【 舒米高點解放棄 Adidas 手套？ 】
如果有留意開卡斯柏舒米高或者龍門手套嘅朋友，應該都留意到卡斯柏舒米高由上年嘅歐國盃開始就無再喺正式比賽入面使用 Adidas 手套之餘，仲用緊一對全白印有自己 Logo 「KS」喺手背嘅特製手套。
究竟點解卡斯柏舒米高會唔繼續用 Adidas 呢？純粹因為贊助費滿足唔到佢？點解唔代言其他品牌嘅手套要堅持整一對特製手套？喺 Goalkeepers' Union 嘅網台節目 Between the Sticks 第 186 集入面，卡斯柏舒米高正式將呢個秘密公開。
「我曾經同 Adidas 合作咗一段時間，但其實我從來都無同佢地簽手套合約，因為我唔鐘意畀一個品牌控制我要戴啲咩手套去比賽。Adidas 都確係有整過唔少唔錯嘅龍門手套，但當佢地決定要整對 Predator Mutator 手套之後，即使佢地肯整對 SMU 版加返條腕帶比我，我都好憎對手套鬼咁長。」
「對 Predator Mutator 手套長到遮咗我半隻前臂，淨係戴都戴成年。然後手背堆 DemonSkin ，如果無落雨都還好，但一落雨真係大鑊，有次直頭累到我失波。上季季尾最後一場對熱刺嗰陣一球高波我想出迎打手鎚，我明明打到個波，點知因為太大雨令到啲 DemonSkin 膠粒好跣，個波就咁就刷過我手套漏入咗。所以我真係好怕戴一對我自己唔係完全滿意嘅手套，因為真係會好影響我無論心理定生理上嘅表現。」
「所以我就唯有同 Adidas 講，喂！可唔可以整返上一代嘅 Predator 比我呀，我真係好唔鐘意對手套咁長，我係一個好 Old School 嘅人，我真係戴唔慣呢對咁長咁「特別」嘅手套。但 Adidas 就偏偏唔肯，話想所有球員都要戴呢一款手套。同埋其實我真係好怕拍廣告，每次出一對新手套或者新顏色就要影過一輯新相，真係好攰好辛苦。所以我就慢慢開始搵下其他廠商傾下合作嘅機會，去整一對屬於自己嘅手套，咁我就唔使再拍任何廣告，又唔使驚對手套唔啱用。」
「我想整一對屬於自己嘅手套係因為我真係好唔鐘意成日戴戴下就要轉第二隻顏色，或者間唔中又轉第二隻 Cutting。我係一個好傳統嘅人，愈簡約就愈好。我鐘意戴 Negative Cut 內縫剪裁，拇指要有乳膠外包，中指同無名指要有指骨，一條傳統設計腕帶。而 Adidas 本身一路都係整呢類嘅手套比我用，直至佢地逼我要用新 Predator 嘅洗碗套設計我就頂唔順了。」
「我曾經拎咗一啲我鐘意嘅手套設計同之前合作過嘅手套廠商 Precision GK 傾過，佢地整過幾對手套比我試。之後亦都同 uhlsport 傾過，因為我鐘意佢地嘅 SuperSoft 乳膠。喺上年歐國盃決賽週嘅 6 個月前，我已經試過曬佢地唔同嘅設計以及乳膠，而最後佢地都肯幫我整我想要嘅手套，而呢對手套就係我依家一路戴緊嘅手套喇。」
如果有留意開卡斯柏舒米高或者龍門手套嘅朋友，應該都留意到卡斯柏舒米高由上年嘅歐國盃開始就無再喺正式比賽入面使用 Adidas 手套之餘，仲用緊一對全白印有自己 Logo 「KS」喺手背嘅特製手套。
究竟點解卡斯柏舒米高會唔繼續用 Adidas 呢？純粹因為贊助費滿足唔到佢？點解唔代言其他品牌嘅手套要堅持整一對特製手套？喺 Goalkeepers' Union 嘅網台節目 Between the Sticks 第 186 集入面，卡斯柏舒米高正式將呢個秘密公開。
「我曾經同 Adidas 合作咗一段時間，但其實我從來都無同佢地簽手套合約，因為我唔鐘意畀一個品牌控制我要戴啲咩手套去比賽。Adidas 都確係有整過唔少唔錯嘅龍門手套，但當佢地決定要整對 Predator Mutator 手套之後，即使佢地肯整對 SMU 版加返條腕帶比我，我都好憎對手套鬼咁長。」
「對 Predator Mutator 手套長到遮咗我半隻前臂，淨係戴都戴成年。然後手背堆 DemonSkin ，如果無落雨都還好，但一落雨真係大鑊，有次直頭累到我失波。上季季尾最後一場對熱刺嗰陣一球高波我想出迎打手鎚，我明明打到個波，點知因為太大雨令到啲 DemonSkin 膠粒好跣，個波就咁就刷過我手套漏入咗。所以我真係好怕戴一對我自己唔係完全滿意嘅手套，因為真係會好影響我無論心理定生理上嘅表現。」
「所以我就唯有同 Adidas 講，喂！可唔可以整返上一代嘅 Predator 比我呀，我真係好唔鐘意對手套咁長，我係一個好 Old School 嘅人，我真係戴唔慣呢對咁長咁「特別」嘅手套。但 Adidas 就偏偏唔肯，話想所有球員都要戴呢一款手套。同埋其實我真係好怕拍廣告，每次出一對新手套或者新顏色就要影過一輯新相，真係好攰好辛苦。所以我就慢慢開始搵下其他廠商傾下合作嘅機會，去整一對屬於自己嘅手套，咁我就唔使再拍任何廣告，又唔使驚對手套唔啱用。」
「我想整一對屬於自己嘅手套係因為我真係好唔鐘意成日戴戴下就要轉第二隻顏色，或者間唔中又轉第二隻 Cutting。我係一個好傳統嘅人，愈簡約就愈好。我鐘意戴 Negative Cut 內縫剪裁，拇指要有乳膠外包，中指同無名指要有指骨，一條傳統設計腕帶。而 Adidas 本身一路都係整呢類嘅手套比我用，直至佢地逼我要用新 Predator 嘅洗碗套設計我就頂唔順了。」
「我曾經拎咗一啲我鐘意嘅手套設計同之前合作過嘅手套廠商 Precision GK 傾過，佢地整過幾對手套比我試。之後亦都同 uhlsport 傾過，因為我鐘意佢地嘅 SuperSoft 乳膠。喺上年歐國盃決賽週嘅 6 個月前，我已經試過曬佢地唔同嘅設計以及乳膠，而最後佢地都肯幫我整我想要嘅手套，而呢對手套就係我依家一路戴緊嘅手套喇。」
請按此登錄後留言。未成為會員? 立即註冊