曼聯球迷曾抱滿希望的——拜利

洛遊球地 於 13/01/2020 發表 收藏文章
不經不覺,拜利已經加盟曼聯四年了。賽內賽外既拜利都非常吸引。唔知大家對拜利印象最深刻既係咩呢?小編就最記得拜利喺更衣室踢伊巴同埋場內同華迪爭波既小插曲。

加盟曼聯既第一個球季,拜利比大家既感覺就係好硬淨,球迷睇到唔少連人帶波既鏡頭,小編每次見到都忍唔住講聲 "WOW"。但係都因為呢啲奮不顧身既殺波,令到佢之後都經歷唔少受傷。由加盟第一季,英超踢到25場,到之後兩季,加埋先25場。今季更係一場英超都未試過落場。慢慢球迷都將希望放左喺麥佳亞,甚至喺連迪洛夫身上。

好記得當初加盟既拜利一個擔起成條防線,殺波快狠準。加上喺後場用波淡定,確實令曼聯球迷好放心。不過可能因為性格問題啦,有時候踢左成場好波,都會有啲高章波出現,嚇一嚇各位曼迷。轉眼間,已經加盟曼聯第四個球季,唔知將踏入26歲既拜利又會唔會成熟左呢?

最近拜利開始訓練,仲喺U23既賽事上陣左60分鐘,睇嚟再次踏入英超賽場既日子不遠。而今季曼聯後防既表現又唔係特別好,22場賽事入面,只係錄得4場Clean Sheets,20隊中排第13,同阿仙奴、阿士東維拉、般尼茅夫、修咸頓、狼隊一樣。

可見後防能力不足,連迪洛夫更因為幾場輸比對方中鋒之下令曼聯失分,拜利又會唔會係曼聯既救星呢,大家都要拭目以待。

如果喜歡我們的文章,請即分享到︰

標籤: 曼聯  拜利  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→