皇馬唔洗擔心下季歐冠資格，侯爾斯卡穩坐榜尾等降班，一場冇乜意義嘅球賽仲要喺西時間播放，有咩好睇呢？其實冇乜，不過冇計，球迷就係連汁都要撈埋，等我分析下，好讓讀者了解皇馬多啲，冇睇場波都可以緊貼球隊動向
全場賽事及精華
排陣
國際賽後，幾位主力休息，輪到一批副選球員上陣。皇馬排出433陣式，比較生面口嘅有30號嘅門將盧卡（施丹個仔），因為高圖斯未完全復原，拿華斯則獲休息機會；同樣少見嘅仲有21號嘅brahim diaz，1月加盟，受惠於主力休息，得以首發出場。正選排陣如下：
30
19-6-4-12
18
24-22
11-9-21
對面則以532迎戰，以守為主
皇馬中場斷層
話就話係433，但實際皇馬進攻時更似41023，即中場嘅3變成1-0-2，防中同另外兩名中場斷開左咁，原因係馬高斯墮得好後（後過出場機會較多嘅卡斯米路）；伊斯高同施巴路斯都係傾向上前進攻嘅球員，build up時中場前後分開左，呢個相信係球員性質嘅問題，而非施丹刻意安排
由於有個無形嘅0喺中場線，加上對面防守時3中場平排，變相皇馬嘅0由對面嘅3填上，導致皇馬進攻時好唔流暢，冇人派牌，好多畫面見到球員頭”惡惡”搵人傳波，球員控球時間亦增加
伊斯高同施巴路斯都頻頻上前，所以個波去到三閘線時有好多皇馬球員，再以賓斯馬為中心，多左小組撞牆，同以往兩邊出波為主唔同。話雖如此，皇馬第2、3球都係由兩邊斬波入禁區所起
由於中場斷層，難免失波較多，對方唔少機會係因為皇馬build up失誤所致，情況上半場較明顯，下半場有些許改善
睇晒全場未見施丹有咩戰術調動，所以球賽嘅分析大致係咁。或者今次focus喺球員點評度啦
球員點評盧卡：冇乜太大考驗，失兩球波都冇乜可以做，不過第2球我覺得拿華斯可能反應得切。另外有次對方斬波入禁區，佢接波時稍為受阻，但接實後第一時間大腳去前場左邊，直達brahim腳下，當時真係心諗：呢個真係施丹個仔
Odriozola：表現唔錯，右邊嘅進攻好有建樹，有一兩次嘅前場截波，幫球隊反守為攻；防守上都唔見有犯錯
拿祖：表現好差，失第1球嘅責任真係應該歸佢，佢畀左波過，就唔應該畀人過，要知道佢係中堅，畀人過左理論上就得返個龍，佢唔應該當後面有人幫佢執手尾，所以失第1球無論如何都應該拉跌對手。防守時都成日失位，見到馬高斯成日出現係中堅位置補佢位，有一兩球禁區內解圍睇慢鏡先知係馬高斯，而嗰個位置應該係拿祖先啱。最後幾分鐘有一個反擊機會，佢帶波入到對方右邊禁區，入面有3個人畀，佢選擇自己射，仲要射得好差，真係爆左粗
拉莫斯：表現一般，冇乜太大考驗，亦冇明顯犯錯
馬些路：表現冇平時咁顯眼，不過第3球嘅助攻應該歸佢
馬高斯：表現出色，助攻助守，冇摩迪卻奧斯，佢包埋派牌角色，有唔少片段見到則使佢搵唔到人畀波，佢都可以盤球、護波，呢點已非一般純防中做得到。防守都清、截唔少波，又幫手包位，不過身體對抗性偏低，有時爭頂見佢畀人bell開左；另外閱場能力可以改善，build up時企位好啲有好大幫助，可能呢點就係佢同卡斯米路嘅主要分別
施巴路斯：表現一般，全場冇乜犯錯，亦冇乜建樹，同伊斯高嘅作用大致重疊，二人都鍾意上前，但係兩個都應該幫手build up、派牌，不過理論還理論，如果唔係佢上前入禁區，就冇第2球，嗰球仲要係第一次反先嘅入球，你唔會想像到摩迪卻奧斯會入呢球，所以先話施巴路斯同伊斯高作用差唔多
