呢場可謂施丹今季唯一嘅考驗，可惜pass唔到，不過公道啲，每次對華西都難踢架啦，睇咁多年，無論華西位於積分榜嘅前排定後排，皇馬主場定作客，都要踢餐死，好難全取3分
全場賽事及精華
排陣
皇馬派出大部分正選，以433出戰，陣形如下：
1
19-5-4-12
14
10-817-9-20
華西則以442迎戰，以Parejo、Kondogbia為中場中，及Guedes為左翼。
9猜到完上半場
受制於對方嘅442陣，皇馬一向嘅兩翼進攻無法正常運作，皆因華西防守時每邊都有一閘一翼，皇馬好少機會沉底，另外賓斯馬又時常墮後幫手組織，而阿申斯奧及華斯基斯又非搶點球員，所以皇馬幾乎冇進攻可言。但同時摩迪、卻奧斯、卡斯米路悉數上陣，所以得以保持控球。兩者加起黎等於高控球，低進攻，講白啲就係9猜，上半場得一次入肉嘅埋門（卻奧斯禁區邊遠射），悶到我冇睇下半場就訓覺，要睇重播
華西入局慢，Parejo、Kondogbia同後衛都有啲騰雞，傳失唔少波，有時後衛差啲送波畀皇馬，因此佢地反守為攻時都手忙腳亂，冇太大威脅，末段靠一次角球混亂中搵到入球，領先上半場
華西下半場如魚得水
帶著一球開始下半場，華西明顯踢得更加信心，傳波組織等都揮灑自如，防守亦能化險為夷，Parejo、Kondogbia亦攻亦守，發揮出色
皇馬則求勝心切，加強進攻：下半場明顯多左轉邊，務求令對手疲於奔命。要收效就要兩邊都夠人，包括閘要頻頻上前，結果進攻時暴露左兩閘後嘅空位，而華西則有Guedes同Rodrigo兩隻快馬，加上Parejo、Kondogbia畀唔少好波（佢地係冷靜型嘅中場中），造就唔少有威脅嘅反擊。講係咁講，佢地嘅入球都唔係反擊直接造成
復仇者Parejo
Parejo下半場表現出色，分波防守擔擔定，不亞於摩迪卻奧斯，並交出一記助攻，奠定勝局。佢出自皇馬青訓，同De La Red同期，但不為皇馬所用，踢過基達菲，然後去左華西。呢條友咁多年黎，無論作客定主場，己隊嘅近況係好定壞，都唔會畀皇馬好過，一係入波，一係助攻，彷彿每次都要話畀皇馬知走左寶
球員點評
拿華斯：第1球我覺得佢可以做好啲，一直以黎佢嘅位企位都唔係最好，第1球由近柱入，慢鏡睇返，前面拉莫斯已經封左遠柱位，拿華斯理應靠近近柱。龍黎講，佢唔算太高，所以要靠企位補救，今次失近柱波，應負上大部分責任
Odriozola：表現出色，尤其是下半場，因為華西下半場反擊多左，而且兩翼速度快，但Odriozola一啲都唔輸蝕，華西左邊嘅反擊完全冇甜頭。另外華斯基斯表現差，Odriozola要兼顧攻擊，則使受制對方嘅442防守陣，佢都可以利用自己嘅速度，沉底傳中，皇馬少有嘅傳中好多都係出自佢，
華拉尼：表現一般，唔搶眼
拉莫斯：表現不俗，由於下半場兩閘頻頻上前，所以對方反擊機會增多，當馬些路仲喺前面嗰陣，拉莫斯都能壓掣對方嘅反擊
馬些路：表現不俗，作客華西都踢到好似主場咁，腳法、假身、護球都好妥善，可惜受制對方嘅442陣，進攻上難免失色，少機會交出有威脅嘅傳中
卡斯米路：唔太搶鏡，感覺好似同平時一樣，落腳截波都好準，亦不時參與分波派牌
摩迪：都係唔太搶鏡，同平時一樣
卻奧斯：都係唔太搶鏡，平時轉邊嘅長傳派唔上用場。上半場皇馬最有威脅嘅射門係出自於佢嘅禁區邊遠射
華斯基斯：表現差，失好多波，包括傳失/扭失，攻守都冇乜建樹。不過呢場係佢傷癒後第二次出場，第一次正選，而且作客，難免不在狀態
賓斯馬：同平時一樣，不過今場墮後參與組織令己隊冇人喺危險地帶。雖然最後取得入球，但無助挽回局勢
阿申斯奧：隱形，結果64分鐘就被換走
伊斯高：64分鐘換入，時間係有，但冇乜大作為
巴利：同伊斯高同樣情況
