[長故慎入]
大家入正文前，希望大家了解一下小編想寫什麼；由於這篇文章有點長，所以會分拆為上下部分。
小編在這個星期日了參與了「揹水一戰」的比賽，由點滴是生命舉辦，希望可以為山區兒童籌款。這個比賽是要求參加者背戴竹籃，在籃中放一支 4.5 kg 的水跑山，有15公里、30公里的長度賽事，跑香港南區的山路，同時也分男女個人組、男女 (或混合) 二人組、四人男子組、女子組、混合組、學界組。除此，也有選擇爭標和體驗的組別。
其他規則，小編會將其融入這篇記敘文中，並在下一頁再列出來。
不過更想大家知道的，是同樣在下一頁，類似總結般的懶人包 (大事與故事對照表)。因此，看不明白的，可以去下一頁對照一下，再回看。
今次小編想把「揹水一戰」比賽的自身經歷改編，並將這些經歷融入英超兩支球隊中的 (前) 皇牌球員，一支理所當然是小編愛隊韋斯咸 (鎚仔幫皇牌來說你們只會懂得那一個已離隊的那條蛇......沒錯是他)，另一位英超球隊的皇牌球員就會在下半部份才會正式出現；小編希望以此剖析、並讓大家進入兩位球員的內心世界。看不明白的，就當自己在《球迷世界》看了一個和足球無關的故事吧。
最後，希望大家非常非常非常認真看待這篇文章。即使小編這個星期有3個mid-term，也花了不少心機為大家從他的事蹟抽絲剝繭。以及嘗試用口語，No，係正體廣東話入文。有1999之處，就煩請大家多多包涵DSE中文作文淨係得2嘅小編喇！
講咗咁多廢話之後，咁，我哋開始喇。
=====================================
大家好，我叫小皮，今年係我第二次參加「揹水一戰」。
呢兩次我都同呢一班隊友跑山，佢地都有長跑的經驗，成日參加呢類比賽，不過跑山就唔多。仲記得佢地上次因為有個隊友要返鄉下跑唔到，先早早搵我同佢地組隊參賽。咁介紹下隊友喇：
第一位係「契仔」。契仔呢個名其實係我改嘅，佢其實叫On仔。上年係15km下半段重 carry 翻我哋，改呢個名嘅原因純粹因為我覺得佢係一個好勤力嘅人。雖然係裝備上非常依賴我，要我幫佢買埋；不過自己都要用，幫個手又何樂而不為呢？
第二位係「高佬」。高佬佢就成日病嘅，比賽前又病，本來以為佢跑唔到架喇，我都已經搵左個跑開山嘅friend 代佢，仲要問阿爸借錢同個 friend 食咗好貴一餐飯，我咁大個仔都未食過咁貴；點知後嚟高佬又 ok 喎，咁就唯有同個 friend say sorry。
最後一個係我哋個搞手，叫「保長」，佢係「揹水一戰」2013年成立之前就開始有玩長跑比賽，小學開始都跑咗10年左右架喇。根據上年經驗，佢都算係識跑山嘅。
唔記得同大家講，我哋四個報嘅係「四人學界組 (爭標組)」，大專生梗係報學界組喇，唔係點呃番個獎番嚟？
(Source: 蘋果日報)
0700：13+4 的小巴
(小編按：應該要係韋斯咸球迷、自問非常熟英超先可以睇得明)
老實講，本來都有留意賽事嘅我，諗唔到居然仲熟規則過個搞手。見佢地唔知咩事咁，於是被 add 入 group 嘅我係 What'sApp Group 主持大局，提佢地要點做。去到比賽當日，提埋佢地幾點集合，對我黎講先常識吧。
我地係0745開跑嘅爭標組別，咁我諗到個 plan 係點，相信佢地會跟嘅，於是放心地係 What'sApp Group 打：「我地係0745跑，所以0730前一定要到。Therefore 0645 CWB 小巴站等，去到石排灣就ok。」好在佢地都仲跟足指示，總算準時到車站。
小巴站出乎意料地冇乜人，同時出乎意料地冇加開班次，好在都上到車，時間係0700。然後，架車上左13個人。我哋係四人組，猶豫緊上唔上有三個位，淨低一個要等嘅十六座。呢個時候，個司機就嚟料：
「多一個無所謂喇，呢個時間等好耐噶 (架)。係趕就上！」我哋四個你眼望我眼，唔理三七二十一，上左先講。上到車，見番搞到我嘥左餐飯嘅 friend 都響架車上面，佢淨係掛住按摩右腳無理到我；只係我諗唔到佢都有份跑，陣間跟住節奏跑就應該冇死。個司機睇嚟以為無乜嘢，點知過香港仔隧道就出事喇......
