【 世界盃前守門員雞精班 】
世界盃今晚就正式開始，相信會有唔少唔係太熟足球嘅朋友都會留意。就算唔係好識睇波嘅人，相信要佢地直觀地評論一個前鋒勁唔勁比起一個守門員係相對容易，因為可能對佢地嚟講入到波就係好前鋒。
而本身了解守門員呢個位置嘅朋友已經唔多，再加上現今世代對門將嘅要求更高更闊，應該從咩角度入手去得知每位守門員嘅能力係如何，適唔適合自己嘅球隊呢？
門將分析師 Aidan Reagh 就襯世界盃開波前寫咗一篇「A Beginner's Guide to Scouting Goalkeepers」文章，同大家簡短地解釋一下，球探究竟會用咩角度去分析每位門將嘅能力高低。等大家都可以嘗試跟呢方式入面嘅四個範籌，喺睇世界盃嘅時候，用另一個角度去得知各隊門將嘅表現如何。
－－－－
。 撲救
除咗位置、反應，手法以及球賽發展，每一個撲球都有七個宗旨：
1. 最佳嘅位置以及同個波嘅距離
2. 身體平衡
3. 喺射門前已準備好
4. 正確的準備動作5. 主動迎波
6. 勇敢
7. 適中而受控的集中
成日聽人講「呢球波射埋個龍門到啫，有幾難救呀？」，淨係批評前鋒處理得差，但又有無諗過其實前鋒已經處理得唔錯，只係守門員企啱位，令到呢球睇落「好易救」呢？
－－－－
。 傳球
荷蘭國家隊守門員教練 Frans Hoek 指出，守門員已經唔止係一個要識救波嘅 Goalkeeper，而係一個 Goalplayer。因為除咗成功球隊防守嘅最後一關，仲要成為球隊進攻嘅第一關，由後場開始組識嘅能力不可或缺。
守門員有球在腳嘅時候其實同一位中場球員無分別，都要有預先知道隊友嘅位置甚至走動，將個波交畀最適合繼續保持控球權或者進攻嘅隊友。所以守門員控傳之前，先要有閱讀球賽嘅能力，先有條件做到好嘅控傳。
睇完隊友位置，第一球控去邊較為佔優？控好之後，傳畀隊友嘅波容唔容易控制甚至對進攻有無利？會唔會交到人前波後？定係可以斬落空位畀隊友向前追？除咗大大力向前踢，仲有無能力例如使用 Side Volley 踢出又快又準又易控嘅波？
簡單嚟講，就係守門員嘅準備動作以及傳出去嘅波究竟有無效？
－－－－
。出迎
高位防守逼搶打法，令防線推前下，守門員需要防守嘅空間變得更加大。防患未然，守門員夠唔夠膽離開自己嘅 Comfort Zone ，同時清唔清楚自己衝刺嘅速度，喺對手傳中或者傳出直線球嘅出迎阻截對方射門甚至單刀嘅機會？
高空傳中，距離會唔會太遠不利出迎？能唔能夠喺最高點迎接個波？如果決定出迎，接實定打走好？打嘅話用雙手定單手？打去邊到會最安全？單刀，距離會唔會太遠，太快出嚟會唔會畀對手扭過或者笠死？入到去邊個位置就需要出迎？有無留意對手幾時推甩腳，把握機會出迎封位？夠唔夠勇敢望實個波，用最有效嘅身體姿勢去封窄射門角度？
少做少錯，唔做唔錯。唔出迎嘅門將自然永遠都唔會接傳中甩手，但肯主動出迎嘅門將自然可以令隊友更加放心，同時能夠保留體力唔使覆蓋更大嘅範圍。
－－－－
。其他能力
犯錯係無可避免，如果好彩可能無事，但守門員犯得錯多數都要承受失波嘅後果。咁係犯錯過後，守門員能唔能夠盡快將過程拋諸腦後，繼續集中踢好餘下落嚟嘅比賽？
會唔會太容易被氣氛、對手或者隊友影響，導致情緒失控？
即使個波唔係喺自己半場，有無繼續集中留意球賽嘅發展，迎接隨時出現嘅問題？
守門員有無不斷同隊友做出溝通甚至提醒，互補不足？
－－－－
以上提及嘅只係守門員職責嘅冰山一角，但希望喺世界盃前令大家更加快以及簡單了解守門員其實真係好 _ 忙好 _ 多嘢做，絕對唔係行行企企食飯幾味，企到夠鐘等收工嘅位置。其實，守門員隨時係成個球場入面最難擔任嘅一個位置。希望大家可以藉住世界盃呢個機會，除咗睇下場區球員嘅表現之外，可以多加留意企喺球隊最後面嘅呢位球隊守護神。
詳細內容
「Aidan Reagh - A Beginner's Guide to Scouting Goalkeepers」
https://www.aidanreagh.com/post/goalkeeper-scout-guide
