【 老屎忽核心價值：你做乜要叻過我？ 】
話說呢兩日唔知點解見到有篇今年四月嘅新聞又被拎返出嚟講，我睇完真係得啖笑，想同大家分享下我嘅睇法。
呢篇報導係由法國隊報 (Léquipe) 喺今年四月三號刊登，內容係談及佢地訪問咗前曼聯以及法國國家隊守門員巴夫斯 (Fabien Barthez) 對現今守門員嘅睇法。
－－－－－
巴夫斯：「依家所有守門員全部都一_樣，個個都一樣踢法，個個嘅反應動作都一樣，比人一種一式一樣好刻版嘅感覺。我覺得我地好似重蹈緊二千年頭嘅覆轍，就係所有年青場區球員都要有大隻又快。如果去返舊陣時，你試想像下基沙文又點會喺職業球壇有立足之地。我地唔應該再將所有嘢定立一個標準。」
「今時今日嘅守門員個個都要有 192 cm 高，個龍門框遮到幾多得幾多，腳下功夫又要好。依家有太多被動守門員就係因為唔出迎等波到搞到奶曬嘢。依家嘅足球搞到守門員無曬創意，好似每個守門員一定有能力由後場開始以短傳組織。呢個係現今嘅足球而且好似係唯一嘅方法咁。如果對手施展高壓逼搶，守門員都一定要繼續短傳，如果唔係你就會畀教練鬧，真係好白痴。心理學上，咁樣只會阻止守門員進步。放過佢地，由得佢地做自己啦！我好想同一班守門員講，用自己嘅方法踢落去，唔好逼自己一定要跟人地嗰套。」
－－－－－
其實某程度上佢錯唔曬，因為我都認為守門員係應該要有創意，因為我地唔係要做機械人，係應該要因應自己嘅身體構造從而發掘一套屬於自己嘅有效動作去解決球場上嘅問題。
但巴夫斯口中根本就唔係講緊呢個問題，睇完佢呢兩段說話，我心目中只有五個字，「正一老屎忽」。佢完全就係公司入面一啲做咗好耐嘢，一直相安無事。點知一日有個後生嘅同事入咗嚟，好有熱誠而且做到一啲適合今時今日對公司有利益嘅行為。正所謂無比較就無傷害，咁呢位新人就招嚟老屎忽嘅責備，因為咁樣會令到老細無啦啦覺得呢個老屎忽無用，打爛佢飯碗。
其實你自己唔與時並進被時代淘汰，仲好意思屈人地太好波搞到班被動嘅守門員睇落似廢物？同埋我真係唔知佢邊隻眼見到所有守門員踢法都一樣，淨係紐亞、古圖奧斯、奧比勒、艾利臣等等都已經各有特色。如果要識得用腳踢波，肯做清道夫，肯出黎接傳中就係個個一樣，咁你唔好話個個守門員都係抄人地用 W 手接正面波，人地用你又用，咁無創意嘅你？然後仲話守門員一定要有 192 cm 高，想問下佢係咪唔識得桑馬、羅利斯、艾達臣、緬朗？呢四個都唔夠 192 cm 高，咁佢地係咪垃圾呢請問？
就算唔係現今戰術要求守門員要識得控傳，play from the back 或者做 sweeper keeper，如果你有能力可以更加主動出擊阻截傳中，一班後衛壓力點都一定細好多，唔使下下追到盡驚比人跳頂壓過自己。一個肯主動出迎嘅守門員點都係更加有著數，無論你隊波踢咩戰術，呢方面都唔會有改變。相反一個見到傳中，第一秒永遠都係縮後先嘅守門員，只係一個唔敢承擔責任，將個波交曬比班隊友解決就算，實行「呢啲嘢唔係我跟開」嘅態度，咁真係好咩？
再講，成日都話守門員由後場組織，其實從來都無聽過有一位教練會強逼守門員短傳。要加埋守門員做控傳係為咗畀多一個選擇場區球員做傳波，從而繼續保持控球權下破解對手嘅逼搶。而破解逼搶唔一定要靠短傳，如果對手全部焗曬上前，後面咁多空位，我作為守門員見到呢個情況，我仲唔一腳踢上前比前鋒哨？請問巴夫斯係咪無睇過艾達臣踢波同埋佢點助攻？
從來守門員幫手組識都係應該喺適當嘅時候做適當嘅傳送，應短則短應長則長，我就唔信會有一位教練要求佢地嘅守門員喺任何嘅情況下都一定要盲目踢短或者踢長。例如之前講過車路士嘅艾度亞文迪控回傳出事，畀列斯聯艾朗臣偷走個波射入空門咁，我就唔信杜曹有逼文迪一定要短傳。當你明知對手逼到埋嚟而你第一腳又控得唔好，梗係諗踢遠踢長減低危險先，仲猜短咪最後變成文迪咁樣畀人偷埋個波射入空門。踢出界最多都係輸界外球，踢咗過半場就算畀咗對手都仲有時間重新組織，但係夾硬短傳就搞到波都失埋，有咩結果差得過要失波？
所以講到尾，巴夫斯呢埋言論聽完真係得啖笑，擺明係一啲唔想接受自己已經被時代淘汰呢個現實嘅 Loser 先會講得出嘅嘢。見到人地叻過自己就要搵位拉低人地，搵十萬個藉口畀自己，想證明自己嗰套仲 Work。阿 Uncle，你自己當年咪又係一個出擊型門將，咪再出嚟獻醜笑大人個口啦。
新聞來源：
https://www.lequipe.fr/.../Les-recommandations-de.../1325578
