為球員狀態或者能力不斷下滑都好，如果對隊波有好處既，一定要留。儘管呢個球員，喺場內再冇作為都好。AC米蘭沉咗咁耐，最近竟然開始見光明。小編相信某程度上係因為伊巴番咗去，令隊波生曬。其實有時一隊波好與壞，真係好講氣氛。如果有一個球員可以令更衣室團結起嚟，真係會令隊波唔同好多。
轉會窗幾日之後就完結喇，相信球迷都唔會覺得曼聯繼般奴費南迪斯之後再有新球員喺呢個轉會窗加盟。如果係咁，點樣限米煮限飯，真係好講領隊既能力。如果真係冇任何收購去令隊波團結既話，起碼做到既係唔好令隊波散先。有啲球員確實係踢得極差，但係小編相信唔至於冇作用。點樣令嗰啲球員仲有價值，真係對依加既曼聯好重要。雖然，小編言下之意某程度上支持連加特留隊，但當然唔係叫佢去玩Fashion或者玩YouTube，而係最起碼令隊波有番生氣先，當用盡球員既功用，到時再踢走佢，都未遲嘛～
因為小編實在太長氣，所以篇文章太長，如果網民喜歡或者想繼續想睇呢個系列的話。不妨留言喺Facebook或者FANPIECE呢度，小編再寫下集。
啱啱踢完曼市打吡，雖然無緣決賽，但點講都係一場勝仗，相信對嚟緊硬仗連場既曼聯嚟講，會係一支幾重要既強心支。雖然係一場勝仗，但係對有睇直播既曼聯球迷嚟講，都唔值得太開心。一嚟就係冇機會攞盃，其次一定係曼聯仍然打得好差。
喺入正題前，都先淺淡呢場既比賽，正選陣容同以往一樣，以防守為主，戰術同打法依舊不變。用人方面都唔太驚訝，繼續用連加特取替馬達。上半場初段都係比曼城噤住嚟打，迪基亞救咗好多球靚波。比賽去到35分鐘，曼聯得到一個死球機會，斬入禁區，曼城球員解圍不遠，皮球落咗喺馬迪腳下，窩利射入。呢球波，難度都幾高㗎，要噤低個波之餘，仲要攞到個非常刁鑽既角度，刷柱而入。而入球者竟然係馬迪，令小編不禁醒起之前對水晶宮喺禁區外既拉埋去嗰球同埋嚇到蘇馬O曬嘴既入球。以下兩條片，比大家重溫下馬迪兩球世界波。https://youtu.be/vLbZmkNg7KIhttps://youtu.be/w6El86sO0Dg及後，曼城都有好多入球機會，可惜未能把握，包括幾球越位。一直控制住比賽節奏既曼城喺下半場中段，開始施壓。攻勢開始愈嚟愈入肉，唔知喺咪因為連加特打得太差呢....點解咁講？因為喺58分鐘既時候，蘇斯克查怒插連加特，“Jesse, one more time and you’re f*cking off!”。好快之後，安迪亞斯皮里拉就入替連加特。
https://streamable.com/u7jva
76分鐘，曼聯有一次罕有既進攻，但係輕易地比曼城解除連隨打反擊。身上已有黃牌既馬迪侵犯對方，以解除呢次既快速進攻，令球證再一次出示黃牌，兩黃一紅既情況下被逐。打少一個既曼聯仍然冇放棄，收起梳爾換入馬達，打番4個後防。72分鐘，曼聯新隊長哈利麥佳亞喺後場一次大失誤，差啲令曼聯失球。然而，曼城唔能夠將機會轉成入球，令曼聯仲有一線生機。比賽尾段，曼城既奧達文迪喺禁區外一次魯莽犯規，令曼聯獲得罰球。迪布尼見隊友如此魯莽，都非常勞氣。曼聯中場球員費特主射罰球，可惜射中人牆。最後曼聯以0:1小勝曼城，總比數3:2，曼城晉級，將與阿士東維拉爭奪冠軍。https://youtu.be/iIN9Nih3PsQ
