【 這個是正式錄用的英超守門員嗎？ 】
相信有睇開「守門員日常」嘅朋友，都知我一向都採取比較正面嘅態度去評論守門員嘅表現，因為我相信大部分嘅球員都係有心進步，盡咗力但達唔到效果亦都未必係佢地想，只要盡快忘記犯錯好好反省就得。但今季英超入面有一位門將，個人對佢其實都幾失望，就係今季備受抨擊嘅李斯特城門將，丹尼禾特 Danny Ward。
利申一下，我絕對唔係見佢狀態唔好，先嚟一沉百踩，而係由佢離開利物浦加盟李斯特城之後幾季發展已經一直感到不解以及覺得可惜，加上今季咁嘅表現實在不吐不快。
自從卡斯柏舒米高離隊之後，今季英超賽事全部由禾特把守李斯特城最後一關。但睇返除咗失球以外，其實禾特有唔少基本嘅 Decision Making 都做得唔好，傳中波甩手，後場控傳時機掌握得唔好，令到傳送有欠準繩，單刀亦都經常捉路令對手輕鬆處理。
而剛剛作客對住熱刺嘅一場英超賽事入面，李斯特城足足失咗六球波。孫興慜大演帽子戲法，當然孫興慜嘅射術有返咁上下，特別頭兩球絕對處理得精彩。但特別想講其實孫興慜入嘅第一球以及第三球，除咗孫興慜值得一讚之外，個人認為禾特嘅位置感之差同樣係關鍵。
先講 73 分鐘孫興慜入嘅第一球，當時孫興慜運球向前打反擊，而李斯特城其實夠曬人防守，仲可以兩個球員睇住一個孫興慜。禾特初初都有因應情況褪後入返小禁區內，但佢喺孫興慜仲未推順個波嘅時候，褪到去離門中心大概五碼倒已經停低咗。然後當孫興慜推向右方，準備作勢拉弓，禾特仍然無把握時間褪後，反而留喺原地。
最後孫興慜嘅遠射僅僅高過禾特手頂，成功「笠死」佢。再次重申，孫興慜當然都處理得好，但如果禾特可以把握守衛仍然 Delay 緊孫興慜嘅時間，褪後多兩步企到去大概離門中心兩至三碼，除咗可以增加時間畀自己做反應之外，亦都可以防止被笠死。除非孫興慜成功突破防線準備單刀，到時先有需要考慮出迎，但呢一個情況下，禾特離門五碼嘅企位又封唔到位，亦都將孫興慜嘅處理難度降低。
之後就講 86 分鐘孫興慜嘅第三個入球，應該係一球有睇開「守門員日常」嘅朋友應該都知發生咩事嘅情況。孫興慜接應直線喺左路推進形成半單刀攻勢，初初禾特留喺小禁區線對準孫興慜，點知當孫興慜第一腳控球之後，明明無控離腳，當時仲要離門中心成廿幾碼，禾特竟然無啦啦衝出去想封位。
比我係孫興慜就真係心諗「多謝曬」，因為佢其實隨時可以起腳，但禾特根本無可能喺自己起腳之前衝到埋嚟封位，變相一定要喺途中停低做反應撲救，咁就正中孫興慜下懷。之前都有提過，單刀你要封位，最有效就係大概同個波收窄到得返三至四碼距離，咁用 Block 或者 Spread Save 就最有效，因為咁先可以更有效地封阻到最多嘅射門角度。但如果同個波嘅距離收窄唔切，應該反而盡量同個波拉開距離，增加自己可以畀反應嘅時間。
而禾特呢球喺孫興慜起腳一刻，其實衝到出去仍然同個波有差唔多成八碼距離，位又封唔到，又唔夠距離畀時間自己畀反應，仲要其實守衛已經差唔多追到可以逼孫興慜落底線，禾特無啦啦走出嚟基本上就等同邀請孫興慜起腳。
最後孫興慜射嘅波其實非常正中，禾特撲就撲到，但距離太近根本唔夠時間睇準個波，加上因為出迎停唔切令身體重心傾後，令到身體產生唔夠向前嘅力量，所以就算撲到都撲唔應以及唔夠力將個波撲走，掂到個波都照漏入網。如果禾特呢球最少肯留返喺小禁區內，同龍門中心得返四至五碼距離，即係同個波有返十三十四碼距離，如果孫興慜喺同一時間射返同一個波嘅話，隨時禾特有足夠時間睇準個波，可以用 Scoop 接實埋個波都仲得。
