【單刀博弈：關鍵嘅14碼距離】
上星期我地一篇有關艾達臣歐聯決賽嘅賽後評意外地引來較大迴響。好多人覺得我地咁都怪責龍門係雞蛋裏挑骨頭。有留意開本專頁嘅朋友都會明白，我地其實從來都唔係以一個怪責門將嘅角度出發。本專頁向來強調門將可以「做好啲」，意思唔係話一定要救到球波，只係如果佢地做到適當嘅決定，將會可以提高撲救率或對方嘅射門難度，減低失波嘅機會。艾達臣同鄉艾利臣因為利記戰術要求，亦要面對企位較出呢個問題，曾經都會因為輕出導致失球，但之後亦有所改善，所以艾達臣嘅問題並非不能解決。
龍門係一個成日被誤解嘅位置，單刀係咪要出迎？幾時出？或者出迎時用咩方法去封阻？以上嘅問題未必有一個既定答案，應對唔同情況可以有唔同嘅解決辦法，最後都係離唔開兩個目的：增加對方射門難度或增加自己撲救嘅成功率（例如增加反應時間或者縮窄對方嘅射門角度）。
根據門將分析師 John Harrison 所做嘅 19/20 英超球季單刀數據分析，對於五種英超門將最常見嘅單刀撲救技巧有以下嘅評價：
1. Engage & React (出迎但憑反應撲救)
由於門將已經出迎，門將同個波距離相對較近而令反應時間大大減少，仍然等對手先射門然後再靠自己反應做撲救，令撲救難度大大提升，所以於五種技巧中為最低效。
2. Engage & Smother (出迎並以手主動撲向波）
比較主動嘅一個技巧，當面對住近距離單刀（個波大概離門中心14碼以內）而門將完全失曬位時使用成效較大。但當面對比較花巧或埋門能力較高嘅對手，容易撲低對手引致12碼、直接被扭過或者被笠過。
3. Wait & React (回近底線等候並以反應撲救)
應對遠距離單刀（個波大概離門中心14碼以外）較夠適合。首先可以增加自己反應時間作，就算對方咁遠就射都仲有時間移步並作出撲救，二來可以拖延時間畀機會隊友回防施加壓力，三來可以避免被笠死嘅機會。但當對住近距離單刀相對較弱，因為門將已經唔夠時間因應射門而作出反應以覆蓋整個門框嘅範圍。所以當對方入到較近門嘅距離嘅時候，建議因為對手推進情況出迎並採用相關近距離單刀應對技巧。
4. Engage & Block (出迎並以 K 腳加雙手張開嘗試擋出射門)
以往較多 5人足球門將使用，近代開始普及至11人足球嘅技巧。相對較為被動但安全嘅方式，比較適合於偏側而且近距離（個波大概離門中心14碼以內）嘅單刀攻門。由於偏側嘅單刀射門角度較窄，所以對手射中間嘅機會較大，變相需用使用 K 腳防止被「通大細」，加上雙手張開向前撥亦能夠進一步封考射門角度。由於相對較為被動，所以需要門將同個波大概得返3碼距離先至比較有效。
5. Engage & Spread (出迎並以大字/星型嘗試擋出射門)
以往較多 5人足球門將使用，近代開始普及至11人足球嘅技巧。相對較為被動但安全嘅方式，比較適合於正中間而且近距離（個波大概離門中心14碼以內）嘅單刀攻門。由於正中間嘅單刀射門角度較闊，所以對手射左右兩邊嘅機會較大，變相雙手雙腳同時攤開，盡量打開身體以嘗試封阻更多嘅射門角度。由於相對較為被動，所以需要門將同個波大概得返3碼距離先至比較有效。
不過要記住，同一個情況用較為建議嘅技巧都唔一定會救到，而唔用建議技巧都唔一定會失波。始終每人出迎速度同反應都唔同，再加上自己、隊友、對手同埋個波嘅位置都對每次嘅應對有好大嘅影響。而所謂嘅14碼距離都只係因應英超水平嘅門將出迎速度以及反應而得出嘅數據，所以大家記得要因應自己嘅能力搵一套適合自己嘅應對方法，而唔係一味好似機械人咁跟死一套方式而唔識得變通。
之前我地有拍過片講解有關處理單刀唔同情況時嘅應對方法，未睇過嘅新朋友可以到以下連結了解：
門將技巧101第二回：單刀1v1 （上）
https://youtu.be/t9R3MCgWUlo
門將技巧101第二回：單刀1v1 （下）
https://youtu.be/MeqhJ28w8Hk
單刀幾何學 - 封位與射門角度
https://football.fanpiece.com/goaliedaily/單刀幾何學-封位與射門角度-c1392290.html
單刀射出界唔一定係射手廢 門將封位大學問
https://football.fanpiece.com/goaliedaily/單刀射出界唔一定係射手廢-門將封位大學問-c1387956.html