「喂你噶車超戴喎！」只見有個差佬截停咗噶車，途中詳情唔講喇，總之，我哋全車人都會遲大到......呢個時間，除左一隻動物，我諗唔到任何嘢。嗰隻動物？
金翅仆街鳥。
0811：遲20分鐘仍是要追
「唔好諗任何嘢，上喇！」
本來報咗爭標組嘅我哋，唯有而家同體驗組一齊出發。就算有得賴都好，我淨係知道：「我唔想包尾」，因為我想個成績見得下人。最少，要過到自己。
雖然練習唔夠多，我認我係扺鬧，但係打緊「天才波」嘅我，實力絕對夠應付，只係估唔到我個 friend 居然已經退賽。然而三個隊友都係要死追爛追先跟得貼，老實講，真係有啲燥。
「唞下得唔得呀？」高佬問。
我只係發現在右腳鞋帶甩左，所以要踎低綁鞋帶。佢地以為可以停嗰陣，我已經綁完再起番身。
「唞完喇。」因為我知道，我向前，佢地唔會停低；而且比賽緊，就唔會有停頓嘅空間。更何況已經大落後？呢個時候跑完平路，係跑泥石路，轉路面前想休息係可以理解嘅。然而係呢個劣勢下，當然係要跑多過唞。行得山多，有個人技術當然可以輕鬆走過；如果跑開平路，條路千篇一律都係平嘅，又點會識跑？
「都係嗰句，跟實。」
唔識應對嘅佢哋睇住我好似輕功咁跳上啲石，然後借力跳遠；又或者睇住我攞到山路最邊，就算隻腳踩中泥跌緊落去，都可以及時收正繼續跑。甚至差啲俾樹根揢 (kick) 倒時，靠自己鍛鍊番嚟嘅平衡力，死都要向前衝。我淨係知道，如果我都唔衝，佢哋又點會跑呢？
結果，就係睇到班體驗組，純粹係試下揹水行山嘅佢哋「嘩嘩聲」。
問題只係，我右腳條鞋帶成日甩，搞到我跑下停下，甚至要保長、高佬等我。不過佢哋竟然叫我慢慢，而唔係因為呢樣嘢而屌我。如果單靠自己鞭策自己，係賽場外，或者我真係唔會有呢個動力；但係賽場內，我就一定要用盡100%，做好自己。同埋，我總算記得我可以靠打蝴蝶死結綁實條鞋帶，佢哋終於無鬧得咁大聲，可能佢哋都攰喇。不過，我無興趣畀時間佢哋唞。
一大段山路之後，係樓梯。呢段時間大家都俾我chur爆咗，都係時候回一回氣，翻一翻後企隊尾，畀其他人帶下頭。係呢段時間，諗唔到大家回氣都回得幾快，而且步速都上返嚟。但係，見到佢哋要係咁用旁邊扶手柱借力上，樓梯，係咁跑咩？真係跑嘅話，梗係應該靠自己一級級捱上去，我只能話我不齒佢哋所為。
過咗和福道、僑福道之後，有個水站。呢個moment，我已經估到咩事；今次，我要「爆」喇。
0842：一個水站，兩次爆發
水站是一個讓跑手唞氣、補水、能量的地方，馬拉松嚟講，位置會比較窄長；不過呢次就霸晒成個門口用。然而，每一次第一個水站都會像嘉年華般，人山人海。
上年經驗，係暗斜落山，捱完香港仔水塘道嘅長命斜之後，有個水站。
我記得上年去到第一個水站，飲兩杯水，再加一杯能量飲品已經走得；佢哋幾個呢？又要攞麵包食，又要攞腸食。阿哥，比緊賽呀，唔係大食會呀。15公里使唔使食咁多呀？我淨係記得當時我選擇好無奈咁等，等到寂寞到夜深。時間一分一秒過去，佢哋一啖一啖咁食；嗰一下，我好無助。
今年，我唔想同一件事再發生。我絕對要走。
終於跑到水站，不出我小皮所料，契仔、高佬、保長三隻嘢果然又係到磨。我飲完我需要嘅三杯嘢之後，選擇爆發。
「肯走未呀？」我大聲到全場望住我，I don't give a damn on popularity，I only concern on myself．