話說呢兩日唔知點解見到有篇今年四月嘅新聞又被拎返出嚟講，我睇完真係得啖笑，想同大家分享下我嘅睇法。
呢篇報導係由法國隊報 (Léquipe) 喺今年四月三號刊登，內容係談及佢地訪問咗前曼聯以及法國國家隊守門員巴夫斯 (Fabien Barthez) 對現今守門員嘅睇法。
－－－－－
巴夫斯：「依家所有守門員全部都一_樣，個個都一樣踢法，個個嘅反應動作都一樣，比人一種一式一樣好刻版嘅感覺。我覺得我地好似重蹈緊二千年頭嘅覆轍，就係所有年青場區球員都要有大隻又快。如果去返舊陣時，你試想像下基沙文又點會喺職業球壇有立足之地。我地唔應該再將所有嘢定立一個標準。」
「今時今日嘅守門員個個都要有 192 cm 高，個龍門框遮到幾多得幾多，腳下功夫又要好。依家有太多被動守門員就係因為唔出迎等波到搞到奶曬嘢。依家嘅足球搞到守門員無曬創意，好似每個守門員一定有能力由後場開始以短傳組織。呢個係現今嘅足球而且好似係唯一嘅方法咁。如果對手施展高壓逼搶，守門員都一定要繼續短傳，如果唔係你就會畀教練鬧，真係好白痴。心理學上，咁樣只會阻止守門員進步。放過佢地，由得佢地做自己啦！我好想同一班守門員講，用自己嘅方法踢落去，唔好逼自己一定要跟人地嗰套。」
－－－－－
其實某程度上佢錯唔曬，因為我都認為守門員係應該要有創意，因為我地唔係要做機械人，係應該要因應自己嘅身體構造從而發掘一套屬於自己嘅有效動作去解決球場上嘅問題。
但巴夫斯口中根本就唔係講緊呢個問題，睇完佢呢兩段說話，我心目中只有五個字，「正一老屎忽」。佢完全就係公司入面一啲做咗好耐嘢，一直相安無事。點知一日有個後生嘅同事入咗嚟，好有熱誠而且做到一啲適合今時今日對公司有利益嘅行為。正所謂無比較就無傷害，咁呢位新人就招嚟老屎忽嘅責備，因為咁樣會令到老細無啦啦覺得呢個老屎忽無用，打爛佢飯碗。
其實你自己唔與時並進被時代淘汰，仲好意思屈人地太好波搞到班被動嘅守門員睇落似廢物？同埋我真係唔知佢邊隻眼見到所有守門員踢法都一樣，淨係紐亞、古圖奧斯、奧比勒、艾利臣等等都已經各有特色。如果要識得用腳踢波，肯做清道夫，肯出黎接傳中就係個個一樣，咁你唔好話個個守門員都係抄人地用 W 手接正面波，人地用你又用，咁無創意嘅你？然後仲話守門員一定要有 192 cm 高，想問下佢係咪唔識得桑馬、羅利斯、艾達臣、緬朗？呢四個都唔夠 192 cm 高，咁佢地係咪垃圾呢請問？
就算唔係現今戰術要求守門員要識得控傳，play from the back 或者做 sweeper keeper，如果你有能力可以更加主動出擊阻截傳中，一班後衛壓力點都一定細好多，唔使下下追到盡驚比人跳頂壓過自己。一個肯主動出迎嘅守門員點都係更加有著數，無論你隊波踢咩戰術，呢方面都唔會有改變。相反一個見到傳中，第一秒永遠都係縮後先嘅守門員，只係一個唔敢承擔責任，將個波交曬比班隊友解決就算，實行「呢啲嘢唔係我跟開」嘅態度，咁真係好咩？
再講，成日都話守門員由後場組織，其實從來都無聽過有一位教練會強逼守門員短傳。要加埋守門員做控傳係為咗畀多一個選擇場區球員做傳波，從而繼續保持控球權下破解對手嘅逼搶。而破解逼搶唔一定要靠短傳，如果對手全部焗曬上前，後面咁多空位，我作為守門員見到呢個情況，我仲唔一腳踢上前比前鋒哨？請問巴夫斯係咪無睇過艾達臣踢波同埋佢點助攻？
從來守門員幫手組識都係應該喺適當嘅時候做適當嘅傳送，應短則短應長則長，我就唔信會有一位教練要求佢地嘅守門員喺任何嘅情況下都一定要盲目踢短或者踢長。例如之前講過車路士嘅艾度亞文迪控回傳出事，畀列斯聯艾朗臣偷走個波射入空門咁，我就唔信杜曹有逼文迪一定要短傳。當你明知對手逼到埋嚟而你第一腳又控得唔好，梗係諗踢遠踢長減低危險先，仲猜短咪最後變成文迪咁樣畀人偷埋個波射入空門。踢出界最多都係輸界外球，踢咗過半場就算畀咗對手都仲有時間重新組織，但係夾硬短傳就搞到波都失埋，有咩結果差得過要失波？
所以講到尾，巴夫斯呢埋言論聽完真係得啖笑，擺明係一啲唔想接受自己已經被時代淘汰呢個現實嘅 Loser 先會講得出嘅嘢。見到人地叻過自己就要搵位拉低人地，搵十萬個藉口畀自己，想證明自己嗰套仲 Work。阿 Uncle，你自己當年咪又係一個出擊型門將，咪再出嚟獻醜笑大人個口啦。
新聞來源：
https://www.lequipe.fr/.../Les-recommandations-de.../1325578
請按此登錄後留言。未成為會員? 立即註冊