雙紅會

一個忙碌又激烈既國際賽週完結後,又返到聯賽,今星期重點都不過雙紅會,比喻為國家打比
以下係英格蘭國家隊既球員
紅魔:
菲爾鍾斯 後衛
里奧費迪南 後衛
史摩寧 後衛
艾殊利楊格 中場
湯卡華利 中場
卡域克 中場
朗尼 前鋒韋碧克 前鋒
紅軍:
加歷查 後衛
馬田基利 後衛
格連莊臣 後衛
唐寧 中場
史比寧 中場
謝拉特 中場
佐敦軒達臣 中場
安祖卡路爾 前鋒

嘩,2隊都有好多中場同後防,而且大部份都係新仔,前途無可限量,講返呢場比賽
講講紅魔先,開季都現在都打得唔錯,人腳方面,國際賽後,陣中2名大將,維迪,蘭尼都因為國家輸左,可能心理上受到打擊,特別係維迪,而里奧費迪南復出,所以對球隊後防無咩大影響,反而中場可能會有大影響,卡域克狀態不太好,呢幾場表演都係麻麻,而防中一直沒有好人選,邊鋒實力不用懷疑,不過中場防守比較差,即使有湯卡華利 ,費查,安達臣,3名中場都係偏向攻擊,費查經過長時間休息,態狀真係要d時間回復,所以中場既防守會成為左曼聯既弱之一,前鋒小豆剛剛簽左新約,如無意外應該會正選搭著朗尼,係近呢2季,朗尼既位置偏向前鋒後面,做更多防守工作,但同時前線上得返小豆,如果萬一邊鋒既狀態不佳,前鋒既發揮將會有影響,除此之外,朗尼打小豆後面,會出現一個問題,就係鋒線上唔夠厚,話晒朗尼都唔屬於謝拉特or林伯呢類形,打前鋒後面我都覺得唔係咁好,長期會沒殺佢既天賦,用佢作防守唔係唔好,不過有個好防中,佢先會發揮得最好最好.
講完紅魔,就要講下紅軍,後防線就慘lo,2邊就無咩大問題,反而中堅成為最得人擔心,面對著小豆同朗尼,加歷查會成為一個炸彈,真係有d危,呢點我都講過,要通過轉會窗先會有所解決.中場有謝老4既復出,應該可以令中場穩定返,而因為中場太多,要選擇邊個落場都唔易,出古治同maxi,係經驗上就絕對唔會輸比曼聯,前鋒線上,就要靠蘇亞雷斯,不過咁晒陣容無咩驚喜,如果要令曼聯自亂陣腳,比拿美會係關鍵,開季都現在都唔多用佢,有陣時都唔知社sir做緊d咩,如果要重新成為一隊強隊,卡路爾就要有一個好既拍檔,而呢個人會係邊個?到目前為止,謝老4應該可以激活到卡路爾,仲要將卡路爾同蘇亞雷斯既位置,工作,分得好清析,一個高大中鋒,要發揮得好,位置同工作係好重要.所以今場應該係社sir既一場考驗,考驗佢既選人,排陣同臨場既一關.

2隊都好強勁,對攻戰中,無話邊個有利,狀態同發揮成為關鍵,呢場大戰也顯示到2位教練既功力,究竟利記可以勝出還是紅魔獲勝?