69.310

鎚仔幫主場 於 09/06/2019 發表 收藏文章

「沒有抗爭,那有改變」,韋斯咸球迷們應該理解此點。

2018年3月10號,當日溫和韋斯咸球迷組織 Real West Ham Fans (RWHF) 打算透過遊行表達對一對度縮班主 David Gold 同 David Suillivan 嘅不滿,可惜呢個遊行被韋斯咸官方河蟹了 - 原因係「被說服」會有「鬼」,如激進派球迷會如 Inter City Firm (ICF) 會滲入,使情況一發不可收拾。ICF 因此講到明, 一定會有更激進手法去抗議,埋下後續激進事情嘅伏線。

要發生的一定會發生。好衰唔衰,呢一日對韋斯咸主場對般尼嘅比賽,竟然輸下又一粒,輸下又一粒,先會令場面失控。失第2、3球之後,有球迷成功突破警察防線,衝入場區阻止比賽進行。成就了呢一幅經典嘅圖片。

兄弟爬山,各自努力。有人冒被永久禁止入場嘅犧牲衝入場抗議,亦有群眾主力喺看台集中主席位嘅兩位主席抗議。兩位主席狼狽避走,剩下 Trevor Brooking 呆坐原地。

明顯地,前者更為有效。報章舖天蓋地咁用侵入球場嘅圖片去報導事件,使 Dildo Brothers 顏面無存。在該季護級成功後,韋斯咸大手筆買人,起碼前途一片光榮。

= = = = = = = = = = = = = = = = = = = =

香港喺世界上嘅地位,其實同韋斯咸係英超嘅地位差唔多 - 最勁未到你,但 top 20 一定有份;仲會 FF 自己可以上到頭4添,唔少香港人都 FF 自己同紐約倫敦差唔多 level 喇,係咪?

小編只係想同大家引述一段韋斯咸嘅史實出嚟, 客觀地根據呢件事件,概括到三個可能係事實嘅句子:
1. 團結才有力量。
2. 激進才有迴響。
3. 犧牲才有回報。

對住個政權把聲係要夠大,人數的確可以有作用;但人多除咗好辦事之外,仲要夠團結。方法唔同喺一定嘅,但目標要一致。

最後一句......只能說「以物易物」是必然的經濟學邏輯:有人用生命換金錢,有人用金錢換自由......

= = = = = = = = = = = = = = = = = = = =

講咁多做咩呀,毋須領悟、毋須思考,大家都係乖乖地做隻港豬、做隻被帶領嘅港羊好喇。香港永遠都會咁好。

但仲有腦,想做一啲事嘅話,就記得做自己覺得啱嘅事。

#AntiELAB

本專欄Facebook專頁:https://www.facebook.com/hammershome
標籤: 韋斯咸  

留言


請按此登錄後留言。未成為會員? 立即註冊
    快捷鍵:←
    快捷鍵:→