伊斯高：表現一般，較施巴路斯差，狀態仲未回復，有一次就咁推波都推甩，伊斯高喎，有乜理由？不過佢都取得入球
巴利：隱形，我覺得關中場事，皇馬今場組織麻麻，所以佢冇乜波踢，另外可能係踢國際賽嘅疲態。有球罰球射到離行離迾，C朗都至少省人牆啦，真係超級大傻仔；仲有球門前射失，如果皇馬最終失分，啲人實怪晒佢；不過唔好忽視嘅係，第2、3球都係佢傳波入禁區造成，用腳面片入去，好鬼靚，直接到自己友，而非亂斬搏混亂，如果入球/助攻球員有功勞，巴利都應記一功，不過我估球迷嘅評分應該會畀好低分佢
賓斯馬：表現出色，一如以往，進攻上樣樣都有牽涉，並取得一入球一助攻，入嗰球好靚，仲要係致勝入球。有啲細節值得留意：第1球佢首先爭贏個波，嗰一刻brahim喺左邊，其實可以直接分過去，但佢冇，佢再帶一輪先傳，開頭就咁睇覺得冇乜野，但之後有reverse angle嘅重播，見到佢爭贏波之後，對面嘅防守球員已經有所準備：身向brahim嗰邊往後退。如果賓斯馬嗰一刻即傳，好可能被載，就無法造成及後嘅入球，片段顯示該防守球員失算後追返賓斯馬，此時賓斯馬先分波過去，形成最好嘅效果，可見佢嘅反應及判斷相當不得了，賓斯馬一向唔係多產嘅中鋒，但係佢嘅質素並非等閒
Brahim：表現唔錯，第一次正選一啲都唔懾場，踢得好成熟，完全唔似年輕/新球員，好似好自然咁融入左球隊咁。當然有失波，不過亦交出一記助攻。之前睇youtube精華知佢雙槍，今場真係見識到，但我都係唔知佢慣用腳係左定右
3個換入球員：出場時間唔多，冇乜深刻印像
全場賽事及精華
排陣
國際賽後，幾位主力休息，輪到一批副選球員上陣。皇馬排出433陣式，比較生面口嘅有30號嘅門將盧卡（施丹個仔），因為高圖斯未完全復原，拿華斯則獲休息機會；同樣少見嘅仲有21號嘅brahim diaz，1月加盟，受惠於主力休息，得以首發出場。正選排陣如下：
30
19-6-4-12
18
24-22
11-9-21
對面則以532迎戰，以守為主
皇馬中場斷層
話就話係433，但實際皇馬進攻時更似41023，即中場嘅3變成1-0-2，防中同另外兩名中場斷開左咁，原因係馬高斯墮得好後（後過出場機會較多嘅卡斯米路）；伊斯高同施巴路斯都係傾向上前進攻嘅球員，build up時中場前後分開左，呢個相信係球員性質嘅問題，而非施丹刻意安排
由於有個無形嘅0喺中場線，加上對面防守時3中場平排，變相皇馬嘅0由對面嘅3填上，導致皇馬進攻時好唔流暢，冇人派牌，好多畫面見到球員頭”惡惡”搵人傳波，球員控球時間亦增加
伊斯高同施巴路斯都頻頻上前，所以個波去到三閘線時有好多皇馬球員，再以賓斯馬為中心，多左小組撞牆，同以往兩邊出波為主唔同。話雖如此，皇馬第2、3球都係由兩邊斬波入禁區所起
由於中場斷層，難免失波較多，對方唔少機會係因為皇馬build up失誤所致，情況上半場較明顯，下半場有些許改善
睇晒全場未見施丹有咩戰術調動，所以球賽嘅分析大致係咁。或者今次focus喺球員點評度啦
