十位英超中比上不足,比下有餘的球員

洛遊球地 於 23/05/2020 發表 收藏文章
整個英超入面,比上不足比下有餘既球員多不勝數。今次小編將會講現時英超積分榜中下游既球隊,而當中可能有好多球員會令球迷驚訝,因為小編認為有好多球員已經講咗好多次,好似沙夏、迪路菲奧等等。所以今次小編想會講啲比較冇咁普遍既球員。


第20名:諾域治 —— Pukki
講到諾域治,真係不得不提及Pukki。今季喺諾域治入面表現出眾,由其是季初期間。可惜及後時間球隊以及球員未能保持水準。但作為球隊既神射手,至今總射門次數74次,入咗11球,係一個唔錯既成續。同樣射門74次既曼聯前鋒Rashford都只係14球,當中亦有多球十二碼。加上Rashford少踢7場,可見到Pukki射門次數唔高,但轉化入球率都唔錯。而總射門有73次既車路士前鋒Abarham,都只係入咗13球。呢個入球數字中規中矩,絕對稱得上,比上不足,比下有餘呢個稱號。唔知道喺未來既日子,Pukki能唔能夠帶領球隊護級成功呢?


第19名:阿士東維拉 —— Mings
雖然阿士東維拉成續唔係特別好,但講到好球員,其實真係有好多。當中Grealish一定係最為人熟悉,而門將Heaton,後防Targett,Mings,中場McGinn,El Ghazi,以上幾位球員都踢得唔錯。而Mings喺後防上,功效顯注,亦係今季全英超做到最多次Block既球員,雖然Mings已經係英格蘭國腳球員,但講到頂級始終好似差咗少少咁。


第18名:般尼矛夫 —— Joshua King
今季表現嚴重失色既般尼矛夫,亦都有好多好球員比小編選擇。好似Nathan Aké,Ryan Fraser,Harry Wilson,Callum Wilson等等。但小編想講一講呢位前曼聯球員Joshua King。雖然整隊波今季表現都大不如前,但Joshua King既能力一直都好出眾,有腳法、把握能力又高、加速又好。可惜佢同隊內好多球員都一樣,能力好似唔錯,但始終都好係差咁少少野咁。今季Joshua King既入球數字都比上季少好多,唔知英超復場之後,會唔會有番啲好表現比大家睇呢?


第17名:屈福特 —— Roberto Pereyra
屈福特其實要講既話,一定係講Deulofeu先。不過其實講到腳法以及速度,Pereyra亦都唔係十分差。呢位球員雖然入球同助攻數字一直都唔高,但喺屈福特咁多季,仍然保持正選位置,加上經常令對手帶來煩惱。如果今季屈福特唔好彩要降班,唔知呢位前祖雲達斯既球員又會去邊到呢?


第16名:韋斯咸 —— Robert Snodgrass
最幾年一直浮浮沉沉既韋斯咸,同樣亦都有好多球員可以講。甚至可以話幾乎整隊波都唔錯,喺呢隊波之中要揀一個真係好難。Cresswell,Balbuena,Ogbonna,Fredericks,Felipe Anderson,Lanzini,仲有好多好多球員,每一個實力都唔差得遠。但永遠踢出嚟既水準同球員實力都有差距。點解選擇Snodgrass既原因係因為今季佢既表現算係最好既一位。而當年佢喺侯城都打得好好,所以揀咗佢。偏心既小編真係好想韋斯咸護級成功,始終隊內太多好球員,若然降班韋斯咸都幾大獲,唔知莫耶斯喺抗疫期間諗唔諗到方法救下韋斯咸呢?


