睇完利物浦對曼聯既賽場之後，身處喺曼徹斯特既小編已經急不及待為大家寫文章。點解睇完波都唔抖下，反而食完個飯就去寫文，最大既原因都係「氣憤」呢兩個字。
喺談論蘇斯克查之前，容許小編淺談利物浦對最聯呢場雙紅會。曼聯排出352 / 532既陣式作客晏菲路，同賽前大家預料既一樣，都係以防守為主，利用反擊進攻利物浦防線，希望利用上場曼聯主場對利物浦既方法，逼和對手，甚至全取3分。呢個做法一啲都唔意外，因為曼聯每次對強隊，都係用呢招，加上曼聯隊中實力比利物浦差幾班，所以打防守都係無可厚非。
上半場初段，曼聯同利物浦可以話拉成均勢，雖然當時未有射門，但至少唔係比利物浦噤住嚟打先。曼聯球員當攞到波既時候，仍然有機會控制節奏。但十分鐘過後，利物浦就開始圍住曼聯嚟打，角球既數量亦都隨即上升，最後喺球賽既第14分鐘，利物浦憑住角球機會，雲迪克力壓班頓威廉斯以及費特頂入，麥佳亞雖然有嘗試同雲迪克爭頂，但因為利物浦既高美斯拉一拉佢既情況下，無阻對手頂入，一比零領先。
及後，利物浦多番既攻勢都憑住迪基亞力保不失，令曼聯唔洗喺上半場失多幾球。上半場既曼聯雖然比利物浦噤住嚟打，但都曾經有個黃金機會扳平，可惜安迪亞斯皮里拉嚟遲半步，錯過良機。
下半場，曼聯初段仍然比利物浦控制住，此外攻勢更加一浪接一浪，不過幾球都係柱邊出界同埋中柱。58分鐘，曼聯既皮里拉佢馬斯亞喺對手禁區做左一次好罕有既撞牆，馬斯亞入到禁區窩利高出。73分鐘，馬達、格連活特同時入替班頓威廉斯以及皮里拉，改為433陣式。再喺及後既時間，收起抽筋既梳爾換入達洛治。但三個換人都唔係太過顯注。92分鐘，曼聯得到角球機會，迪基亞都想走上去幫手，比隊友喝止。角球攻勢被利物浦球員解圍，皮球再次落到曼聯球員腳下，然後再一次傳中，馬達觸球越位，但球證冇吹停比賽，比得益利物浦。利物浦門將阿里遜見曼聯全隊喺前場，大腳傳比沙拿，占士力追之下仍然被半單刀既沙拿射入。最後主場以2:0擊敗曼聯，全取三分。
呢場比賽令小編忍唔住繼上幾篇文章之後再一次讚賞費特，今場曼聯最搶眼就係佢。助攻助守，無論係搶波或者係塞位都做得好好，亦有幾個傳中波同埋射門。不過講到開角球，都係馬達既內彎比較大威脅。而相反，表現最失色既應該係連迪洛夫以及皮里拉。
講完場比賽，講番正題，蘇斯克查。不經不覺，蘇斯克查已經帶領曼聯差唔多一年。小編見到既曼聯，就只有佢暫任領隊既時候，表現有進步。之後表現就一般，甚至用差嚟形容。佢亦係近年嚟，勝率最低既領隊。好多球迷或者球評家都會同曼聯球迷講，要比時間蘇斯克查做改革。但係，作為曼聯球迷既小編，真係忍夠。點解忍夠？高普當年初到利物浦都冇乜成績可言，但起碼你會見到班波唔同左先，但好老實小編睇唔到依加曼聯有乜野改變。
教咗曼聯差唔多一年，進攻仍然係毫無板斧。基乎每場比賽都係因為運氣或者係對方實力低，有失誤先贏波，毫無說服力。今季贏咗一兩場之後又輸番轉頭，熱刺、車路士、阿仙奴每次失分，曼聯都係把握唔到。進攻冇任何建樹唔緊要，上季防守都叫好啲，今季幾乎場場失波。至今英超先得4場Clean Sheets，而英超最少Clean Sheets既球隊都有3場。
講實力，不得不認同依加既曼聯確實唔高，所以可能會影響到表現。咁我地講下一啲數據，曼聯幾季前已經開始少跑動，呢個問題已經存在再好耐。但點解到今時今日，大家睇到既曼聯都係冇進步呢？呢一班球員如果係叫唔聽既，蘇斯克查到底仲有冇方法呢？每一次見到曼聯踢得唔好，個CAM永遠都係影住佢坐喺度望，唔知等乜。可能佢認同雲高爾既講法啦，喺球場內根本球員聽唔到領隊講乜。就算係咁，領隊可唔可以企喺場邊，比啲壓力球員們呢？喺場邊嗌十次，球員聽到一次都好吖。