「咁鬧隊友都有嘅?」「呢條友真係黐線噶。」「要走就走喇！唔好等喇。」「擺明係『豬隊友』累事。」一鬧，大聲到全場靜晒之後，一個二個係到做「塘邊鶴」議論紛紛。
「喂冷靜啲喇，有事慢慢商量。」保長嘅性格就係咁鍾意息事寧人，上次我會俾你說服。今次？A fucking NO。
「一句到尾，你係咪比緊賽？」雖然口講畀最後一次機會保長，但係我知佢唔會行架。
四個人，一輪靜默。
只見契仔同高佬企係保長後面，高佬低調地咬住塊麵包，契仔搣開舊橙畀高佬一齊食。兩個人低調地繼續進食。我知佢哋唔會跟我噶喇。走喇，小皮。
於是，我耷低頭，一路沿僑福道爆上去警察博物館。
我其實一路揸住用淺藍色手機殼包住嘅電話跑，唔使咩臂套之類嘅，其實你咪當係接力捧咁嘅物體囉。呢個時候，電話震咗一下。我打開望望：
「312揹水一戰 - 你已被群組移除」
0848：看見另一個我
熄翻電話mon之後，離遠見到上面有個人嬲爆爆咁企咗係度向後望：叉住腰，短褲摺咗上去，「揹水一戰」Tee 入面著住件 Puma 白色長袖 trainer。一睇個樣就知又係等緊 Teammate，於是我就明知故問：「等 teammate 呀？」
「係呀，我哋本來報咗四人學界爭標組，唔知點解變咗報體驗組。咁我就照跑喇，但係呢班人真係......」
「好似我咁離隊走喇。我叫小皮呀，你呢？」
「我叫 Alex。」
(待續)
大家入正文前，希望大家了解一下小編想寫什麼；由於這篇文章有點長，所以會分拆為上下部分。
小編在這個星期日了參與了「揹水一戰」的比賽，由點滴是生命舉辦，希望可以為山區兒童籌款。這個比賽是要求參加者背戴竹籃，在籃中放一支 4.5 kg 的水跑山，有15公里、30公里的長度賽事，跑香港南區的山路，同時也分男女個人組、男女 (或混合) 二人組、四人男子組、女子組、混合組、學界組。除此，也有選擇爭標和體驗的組別。
其他規則，小編會將其融入這篇記敘文中，並在下一頁再列出來。
不過更想大家知道的，是同樣在下一頁，類似總結般的懶人包 (大事與故事對照表)。因此，看不明白的，可以去下一頁對照一下，再回看。
今次小編想把「揹水一戰」比賽的自身經歷改編，並將這些經歷融入英超兩支球隊中的 (前) 皇牌球員，一支理所當然是小編愛隊韋斯咸 (鎚仔幫皇牌來說你們只會懂得那一個已離隊的那條蛇......沒錯是他)，另一位英超球隊的皇牌球員就會在下半部份才會正式出現；小編希望以此剖析、並讓大家進入兩位球員的內心世界。看不明白的，就當自己在《球迷世界》看了一個和足球無關的故事吧。
最後，希望大家非常非常非常認真看待這篇文章。即使小編這個星期有3個mid-term，也花了不少心機為大家從他的事蹟抽絲剝繭。以及嘗試用口語，No，係正體廣東話入文。有1999之處，就煩請大家多多包涵DSE中文作文淨係得2嘅小編喇！
講咗咁多廢話之後，咁，我哋開始喇。
=====================================
大家好，我叫小皮，今年係我第二次參加「揹水一戰」。
呢兩次我都同呢一班隊友跑山，佢地都有長跑的經驗，成日參加呢類比賽，不過跑山就唔多。仲記得佢地上次因為有個隊友要返鄉下跑唔到，先早早搵我同佢地組隊參賽。咁介紹下隊友喇：
第一位係「契仔」。契仔呢個名其實係我改嘅，佢其實叫On仔。上年係15km下半段重 carry 翻我哋，改呢個名嘅原因純粹因為我覺得佢係一個好勤力嘅人。雖然係裝備上非常依賴我，要我幫佢買埋；不過自己都要用，幫個手又何樂而不為呢？
