【 荷西沙亞： 我要踢世界盃！《訪問譯文》】
今季英超其中一個最佳收購，相信一定唔少得狼隊嘅荷西沙亞。呢位曾經效力波圖以及奧林比亞高斯嘅葡萄牙籍門將今季加盟狼隊以取代去咗羅馬嘅柏捷斯奧，相信唔少人初初都對佢唔大期望。始終荷西沙亞同柏捷斯奧同屬葡萄牙籍，而柏捷斯奧係國家隊一號門將，相反荷西沙亞雖然有被召入過國家隊但從未上陣，觀感上係一個 downgrade 嘅取代品。但踢完呢半季英超，相信荷西沙亞已經用實力話畀大家聽，佢已經今時唔同往日。
Sky Sports 記者 Adam Bate 早前就同佢做咗一個獨家訪問，當中提及到佢未加盟狼隊前嘅職業生涯，第一季踢英超就有咁好表現而且被加利仔（加利尼維利）揀選為暫時今季英超最佳收購嘅感受。
訪問節錄：
「 荷西沙亞笑住咁話：『我有見到加利仔咁講。一位傳奇、咁出名嘅球星談及我當然係一件好事。事實咁樣聽到我確係幾開心，話曬我都踢緊我自己認為係全世界最好嘅聯賽。』
荷西沙亞得到呢份認同實在非常值得。對上七場波，狼隊只係失咗兩球（訪問日期為2022年1月3日）。英超入面，只係得曼城失得少過狼隊。
荷西沙亞做出唔少飛撲之外，佢主動出擊嘅踢法亦都令人非常容易感受到佢份氣場。佢喺狼隊嘅前一任首席門將柏捷斯奧已經代表國家隊超過一百場，而荷西沙亞仲等緊佢嘅第一場，不過有唔少球迷都認為其實荷西沙亞比起柏捷斯奧絕對係一個 Upgrade。
荷西沙亞：『柏捷斯奧係一位好好嘅門將，所以要取代佢係非常困難，絕對唔係一件易事。但我地（狼隊）有一個好好嘅團隊，佢地令我好快就適應咗英超呢個聯賽，踢波嘅風格而且仲對我有十足嘅信任，佢地知道我有能力幫助到球隊踢得更好。』
荷西沙亞依家28歲，作為門將嚟講絕對係一個非常成熟而且適合嘅時間得到呢個加盟英超球會嘅機會。荷西沙亞：『如果可以早多一年當然更好，不過如果遲多一年又好似太遲，所以今季加盟係最好不過。』
效力咗奧林比亞高斯三季，協助贏咗兩次聯賽冠軍嘅荷西沙亞認為呢段經驗令佢成長咗唔少。荷西沙亞：『呢段時間我得到好多機會落場，從而令到我成長咗唔少。作為一位守門員，要成長就一定要落場，要靠落場比賽先會得到呢份信心。所以呢三季對我嚟講真係非常重要。』
事實呢三季確係對荷西沙亞非常重要，因為之前嘅佢根本無得到太多機會比賽。2011年荷西沙亞曾經係賓菲加嘅青年軍一份子（當時教練正正係現任狼隊教練般奴拿治），之後好快就決定加盟馬里迪莫展開佢嘅職業生涯，之後更加加盟波圖並曾經取代聖卡斯（卡斯拿斯）嘅正選門將位置。
荷西沙亞：『當然即使係年青門將佢地都可以教到你唔少嘢，因為我地無可能識曬所有嘢，我地係需要不停咁學習。但當年，卡斯拿斯亦都教咗我唔少嘢。佢係我細細個嘅偶像，所以可以同佢踢同一間球會真係好正。』
依家荷西沙亞就唔單止係陪襯，因為大家都開始會將焦點放喺佢身上。令到荷西沙亞嘅表現更上一層樓嘅幕後功臣，絕對唔少得狼隊嘅新一任門將教練東尼羅拔斯。荷西沙亞：『東尼除咗係一個好人，一個好好嘅朋友仲係一位一流嘅教練。所有守門員都可以由佢身上學到好多嘢，我跟咗佢之後實在進步咗唔少。』
有時都要睇睇數據去證明荷西沙亞究竟點樣幫到狼隊。先講禁區內嘅射門，每五次中龍嘅攻門佢就差唔多救咗四球（78.2% 撲救成功率)，係英超入面排第一，撲救成功率仲要比起排第二嘅藍斯度高出差唔多 8%。