每場比賽，上半場踢得差，下半場都好應該改善一下。不過蘇斯克查就話比球迷知，點樣將上半場既表現完完全全地複製落下半場到。其實曼聯既所有缺點，幾乎所有人都講得出。無論係NOW既足球旁述定係街邊既其中一位曼聯球迷都知道，但點解可以每一場都冇改善呢？
生波冇任何板斧，咁死球可以有啲計仔喇掛？好可惜，睇左半季曼聯既比賽，除咗直射罰球同十二碼入波之外，小編真係數唔出有幾多球入波係利用死球。其實隊內頂得頭鎚既雖然唔多，但未至於完完全全冇，點解又唔嘗試下用角球、罰球去入波呢？而防止死球又係，曼聯今季都唔知失左幾多球死球啦，點解仲會好似今場咁搵費特去Mark雲迪克呢？
球員表現，小編唔再講喇。咁換人方面到底蘇斯克查又幫到曼聯幾多忙呢？上半季幾乎用親都係連加特，但佢每一場落到球場都係冇作用既。最近幾場，蘇斯克查終於肯定馬達，但係換人時間就一定喺70分鐘打後。到底20分鐘，有幾多位球員可以咁神奇將比賽局勢改變呢？小編踢比賽前都用15分鐘有球熱身啦。講番今場換人喇，73分鐘先開始換馬達、格連活特。收起威廉斯以及皮里拉。之後仲要將梳爾換走，換入達洛治。令到球隊一個正正宗宗既左閘都冇埋。可能大家會覺得小編馬後砲，話梳爾嗰個換法唔啱。喺到又分析一下，梳爾72分鐘攞黃牌，身為一個後防球員，拎左黃牌防守一定避忌啲啦，加上最近都係用威廉斯踢開，狀態都一定Fit過梳爾啦。再講，當時威廉斯係完全冇跡象係需要換佢走，包括佢既體能或者係表現，唯一就係經驗會比梳爾差，所以點計都係換梳爾先啦。好喇，之後梳爾抽筋，但佢又未去到打唔到既狀態。點解唔收起馬迪，打4231呢，而要換梳爾將達洛治打左閘呢？難道逆足打閘真係個個都得？費特打防中，馬達攻中，占士左邊，達洛治右邊唔得咩？當時球隊可以話禁住利物浦嚟踢，佢地根本冇任何攻勢，仲踢兩個防中做乜呢？再講，已經係比賽既末段，輸一球又係輸，輸兩球都係輸啦，點解又唔搏呢？小編真係摸不著頭腦，不過蘇斯克查做得既，當然有自己既想法啦。但係呢個諗法到底啱與錯，就真係交比球迷以及球員、領隊去決定喇。
當然蘇斯克查都確實係某個方向落左唔少功夫，講緊既就係逼搶。以前摩連奴時代既曼聯雖然都有做逼搶，但效果就真係唔顯注。相反，今季蘇斯克查上任之後，真係改善咗好多。但係逼完，搶到之後，球隊都仲係未識將機會化成入球。呢一點，睇嚟蘇斯克查要繼續努力喇。
另外，蘇斯克查喺呢一年內，為曼聯改變最多既就係，將威廉斯帶入一隊。但係其他有潛力既球員就冇乜機會，包括格連活特、高美斯、鍾泰希同加拿等等。格連活特雖然有幾個入波，但好多時上陣既機會都係後備入替，踢大概20分鐘。對比當年雲高爾帶華舒福入一隊，真係截然不同。不過當然，每一個領隊都有唔同既做法，但小編表示如果連出場機會都冇，又點樣留住呢一班新星呢？又點樣令佢地進步呢？
今日已經係20號，距離1月轉會窗關閉仲有唔多既日子，計埋借走左2個一隊球員，曼聯既一隊球員愈嚟愈少，能力都愈嚟愈低，曼聯仲係一個球員都簽唔到，到底點樣改變呢一隊曼聯呢？小編都唔抱太大期望喇。只能夠希望蘇斯克查能夠開竅，快啲搵到一啲方法令曼聯進步方法，就算唔係技術、能力方面，都起碼走多幾步，態度十足吖。
雲佩斯曾經講過：「費Sir話『如果你地既傳波比唔到雲佩斯，我就唔會派你出場』。曼聯球員要怕領隊，令到球員知道，如果你喺呢場比賽入面冇做好，你就會被領隊罰，下場唔洗踢，球隊先會進步。依加既曼聯球員會怕嗎？或者會啦，不過以我旁觀既角度嚟，我唔認為會囉。」確實係㗎，如果球隊冇人驚你，冇人再聽你支笛，睇嚟你既日子都唔會長。所以，真係希望蘇斯克查搵到方法教好隊波之餘仲治到呢一班球星。