球員點評盧卡：冇乜太大考驗，失兩球波都冇乜可以做，不過第2球我覺得拿華斯可能反應得切。另外有次對方斬波入禁區，佢接波時稍為受阻，但接實後第一時間大腳去前場左邊，直達brahim腳下，當時真係心諗：呢個真係施丹個仔
Odriozola：表現唔錯，右邊嘅進攻好有建樹，有一兩次嘅前場截波，幫球隊反守為攻；防守上都唔見有犯錯
拿祖：表現好差，失第1球嘅責任真係應該歸佢，佢畀左波過，就唔應該畀人過，要知道佢係中堅，畀人過左理論上就得返個龍，佢唔應該當後面有人幫佢執手尾，所以失第1球無論如何都應該拉跌對手。防守時都成日失位，見到馬高斯成日出現係中堅位置補佢位，有一兩球禁區內解圍睇慢鏡先知係馬高斯，而嗰個位置應該係拿祖先啱。最後幾分鐘有一個反擊機會，佢帶波入到對方右邊禁區，入面有3個人畀，佢選擇自己射，仲要射得好差，真係爆左粗
拉莫斯：表現一般，冇乜太大考驗，亦冇明顯犯錯
馬些路：表現冇平時咁顯眼，不過第3球嘅助攻應該歸佢
馬高斯：表現出色，助攻助守，冇摩迪卻奧斯，佢包埋派牌角色，有唔少片段見到則使佢搵唔到人畀波，佢都可以盤球、護波，呢點已非一般純防中做得到。防守都清、截唔少波，又幫手包位，不過身體對抗性偏低，有時爭頂見佢畀人bell開左；另外閱場能力可以改善，build up時企位好啲有好大幫助，可能呢點就係佢同卡斯米路嘅主要分別
施巴路斯：表現一般，全場冇乜犯錯，亦冇乜建樹，同伊斯高嘅作用大致重疊，二人都鍾意上前，但係兩個都應該幫手build up、派牌，不過理論還理論，如果唔係佢上前入禁區，就冇第2球，嗰球仲要係第一次反先嘅入球，你唔會想像到摩迪卻奧斯會入呢球，所以先話施巴路斯同伊斯高作用差唔多
伊斯高：表現一般，較施巴路斯差，狀態仲未回復，有一次就咁推波都推甩，伊斯高喎，有乜理由？不過佢都取得入球
巴利：隱形，我覺得關中場事，皇馬今場組織麻麻，所以佢冇乜波踢，另外可能係踢國際賽嘅疲態。有球罰球射到離行離迾，C朗都至少省人牆啦，真係超級大傻仔；仲有球門前射失，如果皇馬最終失分，啲人實怪晒佢；不過唔好忽視嘅係，第2、3球都係佢傳波入禁區造成，用腳面片入去，好鬼靚，直接到自己友，而非亂斬搏混亂，如果入球/助攻球員有功勞，巴利都應記一功，不過我估球迷嘅評分應該會畀好低分佢
賓斯馬：表現出色，一如以往，進攻上樣樣都有牽涉，並取得一入球一助攻，入嗰球好靚，仲要係致勝入球。有啲細節值得留意：第1球佢首先爭贏個波，嗰一刻brahim喺左邊，其實可以直接分過去，但佢冇，佢再帶一輪先傳，開頭就咁睇覺得冇乜野，但之後有reverse angle嘅重播，見到佢爭贏波之後，對面嘅防守球員已經有所準備：身向brahim嗰邊往後退。如果賓斯馬嗰一刻即傳，好可能被載，就無法造成及後嘅入球，片段顯示該防守球員失算後追返賓斯馬，此時賓斯馬先分波過去，形成最好嘅效果，可見佢嘅反應及判斷相當不得了，賓斯馬一向唔係多產嘅中鋒，但係佢嘅質素並非等閒
Brahim：表現唔錯，第一次正選一啲都唔懾場，踢得好成熟，完全唔似年輕/新球員，好似好自然咁融入左球隊咁。當然有失波，不過亦交出一記助攻。之前睇youtube精華知佢雙槍，今場真係見識到，但我都係唔知佢慣用腳係左定右
3個換入球員：出場時間唔多，冇乜深刻印像
請按此登錄後留言。未成為會員? 立即註冊