就咁睇禾特失呢兩球，好似係其他守門員都會錯嘅嘢咁，點解我喺頭兩段會咁勞氣呢，全因我非常質疑禾特加盟李斯特城之後嘅心態。當年禾特喺 2012 年加盟利物浦，直至 2018 年加盟李斯特城之前曾經被外借至摩甘比、鴨巴甸以及哈特斯菲。其實禾特外借表現都不俗，但始終實力未能夠成為利物浦嘅正選，2018 年 25 歲嘅年紀難得李斯特城對自己有興趣，當年亦曾經傳過車路士想簽卡斯柏舒米高，所以禾特選擇離隊加盟李斯特城非常合理。
誰不知卡斯柏舒米高離隊不成，自然正選就繼續由佢擔任，自此之後禾特就一路擔任後備直至今季。我當加盟李斯特城第一季以為卡斯柏舒米高會走，點知走唔到焗住做後備都算可以理解。但其實加盟第二季起禾特都仍然只係留低喺李斯特城出戰盃賽，18年到依家踢咗都唔夠20場波，講緊足足四季。
守門員同場區球員唔同，場區可以經常作出輪換或者唔夠氣都可以換下入黎踢下，但守門員無得踢就係無得踢，想單靠傳統英式訓練就可以進步實在非常困難，咁呢幾年佢又何來有機會進步？
我當球會真係無機會比你出場，我認為禾特如果有心進步，都應該要盡力爭取外借機會。因為最直接嘅學習環境就係直接踢比賽，連追求 Match Like 都唔使，因為你已經踢緊一場真 Match，只係比賽你當然要承受失分嘅後果。但當淨係訓練幫你唔到嘅時候，你就只好靠比賽提升狀態同學習。
由 25 歲踢到 28 歲都仍然甘願做後備，一季踢幾場本土盃賽就算數嘅球員，實在好難唔令人質疑佢嘅心態。一個想進步或者最少落場有表現嘅球員，絕對唔會甘心一路得個坐字。
今季英超有一個好好嘅例子，就係由曼城加盟修咸頓嘅門將巴素奴 (Gavin Bazunu)，佢對上兩季外借至羅奇代爾以及樸茨茅夫。據報表現非常出色，令佢成為愛爾蘭國家隊正選。同時令到巴素奴吸引到唔少英超球隊開始留意佢，已經證明即使你只係效力低組別球會，你係有料嘅自然會有人賞識。
完成樸茨茅夫嘅外借合約之後，曼城本身球隊嘅後備門將史達芬咁啱都想離隊為出戰世界盃爭取出場機會，其實曼城都要搵返個門將做艾達臣後備。如果淨係想坐係到逗人工輕鬆捧盃嘅話，巴素奴大可以留低坐足成季，好似禾特咁踢下本土盃就算。
但巴素奴一心決定離隊加盟修咸頓，因為佢知道自己只有 20 歲，難得有英超球員賞識肯信任佢畀佢做正選，如果咁快就甘心做強隊後備，只會阻礙佢進步令佢停滯不前。所以巴素奴決定離隊加盟修咸頓，一直成為球隊嘅正選而且交出唔錯嘅表現，無論喺撲救、控傳以及 Sweeping 等等都做得唔錯，前途無可限量，個人都幾期待佢日後嘅發展。
相反禾特畀人嘅感覺就係甘心一直做後備，有波練下然後間唔中有得落場踢下已經好夠，完全睇唔出佢有 hungry for more 嘅心態。加盟頭四季入面踢得咁少比賽，今季一嚟就場場正選，其實表現唔好，錯得嘅都錯曬，某程度上一啲都唔意外，雖然合理但個人認為唔值得可憐。當年效力利物浦嘅時候，曾經都覺得佢有機會成大器，可惜依家搞成咁，加上李斯特城陷入水深火熱嘅狀態，究竟仲可以畀幾多次機會禾特落場「學嘢」同「交學費」呢？