喺談論蘇斯克查之前，容許小編淺談利物浦對最聯呢場雙紅會。曼聯排出352 / 532既陣式作客晏菲路，同賽前大家預料既一樣，都係以防守為主，利用反擊進攻利物浦防線，希望利用上場曼聯主場對利物浦既方法，逼和對手，甚至全取3分。呢個做法一啲都唔意外，因為曼聯每次對強隊，都係用呢招，加上曼聯隊中實力比利物浦差幾班，所以打防守都係無可厚非。
上半場初段，曼聯同利物浦可以話拉成均勢，雖然當時未有射門，但至少唔係比利物浦噤住嚟打先。曼聯球員當攞到波既時候，仍然有機會控制節奏。但十分鐘過後，利物浦就開始圍住曼聯嚟打，角球既數量亦都隨即上升，最後喺球賽既第14分鐘，利物浦憑住角球機會，雲迪克力壓班頓威廉斯以及費特頂入，麥佳亞雖然有嘗試同雲迪克爭頂，但因為利物浦既高美斯拉一拉佢既情況下，無阻對手頂入，一比零領先。
及後，利物浦多番既攻勢都憑住迪基亞力保不失，令曼聯唔洗喺上半場失多幾球。上半場既曼聯雖然比利物浦噤住嚟打，但都曾經有個黃金機會扳平，可惜安迪亞斯皮里拉嚟遲半步，錯過良機。
下半場，曼聯初段仍然比利物浦控制住，此外攻勢更加一浪接一浪，不過幾球都係柱邊出界同埋中柱。58分鐘，曼聯既皮里拉佢馬斯亞喺對手禁區做左一次好罕有既撞牆，馬斯亞入到禁區窩利高出。73分鐘，馬達、格連活特同時入替班頓威廉斯以及皮里拉，改為433陣式。再喺及後既時間，收起抽筋既梳爾換入達洛治。但三個換人都唔係太過顯注。92分鐘，曼聯得到角球機會，迪基亞都想走上去幫手，比隊友喝止。角球攻勢被利物浦球員解圍，皮球再次落到曼聯球員腳下，然後再一次傳中，馬達觸球越位，但球證冇吹停比賽，比得益利物浦。利物浦門將阿里遜見曼聯全隊喺前場，大腳傳比沙拿，占士力追之下仍然被半單刀既沙拿射入。最後主場以2:0擊敗曼聯，全取三分。
呢場比賽令小編忍唔住繼上幾篇文章之後再一次讚賞費特，今場曼聯最搶眼就係佢。助攻助守，無論係搶波或者係塞位都做得好好，亦有幾個傳中波同埋射門。不過講到開角球，都係馬達既內彎比較大威脅。而相反，表現最失色既應該係連迪洛夫以及皮里拉。
講完場比賽，講番正題，蘇斯克查。不經不覺，蘇斯克查已經帶領曼聯差唔多一年。小編見到既曼聯，就只有佢暫任領隊既時候，表現有進步。之後表現就一般，甚至用差嚟形容。佢亦係近年嚟，勝率最低既領隊。好多球迷或者球評家都會同曼聯球迷講，要比時間蘇斯克查做改革。但係，作為曼聯球迷既小編，真係忍夠。點解忍夠？高普當年初到利物浦都冇乜成績可言，但起碼你會見到班波唔同左先，但好老實小編睇唔到依加曼聯有乜野改變。
教咗曼聯差唔多一年，進攻仍然係毫無板斧。基乎每場比賽都係因為運氣或者係對方實力低，有失誤先贏波，毫無說服力。今季贏咗一兩場之後又輸番轉頭，熱刺、車路士、阿仙奴每次失分，曼聯都係把握唔到。進攻冇任何建樹唔緊要，上季防守都叫好啲，今季幾乎場場失波。至今英超先得4場Clean Sheets，而英超最少Clean Sheets既球隊都有3場。
講實力，不得不認同依加既曼聯確實唔高，所以可能會影響到表現。咁我地講下一啲數據，曼聯幾季前已經開始少跑動，呢個問題已經存在再好耐。但點解到今時今日，大家睇到既曼聯都係冇進步呢？呢一班球員如果係叫唔聽既，蘇斯克查到底仲有冇方法呢？每一次見到曼聯踢得唔好，個CAM永遠都係影住佢坐喺度望，唔知等乜。可能佢認同雲高爾既講法啦，喺球場內根本球員聽唔到領隊講乜。就算係咁，領隊可唔可以企喺場邊，比啲壓力球員們呢？喺場邊嗌十次，球員聽到一次都好吖。