第15名:白禮頓 —— Lewis Dunk
Lewis Dunk今季真係好幫到白禮頓,喺數據上Dunk至今有2個入球,3個助攻,以後衛嚟講算係一個好好既數字。加上防守都尚算稱職,冇太多大既失誤,喺球隊入面算係舉足輕重既一位球員之一。雖然喺球隊入面,入球數字同助攻數字都幾好,但喺防守上既數據,都比同隊既隊友差少少,所以仍然未算是出色。


第14名:修咸頓 —— James Ward-Prowse
Ward-Prowse呢個名真係喺英超打滾咗好多年,聽咗咁耐但今時今日都只係25歲。其實修咸頓都有好多唔錯既球員,例如Danny Ings,Shane Long,Boufal,Redmond。但小編仍然覺得以上球員都未夠Ward-Prowse好。佢嗰啲死球處理真係冇得彈,急勁之後準繩又高。加上每一季都做到好多入波或者助攻,幫助球隊。可惜除咗死球之後,其他方面仍然有好多進步空間。唔知Ward-Prowse喺未來既日子會唔會得到大球會既青睞呢?


第13名:紐卡素 —— Joelinton
講到紐卡素,其實喺選擇上真係唔多。小編本來想講Martin Dubravka,但小編認為佢既能力絕對唔係比上不足,今季實在有太多神救,救咗紐於素好多次。講番Joelinton先,今季高價轉會到紐卡素,球隊同球迷都對佢充滿期望,可惜作為前鋒既佢,亦都係計門將之後,紐卡素第二位成為今季每場英超都有踢既球員,但只錄得1個英超入球以及2個助攻既尷尬數據。雖然數字上可能令大家有啲失望,佢事實上佢都幫咗球隊唔少既。始終打足每場英超總係有原因既,就係佢好多時都會做球隊中既支點。喺前面停波、分波既工作都係比佢處理,而喺處理上都算係唔錯。所以儘管佢數據上看似唔太好,小編都用咗Joelinton,作為球隊中,比上不足,比下有餘既代表。


第12名:愛華頓 —— Gylfi Sigurdsson
輪到另一隊今季令人大跌眼鏡既球隊愛華頓,球隊中好既球員都好多。Michael Keane,Digne,Séamus Coleman,Bernard,Calvert-Lewin,Richarlison等等都係好波之人。但小編除咗欣賞死球專家Ward-Prowse之除,都好欣賞另一位死球專家Sigurdsson。Sigurdsson除咗喺死球方面出色,喺進攻上亦好幫到拖肥糖。由其是做串連既角色,Sigurdsson喺球隊當中擔當一個好重要既角色。但講到能力方面,Richarlison就一定好過Sigurdsson。Sigurdsson既能力雖然未到高水平,但如果喺下游位置嚟講,佢都算係超班。


第11名:水晶宮 —— Andros Townsend
水晶宮入面其實小編都好想講Van Aanholt,但Van Aanholt表現實力非常飄忽,感覺好似仲飄忽過Townsend。Townsend喺水晶宮入面都算係一個幾重要既球員,好多人都會將焦點放咗喺沙夏身上,而忽略咗另一邊既Townsend。其實Townsend既速度、盤球能力以及射門都唔可以睇少。佢喺邊線既威脅其實都好大,如果講到最切合今次個主題的話,亳無疑問一定係沙夏。但小編都喺文章開首都講過,沙夏已經講咗好多次,所以今次小編用Townsend做水晶宮既代表。


第10名:般尼 —— Chris Wood
般尼亦都係令小編最頭痕既一隊,因為有好多球員小編都想揀,好似Tarkowski,Mee,Bardsley,Robbie Brady,Ashley Westwood,McNeil,Ashley Barnes,Jay Rodriguez。每個球員都獨當一面,亦都踢得好好。球員既質素又唔差,而最後揀Chris Wood既原因係因為佢係球隊入面入球數字最高,頭頂腳踢都掂。加上每場比賽喺前面做第一點既工作做得好好。完完全全貫徹到球隊既風格以及戰術。

以上十位係小編心目中既人選,唔知球迷們又有啲咩球員入選呢?

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→