世界盃今晚就正式開始，相信會有唔少唔係太熟足球嘅朋友都會留意。就算唔係好識睇波嘅人，相信要佢地直觀地評論一個前鋒勁唔勁比起一個守門員係相對容易，因為可能對佢地嚟講入到波就係好前鋒。
而本身了解守門員呢個位置嘅朋友已經唔多，再加上現今世代對門將嘅要求更高更闊，應該從咩角度入手去得知每位守門員嘅能力係如何，適唔適合自己嘅球隊呢？
門將分析師 Aidan Reagh 就襯世界盃開波前寫咗一篇「A Beginner's Guide to Scouting Goalkeepers」文章，同大家簡短地解釋一下，球探究竟會用咩角度去分析每位門將嘅能力高低。等大家都可以嘗試跟呢方式入面嘅四個範籌，喺睇世界盃嘅時候，用另一個角度去得知各隊門將嘅表現如何。
－－－－
。 撲救
除咗位置、反應，手法以及球賽發展，每一個撲球都有七個宗旨：
1. 最佳嘅位置以及同個波嘅距離
2. 身體平衡
3. 喺射門前已準備好
4. 正確的準備動作5. 主動迎波
6. 勇敢
7. 適中而受控的集中
成日聽人講「呢球波射埋個龍門到啫，有幾難救呀？」，淨係批評前鋒處理得差，但又有無諗過其實前鋒已經處理得唔錯，只係守門員企啱位，令到呢球睇落「好易救」呢？
－－－－
。 傳球
荷蘭國家隊守門員教練 Frans Hoek 指出，守門員已經唔止係一個要識救波嘅 Goalkeeper，而係一個 Goalplayer。因為除咗成功球隊防守嘅最後一關，仲要成為球隊進攻嘅第一關，由後場開始組識嘅能力不可或缺。
守門員有球在腳嘅時候其實同一位中場球員無分別，都要有預先知道隊友嘅位置甚至走動，將個波交畀最適合繼續保持控球權或者進攻嘅隊友。所以守門員控傳之前，先要有閱讀球賽嘅能力，先有條件做到好嘅控傳。
睇完隊友位置，第一球控去邊較為佔優？控好之後，傳畀隊友嘅波容唔容易控制甚至對進攻有無利？會唔會交到人前波後？定係可以斬落空位畀隊友向前追？除咗大大力向前踢，仲有無能力例如使用 Side Volley 踢出又快又準又易控嘅波？
簡單嚟講，就係守門員嘅準備動作以及傳出去嘅波究竟有無效？
－－－－
。出迎
高位防守逼搶打法，令防線推前下，守門員需要防守嘅空間變得更加大。防患未然，守門員夠唔夠膽離開自己嘅 Comfort Zone ，同時清唔清楚自己衝刺嘅速度，喺對手傳中或者傳出直線球嘅出迎阻截對方射門甚至單刀嘅機會？
高空傳中，距離會唔會太遠不利出迎？能唔能夠喺最高點迎接個波？如果決定出迎，接實定打走好？打嘅話用雙手定單手？打去邊到會最安全？單刀，距離會唔會太遠，太快出嚟會唔會畀對手扭過或者笠死？入到去邊個位置就需要出迎？有無留意對手幾時推甩腳，把握機會出迎封位？夠唔夠勇敢望實個波，用最有效嘅身體姿勢去封窄射門角度？
少做少錯，唔做唔錯。唔出迎嘅門將自然永遠都唔會接傳中甩手，但肯主動出迎嘅門將自然可以令隊友更加放心，同時能夠保留體力唔使覆蓋更大嘅範圍。
－－－－
。其他能力
犯錯係無可避免，如果好彩可能無事，但守門員犯得錯多數都要承受失波嘅後果。咁係犯錯過後，守門員能唔能夠盡快將過程拋諸腦後，繼續集中踢好餘下落嚟嘅比賽？
會唔會太容易被氣氛、對手或者隊友影響，導致情緒失控？
即使個波唔係喺自己半場，有無繼續集中留意球賽嘅發展，迎接隨時出現嘅問題？
守門員有無不斷同隊友做出溝通甚至提醒，互補不足？
－－－－
以上提及嘅只係守門員職責嘅冰山一角，但希望喺世界盃前令大家更加快以及簡單了解守門員其實真係好 _ 忙好 _ 多嘢做，絕對唔係行行企企食飯幾味，企到夠鐘等收工嘅位置。其實，守門員隨時係成個球場入面最難擔任嘅一個位置。希望大家可以藉住世界盃呢個機會，除咗睇下場區球員嘅表現之外，可以多加留意企喺球隊最後面嘅呢位球隊守護神。
詳細內容
「Aidan Reagh - A Beginner's Guide to Scouting Goalkeepers」
https://www.aidanreagh.com/post/goalkeeper-scout-guide
請按此登錄後留言。未成為會員? 立即註冊