【 忍住唔出？大丈夫！ 】
又係歐聯八強首回合賽事，今次想講嘅係車路士對皇馬賽事當中倒戈嘅古圖斯，佢喺比賽中段做出一個非常精彩嘅撲救，而呢下亦都係一個好好嘅示範，究竟幾時應該褪後去爭加成功撲救遠射嘅機會。
比賽去到50分鐘，當時皇馬已經以 3:1 領先當中。佐真奴喺中場傳畀企喺娥眉月頂嘅夏維斯，佢轉身扭過米列達奧之後嘗試射門，但被卡華查擋返出去禁區頂畀車路士隊長艾斯比列古達。
艾斯比列古達控橫之後準備遠射，當古圖斯見到艾斯比列古達呢一腳，由於前面有多位球員嘅身影遮擋視線，佢有機會好遲（例如要過曬啲球員）先會睇得清楚個波，再加上艾斯比列古達用上腳內檔推橫個波，表示有較大機會射門會彎向遠柱，所以古圖斯瞬速向後褪兩步為自己爭取反應時間之餘，同時避免因企得太前而被外彎射門彎過。
相反如果比著一位無耐性抵受唔住誘惑嘅門將，絕對有機會見到艾斯比列古達推橫個勢而被吸引去嘗試踏前幾步，以為咁樣可以封到位。但其實當門將距離個波咁遠封唔到啲咩角度之餘，二來大大減少自己反應嘅時間，如果射埋去人群堆好大機會反應唔切，三來有可能因為企前咗而被對手嘅外彎射門剛剛好彎過自己隻手。
最後艾斯比列古達衝力射球射向遠柱死角，雖然唔係一球外彎射門，但古圖斯正正可以把握爭取到嘅額外反應時間橫移兩步收窄撲救嘅距離，最後以左腳 Power Step 起跳，加埋用上令佢可以撲得更高嘅 Top Hand 將射門托出底線，癲呀！
又係歐聯八強首回合賽事，今次想講嘅係車路士對皇馬賽事當中倒戈嘅古圖斯，佢喺比賽中段做出一個非常精彩嘅撲救，而呢下亦都係一個好好嘅示範，究竟幾時應該褪後去爭加成功撲救遠射嘅機會。
比賽去到50分鐘，當時皇馬已經以 3:1 領先當中。佐真奴喺中場傳畀企喺娥眉月頂嘅夏維斯，佢轉身扭過米列達奧之後嘗試射門，但被卡華查擋返出去禁區頂畀車路士隊長艾斯比列古達。
艾斯比列古達控橫之後準備遠射，當古圖斯見到艾斯比列古達呢一腳，由於前面有多位球員嘅身影遮擋視線，佢有機會好遲（例如要過曬啲球員）先會睇得清楚個波，再加上艾斯比列古達用上腳內檔推橫個波，表示有較大機會射門會彎向遠柱，所以古圖斯瞬速向後褪兩步為自己爭取反應時間之餘，同時避免因企得太前而被外彎射門彎過。
相反如果比著一位無耐性抵受唔住誘惑嘅門將，絕對有機會見到艾斯比列古達推橫個勢而被吸引去嘗試踏前幾步，以為咁樣可以封到位。但其實當門將距離個波咁遠封唔到啲咩角度之餘，二來大大減少自己反應嘅時間，如果射埋去人群堆好大機會反應唔切，三來有可能因為企前咗而被對手嘅外彎射門剛剛好彎過自己隻手。
最後艾斯比列古達衝力射球射向遠柱死角，雖然唔係一球外彎射門，但古圖斯正正可以把握爭取到嘅額外反應時間橫移兩步收窄撲救嘅距離，最後以左腳 Power Step 起跳，加埋用上令佢可以撲得更高嘅 Top Hand 將射門托出底線，癲呀！
請按此登錄後留言。未成為會員? 立即註冊