不過呢項數據始終唔係最準確，因為未計射門嘅質素，所以就要睇睇 xG (Expected Goal) 嘅數據。因為 xG 數據包含邊個位置起腳，射門嘅種類，射向龍門邊個位置等等。而荷西沙亞喺呢項數據上亦都非常標青。
PSxG 數據上指荷西沙亞比起英超門將平均救多四至五球，排名僅僅低過同樣今季得到非常多稱讚而且身價比荷西沙亞更高嘅阿仙奴新任門將藍斯度。
不過以上兩項數據並唔能夠代表曬荷西沙亞嘅一切，因為荷西沙亞喺守門員 Sweeping （離開底線範圍出迎破壞對方進攻機會，俗稱清道夫）準繩度方面同樣排英超第二。
荷西沙亞：『其實我未嚟狼隊之前已經係一個唔怕出迎嘅門將。當啲波吊到入嚟防線同我嘅中間，我係會好主動出擊爭贏個波。不過嚟到狼隊，因為教練想我地嘅防線盡量推前，所以我需要出迎嘅次數更加多去幫助球隊解除危機。』
而荷西沙亞亦都對自己嘅腳下功夫非常有信心，直頭有信心到有時會嚇親球迷，佢都坦承話：『我地每日練波都要練埋腳法，係一定要練。我可能有時落到場有波在腳嗰陣畀人嘅感覺係太過放鬆，但其實我心入面同大家一樣好緊張。』
但事實荷西沙亞嘅傳送確實幫助到狼隊可以由後場開始組織，而且亦都唔係全部都係短傳。荷西沙亞其中一樣最出名嘅就係佢嘅側身窩利 (Side Volley)，令到隊友可以企喺更加進取嘅位置從而作出更加有威脅嘅反擊。
之前對住修咸頓嘅比賽入面，荷西沙亞成功以長傳助攻畀魯爾占美利斯，間接協助球隊贏波。『呢球應該係我咁耐以嚟第一球助攻，依家諗返起都仍然覺得好正。當年仲踢緊奧林比亞高斯嗰陣其實我都有機會做到兩三次助攻，可惜隊友唔生性埋門一腳射唔入，而魯爾就射得入，唯一分別就係咁。所以我會把握每次我認為有機會入波嘅機會就會用 Side Volley 踢上前，因為我相信我嘅隊友有能力把握到我創造嘅機會。』
荷西沙亞提及嘅呢班隊友正正就係令到佢咁快融入球隊嘅原因之一。佢之前喺奧林比亞高斯已經同過普丹斯做隊友，而喺波圖嘅時代亦都係保利同利維斯嘅隊友。
『其實有唔少隊友我加盟之前都喺踢國家隊嗰陣已經認識，佢地個個都係好球員同埋好盡力幫我融入喺英國嘅生活。因為球隊實在有唔少葡籍球員，所以我可以從佢地口中得知關於呢到嘅規矩。』
『其實其他球員都一樣咁正，我地成隊人都係咁好，你睇下我地喺聯賽榜嘅排名就自然會明白，因為我地就好似係一個家庭咁。就算我犯錯，呢班朋友都唔會令我覺得孤單。佢地犯錯，我都一樣會陪返佢地。』
『就係呢種氣氛令到我充滿信心，因為我知道有咩事都有人一齊經歷。守門員需要好嘅防線，就好似後衛如果有一位幫到佢地手嘅守門員， 佢地都會信心大增。 』
『季初由於我地有一位新教練加上使用全新嘅打法，所以我地仲適應緊。但我地之後就一路進步而我地都滿意球隊現時嘅進度。』
作為其中一位今季英超最佳轉會球員，新一年少不免要諗下佢嘅目標係去到幾遠。 佢首先談及球會嘅目標：
『我覺得我地可以拎到下季嘅歐洲賽事入場券， 我地正係為呢個目標努力緊。』而佢自己嘅目標亦都算係非常明顯，就係想有機會以國家隊成員身份參與嚟緊嘅世界盃：『呢個係我一直以嚟嘅夢想，我同時為呢個目標努力當中，希望有一日會成真。』
『不過一日未達成，我都會保持觀望嘅態度。我嚟到狼隊都係為咗繼續學習同進步。』
『我想聽日嘅我，比起今日嘅我做得更加好。』
荷西沙亞 Sky Sports 訪問全文：
https://www.skysports.com/.../jose-sa-interview-wolves...