相信有睇開「守門員日常」嘅朋友，都知我一向都採取比較正面嘅態度去評論守門員嘅表現，因為我相信大部分嘅球員都係有心進步，盡咗力但達唔到效果亦都未必係佢地想，只要盡快忘記犯錯好好反省就得。但今季英超入面有一位門將，個人對佢其實都幾失望，就係今季備受抨擊嘅李斯特城門將，丹尼禾特 Danny Ward。
利申一下，我絕對唔係見佢狀態唔好，先嚟一沉百踩，而係由佢離開利物浦加盟李斯特城之後幾季發展已經一直感到不解以及覺得可惜，加上今季咁嘅表現實在不吐不快。
自從卡斯柏舒米高離隊之後，今季英超賽事全部由禾特把守李斯特城最後一關。但睇返除咗失球以外，其實禾特有唔少基本嘅 Decision Making 都做得唔好，傳中波甩手，後場控傳時機掌握得唔好，令到傳送有欠準繩，單刀亦都經常捉路令對手輕鬆處理。
而剛剛作客對住熱刺嘅一場英超賽事入面，李斯特城足足失咗六球波。孫興慜大演帽子戲法，當然孫興慜嘅射術有返咁上下，特別頭兩球絕對處理得精彩。但特別想講其實孫興慜入嘅第一球以及第三球，除咗孫興慜值得一讚之外，個人認為禾特嘅位置感之差同樣係關鍵。
先講 73 分鐘孫興慜入嘅第一球，當時孫興慜運球向前打反擊，而李斯特城其實夠曬人防守，仲可以兩個球員睇住一個孫興慜。禾特初初都有因應情況褪後入返小禁區內，但佢喺孫興慜仲未推順個波嘅時候，褪到去離門中心大概五碼倒已經停低咗。然後當孫興慜推向右方，準備作勢拉弓，禾特仍然無把握時間褪後，反而留喺原地。
最後孫興慜嘅遠射僅僅高過禾特手頂，成功「笠死」佢。再次重申，孫興慜當然都處理得好，但如果禾特可以把握守衛仍然 Delay 緊孫興慜嘅時間，褪後多兩步企到去大概離門中心兩至三碼，除咗可以增加時間畀自己做反應之外，亦都可以防止被笠死。除非孫興慜成功突破防線準備單刀，到時先有需要考慮出迎，但呢一個情況下，禾特離門五碼嘅企位又封唔到位，亦都將孫興慜嘅處理難度降低。
之後就講 86 分鐘孫興慜嘅第三個入球，應該係一球有睇開「守門員日常」嘅朋友應該都知發生咩事嘅情況。孫興慜接應直線喺左路推進形成半單刀攻勢，初初禾特留喺小禁區線對準孫興慜，點知當孫興慜第一腳控球之後，明明無控離腳，當時仲要離門中心成廿幾碼，禾特竟然無啦啦衝出去想封位。
比我係孫興慜就真係心諗「多謝曬」，因為佢其實隨時可以起腳，但禾特根本無可能喺自己起腳之前衝到埋嚟封位，變相一定要喺途中停低做反應撲救，咁就正中孫興慜下懷。之前都有提過，單刀你要封位，最有效就係大概同個波收窄到得返三至四碼距離，咁用 Block 或者 Spread Save 就最有效，因為咁先可以更有效地封阻到最多嘅射門角度。但如果同個波嘅距離收窄唔切，應該反而盡量同個波拉開距離，增加自己可以畀反應嘅時間。
而禾特呢球喺孫興慜起腳一刻，其實衝到出去仍然同個波有差唔多成八碼距離，位又封唔到，又唔夠距離畀時間自己畀反應，仲要其實守衛已經差唔多追到可以逼孫興慜落底線，禾特無啦啦走出嚟基本上就等同邀請孫興慜起腳。
最後孫興慜射嘅波其實非常正中，禾特撲就撲到，但距離太近根本唔夠時間睇準個波，加上因為出迎停唔切令身體重心傾後，令到身體產生唔夠向前嘅力量，所以就算撲到都撲唔應以及唔夠力將個波撲走，掂到個波都照漏入網。如果禾特呢球最少肯留返喺小禁區內，同龍門中心得返四至五碼距離，即係同個波有返十三十四碼距離，如果孫興慜喺同一時間射返同一個波嘅話，隨時禾特有足夠時間睇準個波，可以用 Scoop 接實埋個波都仲得。
