球證做咩野

今個星期,都無咩野好講,小弟又累(玩完陸運會,仲慘過踢ball),所以先咁遲有更新
回顧呢2個月,大比數既球賽好多,爆大冷都唔少,反勝又有,真係夠晒激!!!!
球員出得場就當然係踢ball啦,球證呢?
球證既工作就係確保球賽順利,公平及保護球員.
英超球證話有問題,已經唔係今季問題,上幾季都係咁
球證代表作,上輪車仔輸比QPR應該都係執法最差既一場,內容唔多講
好多既踢腳,刻意既犯規,都係處理得唔夠好,有時攪好耐都唔店,有時比牌有問題,如果一場比賽出現唔公平既狀況,而球證處理唔好,結果只會弄壞左一場比賽
適當既比牌,適當既處理,就當然無野啦.
有時d球迷睇到好激氣,發火,都係因為球證
每個球證每場做野既手法都唔同,但執法果水準都應該係一樣
有時d球員打到亂晒,球員既犯規就可能會多,球證都唔去執法嚴少少,d球員既行為就會越來越粗野,
最終呢一場唔會係好既比賽
所以咩黑哨,收買球證等等....既形容詞就會出晒來
有時某幾位主教練都幾無奈,佢地講既都係有關球證問題,而且仲要講多岩,但面臨既係停賽,罰款佢地都係為左球員先會咁做,而且佢地講出球證有咩地方做得唔夠好,唔係一件錯事
球員係場上吸收失敗既經驗先會有進步,球證都一樣係,都要去聽取意見,再去進行改善
咁樣先會有一場好既比賽!~