本地足球special

MKS呢件事我都唔想點講,因為好多媒介都講過,不過開返當然係好事啦~住九龍區既朋友,得閒多多入場支持本地足球(當然任何人都歡迎啦)
打開報紙,見到果場都幾好,我親身去過,當然係差唔多完工,我就入左去行左陣個場,唔錯唔錯~不過d位少左D,我預計有8000人左右,第一場既入場人數唔錯,不過呢陣風如無意外,應該會吹走幾千人,得返小過1000入場~
隨著新的運動場落成,票價應該會有所調整,突然間醒起一樣野,買一張電影既戲飛都超過$50,買一張一場既足球門票都差唔多,學生哥仲有優惠,有陣時仲會連場,真係幾抵!!!!!我唔知係米好多人都鐘意吹下水果陣時,都好鐘意加插足球原素,例如:雙紅會和左喔;邊個邊個入左ball等等........有陣時看外國既足球係好事,不過本地足球都唔差,鐘意英格蘭(例子)足球唔代表你唔可以看本地足球,得閒的話,用你一張的戲飛(可能你會覺得套戲悶,都會照看),去換取買一張本地足球的飛,一個月一次,絕對唔過份.有人實話,你都有問題架,有時間不如去休息下啦,休息?無錯,人真係要休息,不過唔一定係屋企打下機,訓下教,又或者去看電影,不過仲有個選擇,就係本地足球,有陣時可能會真係幾悶,咁又唔係每一分鐘打到咁激烈,未入過場既朋友,可以試下,你同人講我去左看本地足球,呢件唔係咩羞事,你應該用你見到既野,同你身邊既人分享,呢個世界好多野都唔係完美,都要去有提點,如果你能夠從足球中去到一d足球上既知識或者人生道理,咁你呢幾十元就唔會白白浪費,好過你比$50,$60有陣時仲要過百蚊,去看一套可能你唔知佢講咩,可能悶到你發呆(一出場就xyz.......),本地足球可能係你既第2選擇.
可能好多人會話我hard sell本地足球,不過我無收錢架,呢個也許係我對足球既執著!~
(時間關係~有d更新會未必準時update,太多功課做同要溫書,不過點都好,足球係我最大娛樂,一定會2-3日有評論更新)