比賽焦點看似落喺馬迪身中，因為成也馬迪敗也馬迪。但小編認為最大責任「又」係蘇斯克查。點解用「又」呢個字，因為小編對上兩篇既文章都已經不斷談論佢。今場波，一樣係因為老毛病，換人好慢令到球員兩黃一紅。點解咁講？先講番馬迪其實喺53分鐘已經攞左張黃牌。然後，蘇斯克查閙完連加特之後好快就收起佢，用皮里拉打三個防中。之後去到馬迪攞第二張黃牌之前，其實鏡頭已經影過準備緊既馬達，好明顯已經準備換人，小編都深信係換馬迪。因為三個小論點，第一，曼聯一直都係打兩個防中。第二，曼聯前場既占士喺下半場先開始踢，馬斯亞、費特又一定唔會換。數數下其實得番馬迪。第三，喺馬迪被逐之後，蘇斯克查即刻停咗個換人，好明顯就因為本身想換嗰個，已經走咗。當然啦，呢啲只不過係小編一廂情願諗出嚟，真與假，都係得曼聯球員同領隊知。但如果早啲換馬迪既話，係咪又可以避免咗呢個結果呢？另外，雖然場波就贏咗，但係都係晉唔到級。到底，又係咪要打得咁保守，唔嘗試放手一博呢？進攻方面仍然冇任何板斧，睇落去曼聯好似冇膽識去贏場波咁。
不過，都幫蘇斯克查講番幾句好說話啦，下半場開波前已經收起咗格連活特，之後再因為連加特打得太差，蘇斯克查閙完之後，都逼不得已換走佢。得番一個換人名額，確實係要緊慎小小既，不過我覺得如果係摩連奴既話，佢一早換走咗。呢個都係舊任領隊同新任領隊既最大分別。換人既決斷性，蘇斯克查確實比較慢。
總結呢幾季既比賽，到底曼聯應該點先可以重回正軌。換隊領，換班主，講到口都臭埋。今次想講啲新做法。
第一，就係曼聯一定要有一個Form，咩Form？首先就係將球隊重新定義到底係踢咩風格。好似打機一樣，喺領隊或者球員生涯模式，都會顯示呢隊波究竟係打咩風格。或者好似DSE中文口試咁，要先幫條問題定義一下，如果曼聯繼續唔定下一個Form，每個領隊帶曼聯就用自己嗰套，又不斷換領隊、換打法。球員又點樣去適應呢？適應唔到，領隊就會將球員換。又買入又賣出，咁緊係令到曼聯不斷失敗啦。好多球員其實對某啲領隊嚟講，其實好重要㗎。但領隊一走，嗰個球員就再冇得踢，又要換個新球員，默契又要再夾過。爆炸頭既費蘭尼就係一個好例子。成日講曼聯係水魚，其實球員能力有幾多，根本就唔會因為轉去邊隊而變差。只係領隊以及球隊風格令到球員變得夾唔夾，唔夾既話就冇表現。最後就變咗所謂既水魚，買水貨。如果真係水貨既話，點解所有曼聯球員出咗去其他球隊，又會踢到風生水起呢？
第二，如果冇信心將個戰術打到淋漓盡致的話，Plan B係必須。以前既曼聯攻唔入鐵桶陣都曾經用咗好多高空轟炸，炸死唔少球隊。但相反，今時今日既曼聯就連Plan A都仲未有。換人換極都係呢班波，打極都係打套打法。試問咁既情況下，點樣帶到隊波踢得好。如果冇Plan B既，不況打住一個Plan先，不過問題係，球隊要打到水準。好似曼城、般尼呢啲咁，變化唔洗多，搵到個方法入波，贏到波，就已經足夠。
第三，承上啓下，點樣搵到入波既方法。最重要既一定要知己知彼，認清楚球隊最叻到底係啲咩？今場波，麥佳亞一個大失誤已經完完全全話比大家知，蘇斯克查做唔到呢一點。你要求曼聯喺後場做波上去，咁最重要既係乜呢？最重要就係傳控就得好，夠快夠靈活。你叫麥佳亞咁做，根本就係玩佢啫。加盟初期，佢先比球迷笑，話佢好似包住條毛巾咁跑。哥迪奧拿當年高價換曬成條後防既原因就係因為佢要打傳控，由後場做起所以所有球員都要靈活，用到波。曼聯既後防，迪基亞、連迪洛夫、雲比沙加、麥佳亞、梳爾、威廉斯、達洛治，有幾多個球員可以用到波。小編都唔用獲加既水平去比較，有邊個能力可以高過曼城既史東斯。如果唔多或者冇既話，憑乜野學人打呢家波。再講，曼聯依加最出名就係跑動少到爆，少跑動去用傳球打散對手？我諗亂搵一個踢過波既人去問，都知道根本冇可能啦。所以，最重要係認清自己班波咩料，將球員既缺點收到最細，將優點提升以及善用喺隊波到，呢樣先係真真正正幫到隊波以及幫到球員。
