【 令球隊由盡失三分變守住一分的藍斯度 】
英超第三十週賽事，利物浦主場同阿仙奴打成 2：2 平手。淨係睇賽果固然對阿仙奴爭標唔多理想，但如果唔係藍斯度 Aaron Ramsdale 多番精彩嘅撲救，阿仙奴隨時連一分都拎唔走，今次就一於講下大家都一定估到會講嘅沙拿 Mo Salah 嗰球遠柱死角射門。
－－－－
當時比賽已經去到下半場補時階段，利物浦接連不斷嘅攻勢搞到阿仙奴有氣無掟抖。阿歷山大阿諾 Trent Alexander-Arnold 喺禁區外中路傳畀位於禁區內嘅沙拿。
沙拿當時面對住加比爾 Gabriel Magalhaes，相信全世界都知沙拿想點，就係望住個遠柱嚟射。而明顯藍斯度都一早估到沙拿嘅意圖，所以佢喺沙拿起腳一刻做出嘅小跳步本身並唔係向上而係向自己右手邊。
加比爾嘗試阻擋沙拿射門而做出 K 腳姿勢半跪低，點知個波只係輕輕省中加比爾嘅身體改變咗少少拋物線，射門仍然向住龍門方向飛。但守開龍嘅朋友都知，即使係改變咗少少方向，本身你嘅身體已經準備好轉好重心，要突然調整絕對唔容易，更何況已經去到比賽最後幾分鐘要繼續保持高度集中力，唔係咁易㗎葉師傅。
不過呢球藍斯度就係做到比你睇，佢做完小跳步之後，左腳先落地令重心傾右，右腳再落地但並唔係立即做出 Power Step 起跳飛撲，而係再做多一下橫移併步向右手邊收窄飛撲距離，先至再用右腳做 Power Step 起跳，從呢幾下咁_快嘅步法就睇得出藍斯度絕對無小兒麻痺。
然後睇埋上半身，睇到本身藍斯度已經半伸出左手想用 Top Hand 去救，但最後關頭都係遞返隻右手 Bottom Hand 去托出呢球射門，估計同個波嘅拋物線改變有關，令到個波比起佢預期中無咁高，轉用 Bottom Hand 向上托走個波，自然可以利用埋個波向下嘅地心吸力製造更大嘅反作用力撲得更高更遠。
最後當然藍斯度成功將沙拿嘅射門托出底線，最後仲救埋干拿迪 Ibou Konate 超近距離射門，守到最後成功保住一分。
－－－－
呢一切一切，全賴藍斯度夠集中加上步法訓練明顯非常充足。首先要觀察個波被改變方向令身體作出相對調整，另外喺有充份嘅時間下，原地 Power Step 起跳由於需要嘅力量同時間上比起移多一步再飛撲一定會輸蝕少少，所以橫移併步呢一個決定，以及最後轉數夠快轉手飛撲都絕對值得一讚。
當然，都可以話藍斯度喺小跳步嘅時候係有少少捉路嘅行為，因為佢預先跳向自己右手邊，如果沙拿真係射返近柱其實佢都應該九死一生。不過事實計返過往嘅事實，沙拿企得呢個位就曬隻左腳，確係射遠柱嘅機會大好多，有少少捉路嘅情況亦都可以話係無可厚非。
P.S. 其實加比爾唔亂咁出腳，只係做出 K 腳姿勢去擋其實都係一個好決定。因為如果作為守衛喺呢個大家都企定定嘅情況下亂咁遞隻腳出嚟，被通坑渠或者你遞腳嘅動作只會令守門員更加遲睇到個波。
反而好好地準備阻擋嘅姿勢，守住本身企嘅位置，其餘就相信你身後嘅守門員會夠集中地望實個波做反應，咁就自然可以做出一個更加有效嘅防守。
英超第三十週賽事，利物浦主場同阿仙奴打成 2：2 平手。淨係睇賽果固然對阿仙奴爭標唔多理想，但如果唔係藍斯度 Aaron Ramsdale 多番精彩嘅撲救，阿仙奴隨時連一分都拎唔走，今次就一於講下大家都一定估到會講嘅沙拿 Mo Salah 嗰球遠柱死角射門。
－－－－
當時比賽已經去到下半場補時階段，利物浦接連不斷嘅攻勢搞到阿仙奴有氣無掟抖。阿歷山大阿諾 Trent Alexander-Arnold 喺禁區外中路傳畀位於禁區內嘅沙拿。
沙拿當時面對住加比爾 Gabriel Magalhaes，相信全世界都知沙拿想點，就係望住個遠柱嚟射。而明顯藍斯度都一早估到沙拿嘅意圖，所以佢喺沙拿起腳一刻做出嘅小跳步本身並唔係向上而係向自己右手邊。
加比爾嘗試阻擋沙拿射門而做出 K 腳姿勢半跪低，點知個波只係輕輕省中加比爾嘅身體改變咗少少拋物線，射門仍然向住龍門方向飛。但守開龍嘅朋友都知，即使係改變咗少少方向，本身你嘅身體已經準備好轉好重心，要突然調整絕對唔容易，更何況已經去到比賽最後幾分鐘要繼續保持高度集中力，唔係咁易㗎葉師傅。
不過呢球藍斯度就係做到比你睇，佢做完小跳步之後，左腳先落地令重心傾右，右腳再落地但並唔係立即做出 Power Step 起跳飛撲，而係再做多一下橫移併步向右手邊收窄飛撲距離，先至再用右腳做 Power Step 起跳，從呢幾下咁_快嘅步法就睇得出藍斯度絕對無小兒麻痺。
然後睇埋上半身，睇到本身藍斯度已經半伸出左手想用 Top Hand 去救，但最後關頭都係遞返隻右手 Bottom Hand 去托出呢球射門，估計同個波嘅拋物線改變有關，令到個波比起佢預期中無咁高，轉用 Bottom Hand 向上托走個波，自然可以利用埋個波向下嘅地心吸力製造更大嘅反作用力撲得更高更遠。
最後當然藍斯度成功將沙拿嘅射門托出底線，最後仲救埋干拿迪 Ibou Konate 超近距離射門，守到最後成功保住一分。
－－－－
呢一切一切，全賴藍斯度夠集中加上步法訓練明顯非常充足。首先要觀察個波被改變方向令身體作出相對調整，另外喺有充份嘅時間下，原地 Power Step 起跳由於需要嘅力量同時間上比起移多一步再飛撲一定會輸蝕少少，所以橫移併步呢一個決定，以及最後轉數夠快轉手飛撲都絕對值得一讚。
當然，都可以話藍斯度喺小跳步嘅時候係有少少捉路嘅行為，因為佢預先跳向自己右手邊，如果沙拿真係射返近柱其實佢都應該九死一生。不過事實計返過往嘅事實，沙拿企得呢個位就曬隻左腳，確係射遠柱嘅機會大好多，有少少捉路嘅情況亦都可以話係無可厚非。
P.S. 其實加比爾唔亂咁出腳，只係做出 K 腳姿勢去擋其實都係一個好決定。因為如果作為守衛喺呢個大家都企定定嘅情況下亂咁遞隻腳出嚟，被通坑渠或者你遞腳嘅動作只會令守門員更加遲睇到個波。
反而好好地準備阻擋嘅姿勢，守住本身企嘅位置，其餘就相信你身後嘅守門員會夠集中地望實個波做反應，咁就自然可以做出一個更加有效嘅防守。
請按此登錄後留言。未成為會員? 立即註冊