【 少一點批評 多一點欣賞 】
英超第 12 輪賽事由曼聯主場對住熱刺，雖然熱刺最後以 0：2 輸波而回，但其實佢地嘅門將羅里斯總共做出 8 次撲救，當中包括 3 次華舒福嘅射門都過唔到佢嘅十指關。
今次就想拎其中一球半單刀撲救出嚟同大家分析一下，當中羅里斯呢位職業門將同大家示範，單刀波係真係唔使下下都要衝出嚟先有更大優勢。
－－－－
21 分鐘，費特交出一球靚直線畀走緊戴亞身後嘅華舒福，而華舒福前面得返羅里斯，所以形成一個半單刀機會。羅里斯原本企喺大概小禁區頂前一碼嘅位置，由於佢見到費特球直線嘅力度可以令到華舒福隨時起腳，羅里斯一定無可能喺華舒福掂波之前趕得切出迎停低再封位，所以佢寧願褪後兩步，為自己增取時間做好準備同反應。
而華舒福最後都真係等個波碌多兩碌就第一時間射門，羅里斯喺個波仲碌緊嘅過程再褪後多兩步令自己有更多時間做撲救，並喺華舒福射門一刻做出小跳步。
個波離開華舒福隻腳三至四碼後，羅里斯已經極速觀察到射門力度同方向，立即收起右腳，令左腳先落地加力以及轉移重心，令身體能夠更加快轉向右邊，右腳腳掌亦都一直提起唔落地，避免令身體落地速度減慢，形成一個 Collpasing Save 嘅姿勢，最後以右手撲出射門。
不過都仲未講完，就係羅里斯似乎有觀察到如果將個波撲向門前，係有機會畀辛祖執雞。所以羅里斯並無硬橋硬馬將個波向前擋，而係穩陣啲向高向斜後方擋出底線。再次顯示羅里斯喺撲救過程，無論位置感、小跳步以及手法都係非常之好，值得大家參考。
－－－－
話說早兩個星期我地曾經出過一條片係香港乙組守門員撲救精華，其中一球就係類似羅里斯呢下咁，半單刀機會守門員知道出迎無著數，所以褪後幾步增加撲救機會，最後同羅里斯一樣成功撲出射門。似乎嗰條片都吸引到唔少第一次睇我地專頁嘅場區朋友，話係業餘所以單刀唔出先救到，職業唔出死硬，又話純粹前鋒射得差，唔關守門員事。
而華舒福呢球當然都走唔甩，總有球迷會覺得純粹係佢處理得唔好，唔關羅里斯事。其實又有無諗過，前鋒射得差只係個結果，咁點解佢會射得差？有無可能就係因為守門員嘅位置感，令到佢需要考慮嘅嘢多咗，從而影響射門質素？如果守門員唔係企呢個位，佢仲會唔會咁樣處理呢？技巧固然重要，但落到場識唔識做好嘅 Decision Making 更加緊要，踢波係真係要用腦的。
當然實際情況要位前鋒自己先會知，任何人包括我同你都無可能對於射手嘅決定同執行落一個 100% 肯定嘅結論。但我知道由過程當中，無論係羅里斯定係上一條片嘅香港乙組守門員都好，佢地都用上當刻對自己最有利嘅方法守住大門，而且成功做到佢地想要嘅效果。
射單刀同撲單刀要運？我認同呀，其實點止單刀，踢波本身甚至所有運動都要講運。但你有無做好自己，令自己成功嘅機會率盡量提升，令運氣更加容易降臨喺自己身上呢？前鋒射得差？可能係嘅，但有無諗下點解會咁？不如索性試下少啲批評，多啲欣賞下讚下唔會隨波逐流，敢於自己話事要出就出，要褪就褪嘅守門員？
英超第 12 輪賽事由曼聯主場對住熱刺，雖然熱刺最後以 0：2 輸波而回，但其實佢地嘅門將羅里斯總共做出 8 次撲救，當中包括 3 次華舒福嘅射門都過唔到佢嘅十指關。
今次就想拎其中一球半單刀撲救出嚟同大家分析一下，當中羅里斯呢位職業門將同大家示範，單刀波係真係唔使下下都要衝出嚟先有更大優勢。
－－－－
21 分鐘，費特交出一球靚直線畀走緊戴亞身後嘅華舒福，而華舒福前面得返羅里斯，所以形成一個半單刀機會。羅里斯原本企喺大概小禁區頂前一碼嘅位置，由於佢見到費特球直線嘅力度可以令到華舒福隨時起腳，羅里斯一定無可能喺華舒福掂波之前趕得切出迎停低再封位，所以佢寧願褪後兩步，為自己增取時間做好準備同反應。
而華舒福最後都真係等個波碌多兩碌就第一時間射門，羅里斯喺個波仲碌緊嘅過程再褪後多兩步令自己有更多時間做撲救，並喺華舒福射門一刻做出小跳步。
個波離開華舒福隻腳三至四碼後，羅里斯已經極速觀察到射門力度同方向，立即收起右腳，令左腳先落地加力以及轉移重心，令身體能夠更加快轉向右邊，右腳腳掌亦都一直提起唔落地，避免令身體落地速度減慢，形成一個 Collpasing Save 嘅姿勢，最後以右手撲出射門。
不過都仲未講完，就係羅里斯似乎有觀察到如果將個波撲向門前，係有機會畀辛祖執雞。所以羅里斯並無硬橋硬馬將個波向前擋，而係穩陣啲向高向斜後方擋出底線。再次顯示羅里斯喺撲救過程，無論位置感、小跳步以及手法都係非常之好，值得大家參考。
－－－－
話說早兩個星期我地曾經出過一條片係香港乙組守門員撲救精華，其中一球就係類似羅里斯呢下咁，半單刀機會守門員知道出迎無著數，所以褪後幾步增加撲救機會，最後同羅里斯一樣成功撲出射門。似乎嗰條片都吸引到唔少第一次睇我地專頁嘅場區朋友，話係業餘所以單刀唔出先救到，職業唔出死硬，又話純粹前鋒射得差，唔關守門員事。
而華舒福呢球當然都走唔甩，總有球迷會覺得純粹係佢處理得唔好，唔關羅里斯事。其實又有無諗過，前鋒射得差只係個結果，咁點解佢會射得差？有無可能就係因為守門員嘅位置感，令到佢需要考慮嘅嘢多咗，從而影響射門質素？如果守門員唔係企呢個位，佢仲會唔會咁樣處理呢？技巧固然重要，但落到場識唔識做好嘅 Decision Making 更加緊要，踢波係真係要用腦的。
當然實際情況要位前鋒自己先會知，任何人包括我同你都無可能對於射手嘅決定同執行落一個 100% 肯定嘅結論。但我知道由過程當中，無論係羅里斯定係上一條片嘅香港乙組守門員都好，佢地都用上當刻對自己最有利嘅方法守住大門，而且成功做到佢地想要嘅效果。
射單刀同撲單刀要運？我認同呀，其實點止單刀，踢波本身甚至所有運動都要講運。但你有無做好自己，令自己成功嘅機會率盡量提升，令運氣更加容易降臨喺自己身上呢？前鋒射得差？可能係嘅，但有無諗下點解會咁？不如索性試下少啲批評，多啲欣賞下讚下唔會隨波逐流，敢於自己話事要出就出，要褪就褪嘅守門員？
請按此登錄後留言。未成為會員? 立即註冊