https://player.vimeo.com/video/490568643
有時真係不得不佩服一啲英超中游球隊嘅門將都真係高水平到不得了，話說琴晚水晶宮對熱刺嘅賽事當中，水晶宮門將古亞達同熱刺門將羅利斯其實都有上佳表現，特別係古亞達真係左飛右撲，不過兩位都同時犯上小失誤令到兩邊球隊各失一球，最終打成1:1平手。
當中古亞達嘅連翻撲救真係令人嘆為觀止，特別係臨完全場前哈利簡尼近門頭鎚定係迪亞嘅罰球，睇得出古亞達嘅 Set Position 同埋小跳步做得好好。當中佢嘅 Set Position 同手臂擺位高度適中，小跳步夠碎夠輕，令到佢嘅身體平衡唔會左搖右擺，Power Step 又夠曬力令到佢飛得夠盡。
不過好可惜嘅就係上半場哈利簡尼嘅一球遠射收死咗古亞達，而角度其實並唔算刁鑽，令到當時睇落古亞達好似犯咗好嚴重嘅錯誤咁。其實由龍門後面嘅角度睇返呢個射門，哈利簡尼呢下呢個無轉球射門事實真係喺一個好快速嘅時間內由飛緊向古亞達嘅右手邊再飄咗向古亞達嘅左手邊，再加上少少曲墜，令到古亞達呢下預判錯誤，最後成個身體平衡已經錯曬嘅情況下撲到個波都照入。
雖然呢個波確係有少少飄，中間突然嘅轉向就好似省到人改變方向咁，不過坦白講我認為以古亞達嘅身手同水平，以呢球嘅轉向幅度佢確實可以做得更好。除咗需要更加快閱讀到一個射門嘅變化之外，當下佢亦都比個波急速轉向影響咗佢嘅下半身準備動作，令到佢夠能量推走個波。其實古亞達落地已經落得算快，而且佢嘅左腳已經收得好快做 Negative Step，但右腳可能因為太心急嘅關係無好好踩實地下做 Power Step，最後只係向後屈曲住咁踩落地，變相根本產生唔夠足夠向左邊嘅力量去撲走呢球。
不過點講都好，呢下要古亞達喺電光石火一刻做咁多個決定你估話咁易咩，賽後連熱刺後備門將祖赫特都特登搵古亞達傾計，似乎就係同佢傾返呢個失波。睇黎祖赫特平時練波都比哈利簡尼成日用呢招無轉球收死，佢好有心得咁示範埋哈利簡尼嘅射門動作同埋似乎好明白呢球無轉球飄左飄右令到個撲救嘅難度提升咗唔少。而且從古亞達嘅表情都睇得出佢對於呢個失波都真係好唔甘心，因為我相信佢自己都知自己確係可以做得更好，希望佢下次再遇到呢啲無轉球嘅情況下可以臨危不亂咁成功撲救啦。
做一位守門員從來都唔係要你所有波都要救曬，而且判斷守門員好與壞都唔應該只睇個別一兩個失波，正如就算不失球都代表位門將完全冇做錯。不過每次失誤後都係一個學習機會，首先第一步要識判斷自己有邊方面做得唔夠好，而判斷亦都唔係只係一句「反應慢」或者「出得唔夠快 」就夠。特別對於本身能力已經好強嘅守門員要進步其實一啲都唔易，因為好多時睇落其實所有野看似已經做到足，但仔細睇清楚啲每一個微細動作，就可以慢慢睇到呢啲所謂嘅「小動作」其實影響深遠，咁之後先可以作出改進同進步。
「It's The Little Things That Make The Big Difference」
無波踢嘅日子，睇波其實都係個學習機會！引用返我地呢個 Page 嘅宗旨「守門員唔係用黎湊人數，一啲都唔悶之餘，就算業餘都可以踢得好 Pro!」，希望呢個 Page 可以燃起大家踢波力求進步嘅決心！