第四，每個球員喺球隊都有一定既作用。有啲球員作用大到喺場內比賽已經見到，好似麥湯文尼咁，有啲就睇唔到，好似連加特咁。但不得不說，如果球員真係一毛不值既話，球隊根本冇可能留佢喺隊中。咁點樣去利用每一個球員既作用令隊波增值，都係重點。
最近宣佈麥佳亞成為曼聯隊長，其實某程度上係話比大家知，曼聯依加既問題好大。點解咁講？因為連球隊既靈魂，都要搵個新加盟既球員去做，呢個唔係重點，重點係連某啲球迷都覺得唔值。冇錯，小編都好認同，麥佳亞根本喺依加階段，就未係時候做曼聯隊長。咁我地又試吓拉闊啲個畫面咁睇，到底邊一個球員值得做。迪基亞、馬達？內劍啲喎，加上西班牙幫嗰幾個，不嬲比人既感覺都係有少少自成一格，要做到熱血或者好似球隊靈魂人物咁，叫佢地做隊長帶起隊波，好似差啲火喉。普巴，更加唔洗講啦。咁仲有邊個球員？麥湯文尼？後生咗啲，要啲老大哥聽佢支笛，都唔易喎。數數下，根本冇一個球員夠班做隊長。如果係咁，其實曼聯係咪需要一啲球員可以帶領到隊波呢？依加連隊長都冇埋喇，冇靈魂既球隊， 又可以踢到啲咩出嚟。賣球員真係唔緊要，但賣完之後隊波會唔會散曬先係重點。如果能力唔係高，或者水平、狀態已經不斷下滑，又係咪一定要賣走而唔可以留低呢。
球迷成日話，賣連加特、賣普巴、賣迪基亞，個個都話要賣，搵華舒福做例子，假設最好朋友既都走曬既話，佢又會唔會愈踢愈沉，愈嚟愈唔開心呢。小編覺得踢開要踢得好，首先要開心先，如果只係為出糧，為踢而踢，唔係由心出發，好極有限。小編覺得費Sir做得最好既就係，佢唔止係教波，都教緊人。姐係點？邊啲球員要閙邊啲唔洗，邊啲要逼一逼或者氹一氹佢先可以進步，呢一點佢做得好好。今時今日，足球已經唔同咗，好多球員一句唔開心，就話要走。總唔會冇一隊唔要呢啲有價值既球員。球隊點樣搵方法，令到班球員開開心心，聽聽話話，踢得好好睇睇都係重點。好似高普咁，個個好似仔咁錫咪教得好囉。呢個除咗領隊既工作，作為隊長既都有呢份使命。點樣令球隊團結一心，齊上齊落。小至球隊，大至國家，都應該向「團結」呢個目標進發，先可以有進步。
小編認為球員狀態或者能力不斷下滑都好，如果對隊波有好處既，一定要留。儘管呢個球員，喺場內再冇作為都好。AC米蘭沉咗咁耐，最近竟然開始見光明。小編相信某程度上係因為伊巴番咗去，令隊波生曬。其實有時一隊波好與壞，真係好講氣氛。如果有一個球員可以令更衣室團結起嚟，真係會令隊波唔同好多。
轉會窗幾日之後就完結喇，相信球迷都唔會覺得曼聯繼般奴費南迪斯之後再有新球員喺呢個轉會窗加盟。如果係咁，點樣限米煮限飯，真係好講領隊既能力。如果真係冇任何收購去令隊波團結既話，起碼做到既係唔好令隊波散先。有啲球員確實係踢得極差，但係小編相信唔至於冇作用。點樣令嗰啲球員仲有價值，真係對依加既曼聯好重要。雖然，小編言下之意某程度上支持連加特留隊，但當然唔係叫佢去玩Fashion或者玩YouTube，而係最起碼令隊波有番生氣先，當用盡球員既功用，到時再踢走佢，都未遲嘛～
因為小編實在太長氣，所以篇文章太長，如果網民喜歡或者想繼續想睇呢個系列的話。不妨留言喺Facebook或者FANPIECE呢度，小編再寫下集。
請按此登錄後留言。未成為會員? 立即註冊