犯規的藝術 精選 推薦

《犯規的藝術》

曼城贏波嘅一大重點，係 the new signing - ”Dirty Rodri”
明明上半場韋斯咸同患得患失嘅曼城可以拉成均勢。前場壓逼、兩路高速侵襲，只可惜前場眾人唔能夠一馬平川咁殺入去禁區起腳。贏場面，輸數據。Why? Dirty Rodri.

Dirty Rodri 透過明顯、多、無所不用其極嘅非法攔截阻止韋斯咸推進。球證認為無問題，一張牌都冇。無成本高回報嘅結果，令佢非法攔截嘅程度、數量，一路上升。例如有一下辣落 Wheelchair 度，令其活力大減。透過 Dirty Rodri，億萬大軍曼城在中後場雖然場面轟烈，但前線球員幸好能成功運用戰術而賺得領先優勢 (而非球員個人能力，因為曼城本來淨係可以遠射，而 St. Fabianski 全部都成功解決)。

領先嘅哥迪奧拿捱到半場稍作喘息，落後嘅柏歷堅尼在半場卻沾沾自喜。哥迪奧拿手執一球，知道你哋會冒進，大可慢慢消弭對手意志、體力，從而 kill the game；柏歷堅尼卻自恃球隊有場面，就應該將場面變得更華麗，繼而以 Fornals 入替安豬。
智者重視結果，愚者重視場面。重視場面嘅愚者，已無結果、復失場面，最後顏面全無。

= = = = = = = = = = = = = = = = = = = = = =

喺香港，總有人蠢到以為上半場只落後強隊少少，都以為贏緊5比0，轉返舊有套路就會贏。大家應該送佢埋一二邊，再繼續作戰；唔識點贏，就唔好上場。

面對強隊，韋斯咸嘅必勝法門係先係上半場奠定優勢，再喺下半場用大量嘅犯規、黃牌去鞏固勝局 - 簡而言之就係「谷一球縮到尾」。谷唔到一球？縮到尾，靠反擊博亂，靠犯規破壞節奏。

踢茅波，係一個選擇，係一個值得嘉許、而非值得羞恥嘅選擇 - 因為佢可以導向勝利。既然本身場波已經有火藥味，用返更惡毒嘅招數回應對方，就算最後場波變成全武行，又有何干？
Winning is what matter most.

= = = = = = = = = = = = = = = = = = = = = =

犯規，是一個付出代價，但帶來利益嘅行為。律己而不犯規之因，乃人皆有「恥」。例子有大量：

1. 有人認為扮記者好爽。有恥者會批評其言行；無恥者會認為「假扮」係可行之策略。

2. 有人胡亂使用武器。有恥者認為動之不武；無恥者認為沒有不可用之手段。

3. 有人恣意妄為、胡亂施政。有恥者認為此非明君所為；無恥者認為個人能得利益，有何不可？

有恥者要贏無恥者，唯有「捨恥」一途。拋開束縛、放下枷鎖，做想做的事去解決對手。待勝利之後，再「拾恥」過活。
人要得到某些東西，就必須先把某些東西放下。

= = = = = = = = = = = = = = = = = = = = = =

英國有句諺語有句叫：An eye for an eye。今日有人被流浪狗爆眼，不過我相信香港人咁乖，一定唔會有流浪狗被爆眼、被摧殘四肢。

我當然反對暴力。我講緊韋斯咸應該點贏波之嘛。

- 我係東區人，寫在寄人籬下嘅晚上