有時真係不得不佩服一啲英超中游球隊嘅門將都真係高水平到不得了，話說琴晚水晶宮對熱刺嘅賽事當中，水晶宮門將古亞達同熱刺門將羅利斯其實都有上佳表現，特別係古亞達真係左飛右撲，不過兩位都同時犯上小失誤令到兩邊球隊各失一球，最終打成1:1平手。
當中古亞達嘅連翻撲救真係令人嘆為觀止，特別係臨完全場前哈利簡尼近門頭鎚定係迪亞嘅罰球，睇得出古亞達嘅 Set Position 同埋小跳步做得好好。當中佢嘅 Set Position 同手臂擺位高度適中，小跳步夠碎夠輕，令到佢嘅身體平衡唔會左搖右擺，Power Step 又夠曬力令到佢飛得夠盡。
不過好可惜嘅就係上半場哈利簡尼嘅一球遠射收死咗古亞達，而角度其實並唔算刁鑽，令到當時睇落古亞達好似犯咗好嚴重嘅錯誤咁。其實由龍門後面嘅角度睇返呢個射門，哈利簡尼呢下呢個無轉球射門事實真係喺一個好快速嘅時間內由飛緊向古亞達嘅右手邊再飄咗向古亞達嘅左手邊，再加上少少曲墜，令到古亞達呢下預判錯誤，最後成個身體平衡已經錯曬嘅情況下撲到個波都照入。
雖然呢個波確係有少少飄，中間突然嘅轉向就好似省到人改變方向咁，不過坦白講我認為以古亞達嘅身手同水平，以呢球嘅轉向幅度佢確實可以做得更好。除咗需要更加快閱讀到一個射門嘅變化之外，當下佢亦都比個波急速轉向影響咗佢嘅下半身準備動作，令到佢夠能量推走個波。其實古亞達落地已經落得算快，而且佢嘅左腳已經收得好快做 Negative Step，但右腳可能因為太心急嘅關係無好好踩實地下做 Power Step，最後只係向後屈曲住咁踩落地，變相根本產生唔夠足夠向左邊嘅力量去撲走呢球。
不過點講都好，呢下要古亞達喺電光石火一刻做咁多個決定你估話咁易咩，賽後連熱刺後備門將祖赫特都特登搵古亞達傾計，似乎就係同佢傾返呢個失波。睇黎祖赫特平時練波都比哈利簡尼成日用呢招無轉球收死，佢好有心得咁示範埋哈利簡尼嘅射門動作同埋似乎好明白呢球無轉球飄左飄右令到個撲救嘅難度提升咗唔少。而且從古亞達嘅表情都睇得出佢對於呢個失波都真係好唔甘心，因為我相信佢自己都知自己確係可以做得更好，希望佢下次再遇到呢啲無轉球嘅情況下可以臨危不亂咁成功撲救啦。
做一位守門員從來都唔係要你所有波都要救曬，而且判斷守門員好與壞都唔應該只睇個別一兩個失波，正如就算不失球都代表位門將完全冇做錯。不過每次失誤後都係一個學習機會，首先第一步要識判斷自己有邊方面做得唔夠好，而判斷亦都唔係只係一句「反應慢」或者「出得唔夠快 」就夠。特別對於本身能力已經好強嘅守門員要進步其實一啲都唔易，因為好多時睇落其實所有野看似已經做到足，但仔細睇清楚啲每一個微細動作，就可以慢慢睇到呢啲所謂嘅「小動作」其實影響深遠，咁之後先可以作出改進同進步。
「It's The Little Things That Make The Big Difference」
無波踢嘅日子，睇波其實都係個學習機會！引用返我地呢個 Page 嘅宗旨「守門員唔係用黎湊人數，一啲都唔悶之餘，就算業餘都可以踢得好 Pro!」，希望呢個 Page 可以燃起大家踢波力求進步嘅決心！
請按此登錄後留言。未成為會員? 立即註冊