8:2後的6:1

Sunday 28th August 2011,呢一日對曼聯來講,可能係今季最好美好既一日
不過今日2011-10-23可能係佢地今季最悲慘既一日,6:1輸比曼城,好坦白,相信無人會估到事情發展會係咁
阿記既球員同fans,輸8:2既仇有人幫你報左,當然開心啦,不過我就唔會咁樣去想.點解?
因為有人勁過曼聯,自己又多一個隨時比人抄既機會,所以如果我身為阿記既球員同fans,最好唔會咁開心住.
講返比賽,曼聯同曼城成場都踢得唔錯,mu門將也無需要自責,大部份失球都唔可以怪佢而mc門將表演唔錯,多次救出一些有威脅既ball,對於Fletcher果一球都無咩問題,射得太靚~
7球都入得靚,有靚野當然會有唔衰野,7張黃牌1張紅牌
對於mu方面,呢張紅牌真係好致命,evans表演已經唔算好,黃金機會把撐唔到,防守唔稱職,我本人對曼聯出evans也有好大既疑問,有P.Jones點解唔用,表演無疑係後者比較好.除左呢樣,曼聯換人也係好冒險,換P.Jones頂替evans個位,
無問題,但換走左蘭尼,打少個仲要抽走一個中場,對中場既控球權大幅下降,如果曾經看過我之前有關mu既評論,我講到朗尼呢個問題,縮左去中前場,對攻力一定有影響,小豆打後備,令攻力再減弱,Welbeck頭幾場都打得唔錯,但對著曼城,點解唔出一個比較有大戰經驗既小豆.朗尼落左去中前場,雙翼出到ball,不過接應果個都幾難拿到,咁邊翼唔得,可以轉用猜ball,慢慢玩,不過中場控到ball都無邊幾個,已經造成劣晒,後防問題已經大,中場攪成咁,3個換人都已經應驗,對於佢地爭冠,我本人都仲有懷疑,無可否認,曼聯係一隊打唔die既球隊.
去到曼城,神童/問題少年入左果靚既,為比賽打開一個好既局,今場有2個人一定要講下,就係大衛c華同占士米拿,2個都係好中場,大衛c華既技術今場發揮得好好,一個人可以引4-5個對方球員去mark,佢既傳球真係有水準,靚到爆,而占士米拿雖然無入球,但佢既致命出球,去到邊度,都可以差唔多見多佢.整體方面,曼城中場既實力無可否認係比曼聯更勝一層,咁當然中場類形唔同,不過曼城已經證明左有一個控球既中場,係對前鋒線上既球員十分有利.後防方面,硬淨過人,無論邊一個後防,都打得好有系統,唔會亂,即使開賽頭果10mins,都頂得著,前鋒唔洗講啦,發揮得咁好.

曼城以前係我心中,係一隊用錢去買獎杯既球隊,不過今季已經改左觀,變左一隊講合作既球隊,爭冠真係唔係講玩,曼聯畢竟今季都重組過,而且中後場都有好大問題,不過1月份攪攪去,都唔會話無機會爭冠.