【 艾利臣喜見多咗小朋友著龍門衫出街 】
利物浦門將艾利臣早前接受 Soccer Bible 嘅訪問，當中記者問到艾利臣對於一到比賽日就見到成千上萬嘅球迷排隊入場，揮動旗幟同埋喺球場聽到咁多球迷為佢地吶喊助威有咩感受嘅時候，佢就話：
「有一種好特別嘅感覺，特別當你見到咁多小朋友會為咗一場比賽興奮成咁。以往肯定好少見，但近期我見到多咗小朋友著住龍門衫出街，真係好正。
通常小朋友都會揀著費明奴、沙拿、文尼或者雲迪克嘅波衫。所以我真係好欣賞會揀著龍門衫出街嘅小朋友，除咗同我有關之外，我好高興可以為呢個著場區球員波衫嘅傳統帶嚟少少改變。
你諗下啲小朋友大可以喺出面10個場區球員入面揀一個佢地鍾意嘅球員著印咗佢地名嘅波衫，但佢地偏偏揀著龍門衫。我自己係咁睇，小朋友一向都好忠於自己嘅喜好，咁就令我覺得我無論喺場內定場外，都成功帶嚟一啲正面嘅衝擊同改變。」
自從利物浦羅致艾利臣之後，確實喺香港都見多咗朋友著起佢嘅波衫，相信除咗同艾利臣確實係勁之外，同近年興著短袖龍門衫有關，令大家有更大嘅理由一年365日都可以著你鐘意嘅波衫。
唔知各位近年平時出街或者去睇波嘅時候，又會唔會著多咗你支持球隊嘅龍門波衫支持球隊嘅門將呢？
利物浦門將艾利臣早前接受 Soccer Bible 嘅訪問，當中記者問到艾利臣對於一到比賽日就見到成千上萬嘅球迷排隊入場，揮動旗幟同埋喺球場聽到咁多球迷為佢地吶喊助威有咩感受嘅時候，佢就話：
「有一種好特別嘅感覺，特別當你見到咁多小朋友會為咗一場比賽興奮成咁。以往肯定好少見，但近期我見到多咗小朋友著住龍門衫出街，真係好正。
通常小朋友都會揀著費明奴、沙拿、文尼或者雲迪克嘅波衫。所以我真係好欣賞會揀著龍門衫出街嘅小朋友，除咗同我有關之外，我好高興可以為呢個著場區球員波衫嘅傳統帶嚟少少改變。
你諗下啲小朋友大可以喺出面10個場區球員入面揀一個佢地鍾意嘅球員著印咗佢地名嘅波衫，但佢地偏偏揀著龍門衫。我自己係咁睇，小朋友一向都好忠於自己嘅喜好，咁就令我覺得我無論喺場內定場外，都成功帶嚟一啲正面嘅衝擊同改變。」
自從利物浦羅致艾利臣之後，確實喺香港都見多咗朋友著起佢嘅波衫，相信除咗同艾利臣確實係勁之外，同近年興著短袖龍門衫有關，令大家有更大嘅理由一年365日都可以著你鐘意嘅波衫。
唔知各位近年平時出街或者去睇波嘅時候，又會唔會著多咗你支持球隊嘅龍門波衫支持球隊嘅門將呢？
請按此登錄後留言。未成為會員? 立即註冊