每場比賽，上半場踢得差，下半場都好應該改善一下。不過蘇斯克查就話比球迷知，點樣將上半場既表現完完全全地複製落下半場到。其實曼聯既所有缺點，幾乎所有人都講得出。無論係NOW既足球旁述定係街邊既其中一位曼聯球迷都知道，但點解可以每一場都冇改善呢？
生波冇任何板斧，咁死球可以有啲計仔喇掛？好可惜，睇左半季曼聯既比賽，除咗直射罰球同十二碼入波之外，小編真係數唔出有幾多球入波係利用死球。其實隊內頂得頭鎚既雖然唔多，但未至於完完全全冇，點解又唔嘗試下用角球、罰球去入波呢？而防止死球又係，曼聯今季都唔知失左幾多球死球啦，點解仲會好似今場咁搵費特去Mark雲迪克呢？
球員表現，小編唔再講喇。咁換人方面到底蘇斯克查又幫到曼聯幾多忙呢？上半季幾乎用親都係連加特，但佢每一場落到球場都係冇作用既。最近幾場，蘇斯克查終於肯定馬達，但係換人時間就一定喺70分鐘打後。到底20分鐘，有幾多位球員可以咁神奇將比賽局勢改變呢？小編踢比賽前都用15分鐘有球熱身啦。講番今場換人喇，73分鐘先開始換馬達、格連活特。收起威廉斯以及皮里拉。之後仲要將梳爾換走，換入達洛治。令到球隊一個正正宗宗既左閘都冇埋。可能大家會覺得小編馬後砲，話梳爾嗰個換法唔啱。喺到又分析一下，梳爾72分鐘攞黃牌，身為一個後防球員，拎左黃牌防守一定避忌啲啦，加上最近都係用威廉斯踢開，狀態都一定Fit過梳爾啦。再講，當時威廉斯係完全冇跡象係需要換佢走，包括佢既體能或者係表現，唯一就係經驗會比梳爾差，所以點計都係換梳爾先啦。好喇，之後梳爾抽筋，但佢又未去到打唔到既狀態。點解唔收起馬迪，打4231呢，而要換梳爾將達洛治打左閘呢？難道逆足打閘真係個個都得？費特打防中，馬達攻中，占士左邊，達洛治右邊唔得咩？當時球隊可以話禁住利物浦嚟踢，佢地根本冇任何攻勢，仲踢兩個防中做乜呢？再講，已經係比賽既末段，輸一球又係輸，輸兩球都係輸啦，點解又唔搏呢？小編真係摸不著頭腦，不過蘇斯克查做得既，當然有自己既想法啦。但係呢個諗法到底啱與錯，就真係交比球迷以及球員、領隊去決定喇。
當然蘇斯克查都確實係某個方向落左唔少功夫，講緊既就係逼搶。以前摩連奴時代既曼聯雖然都有做逼搶，但效果就真係唔顯注。相反，今季蘇斯克查上任之後，真係改善咗好多。但係逼完，搶到之後，球隊都仲係未識將機會化成入球。呢一點，睇嚟蘇斯克查要繼續努力喇。
另外，蘇斯克查喺呢一年內，為曼聯改變最多既就係，將威廉斯帶入一隊。但係其他有潛力既球員就冇乜機會，包括格連活特、高美斯、鍾泰希同加拿等等。格連活特雖然有幾個入波，但好多時上陣既機會都係後備入替，踢大概20分鐘。對比當年雲高爾帶華舒福入一隊，真係截然不同。不過當然，每一個領隊都有唔同既做法，但小編表示如果連出場機會都冇，又點樣留住呢一班新星呢？又點樣令佢地進步呢？
今日已經係20號，距離1月轉會窗關閉仲有唔多既日子，計埋借走左2個一隊球員，曼聯既一隊球員愈嚟愈少，能力都愈嚟愈低，曼聯仲係一個球員都簽唔到，到底點樣改變呢一隊曼聯呢？小編都唔抱太大期望喇。只能夠希望蘇斯克查能夠開竅，快啲搵到一啲方法令曼聯進步方法，就算唔係技術、能力方面，都起碼走多幾步，態度十足吖。
雲佩斯曾經講過：「費Sir話『如果你地既傳波比唔到雲佩斯，我就唔會派你出場』。曼聯球員要怕領隊，令到球員知道，如果你喺呢場比賽入面冇做好，你就會被領隊罰，下場唔洗踢，球隊先會進步。依加既曼聯球員會怕嗎？或者會啦，不過以我旁觀既角度嚟，我唔認為會囉。」確實係㗎，如果球隊冇人驚你，冇人再聽你支笛，睇嚟你既日子都唔會長。所以，真係希望蘇斯克查搵到方法教好隊波之餘仲治到呢一班球星。
請按此登錄後留言。未成為會員? 立即註冊