試談曼聯對巴塞

Hala Madrid 於 11/04/2019 發表 收藏文章
眼見8強抽簽曼聯(曼)對巴塞(巴),當堂嚇左一跳,以為係戲碼,睇完之後得啖笑,無論戰術嘅執行、臨場嘅調動、球員嘅狀態等均與大戰條件不符,曼稍高一點,心思可見

全場賽事及精華

一般的套路,非一般的微調
無可口非,世上冇咩邊隊可以同巴搶控球,包括曼,所以大多數都會放棄,泊巴士應對,曼開局亦然,有段時間持球百分比不足30%,不過問題不大

看似泊巴士,曼其實加左些許嘅調味:Rashford,Lukaku不必參與防守任務,專注反擊。曼防守時,可見二人較多喺波嘅前面,曼搶回控球後就快速將波送前,利用Rashford嘅速度及Lukaku嘅體型爭波,兩者類形不同,所引起嘅效果卻不俗,總算如願

泊巴士需要球員高度嘅專注,更何況對巴呢?一次失誤足以致命:Young包越位(仲要包唔少),畀機會美斯入鍥,造就入球。但整體曼尚算唔錯,巴鮮有機會,得個猜字,冇乜入肉嘅進攻或組織

到喉唔到肺的Plan B
睇完A片要做咩?答:睇B片。如果上述係Plan A,曼下半場則實行Plan B。對巴基本上可以預料會失波,重點係Plan B如何取得入球。下半場可見曼不再泊巴士,防守更進取,搶回唔少控球,球員踢得較自信,以搶波後分邊、再斬入禁區為主,可惜傳中質素低,威脅不大。雖然Plan B令下半場局勢打成50/50,甚至令己隊佔上風,但無法創造埋門機會,更遑論打破彊局

傳中差與球員狀態/能力有關,呢點仲出現喺其他方面,令Plan B失望而回,包括Rashford狀態低下,有次面對Semedo單對單唔敢突破,有次無人看管下浪費射門機會,罰球亦低質;另外Pogba亦發揮唔到創造力,踢足90分鐘唔見有太大貢獻;Lukaku則不過不失。

為何點名批評佢地呢?因為Plan B係先搶波,後入波。有賴Fred,Smalling,Luke Shaw等人,曼其實真係搶唔少波、轉守為攻,之後就應該交畀進攻球員完成Plan B入球嘅責任,唯Rashford,Pogba及Lukaku表現均未如理想

無效的換人
Solskjaer嘅換人冇乜作用,上陣嘅球員都冇乜貢獻,我甚至認為Martial應該換Rashford,而非Lukaku,因為曼終究以斬波入禁區為主,照理應保留高大嘅中鋒,而且Rashford狀態低、Lukaku較好,加上我認為Martial與Rashford同屬高速型,下半場又非以反擊為主,呢個換人值得斟酌

另一邊箱巴嘅換人亦唔算湊效,換入嘅Vidal更秒速拎黃牌,主帥都”令”晒頭

9猜的巴
上文好少提及巴,因為巴真係冇乜睇頭,長時間控球但無乜成脅,有幾次甚至後場失波;上下半場唔見有戰術嘅變動;出場(正選及換入)球員亦唔搶鏡,包括美斯


睇完全場真係唔覺係大戰,不過作為皇迷,敵人嘅敵人就係朋友,魚拉突,啪啪啪,幫手淘汰巴呀唔該
標籤: 曼聯  巴塞  

留言


請按此登錄後留言。未成為會員? 立即註冊
  • Markmarkmark 於 11/04/2019 評論 NO. 1

    on9廢文!

  • 黃霖鏗 於 11/04/2019 評論 NO. 2

    成篇冇野中point

快捷鍵:←
快捷鍵:→