今季英超其中一個最佳收購，相信一定唔少得狼隊嘅荷西沙亞。呢位曾經效力波圖以及奧林比亞高斯嘅葡萄牙籍門將今季加盟狼隊以取代去咗羅馬嘅柏捷斯奧，相信唔少人初初都對佢唔大期望。始終荷西沙亞同柏捷斯奧同屬葡萄牙籍，而柏捷斯奧係國家隊一號門將，相反荷西沙亞雖然有被召入過國家隊但從未上陣，觀感上係一個 downgrade 嘅取代品。但踢完呢半季英超，相信荷西沙亞已經用實力話畀大家聽，佢已經今時唔同往日。
Sky Sports 記者 Adam Bate 早前就同佢做咗一個獨家訪問，當中提及到佢未加盟狼隊前嘅職業生涯，第一季踢英超就有咁好表現而且被加利仔（加利尼維利）揀選為暫時今季英超最佳收購嘅感受。
訪問節錄：
「 荷西沙亞笑住咁話：『我有見到加利仔咁講。一位傳奇、咁出名嘅球星談及我當然係一件好事。事實咁樣聽到我確係幾開心，話曬我都踢緊我自己認為係全世界最好嘅聯賽。』
荷西沙亞得到呢份認同實在非常值得。對上七場波，狼隊只係失咗兩球（訪問日期為2022年1月3日）。英超入面，只係得曼城失得少過狼隊。
荷西沙亞做出唔少飛撲之外，佢主動出擊嘅踢法亦都令人非常容易感受到佢份氣場。佢喺狼隊嘅前一任首席門將柏捷斯奧已經代表國家隊超過一百場，而荷西沙亞仲等緊佢嘅第一場，不過有唔少球迷都認為其實荷西沙亞比起柏捷斯奧絕對係一個 Upgrade。
荷西沙亞：『柏捷斯奧係一位好好嘅門將，所以要取代佢係非常困難，絕對唔係一件易事。但我地（狼隊）有一個好好嘅團隊，佢地令我好快就適應咗英超呢個聯賽，踢波嘅風格而且仲對我有十足嘅信任，佢地知道我有能力幫助到球隊踢得更好。』
荷西沙亞依家28歲，作為門將嚟講絕對係一個非常成熟而且適合嘅時間得到呢個加盟英超球會嘅機會。荷西沙亞：『如果可以早多一年當然更好，不過如果遲多一年又好似太遲，所以今季加盟係最好不過。』
效力咗奧林比亞高斯三季，協助贏咗兩次聯賽冠軍嘅荷西沙亞認為呢段經驗令佢成長咗唔少。荷西沙亞：『呢段時間我得到好多機會落場，從而令到我成長咗唔少。作為一位守門員，要成長就一定要落場，要靠落場比賽先會得到呢份信心。所以呢三季對我嚟講真係非常重要。』
事實呢三季確係對荷西沙亞非常重要，因為之前嘅佢根本無得到太多機會比賽。2011年荷西沙亞曾經係賓菲加嘅青年軍一份子（當時教練正正係現任狼隊教練般奴拿治），之後好快就決定加盟馬里迪莫展開佢嘅職業生涯，之後更加加盟波圖並曾經取代聖卡斯（卡斯拿斯）嘅正選門將位置。
荷西沙亞：『當然即使係年青門將佢地都可以教到你唔少嘢，因為我地無可能識曬所有嘢，我地係需要不停咁學習。但當年，卡斯拿斯亦都教咗我唔少嘢。佢係我細細個嘅偶像，所以可以同佢踢同一間球會真係好正。』
依家荷西沙亞就唔單止係陪襯，因為大家都開始會將焦點放喺佢身上。令到荷西沙亞嘅表現更上一層樓嘅幕後功臣，絕對唔少得狼隊嘅新一任門將教練東尼羅拔斯。荷西沙亞：『東尼除咗係一個好人，一個好好嘅朋友仲係一位一流嘅教練。所有守門員都可以由佢身上學到好多嘢，我跟咗佢之後實在進步咗唔少。』
有時都要睇睇數據去證明荷西沙亞究竟點樣幫到狼隊。先講禁區內嘅射門，每五次中龍嘅攻門佢就差唔多救咗四球（78.2% 撲救成功率)，係英超入面排第一，撲救成功率仲要比起排第二嘅藍斯度高出差唔多 8%。
不過呢項數據始終唔係最準確，因為未計射門嘅質素，所以就要睇睇 xG (Expected Goal) 嘅數據。因為 xG 數據包含邊個位置起腳，射門嘅種類，射向龍門邊個位置等等。而荷西沙亞喺呢項數據上亦都非常標青。
