面對舊東家雖失3球 馬天尼斯出色表現足以證明自己 精選

【 想證明自己偏偏未如理想般的結果 】


馬天尼斯同阿仙奴呢兩個名字，相信近兩季由於利奴狀態不穩令到大家經常拉埋一齊嚟講。不過自從藍斯度做咗阿仙奴嘅正選之後，好似阿仙奴球迷就少咗提馬天尼斯，喺今場對住阿仙奴嘅比賽入面仲對住馬天尼斯唱曬 「Aaron Ramsdale, he's better than you!」嘅歌。

難怪馬天尼斯今場雖然有好表現，但當佢撲出奧巴美揚嘅12碼之後未能擋出補射，失望到趴咗喺地下，需要隊友扶返起身。其實今場阿仙奴三個入球，馬天尼斯最多只係第一球有機會再做好啲而有機會救到，其餘兩球都真係盡曬力。