上星期我地一篇有關艾達臣歐聯決賽嘅賽後評意外地引來較大迴響。好多人覺得我地咁都怪責龍門係雞蛋裏挑骨頭。有留意開本專頁嘅朋友都會明白，我地其實從來都唔係以一個怪責門將嘅角度出發。本專頁向來強調門將可以「做好啲」，意思唔係話一定要救到球波，只係如果佢地做到適當嘅決定，將會可以提高撲救率或對方嘅射門難度，減低失波嘅機會。艾達臣同鄉艾利臣因為利記戰術要求，亦要面對企位較出呢個問題，曾經都會因為輕出導致失球，但之後亦有所改善，所以艾達臣嘅問題並非不能解決。
龍門係一個成日被誤解嘅位置，單刀係咪要出迎？幾時出？或者出迎時用咩方法去封阻？以上嘅問題未必有一個既定答案，應對唔同情況可以有唔同嘅解決辦法，最後都係離唔開兩個目的：增加對方射門難度或增加自己撲救嘅成功率（例如增加反應時間或者縮窄對方嘅射門角度）。
根據門將分析師 John Harrison 所做嘅 19/20 英超球季單刀數據分析，對於五種英超門將最常見嘅單刀撲救技巧有以下嘅評價：
1. Engage & React (出迎但憑反應撲救)
由於門將已經出迎，門將同個波距離相對較近而令反應時間大大減少，仍然等對手先射門然後再靠自己反應做撲救，令撲救難度大大提升，所以於五種技巧中為最低效。
2. Engage & Smother (出迎並以手主動撲向波）
比較主動嘅一個技巧，當面對住近距離單刀（個波大概離門中心14碼以內）而門將完全失曬位時使用成效較大。但當面對比較花巧或埋門能力較高嘅對手，容易撲低對手引致12碼、直接被扭過或者被笠過。
3. Wait & React (回近底線等候並以反應撲救)
應對遠距離單刀（個波大概離門中心14碼以外）較夠適合。首先可以增加自己反應時間作，就算對方咁遠就射都仲有時間移步並作出撲救，二來可以拖延時間畀機會隊友回防施加壓力，三來可以避免被笠死嘅機會。但當對住近距離單刀相對較弱，因為門將已經唔夠時間因應射門而作出反應以覆蓋整個門框嘅範圍。所以當對方入到較近門嘅距離嘅時候，建議因為對手推進情況出迎並採用相關近距離單刀應對技巧。
4. Engage & Block (出迎並以 K 腳加雙手張開嘗試擋出射門)
以往較多 5人足球門將使用，近代開始普及至11人足球嘅技巧。相對較為被動但安全嘅方式，比較適合於偏側而且近距離（個波大概離門中心14碼以內）嘅單刀攻門。由於偏側嘅單刀射門角度較窄，所以對手射中間嘅機會較大，變相需用使用 K 腳防止被「通大細」，加上雙手張開向前撥亦能夠進一步封考射門角度。由於相對較為被動，所以需要門將同個波大概得返3碼距離先至比較有效。
5. Engage & Spread (出迎並以大字/星型嘗試擋出射門)
以往較多 5人足球門將使用，近代開始普及至11人足球嘅技巧。相對較為被動但安全嘅方式，比較適合於正中間而且近距離（個波大概離門中心14碼以內）嘅單刀攻門。由於正中間嘅單刀射門角度較闊，所以對手射左右兩邊嘅機會較大，變相雙手雙腳同時攤開，盡量打開身體以嘗試封阻更多嘅射門角度。由於相對較為被動，所以需要門將同個波大概得返3碼距離先至比較有效。
不過要記住，同一個情況用較為建議嘅技巧都唔一定會救到，而唔用建議技巧都唔一定會失波。始終每人出迎速度同反應都唔同，再加上自己、隊友、對手同埋個波嘅位置都對每次嘅應對有好大嘅影響。而所謂嘅14碼距離都只係因應英超水平嘅門將出迎速度以及反應而得出嘅數據，所以大家記得要因應自己嘅能力搵一套適合自己嘅應對方法，而唔係一味好似機械人咁跟死一套方式而唔識得變通。
之前我地有拍過片講解有關處理單刀唔同情況時嘅應對方法，未睇過嘅新朋友可以到以下連結了解：
門將技巧101第二回：單刀1v1 （上）
https://youtu.be/t9R3MCgWUlo
門將技巧101第二回：單刀1v1 （下）
https://youtu.be/MeqhJ28w8Hk
單刀幾何學 - 封位與射門角度
https://football.fanpiece.com/goaliedaily/單刀幾何學-封位與射門角度-c1392290.html
單刀射出界唔一定係射手廢 門將封位大學問
https://football.fanpiece.com/goaliedaily/單刀射出界唔一定係射手廢-門將封位大學問-c1387956.html
請按此登錄後留言。未成為會員? 立即註冊