PSxG 數據上指荷西沙亞比起英超門將平均救多四至五球，排名僅僅低過同樣今季得到非常多稱讚而且身價比荷西沙亞更高嘅阿仙奴新任門將藍斯度。
不過以上兩項數據並唔能夠代表曬荷西沙亞嘅一切，因為荷西沙亞喺守門員 Sweeping （離開底線範圍出迎破壞對方進攻機會，俗稱清道夫）準繩度方面同樣排英超第二。
荷西沙亞：『其實我未嚟狼隊之前已經係一個唔怕出迎嘅門將。當啲波吊到入嚟防線同我嘅中間，我係會好主動出擊爭贏個波。不過嚟到狼隊，因為教練想我地嘅防線盡量推前，所以我需要出迎嘅次數更加多去幫助球隊解除危機。』
而荷西沙亞亦都對自己嘅腳下功夫非常有信心，直頭有信心到有時會嚇親球迷，佢都坦承話：『我地每日練波都要練埋腳法，係一定要練。我可能有時落到場有波在腳嗰陣畀人嘅感覺係太過放鬆，但其實我心入面同大家一樣好緊張。』
但事實荷西沙亞嘅傳送確實幫助到狼隊可以由後場開始組織，而且亦都唔係全部都係短傳。荷西沙亞其中一樣最出名嘅就係佢嘅側身窩利 (Side Volley)，令到隊友可以企喺更加進取嘅位置從而作出更加有威脅嘅反擊。
之前對住修咸頓嘅比賽入面，荷西沙亞成功以長傳助攻畀魯爾占美利斯，間接協助球隊贏波。『呢球應該係我咁耐以嚟第一球助攻，依家諗返起都仍然覺得好正。當年仲踢緊奧林比亞高斯嗰陣其實我都有機會做到兩三次助攻，可惜隊友唔生性埋門一腳射唔入，而魯爾就射得入，唯一分別就係咁。所以我會把握每次我認為有機會入波嘅機會就會用 Side Volley 踢上前，因為我相信我嘅隊友有能力把握到我創造嘅機會。』
荷西沙亞提及嘅呢班隊友正正就係令到佢咁快融入球隊嘅原因之一。佢之前喺奧林比亞高斯已經同過普丹斯做隊友，而喺波圖嘅時代亦都係保利同利維斯嘅隊友。
『其實有唔少隊友我加盟之前都喺踢國家隊嗰陣已經認識，佢地個個都係好球員同埋好盡力幫我融入喺英國嘅生活。因為球隊實在有唔少葡籍球員，所以我可以從佢地口中得知關於呢到嘅規矩。』
『其實其他球員都一樣咁正，我地成隊人都係咁好，你睇下我地喺聯賽榜嘅排名就自然會明白，因為我地就好似係一個家庭咁。就算我犯錯，呢班朋友都唔會令我覺得孤單。佢地犯錯，我都一樣會陪返佢地。』
『就係呢種氣氛令到我充滿信心，因為我知道有咩事都有人一齊經歷。守門員需要好嘅防線，就好似後衛如果有一位幫到佢地手嘅守門員， 佢地都會信心大增。 』
『季初由於我地有一位新教練加上使用全新嘅打法，所以我地仲適應緊。但我地之後就一路進步而我地都滿意球隊現時嘅進度。』
作為其中一位今季英超最佳轉會球員，新一年少不免要諗下佢嘅目標係去到幾遠。 佢首先談及球會嘅目標：
『我覺得我地可以拎到下季嘅歐洲賽事入場券， 我地正係為呢個目標努力緊。』而佢自己嘅目標亦都算係非常明顯，就係想有機會以國家隊成員身份參與嚟緊嘅世界盃：『呢個係我一直以嚟嘅夢想，我同時為呢個目標努力當中，希望有一日會成真。』
『不過一日未達成，我都會保持觀望嘅態度。我嚟到狼隊都係為咗繼續學習同進步。』
『我想聽日嘅我，比起今日嘅我做得更加好。』
荷西沙亞 Sky Sports 訪問全文：
https://www.skysports.com/.../jose-sa-interview-wolves...
請按此登錄後留言。未成為會員? 立即註冊