Mariano：時間少，其實可以早啲換佢，禁區就可以多個人搶點
全場賽事及精華
排陣
皇馬派出大部分正選，以433出戰，陣形如下：
1
19-5-4-12
14
10-817-9-20
華西則以442迎戰，以Parejo、Kondogbia為中場中，及Guedes為左翼。
9猜到完上半場
受制於對方嘅442陣，皇馬一向嘅兩翼進攻無法正常運作，皆因華西防守時每邊都有一閘一翼，皇馬好少機會沉底，另外賓斯馬又時常墮後幫手組織，而阿申斯奧及華斯基斯又非搶點球員，所以皇馬幾乎冇進攻可言。但同時摩迪、卻奧斯、卡斯米路悉數上陣，所以得以保持控球。兩者加起黎等於高控球，低進攻，講白啲就係9猜，上半場得一次入肉嘅埋門（卻奧斯禁區邊遠射），悶到我冇睇下半場就訓覺，要睇重播
華西入局慢，Parejo、Kondogbia同後衛都有啲騰雞，傳失唔少波，有時後衛差啲送波畀皇馬，因此佢地反守為攻時都手忙腳亂，冇太大威脅，末段靠一次角球混亂中搵到入球，領先上半場
華西下半場如魚得水
帶著一球開始下半場，華西明顯踢得更加信心，傳波組織等都揮灑自如，防守亦能化險為夷，Parejo、Kondogbia亦攻亦守，發揮出色
皇馬則求勝心切，加強進攻：下半場明顯多左轉邊，務求令對手疲於奔命。要收效就要兩邊都夠人，包括閘要頻頻上前，結果進攻時暴露左兩閘後嘅空位，而華西則有Guedes同Rodrigo兩隻快馬，加上Parejo、Kondogbia畀唔少好波（佢地係冷靜型嘅中場中），造就唔少有威脅嘅反擊。講係咁講，佢地嘅入球都唔係反擊直接造成
復仇者Parejo
Parejo下半場表現出色，分波防守擔擔定，不亞於摩迪卻奧斯，並交出一記助攻，奠定勝局。佢出自皇馬青訓，同De La Red同期，但不為皇馬所用，踢過基達菲，然後去左華西。呢條友咁多年黎，無論作客定主場，己隊嘅近況係好定壞，都唔會畀皇馬好過，一係入波，一係助攻，彷彿每次都要話畀皇馬知走左寶
球員點評
拿華斯：第1球我覺得佢可以做好啲，一直以黎佢嘅位企位都唔係最好，第1球由近柱入，慢鏡睇返，前面拉莫斯已經封左遠柱位，拿華斯理應靠近近柱。龍黎講，佢唔算太高，所以要靠企位補救，今次失近柱波，應負上大部分責任
Odriozola：表現出色，尤其是下半場，因為華西下半場反擊多左，而且兩翼速度快，但Odriozola一啲都唔輸蝕，華西左邊嘅反擊完全冇甜頭。另外華斯基斯表現差，Odriozola要兼顧攻擊，則使受制對方嘅442防守陣，佢都可以利用自己嘅速度，沉底傳中，皇馬少有嘅傳中好多都係出自佢，
華拉尼：表現一般，唔搶眼
拉莫斯：表現不俗，由於下半場兩閘頻頻上前，所以對方反擊機會增多，當馬些路仲喺前面嗰陣，拉莫斯都能壓掣對方嘅反擊
馬些路：表現不俗，作客華西都踢到好似主場咁，腳法、假身、護球都好妥善，可惜受制對方嘅442陣，進攻上難免失色，少機會交出有威脅嘅傳中
卡斯米路：唔太搶鏡，感覺好似同平時一樣，落腳截波都好準，亦不時參與分波派牌
摩迪：都係唔太搶鏡，同平時一樣
卻奧斯：都係唔太搶鏡，平時轉邊嘅長傳派唔上用場。上半場皇馬最有威脅嘅射門係出自於佢嘅禁區邊遠射
華斯基斯：表現差，失好多波，包括傳失/扭失，攻守都冇乜建樹。不過呢場係佢傷癒後第二次出場，第一次正選，而且作客，難免不在狀態
賓斯馬：同平時一樣，不過今場墮後參與組織令己隊冇人喺危險地帶。雖然最後取得入球，但無助挽回局勢
阿申斯奧：隱形，結果64分鐘就被換走
伊斯高：64分鐘換入，時間係有，但冇乜大作為
巴利：同伊斯高同樣情況
Mariano：時間少，其實可以早啲換佢，禁區就可以多個人搶點
請按此登錄後留言。未成為會員? 立即註冊