就咁睇禾特失呢兩球，好似係其他守門員都會錯嘅嘢咁，點解我喺頭兩段會咁勞氣呢，全因我非常質疑禾特加盟李斯特城之後嘅心態。當年禾特喺 2012 年加盟利物浦，直至 2018 年加盟李斯特城之前曾經被外借至摩甘比、鴨巴甸以及哈特斯菲。其實禾特外借表現都不俗，但始終實力未能夠成為利物浦嘅正選，2018 年 25 歲嘅年紀難得李斯特城對自己有興趣，當年亦曾經傳過車路士想簽卡斯柏舒米高，所以禾特選擇離隊加盟李斯特城非常合理。
誰不知卡斯柏舒米高離隊不成，自然正選就繼續由佢擔任，自此之後禾特就一路擔任後備直至今季。我當加盟李斯特城第一季以為卡斯柏舒米高會走，點知走唔到焗住做後備都算可以理解。但其實加盟第二季起禾特都仍然只係留低喺李斯特城出戰盃賽，18年到依家踢咗都唔夠20場波，講緊足足四季。
守門員同場區球員唔同，場區可以經常作出輪換或者唔夠氣都可以換下入黎踢下，但守門員無得踢就係無得踢，想單靠傳統英式訓練就可以進步實在非常困難，咁呢幾年佢又何來有機會進步？
我當球會真係無機會比你出場，我認為禾特如果有心進步，都應該要盡力爭取外借機會。因為最直接嘅學習環境就係直接踢比賽，連追求 Match Like 都唔使，因為你已經踢緊一場真 Match，只係比賽你當然要承受失分嘅後果。但當淨係訓練幫你唔到嘅時候，你就只好靠比賽提升狀態同學習。
由 25 歲踢到 28 歲都仍然甘願做後備，一季踢幾場本土盃賽就算數嘅球員，實在好難唔令人質疑佢嘅心態。一個想進步或者最少落場有表現嘅球員，絕對唔會甘心一路得個坐字。
今季英超有一個好好嘅例子，就係由曼城加盟修咸頓嘅門將巴素奴 (Gavin Bazunu)，佢對上兩季外借至羅奇代爾以及樸茨茅夫。據報表現非常出色，令佢成為愛爾蘭國家隊正選。同時令到巴素奴吸引到唔少英超球隊開始留意佢，已經證明即使你只係效力低組別球會，你係有料嘅自然會有人賞識。
完成樸茨茅夫嘅外借合約之後，曼城本身球隊嘅後備門將史達芬咁啱都想離隊為出戰世界盃爭取出場機會，其實曼城都要搵返個門將做艾達臣後備。如果淨係想坐係到逗人工輕鬆捧盃嘅話，巴素奴大可以留低坐足成季，好似禾特咁踢下本土盃就算。
但巴素奴一心決定離隊加盟修咸頓，因為佢知道自己只有 20 歲，難得有英超球員賞識肯信任佢畀佢做正選，如果咁快就甘心做強隊後備，只會阻礙佢進步令佢停滯不前。所以巴素奴決定離隊加盟修咸頓，一直成為球隊嘅正選而且交出唔錯嘅表現，無論喺撲救、控傳以及 Sweeping 等等都做得唔錯，前途無可限量，個人都幾期待佢日後嘅發展。
相反禾特畀人嘅感覺就係甘心一直做後備，有波練下然後間唔中有得落場踢下已經好夠，完全睇唔出佢有 hungry for more 嘅心態。加盟頭四季入面踢得咁少比賽，今季一嚟就場場正選，其實表現唔好，錯得嘅都錯曬，某程度上一啲都唔意外，雖然合理但個人認為唔值得可憐。當年效力利物浦嘅時候，曾經都覺得佢有機會成大器，可惜依家搞成咁，加上李斯特城陷入水深火熱嘅狀態，究竟仲可以畀幾多次機會禾特落場「學嘢」同「交學費」呢？
請按此登錄後留言。未成為會員? 立即註冊