【 睇見個樣都感受到有幾「痛」- 辛加利 】
非洲國家盃正進行緊小組賽賽事，塞拉利昂喺第一場守和上屆冠軍阿爾及利亞已經夠曬神奇，今場又可以同傳統勁旅科特迪瓦踢成 2：2 拎多一分，實在好嘢。當然門將卡馬拉兩場嘅表現都不俗，今場仲撲出埋 AC 米蘭球員基斯嘅 12 碼，值得一讚。
不過今次想講嘅唔係卡馬拉，而係科特迪瓦嘅門將辛加利 (Badra Ali Sangare)，因為塞拉利昂成功拎到一分，同佢臨完場前嘅一個「失誤」有非常大嘅關係。
賽事去到 90+3 分鐘嘅補時階段，科特迪瓦仲係以 2：1 領先緊。後備上陣嘅後衛古索奴頭鎚頂後畀辛加利，由於個波嘅路線距離辛加利有少少距離，令辛加利需要全速跑去追返個波。
當辛加利起跳雙手接實個波之後，右腳先落地。點知膝頭食曬落個爛草到，成個下半身彈起咗，令到辛加利上半身壓曬落地，個波就由手中經過心口甩咗出嚟。之後就畀無放棄仍然有追上前嘅前昆士柏流浪及利物浦球員哥卡拎到個波而且傳中，隊友 A. 卡馬拉成功接應並射入為塞拉里昂追成 2：2。
首先睇住辛加利甩咗手之後望住個波畀人偷咗個慘樣，真係睇見都覺得心酸 🥲 然後仲要因為呢下扭傷埋，要由擔架抬出。而科特迪瓦換人名額又用曬，唯有要效力維拉利爾嘅奧希爾做住守門員頂埋最後幾分鐘先。
呢下後衛古索奴雖然頂離龍門框比較遠令辛加利要追出去，不過又確係點都好過頂向門框方向嘅。而辛加利救球心切就偏偏遇上爛草地。雖然都可以話佢衰姑寒，確係大可以撲或者踢出邊線或者底線，不過辛加利接波一刻離底線都仲有少少距離，有信心接實同埋減速停得切又好似怪唔曬佢。不過臨完場贏緊一球係咪可以再安全再穩陣啲呢？
比著係大家遇到呢個情況，呢球又會點處理呢？
科特迪瓦 對 塞拉利昂 精華 (完場前入球 5：52）
非洲國家盃正進行緊小組賽賽事，塞拉利昂喺第一場守和上屆冠軍阿爾及利亞已經夠曬神奇，今場又可以同傳統勁旅科特迪瓦踢成 2：2 拎多一分，實在好嘢。當然門將卡馬拉兩場嘅表現都不俗，今場仲撲出埋 AC 米蘭球員基斯嘅 12 碼，值得一讚。
不過今次想講嘅唔係卡馬拉，而係科特迪瓦嘅門將辛加利 (Badra Ali Sangare)，因為塞拉利昂成功拎到一分，同佢臨完場前嘅一個「失誤」有非常大嘅關係。
賽事去到 90+3 分鐘嘅補時階段，科特迪瓦仲係以 2：1 領先緊。後備上陣嘅後衛古索奴頭鎚頂後畀辛加利，由於個波嘅路線距離辛加利有少少距離，令辛加利需要全速跑去追返個波。
當辛加利起跳雙手接實個波之後，右腳先落地。點知膝頭食曬落個爛草到，成個下半身彈起咗，令到辛加利上半身壓曬落地，個波就由手中經過心口甩咗出嚟。之後就畀無放棄仍然有追上前嘅前昆士柏流浪及利物浦球員哥卡拎到個波而且傳中，隊友 A. 卡馬拉成功接應並射入為塞拉里昂追成 2：2。
首先睇住辛加利甩咗手之後望住個波畀人偷咗個慘樣，真係睇見都覺得心酸 🥲 然後仲要因為呢下扭傷埋，要由擔架抬出。而科特迪瓦換人名額又用曬，唯有要效力維拉利爾嘅奧希爾做住守門員頂埋最後幾分鐘先。
呢下後衛古索奴雖然頂離龍門框比較遠令辛加利要追出去，不過又確係點都好過頂向門框方向嘅。而辛加利救球心切就偏偏遇上爛草地。雖然都可以話佢衰姑寒，確係大可以撲或者踢出邊線或者底線，不過辛加利接波一刻離底線都仲有少少距離，有信心接實同埋減速停得切又好似怪唔曬佢。不過臨完場贏緊一球係咪可以再安全再穩陣啲呢？
比著係大家遇到呢個情況，呢球又會點處理呢？
科特迪瓦 對 塞拉利昂 精華 (完場前入球 5：52）
請按此登錄後留言。未成為會員? 立即註冊