第二位係「高佬」。高佬佢就成日病嘅，比賽前又病，本來以為佢跑唔到架喇，我都已經搵左個跑開山嘅friend 代佢，仲要問阿爸借錢同個 friend 食咗好貴一餐飯，我咁大個仔都未食過咁貴；點知後嚟高佬又 ok 喎，咁就唯有同個 friend say sorry。
最後一個係我哋個搞手，叫「保長」，佢係「揹水一戰」2013年成立之前就開始有玩長跑比賽，小學開始都跑咗10年左右架喇。根據上年經驗，佢都算係識跑山嘅。
唔記得同大家講，我哋四個報嘅係「四人學界組 (爭標組)」，大專生梗係報學界組喇，唔係點呃番個獎番嚟？
(Source: 蘋果日報)
0700：13+4 的小巴
(小編按：應該要係韋斯咸球迷、自問非常熟英超先可以睇得明)
老實講，本來都有留意賽事嘅我，諗唔到居然仲熟規則過個搞手。見佢地唔知咩事咁，於是被 add 入 group 嘅我係 What'sApp Group 主持大局，提佢地要點做。去到比賽當日，提埋佢地幾點集合，對我黎講先常識吧。
我地係0745開跑嘅爭標組別，咁我諗到個 plan 係點，相信佢地會跟嘅，於是放心地係 What'sApp Group 打：「我地係0745跑，所以0730前一定要到。Therefore 0645 CWB 小巴站等，去到石排灣就ok。」好在佢地都仲跟足指示，總算準時到車站。
小巴站出乎意料地冇乜人，同時出乎意料地冇加開班次，好在都上到車，時間係0700。然後，架車上左13個人。我哋係四人組，猶豫緊上唔上有三個位，淨低一個要等嘅十六座。呢個時候，個司機就嚟料：
「多一個無所謂喇，呢個時間等好耐噶 (架)。係趕就上！」我哋四個你眼望我眼，唔理三七二十一，上左先講。上到車，見番搞到我嘥左餐飯嘅 friend 都響架車上面，佢淨係掛住按摩右腳無理到我；只係我諗唔到佢都有份跑，陣間跟住節奏跑就應該冇死。個司機睇嚟以為無乜嘢，點知過香港仔隧道就出事喇......
「喂你噶車超戴喎！」只見有個差佬截停咗噶車，途中詳情唔講喇，總之，我哋全車人都會遲大到......呢個時間，除左一隻動物，我諗唔到任何嘢。嗰隻動物？
金翅仆街鳥。
0811：遲20分鐘仍是要追
「唔好諗任何嘢，上喇！」
本來報咗爭標組嘅我哋，唯有而家同體驗組一齊出發。就算有得賴都好，我淨係知道：「我唔想包尾」，因為我想個成績見得下人。最少，要過到自己。
雖然練習唔夠多，我認我係扺鬧，但係打緊「天才波」嘅我，實力絕對夠應付，只係估唔到我個 friend 居然已經退賽。然而三個隊友都係要死追爛追先跟得貼，老實講，真係有啲燥。
「唞下得唔得呀？」高佬問。
我只係發現在右腳鞋帶甩左，所以要踎低綁鞋帶。佢地以為可以停嗰陣，我已經綁完再起番身。
「唞完喇。」因為我知道，我向前，佢地唔會停低；而且比賽緊，就唔會有停頓嘅空間。更何況已經大落後？呢個時候跑完平路，係跑泥石路，轉路面前想休息係可以理解嘅。然而係呢個劣勢下，當然係要跑多過唞。行得山多，有個人技術當然可以輕鬆走過；如果跑開平路，條路千篇一律都係平嘅，又點會識跑？
「都係嗰句，跟實。」
唔識應對嘅佢哋睇住我好似輕功咁跳上啲石，然後借力跳遠；又或者睇住我攞到山路最邊，就算隻腳踩中泥跌緊落去，都可以及時收正繼續跑。甚至差啲俾樹根揢 (kick) 倒時，靠自己鍛鍊番嚟嘅平衡力，死都要向前衝。我淨係知道，如果我都唔衝，佢哋又點會跑呢？
結果，就係睇到班體驗組，純粹係試下揹水行山嘅佢哋「嘩嘩聲」。
問題只係，我右腳條鞋帶成日甩，搞到我跑下停下，甚至要保長、高佬等我。不過佢哋竟然叫我慢慢，而唔係因為呢樣嘢而屌我。如果單靠自己鞭策自己，係賽場外，或者我真係唔會有呢個動力；但係賽場內，我就一定要用盡100%，做好自己。同埋，我總算記得我可以靠打蝴蝶死結綁實條鞋帶，佢哋終於無鬧得咁大聲，可能佢哋都攰喇。不過，我無興趣畀時間佢哋唞。
一大段山路之後，係樓梯。呢段時間大家都俾我chur爆咗，都係時候回一回氣，翻一翻後企隊尾，畀其他人帶下頭。係呢段時間，諗唔到大家回氣都回得幾快，而且步速都上返嚟。但係，見到佢哋要係咁用旁邊扶手柱借力上，樓梯，係咁跑咩？真係跑嘅話，梗係應該靠自己一級級捱上去，我只能話我不齒佢哋所為。
過咗和福道、僑福道之後，有個水站。呢個moment，我已經估到咩事；今次，我要「爆」喇。
0842：一個水站，兩次爆發
水站是一個讓跑手唞氣、補水、能量的地方，馬拉松嚟講，位置會比較窄長；不過呢次就霸晒成個門口用。然而，每一次第一個水站都會像嘉年華般，人山人海。
上年經驗，係暗斜落山，捱完香港仔水塘道嘅長命斜之後，有個水站。
我記得上年去到第一個水站，飲兩杯水，再加一杯能量飲品已經走得；佢哋幾個呢？又要攞麵包食，又要攞腸食。阿哥，比緊賽呀，唔係大食會呀。15公里使唔使食咁多呀？我淨係記得當時我選擇好無奈咁等，等到寂寞到夜深。時間一分一秒過去，佢哋一啖一啖咁食；嗰一下，我好無助。
今年，我唔想同一件事再發生。我絕對要走。
終於跑到水站，不出我小皮所料，契仔、高佬、保長三隻嘢果然又係到磨。我飲完我需要嘅三杯嘢之後，選擇爆發。
「肯走未呀？」我大聲到全場望住我，I don't give a damn on popularity，I only concern on myself．
「咁鬧隊友都有嘅?」「呢條友真係黐線噶。」「要走就走喇！唔好等喇。」「擺明係『豬隊友』累事。」一鬧，大聲到全場靜晒之後，一個二個係到做「塘邊鶴」議論紛紛。
「喂冷靜啲喇，有事慢慢商量。」保長嘅性格就係咁鍾意息事寧人，上次我會俾你說服。今次？A fucking NO。
「一句到尾，你係咪比緊賽？」雖然口講畀最後一次機會保長，但係我知佢唔會行架。
四個人，一輪靜默。
只見契仔同高佬企係保長後面，高佬低調地咬住塊麵包，契仔搣開舊橙畀高佬一齊食。兩個人低調地繼續進食。我知佢哋唔會跟我噶喇。走喇，小皮。
於是，我耷低頭，一路沿僑福道爆上去警察博物館。
我其實一路揸住用淺藍色手機殼包住嘅電話跑，唔使咩臂套之類嘅，其實你咪當係接力捧咁嘅物體囉。呢個時候，電話震咗一下。我打開望望：
「312揹水一戰 - 你已被群組移除」
0848：看見另一個我
熄翻電話mon之後，離遠見到上面有個人嬲爆爆咁企咗係度向後望：叉住腰，短褲摺咗上去，「揹水一戰」Tee 入面著住件 Puma 白色長袖 trainer。一睇個樣就知又係等緊 Teammate，於是我就明知故問：「等 teammate 呀？」
「係呀，我哋本來報咗四人學界爭標組，唔知點解變咗報體驗組。咁我就照跑喇，但係呢班人真係......」
「好似我咁離隊走喇。我叫小皮呀，你呢？」
「我叫 Alex。」
(待續)
請按此登錄後留言。未成為會員? 立即註冊